دق الباب جريت علي المنشفة ودخل قال
-شنو الببكيك كدا ممكن افهم؟.
مسكني من خصري زحيته مني وقلت
-بعد عني م تلمسني😭
-سالي في شنو؟
-بس خليك بعيد😭.
بعد عني وهو مستغرب قال
-قولي لي في شنو حصل شنو.
مسكت على تيشيرته بوجع وضربته على صدره وقلت
-اوعى على نفسك انا م ميسندرا م تقرب علي😭.
بعد عني بسرعة وبإستغراب قال
-انتي بتقولي في شنو؟
-انا صح كنت عارفة انك م بتحبني بس بتاخد حقوقك وبتقضي واجباتك😭بس م تكون معاي وعقلك وقلبك عند وحدي تانية ﻷ😭انا بقيت بكره نفسي انا تعبت😭.
نزلت المنشفة من كتفي كنت مشخبطة علامته قلت
شوف😭💔.
لمسها وقال
-ليه عملتي كدا؟.
صرخت بوجع وقلت
-م قادرة اسمع صوتك انا اطلع مني😭.
عاين لي وطلع قعدت ابكي بعد فترة هديت طلعت لبست ونزلت ما كان في غير الشغالات طلعت المرسم بقيت برسم بعصبية ومشيت اقرا شوية وسمعت صوت بيبي طلعت لقيت عدنان شايل ميهان وماشي على غرفتنا م اشتغلت بيه ورجعت المكتبة قعدت اقرا كدا وعلشان تاني يوم كان في مدرسة مشيت ابدر من مواعيد نومي الغرفة لقيت عدنان نايم وماسك ميهان شكله كان بنوم فيها وهي صاحية ابتسمت ليهم واتسطحت ميهان عاينت لي وضحكت التفتت عليها وبقيت بشاغلها وهي بتضحك جات علي شوية شوية وضربتني وقعدت تضحك بوستها وضميتها ونومتها وبديت اغفى حسيت بعدنان بغطينا فتحت عيوني باس خدي وبعد نزلت ميهان من صدري والتفت منه بزعل وكملت نوم صحيت الصباح كان هو و ميهان مافي قمت ادوشت ونزلت كان بديها في حليبها وبلعبها شلت مفتاح عربيته من قدامه وطلعت كان بعاين لي بغرابة م اشتغلت بيه مشيت المدرسة وعدا اليوم عادي طلعت الكافيه وفضلت هناك لحد المغرب بعداك رجعت البيت لقيت عدنان ماشي وجاي بعصبية ومعاه مدير المدرسة واستاذي اول م شافوني طلعوا انا مشيت على السلم وقفني صوته
-كنتي وين؟😡.
التفت ليه وقلت بإبتسامة
-وانت مالك؟
-انا راجلك لو متذكرة يا هانم😡
-انت متذكر وعارف انا منو؟.
صرخ
-سالي😡
-امم نعم في حاجة مهمة؟.
كان جاي علي ربعت يديني جراني على طرف السلم من ايديني قال
-بتكلم معاك كنتي وين؟
-م ليك دخل.
والتفت منو بالجهة التانية دخل يده تحت القميص ومسكني من ضهري لصقني عليه عاينت ليه بحدة قال
-م ح تقولي؟.
مسكت على تيشيرته ولزيته لورا لحد الحيطة طلعت على رجوله وهمست
-م تفكر انك ح تلعب علي واياك تاني مرة تحاول تلمسني.
فكاني بخلعة عاينت ليه بإستهزأ ومشيت انا زاتي م كنت متوقعة ياخ ح اعمل كدا💔تاني يوم بعد رجعت من المدرسة عدنان كان في مكتبه طلعت غرفتي لقيت ميهان نايمة دخلت ادوشت سمعت صوتها بتبكي لبست المنشفة وطلعت ليها شلتها وبديت اسكتها قعدت بيها وختيتها على رجولي ولعبتها شوية وهدت عدنان جاء داخل رقدتها وقمت دخلت غرفة الملابس غيرت والتفت لقيت عدنان في الباب متكل عليه ومربع ايديه جيت مارة بيه جراني من يدي عليه قال
-مشكلتك شنو؟.
اشرت بأصبعي على قلبه عاين لي بإستغراب قلت
-انت ك راجل م بتعاين لأم بت أخوك و انت متزوج الأحسن منها.
فكاني وضحك قال
-انتي شايفة انك احسن منها؟😂
-بكتير بدليل انك جانن علي حسي.
وختيت اصبعي على قلبه كملت
-امم كان ممكن حسي تكون بتقنعها تتزوجك بدل تحاول معاي علشان اتكلم معاك م حاجة غير😂.
زحيت منه وهو طلع من الغرفة ومعاه ميهان مشيت اتسطحت وانا ببكي💔انا بحبو اعمل شنو؟😭💔.مرت ساعة وشوية وانا بديت شوية اغفى الباب فتح ودخل عدنان اتسطح قصادي التفت منه جراني عليه وضماني التفت وبقيت بضربه علشان يفكني
-بعد عني وخليني في حالي.
بقيت بفرفر وانا بضربه وببكي زي الشفع مسك رجولي وضماني شديد لحد م هديت مسح لي دموعي وباس راسي وشفايفي مسكت على تيشيرته عاين لي بإبتسامة ورجع بوسني صحيت الصباح كان نايم اتذكرت اني وحدة حيوانة وسلمته نفسي بسهولة💔فتحت الدرج براحة وشلت ورقة صغيرة وقلم كتبت فيها
#اكره نفسي حين يستسلم لك جسدي فأصبح بعيدة عن واقعي...
اتلفيت وقمت علقتها على باب الحمام ودخلت ادوشت وطلعت لقيته مافي وحتى الورقة اتجهزت للمدرسة وشلت مفتاح عربيتي ونزلت العربية لقيته معلق على المراية
-#وانا احبك حين تولعين بي وتولعيني بك...
#انا اغرم بك حين تدركين نفسك وقد فات الأوان على البعد...
#انا اجن كلما اراكي بعيدة عن واقعك ومعي وبين يدي حبيبتي...
#ارى انني لست الواله الوحيد هنا حبيبتي...
