#فوبيا_الحب ❤
الحلقة[46]
رنت ابراهيم مقفل رنيت ع احمد
احمد طلع في شارع : ايوه
انا : حمادي انس قاعد
احمد : ابراهيم وانس وايوب مش حضرين عشاء عندهم موضوع هم وشباب تبو حاجه
انا : لالا نسأل بس رنيت ماردش عليا
احمد : لا تمام مافي شي
انا : باهي انت كنه صوتك
احمد : مافي شي غير تعب عمل اسبوع كله
انا : سناء حتي هيا مش عارفه كنها
احمد : لا تمام مافي شي هيا سلام
انا سكرت من احمد قلت اللي قاله ليا للالاء وردينا قمعزنا احمد دز مسج للسناء "نحبك ومش قادر نستوعب فات اسبوع كامل مادوينش ورن ماترديش ردي عليا نبيك" ورن ماردتش دز مسج اخري "ردي حبيبي توا ندويلك اي حاجه تبيها " ورن ردت
باسم جاء :وين ياطيري
احمد نزل تلفون : هي شويه وخاش تعشو نا مانبيش
باسم : توا نرجاك بسرعه بس
خش باسم احمد رد تلفون
احمد : ايوه حبيبي
سناء تعبانه : أالو
احمد انفجع : كنه صوتك هكي
سناء : قولي حاجه هيا
احمد : شكلك مريضه صح
سناء تبكي : قولي هيا تعبتي راه
احمد : تي خلاص توا كنك تبكي عليك موال قيسه هو
سناء تبكي
احمد : سكري اني جاي نا وباسم نشيلوك مستشفي
سناء : كان ماتبيش تدوي تعال خوذ دبشك مش تشيلني مستشفي
احمد : حاا
سكرت في وجهه واحمد رقاله خش لقي باسم مصبي احمد : باسم صبي نشيلو سناء للمستشفي
وباسم : انت لا كلملي هلي توا نروح بيهم ونشيلها
واحمد قريب ينفجر معش عرف شن يدير دزلي مسج "ايلاف بعد تشيلوها طمنيني عليها"
رن عليا باسم
انا : ايوه
باسم : هيا اطلعي قاعد نرجى في سياره
انا : حبيبي مازال
باسم : عندي موضوع لازم نرد للحوش
انا : حاضر باهي نلبس بس
صبيت شفت مسج لكن مافتحتش قعدن يسالن فيا قتلهن باسم عنده عمل حطيت علي حمادي بيوض عشان ماجيتش الا يوم طلعتها من مستشفي ويوم اسبوع بس لبست وطلعت جاء مسك يدي احمد
احمد : ايلاف نفس ماقتلك
انا : شن قلتلي
احمد : في مسج دزيته لكي باسم توا يفهمك
انا رفعت خماري : تي شن في كنكم
باسم نزل فتحلي باب نزل خمار : قصه كعب هذا هيا تصبح ع خير
انا ركبت
احمد : وانت بخير
باسم بيبله علق طول طلع
انا : حبيبي شن في
باسم : في شي ما تنفجعش غير رنت عليا امي تبي حاجات بعدها سناء طاحت مش عارفه كنها
انا انفجعت يعني لها اسبوع جوها شين واحمد قالي نفس ماقتلك معش فهمت فتحت تلفون قريت مسج رنيت ع سناء مقفل رنيت ع اسماء
اسماء : الو
انا : ايوه كنها سنيوه
اسماء : و الله ماني عارفه جاها محمود توا شافها عدا الصيدليه
انا : نحن في طريق قريب نوصلو بس عطيها ليا نسمع صوتها
اسماء : هي خليك معايا ع خط
باسم : افتحي مايك
انا فتحت قعدت نرجى لين سمعت صوت سناء
سناء : ايوه
انا : ايوه شن جوك ياسنيوه
سناء : الحمد لله
انا : شن صار معاك
سناء : محمود قالي هبوط من قلة ماكله
انا : انتي ما تأكليش صح
سناء : لا ناكل لكن مش عارفه كني
انا : باهي توا نوصل ونغير ونجيك
باسم : تبي حاجه يا سناء
سناء : لالا سلامتك
انا : باي
سكرت ومنها شويه وصلنا خشيت نا للحوشنا غيرت وغسلت وجهي وجسمي بالمره ودهنت جسمي وصليت العشاء وتعطرت وطلعت باسم خش للفيلا جيتهم لقيتهم كلهم عندها
انا : سلام عليكم
كلهم : عليكم سلام
انا قربت من سناء : حي حي كنك يا مرات خويا
سناء بحت فيا ونزلت عيونها : شي هبوط بس
انا بحتت في اسماء وشيرتلها بمعني كنها
اسماء شيريت بعدين ندوو
عميمه : ماني عارفه كنها كانت معانا انديرو في موالح بكرا عرب اسماء جاين رن تلفونها طلعت بعدها ردت قمعزت معانا صبت تبي تشرب اميه طاحت داخت نا كنت نكلم في باسم نوصي فيه ع حاجات طاحت قدامي
حنين : فجعتنا كلبه
زينيب : لنقانها فجعتنا
باسم : كنك ما تأكلي يافرخه انتي بروحك عظم
سناء : توا ناكل
حنين : حتي مستشفي مابتش تعدي
محمود خش : سلام عليكم
نحن : عليكم سلام
محمود : شن صار في مريضه
محمد : شوف اختك واسكت
باسم : يفشك علينا ع اساس خليها ساكته
محمود قرب من سناء ونا صبيت : باسم فوتني
باسم شيرلي عشان نجي جنبه وعديت : غير قولنا كنها خير ما نشيلها اقرب مستشفي بدون جميلك
محمود يركب في تغذيه : اسكت خير مافيش واحد براني خواتك وصباينا
محمد : شن كويسه توا وانت كملتها دوه
محمود : اها تمام
محمد وزينب : تصبحو ع خير
