حاطين علي الأخبار
ماما : نوضي اللي راقدين عشاء قريب يرفع
هاجر : فكيني منا انس مايحبش من يوعيه لا هو ولا بنتك
هبه : توا نوعيهم نا خلاص نبي دار
هدي : ماشالله عليك جيبه عربك يامني
ايمان ابتسمت : تسلمي يا خالتي
نجاح : ربي يخليكم بعضكم ويكمل عليكم
ايمان ابتسمت : ان شاء الله
عميمه فاطمه : شن تبي تأخذي قاعه ولا عشاء
ماما : لالا مشترك مانحبه نا كل حد وليلته
هدي : هكي خير مهم يهنو ربي يكمل عليهم بذرية صالحه
ماما : ان شاء الله عقبال للباقي بنات
كلهن : ان شاء الله
...........
هبه بصوت واطي : ايلاف ايلاف نوضي عطك مرقد آلاء آلاء عطكن مرقد جدودي غوالي هيوا تي نوضن راه انس ينوض يقتلني
انس من تحت فوطه : هبه برااا
هبه برمت : اه انس عشاء بيرفع قالت ماما نوضيهم
نا نتكسل : باهي توا نوضو
الاء قمعزت : لنقانك بارده اطلعي عارفتك عليش توعي فينا تبي
هبه جت تجري سكرت فمها : اسسس انس راقد
الاء حولت يد هبه : هييي نسيته
نا ندوي بدون صوت : راك تنسي بعدين
الاء علت صوتها : ننسى روحي ماننساه
انس قمعز : من اللي ماتنسيه يا دكتوره
الاء : تتتلفوني
نا : ههههههه هي نصبو ناكلو والنبي .
طلعنا وحطونا كلينا انس طلع وعمر جاء
عمر : كندرت انس عسكريه قاعده وينه قرد
ايمان : طلع ماقالش وين ماشي
هاجر : عمو نحطلك حاجه تاكلها
عمر : اها بسرعه عندي مشوار
ماما : مازالو ماردو عليك عرب
هبه : صح ياعمو شن صار
عمر قرن حواجبه : لا ماردوش
هبه : سكرنا أسبوعين ومعاها كنهم
هدي : عشان مايعرفوش بس حي كان نحن يجي واحد مايعرفوش يمرمطوه
هبه خافت : كيف ياخالتي عليش
ماما : تي اسامه ومنذر تحسابو ماسألوش سالو غير من تحت تحت خذو وقت حتي هما غير معش نجيبه
عمر : منذر فصفصنا امه في عمله لكن في شارع خذينا بشهاده راجل فاطمه
هاجر جت : تفضل ي عمو
عمر : جت علي سيرت المزنح امتاعها
هاجر : ههههه كنكم تقرمو فيه
نا بصوت واطي : قولي للعصام تبي تسكر سنتين
الاء : هههههههههه ياناري
نا : هههههه
هبه : إن شاء الله في راسك تفووو
عمر ياكل : تي كنكن
نا : شي انابشو في هبه
عمر : شنو الشيخ حدد فرح
ايمان صبت ولحقتها هاجر وهبه
ماما : اها في 12
عمر : باهي كل شي ع بركه تبو حاجه
ماما : سلامتك
نا : عمر احمد امتي مروح
عمر : مش عارف
نا : تي عارف غير تبيش تقول
عمر : ههههه طيري هيا سلام
طلع وجو كلهم تعشو وروحو والاء باتت معانا
........
هبه : عصام مانقدرش ندوي معاك انس قاعد
عصام : باهي علي راحتك حبيبي خميس عدا في قص
هبه : خميس جاي توا نديره نسخ
عصام : ههههه باهي باهي توا تشوفي
هبه : سلام انحبك
عصام : نموت فيك
.......
اسامه : ايوه
ايمان : اهلين حبيبي
اسامه : مرحبتين بنور عين
ايمان : ههههه شكلك فرحان
اسامه : عنجد اللي قالت فرحان وسكتت
ايمان : نجك ليا دوم ياعمري
اسامه : شنو عجبنك الحاجات
ايمان : اكيد ياروحي يهبل تعبت روحك والله وااجد حتي بابا قال كنك متعب روحه
اسامه : كان قالها ليا عمي توا نقوله عطيني بنتك نعطيك حتي روحي
ايمان : ربي يخليك ليا ضي عيوني
اسامه : مني
ايمان : نعم
اسامه : فلوس اللي جبتهن لكي اشري بيهن فيلو ارواب بس
ايمان : لا هذين للكسوه
اسامه : لالا كسوه توا نا نشريها انتي اشري ارواب بس
ايمان : كيف حبيبي واجد عليك
اسامه : نا نبي هكي ديري عاد
ايمان : حاظر
اسامه : جميع الالون بذات الاسود باهي
ايمان ابتسمت : حاظر
اسامه : نا شريتلك الحق غير تحشمت نجيبهن لكي
ايمان : هييي كيف شريت
اسامه : محل خوه صاحبي لنقاني خذيت راحتي سلكتن وحطيتهن في شقه
ايمان : حبيبي راه حد يحقهن
اسامه : لالا ما تخافيش تو نعطيهن لك
ايمان : لا خلاص معش نحققك خليهن عندك
اسامه : لا مازال فيها جيبت كروت ومقاسات
ايمان : عليك اللي حافظ مش فاهم
اسامه : كيف حتي خويا دار هكي نا لا ولاشنو
ايمان : ساهل ساهل
........
