عدنان جاء داخل قعد جمبي التفت منو قال
-ممكن نتكلم بخصوص اهلك؟.
رفعت راسي عاينت ليه مسك يدي وقال
-ماما مارينا عيانة يا سالي💔.
فكيت يدي منو وقمت
-انت بتقول في شنو؟.
نزل راسه قعدت وختيت يدي على راسي قلت
-ودا اي مرض سافروا ليه شهرين؟.
اتنهد وقال
-كانسر في الرحم💔.
عاينت ليه بوجع وضماني عليه قلت
-كانت معاي من وانا طفلة ليه حسي انا اعرف متأخر كدا ليه م وريتني؟💔
-حالتك انتي والأولاد م كانت بتسمح وحتى هي رفضت بعدين خلاص قربت و ح تتعالج💛.
هزيت راسي بﻷ بعدته عني رجع ضماني تاني بعدته رماني على السرير ومسك يديني وفضل يعاين لي تلفوني ضرب جريت يدي منو ورديت كان وافي
-سالي انتي مشيتي وين ياخ؟😬
-وافي انا في بيت بابا😧
-ومشيتي كيف في الشوارع دي؟
-في شنو؟
-في مظاهرات والشوارع اتقفلت ح احاول اجيك م تطلعي اياك يا سالي والباب م تفتحيه لأي زول.
قلت
-طيب م تطلع انا كويسة م تخاف ومافي حاجة حتتنا هادية
-طيب طيب يلا علشان طالع من المدرسة يادوب
-خلي بالك
-حاضر ان شاء الله وزي م قلت ليك م تطلعي
-حاضر.
قفلت منو عدنان ضغط على اسنانه وقال
-البخليه يضرب ليك شنو؟
-أكيد م نفس العملته انت مع ام بته😊
-سالي😒
-نعم؟.
باسني لفيت يدي على رقبته وهمست
-متين ح توقف ظلم يا عدنان متين💔
-انا ظالمك صح
-م انا وبس انت اب يا عدنان اب لأربعة يعني ظالمنا كلنا عارف؟.
خت راسه على رقبتي وقال
-اعمل شنو انتي المعندة كانت لحظة شيطان😪
-لحظة شيطان وانت بتخوني؟ لحظة شيطان وانت بتهيني وبتضربني؟ لحظة شيطان وانت كنت ح تموت اولادنا؟ م تغش على نفسك م حد متضرر غيرك ﻷنو.
خت يده على بطني وقال
-انا اسف
-اسف؟
-على كل حاجة وعلى ظلمي ليكم وعلى ضربك وعلى انانيتي وعلى إيهانتك وعلى حبي القاسي و على عصبيتي و على حدتي و على تملكي واسف على حياتي💔.
بعد عني وفضل يعاين لي قلت
-على حياتك؟.
ابتسم مع دموعو وهز راسه قال
-لو م كنت في م كان حسيتي بدا كله 💔.
ختيت يدي على يده العلى بطني قلت
-انت لو م كنت في م كان ديل ح يعيش و يتزرعوا.
شلت يده وختيتها على قلبي
-و م كان دا ح ينبض.
شبك يده مع يدي وباسني ختيت يدي على خده ومسحت دموعه باس يدي وقال
-يلا اوصلك البيت💔.
هزيت راسي بﻷ رفع حاجبه بإستغراب سمعنا صوت هتاف وكوراك قام وطلع البلكونة اتسطحت بالجنبة وعاينت ليه وقف وبقى بعاين بإستغراب قلت
-في شنو؟.
م رد قمت وانا بفك في شعري قلت
-عدنان في شنو؟
-خليك جوة بس.
انا كنت وصلته كان في ناس كتار بكوركوا وبهتفوا مسكت يده قال
-مظاهرات💔.
عاينت ليه بإستغراب قال
-الناس م دايرين الحكم دا لانو اي حاجة بقت غالية والناس م قادرة تعيش.
هزيت راسي بتذكر قال
-يلا ندخل
.هزيت راسي بﻷ وعاينت ليه بإبتسامة وقلت
-خلينا عايزة اشوف
-امم م ح يمشوا اسي ادخلي ادخلي.
هزيت راسي بﻷ اتنهد وشالني قلت
-عدنان ياخ م ممكن😢
-م ممكن في عينك ادخلي ادوشي وح اخليهم يختوا الغداء علشان تاكلي يا شاطرة.
هزيت راسي بلأ نزلني جمب الحيطة ولصقني عليها قال
-م عايزة؟.
هزيت راسي بأي قرب على زيادة وقال
-متأكدة؟
هزيت راسي بﻷ لزيته وقمت جارية غرفتي ادوشت ولبست اسكيرت في نص الفخذ ابيض بأزرق و تيشيرت ابيض وخليت شعري فاكي و نزلت كان واقف بتكلم في التلفون ومديني ضهرو ومدخل يديه على جيبه مشيت لقيت الشغالة بتخت في الغداء ابتسمت لي ساعدتها ومشت عدنان جاء قعد اكلنا وقال
-اطلعي نومي بعد كدا كفاية☺
-المغرب ح يأذن يادوب انت مجنون؟
-م مشكلة نومي واصحي بدري.
حمرت ليه وطلعت خليته مشيت المرسم قعدت اتذكر كيف كنت بقعد هنا متضايقة وبطلعه في الرسم قعدت ارسم عن الناس البرا و اتخيلت معاناتهم شوية وسمعت اصوات صريخ وضرب نار نزلت تحت جري لقيت عدنان واقف في باب الجنينة بتاع البيت جريت ضميته قال
-خايفة؟.
هزيت راسي قال
-م ح يحصل شيء.
دموعي نزلت قلت
-في شنو!
-علشان يفضوا المتظاهرين
-ويضربوهم نار؟
-مع الاسف هنا البلد مستبيحة الدم.
قعدت ابكي مسح على شعري قال
-بطلي بكى انتي كدا م ح تعملي شي غير تتعبي نفسك.
تلفوني ضرب طلعته من جيب التيشيرت وكان وافي قال
-سالي انتي كويسة؟
-امم
-انا في شارعكم بس ناس الأمن م خلوني ادخل م تخافي طيب؟ انا ح اتصرف
-ﻷ ﻷ وافي ارجع البيت ح يضربوك😢.
عدنان جرا مني التلفون وقال
-يا زفت انا معاها ارجع بيتك😒....وافي ارجع البيت م ناقصين مصايب نحنا😡.
قفل في وشه ولف وشه مني ابتسمت وقلت
-على فكرة هو المفروض يكرهني ويكرهك م انت المفروض تعامله كدا
-يكرهك؟
-مرت اخوه الخانه مع ام بته ولى شنو؟.
عاين لي بعصبية وصرخ
-سالي هو الخاني معاها وجاب منها ميهان م انا😡.
قلت
-رابطكم خاتم بس كان،،اما هم بت وكمان بتهم.
جراني عليه من نصي وخت جبهته على جبهتي وقال
-طيب نحنا م ح يفرقونا لا هي لا هو ﻷنو رابطنا اكتر من بت.
ابتسمت ليه قال
-اوكسجين روح ونبض واحد ووله.
نزل باس بطني وقال
-واربعة تؤام حلوين💚.
ابتسمت ليه