نحن : قدامكم خير
وعميمه طلعت لحقتها رحاب
انا تلفوني رن بحتت لقيته احمد وخرت شويه : ايوه حمادي
احمد : شن صار
انا : هبوط ماتاكلش محمود جيبلها تغذيه ودواء في حوش مابتش تعدي للمستشفي
احمد : عطيها ليا
انا : كيف هلها كلهم جنبها
احمد يعيط : ونا شن دخلني خطيبتي مش صاحبتي راه
عطيها ليا انا قلت
انا خفت : باهي
احمد : بسرعه
انا قربت من باسم ونزلت تلفون : باسم
باسم بصوت هااادي : عيونه نعليا نا من بنة عطر اللي ادوخ
انا ابتسمت : اطلع انت ومحمود احمد ع خط يبي يطمن عليها
باسم : نسيته بكل عطيه ليا
وكر الفون : ايوه يا بوه نسيب لوحه امتاعك تودع
احمد اووووووف : شن جوها يا راجل تفائل خير
باسم : مافيها ما تفائل خلاااص تودع عظم الله اجرك
احمد : غير فكنا يا راجل من كلام هذا
باسم : تعال خوذ حاجاتك بيش تعزي بالمره
احمد رقاله : خلاص تبو حاجه
باسم : هههههه سلامتك يا نصي
انا عفست ع كراعه باسم بحت فيا فنصت
باسم : هاك معاك ايلاف
انا خذيت تلفون
باسم : محمود تعال نبيك
طلعو من هنا ونا حطيت فون ع وذن سناء دغري
سناء بصوت هادي : ايوه
احمد : الحمدلله على سلامتك
سناء : الله يسلمك
احمد : من في جنبك
سناء : بنات بس
احمد : نبيك بروحك انا
سناء : تعبانه بكرا ندو
احمد بصوت هادي : بكرا هلي جينكم حبيبي نحبك نا راك تكسريني وتردي دبش سنيوه
شيرتلنا عشان نطلعو طلعنا ودمعتها في عينها
سناء تبكي : باهي كنك ادير فيا هكي شن درتلك انا
احمد : اسف والله ماقصدي بس نا ترقالي بعد معش تردي عليا نا شاريك يافرخه نبيك ليا و معايا كنك تعاندي انتي
سناء : وانا زي هبله نصدق صح تي نقولك كنت نحبك قبل حتي ما تخطبني تقولي بدايتها رهان كيف هذه قولي
احمد : باهي شن انديرلك انا توا
سناء قعمزت : تخليني في حالي تصبح ع خير
احمد تعصب : تعرفي تصكري وربي نجي ونقلب ### ام شارعكم فوق رووسكم كلكم من امبدري ونا هادي ونزازي بيك قلت اسف ونحبك ونبيك عليش حركات فرخات توا عاجبك الجو اسبوع انتي ما تاكليش وانا ما نرقدش
سناء ساكته
احمد بحت في تلفون ورده ع وذنه : ندوي نا خط مازال مفتوح
سناء رقدت : ماعندي ما نقول خليني نتريح تعبانه ونحس في انفسي مش قاادره ندوي
احمد : باهي تصبحي على خير
سكر وسناء قعدت تبحت في فون وحطاته شويه ورن بحتت لقاته
My love ❤
يتصل بك ...
سناء خذت تلفونها ورنت ع اسماء وجيناها خذيت فوني وبنات رقدن
.......
انس : يعني هذا جوك ياطيب
شاب : هذا اللي عندي ياخونا
انس : وانا قتلك شاب شوري
شاب : تي خويا راقد في مستشفي يا راجل
انس : باهي طلع جاته خفيفه نحلوها ودي فكونا من تكبير شطايح قول للخوك يتنزل ع محظر
شاب : لالا لازم من قبائل
انس : غير صلي علي نبي يا راجل من آخر انا بيدي انطلعه غير قلت خليه يتربى منها حق خوك بيش مايكبرش موضوع
شاب : عليه افضل الصلاة والسلام من آخر خويا يبي حقه وشايب يبي موضوع ينحل بالقبائل
انس : لا حول لله والله كان مش خاطب اخت صاحبي راه ماخشيت فيه موضوع بكل
شاب : خش للمربوعه انت وشباب تفضل
انس : لا والله سامحنا كان عطلتك عليك ياغالي
شاب : لا بجوده بيك في اي وقت انت سامحنا
انس : منور والله ديما طيب
ركب انس في سياره وشاب خش للحوش
انس : مانحلش الموضوع راسي خلاص قريب ينفجر
ابراهيم : تي فوت ### هله حتي انت فاضي
انس : كان مش اخت عبد الرحمن راه ماخشيتش في موضوع بكل وعطي فيها كلمه يا راجل من قبل مايموت عبدو الله يرحمه كلا سند مرخي تكه مايعرفش حتي يطلع روحه من موضوع كنت نقول فيها للعبدو زمان لكن يالله نصيب
ايوب في كرسي وراني : تعرف سند كان مش ولد عم عبد الرحمن وربي غرسته فيه الموس اللي طعن بيه شاب
انس : نصيب نصيب خلينا نعدو للبات عبدو توا
ابراهيم : تي حتي سي محمد مش عارف كيف عطه البنت ازف
انس علق وطلع : عبدو مش موافق لكن عمه دار طروح يهدا ع يد بنتكم وتوا يسيب ما يسيب كلب حتي باته مانحبش ### بكل نا
ابراهيم فاتح القزاز : اسمعو شوفو طرف بكلاوه
انس مابش يبحت : خزي ياكلاب نا ندوي في موضوع وانتم عقولكم خاربه
ايوب طلع من روشن : نعليا نا رقمك ياغزاله يا امي بالك نجي ناسب
البنت سكرت قزاز سياره هي وامها