هاجر : ايو
منذر : ايوه حبيبي
هاجر : شن جوك
منذر : تمام انتي شن جوك وينك اليوم
هاجر : الحمدلله يوم جو عرب ايمان حدودو فرح
منذر : مستعجل شيخ
هاجر : هههههه
منذر : عقبالنا قبل رمضان تكوني عندي ان شاء الله
هاجر : ان شاء الله مينو قتلك
منذر : نعم يااعيون مينو
هاجر : مرات نطلعو سوق بكرا
منذر : عدي تمام بس نحن امس ماكملنش دوتنا راه ويوم في صبح صباح خير في رساله رنيت دزيتيلي مش فاضيه
هاجر : أي موضوع
منذر : بدير روحها نست توا
هاجر : والله تقولي
منذر بصوت واطي : من اللي امس قالي نحبك
هاجر ساكته
منذر : كان ماعنديش قضيه مهمه راه روحت وهدرزنا للصبح غير خربو عليا عويل كلب
هاجر : معليش شغلك
منذر : لا انتي اهم من شغل غير ادوي بس يا همي
هاجر : شن ندوي
منذر تنرفز : هاااجر تحرقيش دمي مش كان عارفتي نحبك من قبل تلوي دراعي
هاجر ابتسمت وبصوت هادي : نحبك وانت متعصب
منذر هدا : كان قلتيها من أول يا فرخه
هاجر : هههه
منذر : تضحك المجرمه
هاجر : مره اخري نرقص مانضحكش
منذر : حي كان ترقصي نأكلك اوكال
هاجر : هههههههه
منذر : مش قتلك مجرمه ههههه
هاجر : اسمع صوتهم برا يهدرز
منذر : تي وربي تسكري نوريك
هاجر : تي حتي ايمان واسامه سكرو صوتها برا
منذر : لا اسامه واخذ راحته كل يوم يشلط نظري في 12يبي يشلط عملي هذا عليش سكر
هاجر تحشمت وسكتت
منذر : هههههه كيف صار سكرتي ولا سكتي
هاجر : لا ماسكرتش
منذر : كان تسكري نعضه لك صبعك اصلا
هاجر : كيف حال عميمه وبنات
منذر : كويسين امبدري تعشيت وطلعت نهار كله نوووم
نضت ع عشاء
هاجر : نوم عوافي يعني مصحصح
منذر : ههههه آخر صحصحه
هاجر : شن كملت من شقه قولي
منذر :
قعدو يهدرزو علي شقه واثاث
............
نا : خواتي واطيات كلهن يشلطن
الاء : عقبالنا
نا : نعلينا نا بس شفتي الرفعه
الاء : ههههه تي الحق كنت مرايفه عليه بكل بعد سمعتك قلتي انس جاء مش عارفه كيف جريت والله
نا : عطك حبه اه ترزيتي في كراعك
الاء : عادي فدااااااه وبعدين نجيلي خالتي اللي حلفت
نا : خزي شركه لقووو
الاء : ردي علي تلفون ياحيوانه يرن شكله صامت
نا : هذا انس ساعه واحد ونص كنك
الاء : ردي يا بارده
نا : الو
انس : عطيني الاء
نا : خزي تحشم من اختك
انس : هيا يا استغفر الله تخلينش نفلم
نا : هاكي يبيك
الاء ابتسمت : احم ايوه
نا نقلد في صوتها : ايووه عليك رقه
انس : تبي حاجه
الاء : لا سلامتك
انس : تعشيتن
الاء : اها الحمدلله وانت
انس : لالا توا نجيب من برا
نا حطيت وذنى والاء ادف فيا
الاء : باهي براحتك
انس : قوليلي كان خاطرك في حاجه انتي
نا قعدت نشيرلها قوليله نبي شكولاطه
الاء : انس نبي شكولاطه مارس
انس : حاظر حاجه اخري
نا : واختك يا استاذ
انس : مافيش نقصي
نا : وحق الله نوريك يا انس
انس : ههههه هيا اوكي
الاء ابتسمت : باي
ايمان : حنااااتي في من تكلمن
نا : في ملاك كنك كملتي سهره بدري
ايمان : قعد يخش في كلام كبير قتله تعبانه نبي نرقد
الاء : خزي عليك نكد
نا : باهي خلاص😑
هبه : بنات في صوت برا نا كنت في مربوعه ونسمع في صوت والله
نا : كنتي تشلطي يا كلبه
الاء : بعدك نا معاقه كيف نبي نهربو مرات سراق
نا : ترا احلفي
الاء : فكيني من حركات اللي نرفزن
ايمان : تعالي نشوفو
نا : خليكن توا نعرف نا
هبه : نمشي معاك
قعدنا نمشو بشويش لعند وصلنا في باب ونسمعو في مفاتيح
نا : هييييييييي
......
#يتبع.....
#رايكن😉
نبي تعليقات فكني من ملصق😥معلش كان في اخطاء نكتب فيها بسرعة
#للكاتبه Fafy fa
