علي غداء
بابا: عرفته ي عمر اسمه أسامه راه
عمر:اها عارفه صاحبي قالي ايام الي فاتن أنه بيخطبوله هله لكن والله ما سألته بس والله محترم راجل يتحمل مسؤولية مش متزمت راه شخص عادي يخاف ربي وعنده في هيجه
أحمد:يعني نتوكلو لان ايام هذين تخاف منه المدين
عمر:توكلو على الله شهاده علي رقبتي راجل صح
متتصر: نصبلكم قازوزه
احمد:صب وبعدين نبيك انت
منتصر:شن دارت
احمد:اسكت توا
نا:ماما شن قالك بابا علي راجل
ماما:قال توا نسأل عمر
هاجر:اكيده يهدرزو توا
ايمان: تغذن واسكتن
هبه:توا نطلع نصنت ونجي
ماما اضبح بصوت واطي :هبه هبه تعالي ارزيني فيك
هبه: ما سمعت شي كان سكتن بس
كملنا غذاء وغسلنا مواعين وجينا جنب بعضنا كلنا ومعانا عمو عمر واحمد وبابا قال جيبولي شاهي في دار
ماما ترغوي في شاهي: تبينش نفرحو بيك يا عمر
عمر: ولله يافوزيه حاط عيني علي بنت ونبيك تخطبيها ليا
نحن: اوووووووووووو واخيرا
عمر:سكرو افوامكم يا كلاب راه يسمعكم الحاج
نا:كنك ياعمو فرحنالك
احمد بصوت واطي :نفس بنت ياطيري
عمر ابتسم: احم اها لنقانها ربعت في عقل وقلب
احمد ضحك : لا معناها ياامي اشقي بسلفك مكبد
ماما: مشالله امتا نعدي
عمر: لا وين مازال في رمضان ان شاء الله
هاجر:عليش ياعمو نحن توا قريب نخشو في 5مازال شهر
عمر:نا نبيها هك اسكتي
نا:بالك متفقين انتي شن دخلك
احمد: انتن كنك مقمعزات صبن كل وحده دير حاجه حدد سروال وسوريه وتمسح الكويش
هبه:نحن الاربعه نبو نديرو هذين وحده بس توا تصبي عليش كلنا علي قميص وبنطلون
احمد: اها صبن كلكن
صبينا كلنا
عمر: خليهن يا راجل كنك معصي معاهن انت
احمد: لالا هكي خير
ماما: من كثر ما خايف عليهن لعند مكرهن
عمر: مش هكي راه توا يجوزن وتفقد حسهن في حوش
احمد: باهي خلاص ماقتلكش حتي فارس وحسين بيخطبو
عمر : لالا 😂قعدت انت وباسم وعيسي قرقاض خطرها شن صار عطاها علي 8 ونص سياره
احمد : اها باسم معصي اشر من وعيسي عطاها لنا بعد ويييل قطر في عيوني ثوم نا فارس وحسين عليه والله مانبوها لكن باسم قال فيها حولي وصار فيها عناد ونا وباسم رؤوس مسكره عارف اشر من بعضنا ومازالنا ماقلناها له قلنا بعد نجيبو سياره نفجعوه بيها
عمر: هههه والله صحه لكم
نا نمسح في كويش في فرندا ودق باب واحد يعيط للاحمد: مثقل دمهم حتي في جمعه مش مريحينا
باسم : احممممد احمد
نا من وراء باب : من؟
باسم: احمد قاعد
نا: اها من نقوله
باسم: قوليله باسم الفلاني
نا بصوت واطي هو انت والله نخليك تحرقك شمس وماني مكلمته توا نوريك : شويا بس
نا رديت نمسح في كويش ونسيته بكل هو رن علي احمد 🤦♀️
احمد يضبح: ايلاف ي ايلاف
نا: نعم
احمد : جيبي كويش صاحبي برا
نا: هيا هيا
لبس وطلع نحن كسدنا معش عرفنا شن نديرو غسلنا فرش
باسم: فهمت وين لخبطه
شاب: اها فهمت
باسم: باهي شن ندير فيك رزق حرام تحق فيه
شاب: توا نسلكهن لك غير امي تبي عمليه كان هذا راه ماخذيتش
احمد: باهي كيف تلخبطت الحسابات ونحن ملناشي كيف ديرين جرد علي السنه الي فاتت بعد لمينا ديون الي برا
باسم: مه هو قال علي اساس عندنا دين من خليفه رنيت علي راجل قال ماعندك عندي شي وذكرني بليوم الي دزلي فيه الفلوس وتأسفت منه قتله اكيده خطأ مني
طلع استاذ سحب من فلوس محل مش قايل
شاب : اخصم من مرتبي كان مش عمليه راه مخذيتهنش
احمد: خلاص يا باسم اهو حلها
باسم: والله ما علي فلوس باهي بس خلاني نشك في شباب الي نتعامل معاهم يا راجل
شاب: سامحني والله ماقصدي بس لنقاني انفجعت علي عجوز عندها قلب
باسم حط يده علي كتف شاب : امك امي يا راجل بس والله ما علي فلوس هو رزقي ورزق هلي لكن نبهني بس وكان علي عمليه عجوز شوري ماهمك شي
أحمد: مه من بدايه لزم منه العياط الي درته توا
شاب:بارك الله فيك والله لكن متجيش اخصم من مرتبي
باسم: اسكت انت كلام تم قتلك امك امي وانت يااحمد قاعدت قريب ربع ساعه ونا نرجا ومتبنيش نعيط
أحمد: معلش سامحنا افتح محل هيا واسترزق واسكت
فتحو محل وقعدو يشتغلو ولهو مع زباين