ابراهيم : خش يا حاج حمد هههههه بنت تلاتك في ساس
انس زاد في سرعه : ههههههه لنقانهم #### من آخر
ايوب خش : مش هذك سماحه غير ابراهيم حول
ابراهيم : كذاب بنت طرف قصدك عشان ما بحتتش فيك
ايوب : عوي ياكلب انس تلفونك رن امبدري
انس بحت لقى انا : هذه البطه انظر كنها
ابراهيم : فوتها ليل رن بكرا
انس حط تلفون : حتي خوه منذر داير وجيج في معسكر
ابراهيم : حلها منذر
ايوب : اها جاني في معرض خذاله سياره ودارله انفكاك من كتيبه يا راجل مصبي مع خوه تصبايه صح ربي يحفظكم
انس : طايش شكله ويقهرو فيا فروخ مضاحك ازف
ابراهيم : انس امتي تبي تحل مواضيع بذات سفرتك ازف وانت كل مايقولك هيا تزرق مصاب غيرك
انس تنهد : والله انا مواضيعي ### كلهن ليا اسبوع نجري وراء سند كان مش عبدو بس والسبت عندي مشيه للصاحبي طالبني بإسم واسبوع اللي بعده طيارتي للاردن شهر ونروح وفي كم موضوع نبي نحلهن قبل كان مانحلنش مش عارف شن يصير
ايوب : من صاحبك هذا
انس : تي ميحه القصير ماعرفتش
ابراهيم : الاقراج هههههه خطير بكل درناوي صح وربي
ايوب : اهااا عرفته مازال عايش الطشه فستري كلا هو
انس : معش قعدت الا انا وهو وباقي شباب كلهم استشهدو ماشيله السبت في درنه
أبراهيم : كان قرده ماعندهش جامعه ماشي معاك مشرق
ايوب : حتي نا بس خلونا خميس وجمعه في مزرعه انباتو ونجيبو معانا شباب منطقه نقلبو امها وسبت نطلعو بدري
انس : اليوم شنو في ايام الله
ابراهيم : الأحد ياغالي
انس : نحلو موضوع سند بعدها ساهل
ايوب : كراعي ع كراعك يانصي
انس : شن ماشي نحارب وانت تقول مراتي
ايوب : ههههه مش شورنا نعدو حتي نغيرو جو كساد ازف
انس درس : ان شاء الله خير انزلو يا ####
ايوب و ابراهيم يضحكو
انس يدق ع باب بصوت عالي : سي محمد سي محححمد
طلع بات عبد الرحمن وقاله شن صار وعدو للكافي قعدو هما واصحابهم فستري وضحك لعند 2 وروحو
............
باسم : نعليا نا ع قمر
انا سلحت وشاحي وبالطو : هههه شن كنت ادير
باسم : نوتي للسهره "غمزلي"
انا : نجك ليا
بحتت للطاوله لقيته حاط مكسرات وبرونقز وزريعه وفاتح اغاني هاديات بكل ع منظومه ومعلي شويه
انا : حبيبي كنه
باسم : كني مادرت شي مازلت انسخن برا ملعب
انا فنصت : بااااسم
باسم : ههههههه تعالي تقوقعي ع صدري تعالي
انا قمعزت جنبه خذيت زريعه : واتيته بروحك
باسم : لا معايا جنون
انا بحتت فيه : سلام قول ربي رحيم
باسم كرني ع صدره : هههههه والله اضحكي امالا جدي العور اومتيهن بروحي اكيده
انا رفعت راسي بحتت فيه بصوت هادي : تعبت روحك حبيبي
باسم فك شعري : متريح انا
انا اول ما سمعت كلمه حسيت روحي مش عارفه كيف و معش تحركت
باسم قرب مني : نحبك
انا : نا الي نحبك ونموت فيك
باسم حضني : تعرفي أكثر حاجه فرحان بها انك قعدتي من نصيبي ومراتي وليا
انا : وانا فرحانه عشان خشيت حياتي غيرت فيا حاجات واجد
باسم وخر باسني في دقني : حبيبتي انتي فوبيتي
انا : حبيبي نبي نقولك حاجه
باسم : ديما يخطرن حاجات في وقت هذا
انا ضحكت : لا وآلله بس نبي نقولك شكله في مشكله بين سناء واحمد
باسم : عارف ونحن مادخلنش
انا : شن عرفك
باسم : احمد ماشاءلله عليه اشر مني بعد ترقاله يطحن في جدها مع ناس كلها حتي في صاله متعارك هو وبنقلا
انا : اها عرفتهم خوتي نا كلهم عصبين بس شن حل
باسم : الحل هما يلقوه مش نحن كل الأثنين في حالهم سناء واحمد مادخلهمش فينا ولا نحن ندخلو فيهم نبيش جو حساسيه
انا : اهاا هذا تفكيرك انت
باسم : والله نا تفكيري يقول رايفت عليك
انا ابتسمت : نحبك
باسم عضني ع .... : نعليا نا وخلاص شن عسل هذا
انا حطيت يدي ع مكان عضه : خزي عليك حبيبي ليش هكي شن درتلك توا
باسم : هك هك نا بعد تقعدي حدايا يركبني 70 عفريت مانتحملش لازم نحط بصمتي
انا صبيت : عليك سهره جنون وعفاريت نعدي نرقد خير
باسم صبي لحقني : ههههههه والله تجي يا فكرونتي
انا خشيت للدار وصبيت ع مرايا حسيت به خش : خزي شرير
باسم : شنو شنو ماسمعتش
انا ركبت فوق سرير : خلاص آخر مره
باسم ركب حتي هو : لا نبي نسمعها شنو قلتي
انا : شرير "وحطيت يدي ع فمي"
باسم طبس كر كراعي من لوطي طحت ع ظهري ومسك ايديا
انا : هييييي اااه راسي
باسم بصوت هادي : من شرير يا استاذه
انا : حبيبي خلاص معش نقولها حول
باسم : مش محول شن ضمانه انك معش تقوليها
انا : والله معش نقوله اه حلفت
باسم : مانبيش حلفان نا نبي فعل نبي اثبات "قعد يبحت في فمي"
انا نبحت في عيونه وفهمته : ومطلوب مني
باسم : فهمك كيفيه ياغاليه عليا لازم منها عقوبه هذه
انا : باسم شن جو ضرائب هذا
باسم : مافيهش باسم ازف وانتي قعديلي زي رسائل من فضلك اتصل بي وانا قعدت شركه مدار نرسل وما نستقبلش
انا قعدت نضضضحك
وباسم يبحت فيا مبتسم : تضحكي يافكرونه
انا دهشت : ههههه باهي اطلقني دهشت من ضحك
باسم : عليش نطلقكك
انا : خلاص براحتك عادي نا نرقد حتي هكي
باسم طلقني : هاا شن تبي اديري
انا قعمزت وباسم قعمز
انا قربت منه وحطيت يدي ع لحيته وصبيت ع ركابي وقريت منه بسته ع ....🙈
باسم انسجم معش صار فيها غير
رحنا في خبر كان...
..........
الاء فم باب مربوعه : وين كنتم
ابراهيم يأكل ويتفرج : شن دخلك
الاء : نطمن بس اصلا روحو بينا عمامي
ابراهيم وخر سفره و اتكى : جيبي عصير وطيري
الاء نبي نعرف كيف نقنعه يقول : احم هيما ماتبيش نحدلك ولا نمسحلك كويش كان بكرا عندك مشوار اصلا لبستك هذه ماعجبتنيش وشكلك ملبزها
ابراهيم بحت في تيشرت : كنت في كافي طاحت عليا شوكولاطه سنترا
الاء ابتسمت : عادي ياقلبي توا نقرضها لكي بصابون سوسي كنك ماجبتلي خيتك نا
ابراهيم : نا بروحي معزوم شن نقول للانس احسب معايا لوحه اللي في حوش
الاء : مش لوحه نا اكيده هو جاب لهبه ياقرقاض
ابراهيم : تحسابينا فضيلكم نذكروكن امشي طيري برا ياوجه اشكل
الاء : مش دايرتلك شي توا تشوف
ابراهيم : كنك حاله انتي مره تبكي ومره تضحكي
الاء : شيلني لرويعي
ابراهيم : بعد نفضي نشيلك اطلعي يابارده تعبان نبي نغير ونرقد
الاء : خزي نبي نقولك بكرا مانبيش نمشي جامعه
ابراهيم : احسن طيري
الاء خذت سفره غسلتها وطلعت خشت لدارها قعدت تفكر كيف تخلي انس يعرف بقصه حامد عشان يحرك روحه عشان هي عارفتها هو تقول نار من ابسط حاجه يولع بدون اي سبب يخليه ينفعل هو ديما منفعل فكرت فكرت بعدها جابت تلفون بحتت ساعه
الاء : هييي كني هبله نرن ع اوفي توا بنت اجوزت خساره قبل ننزلها حتي خمسه فجر نهدرزو ونركب يالله بكرا توا نقوله حي عليا كني ندوي بروحي صدق فيا نبي رويعي رسمي الله يسامحك ياانوسي ماخليت فيا حتي عقل
قعدت شويه ورقدت وهي تبكي وتفكر في انس
..........
انا فتحت عيوني
باسم يلبس : ارقدي ياروحي ماشي عمل
انا قمعزت : انديرك فطور
باسم : لالا تريحي حبيبي توا نشري من كافي
جاء باسني وانا مسكته من تيشرت
انا : دير بالك ع روحك
باسم ابتسم غمزلي : نفوت صاله ولا شنو
انا رقدت : هههه سكر ضي وانت طالع
باسم صبي : ساهل بعد نروح يا فكرونه
باسم طلع وانا رقدت نضت مع 12 ع رنت اسماء
انا : اووو تأخرت.. احم الو
اسماء : وين ياحنه صباحيه امباركه
انا : ههههه الله يبارك فيك
اسماء : هههه هيا تعالي يا مينه هلك وعربي جاين ورنو علينا صبايا عمامي حتي هنا
انا : صح هي هي اندير دوش ونغير ونجيكن
اسماء : بسرعه يا برنسيسه حتي غدانا ع نار سناء قالت رنو خلوها تجي
انا : نجكن ليا ساعه ونقعد عندكن
اسماء : تمام
صبيت لميت حوسه امس ضربت كيكه سريعه وحطيتها في كوشه وخشيت خذيت دوش تلفوني رن ماسمعتش طلعت جففت شعري طلعت كيكه ولبست قفطان طويل فيه شده من وسط ودرت روج بودري خفيف ورديت للمطبخ شربت عصير وحطيت كيكه في حفاظه دائريه لونها ابيض ولبست وشاحي لبست كندره واطيه وخذيت فوني وطلعت ورن بحتت لقيته باسم
انا صبيت : ايوه
باسم : صباح الخير
انا : هههه صباح النور ياروحي
باسم : هههه شن عسل هذا
انا : شنو مازلت في صاله
باسم : اها مازلت قلت نرن عليك نوضك
انا : نضت ودرت كيكه وماشيه للعميمه وبنات
باسم : الله أكبر ع نشاط
انا: تبي تجي للغداء
باسم : لالا ماشي متغدي عند فارس نبو نشروله بدله العرس
انا : تبي تعلن الطواري صاحبك بيجوز
باسم : ههههههه لا طواري لا سو توا نجيك في ليل
انا : تمام هلي جاين للسناء نبي نقعد في فيلا
باسم : خلاص تم حبي
انا : باي حبيبي
باسم : سلام سكرت وخشو عويل محمد جو سلمو قعدو يهدرزولي ع مدرسه وخشو وانا رنيت ع الاء
...........
الاء : الو سماني
ياسمين : ايوه شن جو
الاء : تمام شن جو عندك
ياسمين : جوي معفن مع ايوب وعاني ورد رقد
الاء : كنه ان شاء الله ابراهيم رقم الاثنين
ياسمين : تعدي معايا للمزرعه تلميها معايا يبي يكسد فيها هو وانس وابراهيم وشباب الخميس
الاء : اليوم الاثنين خليها الاربعاء
ياسمين : ايوب ما بش كلب
الاء : تمام من يبي يشيلنا
ياسمين : واحد منهم الكلاب حشاك
الاء : هههه تمام تكي عليا توا نقول لابراهيم كان هذا
سكرت من ياسمين رنت ع ابراهيم مابش يرد عليها دزلها "مش فاضي" ردت ع ياسمين قالتها ايوب راقد خايفه توعيه لكن توا نصرف انتي البسي يشيلنا حتي بابا
الاء لبست وتت روحها وقعدت ترجى رنت عليها ياسمين
الاء : ايوه
ياسمين : انزلي نا لوطي رصيدي بيفصل
سكرت
الاء كانت لابسه بنطلون أمريكي وتيشرت قصير وفوقها عبايه وحاطه توته عاديه في شكاره عشان تغير لمت شعرها وبخت عطر ولبست وشاح ونزلت لقت ياسمين راكبه في سياره انس من لاوراء
وانس يكلم في تلفون ويدخن
عدت ركبت جنب ياسمين
وانس يدوي في تلفون ومرفع حاجبه فيها : اوكي ياطيري منور منور تم بارك الله فيك لا والله مروح من عمل صبح عندي تم تجي نتفاهمو تعبتك معايا سلامتك ياراس سلام
انس سكر برم عليهن : خوتكن يرنو وانتن تحسابني سواق
الاء بحتت في ياسمين : صح صدق متعبينا انزلي قمعزي قدام انتي
ياسمين : والله ماهي صايره سلحت كويش وربعت حتي تربيع نبي نرقد نضت بسيف طيرو انتم الاثنين
انس برم ولع سياره : خلاص حلفت انزلي انتي
الاء قرصت ياسمين لعند عيطت وانس ولا كانه سمع حاجه نزلت وتخبط في بيبان طلعو من شارعنا ورن عليه رقم رد
انس يسوق : ايوه نعم"بحت في الاء " مش فاضي توا نرن عليك بعدين اها حتي انا هههه نتلاقو تمام سلام
الاء يبست ومعش قدرت قعدت تحك في ايديها في بعضهن وفتفتت منديل في يدها وكل مره واخذه منديل وتفتح في روشن وتعزق مناديل أول ما دموعها خنقوها مش وقتهن بكل قعدت تنزل في وشاح
انس بحت فيها : معش تفتحي روشن "سكر تأمينه من عنده"
الاء ساكته
انس خذا دسكه تامر حسني من كورسوت هي لمت عابيه هو بحت فيها ورفع حاجبه حط دسكه وقعد يقلب يقلب يقلب لعند حط ع اغنيه "ارجعلي" وعلها ومسك دومان بكرعيه ووولع دخانه وحط دخان وولعه بينهم وحط حتي تلفون ونفخ دخان جيهه الاء
الاء سمعت بدايه لحن اغنيه انقهرت وقعدن دموعها ينزلن ومنزله رأسها
انس بحت في ياسمين لقاها راقده نزل رأسه بحت في الاء بصوت هااادي : حبيبي "بداها هو تامر مع بعضهم"
بعدها سكت قعدو يسمعو وانس يدخن ومسكر قزازت.....
الاء خذت نفس وتبي ترد عليه سمعت مقطع "ارجعلي انا قلبي معك مش قادر انسي هواك يا حبيبي يا احلى ملاك ياروح الروح"
انس طفي دخان وفتح يده ع مارشه : تسمعي
الاء رفعت رأسها مسحت عيونها : خليني في حالي
انس ضغط علي سنونه ولع سبسي اخر : وربي كان مش ياسمين معانا راه قلبتها فوق راسك
قعدو يسمعو في اغنيه
جاء مقطع "انا تعبان من غيرك اسمعني وراضي ضميرك لو عادي تسبني لغيرك انا والله اموت"
انس قعد يدخن معش عرف كيف يصرف معاها ويبي يعيط غير ياسمين معاهم قعد يجري ويحرق في دخان
"ساكت ليه وهتعمل اي يا مالك روحي امري شوفت حصلي عشانك اي فرحني لو يوم في عمري"
الاء قعدت تبكي بصوت عالي معش قدرت وتسمع في اغنية وتنفس بالقوه
انس درس ع يمين وياسمين ناضت
انس طفي اغنية برم عليها : كنك تبكي
ياسمين : بسم الله كنك لولي
الاء تنفس بسيف : قزاز افتح قزاز
ياسمين : انت ادخن دكتوره آخر مره قالتها مش كويس افتح افتح
انس فتح رواشن ونزل فتحلها بابها شرط باكو مناديل وقعد ينش عليها وعطاها شيشه اميه عنده غسلها وجها مسحت بروحها قعدت تنفس لعند هدت وانس مصبي ويبحت فيها
ياسمين : جبتي دواءك
الاء هزت رأسها لالا
انس : حافظتيه نشريه لكي
الاء مابتش تدوي
ياسمين : رد بينا خلاص
الاء : لالا خلينا نظمو
انس سكر بابها وجاء ركب وكمل طريقه للمزرعه قعد ساكت ويمشي بشويش ويبحت فيها درس جاب عصاير وشوكولاطات وركب ومعش دخن لكن سكر قزاز سياره لعند وصلو نزلو ياسمين جابت كرسي الاء وقمعزتها وانس حط دخان و مفاتيح وتلفون جنب الاء عدا فتح المضخه وكرلها توبو قعدت ياسمين تحوس خشت تبدا بالحوش
انس رد بحت في الاء لقاها تفتش في تلفون مافيش باسورد طبعا
انس : اووي
الاء انفجعت طاح منها تلفون
انس ابتسم : لا لا كسرتي تلفون عاجبك توا كيف نهدرز نا
الاء : اجعنك ماهدرزت
انس قمعز ع وطي : توا عليش طروح هذينا مش تاسفت نا
الاء : في من كنت اتكلم في سياره
انس : عليش بكيتي
رن تلفون الاء ردت دغري
الاء : ايوه يااوفي
انا : شن جو
الاء : تمام قتلك قوليلهم موافقه
انا : شن تدوي انتي ع شن مواقفه
الاء : مش قلتيلي ولد عم باسم بيخطب قتلك موافقه
انس كان يلم في تلفون سمع كلمه رفع رأسه وفنص فيها
انا : تي كيف انتي وين
الاء : في مزرعه نظفو فيها عشان جمعه لنا وخميس يبوها شباب وجايبنا انس
انا : اهااا قولي هكي يامنجوها صار تنبشي في خويا
الاء : تمام خميس قوليلهم يتفضلو
انس كر تفون وسكر في وجهي وكر الاء من يدها وشالها بين سلخانه وكراسي يعني تباعد ع حوش الاء خافت وقلبها يدق
انس جاء مقابلها يدوي بعصبيه : هنا رأس كلمتين تسمعيهن وتحطي ### امهن في وذنك وربي الي خالقني كان يصير من موضوع اللي كنتي تدوي فيه قبل مقابله تكوني في مقبره فاهمه
الاء تدوي بخوف وكلام ماحويتك مايطلع منها : مش اللي جابني يجيب غيري نفس ما انت جابلك وكنت تكلم فيها حتي انا ربي جابلي
انس عيط : اين جاب هذه توا تحقي في ### امي نسيتك بيش نحب غيرك كنك حماره انتي
الاء قعدت تبكي : تي قدامي قلتلها حتي انا في سياره توا انت الي كذاب وانا نحسابك راجل نقول بنت عمه شرفه وعرضه مايلعبش عليا
انس قعد يخبط ع ساس ويعيط : كيف نحسابك راجل هذه انا راجل غصبن علي خشمك ،
الاء سكتت
انس : كنت نكلم في صاحبي قالي ماشي للدرنه قتله حتي انا كيف تفسري في كلام من دمنقلك مسكر هذا كيف تفهمي انتي قولي كيف
الاء مسحت دموعها : وبنت اللي في جامعه
انس وخر : استغفر الله يا ربي
الاء : تفكر في كذبه
انس فنص فيها : مش داوي هي
الاء بصوت هادي : عشان خاطري
انس : اوووف ياااااررربي اوووف
الاء : خلاص خلاص
انس : امشي ديري مع البنت
الاء : تبيش تقولي
انس عض لسانه وحط يده ع جبهته وخبطها مرتين مشاها ع وجهه وبحت في الاء عدت تجري
خشت قعدت نغسل مع ياسمين قالتلها طلعت مالقيتكمش قالتلها كنت في جيهه اخري انس مش عارفه كملن وانس روح بيهن في عشيه خش رقد من حرقت اعصاب بعد ناض هزب ايوب وابراهيم وعدا للاصحابه في معسكر
.............
خشيت قعدت نوتي مع بنات وسألني وينك قتلهن كنت نكلم في الاء قعدنا نهدرزو أنظمو وتغدينا رديت للحوش صليت طلعت فستان تركي شخشير كامل وكعب واستشورت شعري ومكيجت لبست عبايتي ورديت قعدنا نحوسو نحن وماريا تغسل وسيلا مريضه ورحاب قمعزتها ع كرسي وقعدت نا وحنين بس وعميمه وزينب مع عرب اسماء ساعه 6 خشو هلي ماما وهاجر وهبه جابهم احمد وعدا وجابو معاهم شوكولاطات وعصاير وبكلاوه قال للهاجر قوليلهم هذينا للسناء وتورته لكم ونحن أول ماسمعناها فلقنا ضحك وسناء متلكمسه وساكته وبدينا في عزومه قهوه و5 انوع حلو عصير وشوكولاطه وقاتوه عرب اسماء وخشن صبايا عمامهن ببناتهن ونا كنت مقمعزه مع هبه وهاجر خشو يسلمو
شويه طلعت كلمت سناء تبيها ماما جت قمعزت
ماما : يا ناري ع بنيتي وجيهك اصفر ياامي
عميمه : ما تأكلش يا حاجه
ماما : لا كولي بيش يجي فيك فيلو سمح
سناء انصدمت
ونحن كلنا بحتنا في ماما
ماما : احمد يبي يطلع فرح بعد عمه ان شاء الله وتقعدي عندي غادي نوكلك بسيف عليك هو قبل يبيه مع عمه لكن قتله انت اول اوليد نبيه فرح كبير
سناء انحرجت معش عرفت شن ادير علي اساس تبي تعطي حاجات للهاجر وهيا طالعه خشت للدار وسكرت ع روحها قعدت تبكي تبكي تبكي
هي مش عشان شي بس حست انها تحبه لكن احمد يبي ينفذ رهان عشان مايخسرش هو بروحه قالها لها مايحبش يخسر في رهانات وهو تقدم خطوه قبل ما هيا تحرك يعني عرف كيف يلعبها قعدت تبحت في حاجات وتبكي وتفكر هك ومعش عرفت كيف ترد ماما رنت عليا ونا كنت انقدم في تباسي خذت مني اسماء وركبت للدارها لقيتها حالتها حاله
انا : كنك ياروحي
سناء : انا نبي نفسخ خوك يبي حدد فرح
انا : هييي كنكم يا بتي شن جاكم عين والله عين
سناء مسحت دموعها : ايلاف تذكري بعد قتلك خاطري نعرف احمد كيف جيت في باله وخطبني
انا زمطت ريقي : اها باهي
سناء : انا نفكر فيه ونحبه ومقطعه روحي واحد بعد يبي حاجه تصير منها يرجع للربي يصلي ويقرأ قرآن ونا هك درت وديما ندعي يكون نصيبي وليا بس احمد طلع مراهن عليا يعني انا لابسه دبله هذه "سلحت دبلتها" عشان مراهن عليا ويبي حدد الفرح عشان مايخسرش رهان
انا : وسعي بالك ياروحي كنك مكبره موضوع هو اكيده حبك ودليل يبي حدد فرح حب مش عشان رهان
سناء : بالي وااسع ليا اسبوع وانا منقبره في دار ونفكر ومنقهره ونبكي وحق الله مراهن عليا خوك مراهن عليا توا ترضيها باسم يراهن عليك
انا : انتي فهمتي موضوع منه ولا لا
سناء : امس كيف دويت معه من فونك طشه وسكرت وقفلت تلفوني ايلاف في غسره في قلبي وحق الله حتي بعد نسلح في دبلته كني محوله قلبي معاها "وقعدت تبكي" نرد نلبسها دغري قعدت نحب حاجات انا مانحبهنش واللي يقول عليها نقول حاضر هذا كله عشان نحبه بس شوفي احمد كيف كسر بخاطري
نا قعدت نبكي صراحه واعره بعد تقعدي تراجي واحد تحبيه وتبيه حلالك ولك ومادرتيش اخطاء ولا علاقه حاجه وحيده اللي اديري فيها انك تحبيه من طرف واحد وتراجي وتدعي وفي نهائي يطلع واخذك ارهان مش عشان سمعتك ولا انعجب بيك
سناء تبكي : قتلك واعره انتي بروحك بكيتي انا نبي نطلب منك طلب قولي للباسم يفسخ انا معش نبيه
انا مسحت دموعي : غير وسعي بالك ياسنو والله توا يتاسف منك و يفهمك
سناء : ارجوك ياايلاف ادوي للباسم اليوم انا توا مانبيش ندوي عشان عميمه فرحانه ما نبيش نكسر بخاطرها
انا : باهي فكري اخري
باب دق
انا : ايوه
ماريا : مدام ايلاف ماما كبيره تقول تعال انت وسناء ضيوف يرد يروح
انا : اوكي
سناء صبت قعدت نسقم في روحها ودارت مكياج خفيف ونزلنا سلمنا ع ماما وبنات وطلعن واحمد نزل سلم ع عميمه
سناء طلعت شافت احمد ردت دغري قعدت تبحت فيه من وراء باب فيلا ونا كنت لابسه عبايتي و وشاحي ع باب فيلا اللي برا مع عميمه
سناء قعدت تبكي وركبت فوق تجري وانا وعميمه خشتينا
طلع احمد وانا ركبت للسناء وقعدت نهدي فيها لعند رقدت نزلت قالولي باسم جاء سأل عليك وعدا للحوش عديت للحوشي كان جوي متلخبط خذيت دبش خشيت للحمام من كثر ما موقف وجعني خشيت قعدت نبكي وجعنتي سناء وفي نفس وقت احمد وجعني يعني خوتي ماتكملش معاهم ليش انس واحمد بعدها دوشت
باسم يدق ع باب : حبيبي طولتي كنك
انا غسلت وجهي : هيا هي
باسم قمعز ع سرير
انا طلعت : تعشيت
باسم : اها لقيت امي معقبتلي
انا رقدت ع سرير : صحه تصبح على خير
باسم جاء قرب مني : كنك ياروحي
انا : تعبانه بكل
باسم : من شنو تعبانه
انا برمت عليه وحضنته : باسم انت تحبني صح
باسم : صراحه لالا
انا نطيت ودمعتي نزلت دغري : حتي انت
باسم مسك وجهي : اسسس ياعبيطه انا نعشقك يا فوبيتي عارفها نا تضبيطه هذه خايفه من حاجه صارت ولا تبي تصير سيبتك جوك سمح كنه قعد شين
انا قعدت نبحت في عيونه ودموعي ينزلن
باسم حضني : تي كنك وحق الله وربي نحبك ونموت فيك حبيبي انتي
انا ضميته أكثر غرست راسي في رقبته : انا نحبك
باسم رقد ع ظهره ورقدني ع صدره : خلاص اسكتي باهي كنك ادويلي شن في هلي قالولك حاجه
انا : لالا الحق كويسين معايا بس يوم اخري ندويلك توا خلينه هكي
باسم باس راسي وقعد يلعب بشعري لين رقدت
........
مشن 4 أيام واحمد وباسم لهوه مع فارس في فرحه وعمر حتي هو يوتي ويأخذ معه في شباب وجد الاء وابراهيم مرض هدي لمت دبشها وعدت هيا والاء وباتت عند عيت جدها وابراهيم قعد يعدي للحوش جده مايروح الا ليل وانس محروق حرق عشان عدت ما قلتلش واحمد قعد بين فارس وعمر وباسم شراء هدايا للفارس ثلاجه وغساله واحمد شراله ثريات شقه كلها وحواله سياق وعيسي وحسن شالو باقي سياق وعويل عمامه مدوله فلوس احمد كل يوم يرن عليا وسناء مازالت تفكر في موضوع وحاجات اللي جابهن لها عطتهن للعويل محمد ماكلتش منهن شي يوم حفله توديع العزوبيه امتاع فارس باسم طلع تسعه في ليل قعدت عند عميمه وبنات
......
فارس : لا يا باسم و الله تجيبه
باسم : اسسس ياكلب واقسم بربي كان ماتسكت انكسره
فارس : تي رنو ع خوه الوليه خلوه يجي يلم نسيبه
حسن : في فرحه مرمطت امه تستاهل
عيسي : والله تعطيه يا باسم عيب عليكم
باسم : عيب علي ايدير العيب ياطيري اطلعو منها
فارس : تي توا ترن عليا ياراجل هيته
باسم : اه خايف منها والله طحت من عيني خزي
شباب : هههههههه
ولد عم فارس : طلعت عيل ياولد عم
فارس : ### كلكم باهي
احمد يبيب فتحوله مزرعه
فارس : وينك يا راجل
احمد قعد يسلم ع شباب : سكرت محل نا ومعاذ وخذيت رايه وجينا من بوعطني عطني محماط يمحمطني
معاذ : هههههه زحمه ###
باسم : دايرلكم جو وربي تطرشقو
فارس : مانبي منك شي غير عطيني تلفون
باسم : شكلها ليله ### اسكت يا راجل
احمد قمعز : شن داير انت
عيسي : ياراجل مقعمزنا في مزرعه من لاوراء وهالت تلفونات كلهن نحن مش مشكله لكن فارس عيب
باسم صبي : عيسي ### واسكت
فارس : عدي يا ###
باسم : هههههههههه
احمد : لنقانكم ماكم قاعدين
باسم يصفر : تعااالو
شباب صبو وجو لقوه داير جو وجايب فرقه وشاب يغني وجايب عشاء واتي
فارس : هههههه والله فيك جو ###
احمد : اصلي يابو نسيب
حسن : كان جبت وسكي ازف
بإسم : كان مش احمد راه جبته ههههههه
احمد : لا كان جبته انا بروحي نشرب عادي
ولد عم فارس : منور ياصقر
باسم : بجوده ياغوالي
قمعزو شباب قعدو مهيجين وعياط واغاني وتعشو محد كلم في تلفون بكل قالهم حسن اليوم يوم فارس بس وقعدو يشفطو عليه وهو كملها يسب فيهم كل شويه يخطر عليه تلفون يتعارك هو باسم كملو جوهم ورقدو في مزرعه وانا رقدت مع بنات وباسم روح ساعه ثمانيه صبح وكلمني مارديتش عليه رقد لعند 11 رنو عليه طلع جاء صبح عليا وردينا للحوشنا قعد معايا ساعه وطلع كملن جو كل يوم عند فارس في ليل ونهار عمل نا يقعد معايا ساعتين في نهار وفي ليل مرات يروح بدري ومرات متأخر وانا صابره وساكته لعند جاء يوم جمعه ونحن معزومين عند عمو علي ع عشاء
انا نرن ع باسم مايردش وكان خاطري نعدي بكل رنيت ع ماما: خير ياحنه وينك حتي ايمان جت عمك ذبح حتي ذبح عشان خاطركن
انا : من من شباب في بنغازي
ماما : والله مانعرف خوذي الاء اساليها
الاء : نعم يااوفي وينك
انا : خاطري نجي وباسم مازال مع فارس احمد جاكم
الاء : لا قال مش جاي ما عنديش جو حتي نا كيف جيت لكن ماما لا
انا : باهي من مازال في بنغازي يجيني
الاء : انس جاي توا ولاحقه منذر وهاجر مايعرفوش مزرعه وعمامي وعميمه قاعدين ابراهيم وايوب بس
انا : خلاص رني علي ابراهيم قوليله يجيني
الاء : تمام انتي رني قوليها للباسم وانا نرن ع ابراهيم ولا ايوب
انا : تمام سلام
انا قعدت ترن ع باسم عطاني مقفل واحمد مقفل قعدت ساعه و رن عليا رقم
..........
يتبع ....
رايكن😉
#Fafy fa
