نوح (مكتمله) بقلمي آلاء محمود

الفصل الاول

................................................................

بصوت مرعب ونديه زي فحيح الافاعي سلمي سلمي سلمي

سلمي اتنفضت من النوم : اعوذ بالله من الشيطان الرجيم اعوذ بالله من الشيطان الرجيم
نبيله : بسم الله الرحمن الرحيم .. مالك يا بنتي كابوس !؟
سلمي : اه يا ماما .. استغفر الله العظيم ياررب
نبيله : مسحتلها العرق .. وبمرح انتي ايه كنتي بتحربي .. انا كنت لسه داخله اصحيكي عشان تفطري معانا قبل ماتنزلي شغلك
سلمي ببتسامه : عيوني يا مامتي هقوم اهو .. هقوم اصلي وبعد كده اخرج افطر
نبيله : ماشي يا حبيبتي يلا ربنا يتقبل منك ياررب يا سلمي يابنتي ويبعد عنك الشر
سلمي : كانها افتكرت حاجه .. ياررب يا ماما ياررب
سلمي دخلت خدت شاور واتوضت وصلت وهي ع سجاده الصلاه .. ياررب ابعد عني الشر ياررب والكوابيس اللي تعبت منها دي يارب
وفاقت ع صوت موبايلها ان خطيبها بيتصل
اسلام : لومي صحيتي يا حبيبتي
سلمي بجفاء : اومال برد عليك ازاي !؟
اسلام : اه صح .. ازاي .. بطلي رخامه ويلا قومي هعدي عليكي عشان نروح المستشفي سوي
سلمي ببرود : طيب وقفلت من غير ماتسمع رده
................................................................
خالد : يا فتح ياعليم يارزاق ياكريم .. مالك يا اختي العزيزه قالبه وشك ١١١ ليه ع الصبح
سلمي : مافيش يا خالد وخدت ساندوتش
نبيله : انتي رايحه فين يابنتي افطري زي مخاليق ربنا كده عشان متقعيش وانتي اصلا ضعفانه الفتره دي
سلمي : كفايه كده يا ماما .. لما اسلام يجي قوليله اني سبقته
نبيله : طب استنيه طيب عيب الراجل جي
سلمي مشيت من غير ماتسمع حاجه
خالد : كام مره قولتلك اني هي اصلا مكنتش موافقه ع اسلام
نبيله : ماله اسلام راجل مايتعيبش راجل ملو هدومه .. دكتور قد الدنيا .. بيشتغل ف المستشفي وعنده عياده بره يعني مايتعيبش
خالد : ياماما الراجل مش بالفلوس .. اهم حاجه هي تكون حاسه معاه بأيه .. والكارثه انها مش حاسه معاه بحاجه يعني كده كده الخطوبه دي بايظه
نبيله : خبطته ف كتفه .. تف من بوقك  .. انا نفسي افرح باختك .. واشوفها عروسه زي البنات
خالد : انا همشي احسن عشان انا عارف اني كلام مش هتقتنعي بيه يا ماما يلا مع السلام عليكو يا حجه
نبيله : استغفر الله العظيم العيال دي هتفقعلي مرارتي .. بعيدا انهم تعبني بس  ربنا يهدي سركوا يا ولادي ياررب
.................................................................
ف المستشفي الامراض النفسيه والعقليه ...
الريسبشن: صباح الخير يا دكتوره سلمي
هاله : اهلا اهلا بست هانم وهمست اومال فين هدهد الجناين بتاعك
اوضه مكتب سلمي ...
سلمي : تعرفي تسكتي يا هاله !؟
هاله : انا نفسي اعرف ايه اللي مصبرك
سلمي : انا بعمل كده والله عشان خاطر ماما مش اكتر من كده صدقيني .. انا مبطقوش مبحسش معاه بأي حاجه
هاله : فكري كويس .. دكتور اسلام احسن دكتور
سلمي : يافرحتي .. وانا فين بقا من كل ده .. انا بقت حاسه انك بتفكري زي ماما بظبط والله .. وسابتها ومشيت
هاله : استني يا سلمي مش قصدي اصبري يابنتي .. يالهوووي عليكي يا سلمي
................................................................
ف ممر المستشفي ..
سفيان : ازيك يادكتور سلمي
سلمي : ازيك يا دكتور
سفيان : انتي شوفتي الحالات
سلمي : لا لسه وريني كده حاله البارانويا
سفيان : طب اتفضلي حضرتك معايا
دخلوا اوضه ...
سلمي : صباح الخير يا اسر
اسر  بص لسفيان وانكمش وساكت
سلمي : بصت لسفيان يخرج .. .. وببتسامه عشان تطمنه طب ايه رايك ندردش مع بعض زي كل يوم ادينا قعدين مع بعض ولوحدنا اهو
اسر : مراتي بتخوني انا عارف ده
سلمي : وايه كمان !؟ وعرفت ازاي
اسر : انا عارف ده و عيلتي بيحبوني عشان الفلوس وعايزني اموت  بأي طريقه عشان يخدوا فلوسي كلها .. وقرب منها عايزين يقتلوني
سلمي ببتسامه :  كمل سمعاك
اسر : كل اللي حواليا بيكرهوني .. هو انا وحش لدرجادي .. وقام وكمل بفخر  ولا انا عشان مشهور .. وبصلها  انتي عارفه اني انا مشهور انا روحت بلاد كتير اوووي وحضرت مؤتمرات وعندي شركات كتير .. وغير برغم اني انا صغير بس انا ملياردير
سلمي ببتسامه  : ربنا يزيدك ياعم لا انت زي الفل كده  .. انت بس هتقعد معانا شويه والدنيا هتظبط وهتبقا تمام
اسر : ابتسملها وانكمش تاني
سلمي خرجت ..
سفيان : ها عنده انهي نوع من البارنويا
سلمي : لحد دلوقتي بارانويا  العظمه والاضطهاديه  وغير عنده شك ف الحواليه .. هنمشي معاه ع نظام كالاتي  وهو أن احنا نعرف  الأفكار السلبية اللي بتهاجمه نتيجة لسلوك الآخرين ولازم نشغله ونوقف الأفكار السلبية دي
سفيان : انا مستغرب انه مكنش عدواني معاكي
سلمي : انا كنت منتظره انه يهجم عليا او يأذيني بأي طريقه .. بس هو كسر توقعاتي .. بس ممكن اكون سلمت منه المرادي الله اعلم بعد كده ايه اللي هيحصل
سفيان : صح والله هو ده اللي بناخده من الشغلانه
سلمي بضحك : صح والله
( البارانويا : ده مرض نفسي المريض لما بيجيله المرض ده بيعاني من سيطره افكار ومعتقدات لها منطق خاص من اختراعه وبتتسم بالشك والعناد لممجرد انه يثبت صحه معتقداته وافكاره .. وبتكون ردود افعال المريض مبالغ فيها اتجاه اي تصرف حتي لو كان طبيعي وبحيث يعتقد انهم بيضطهدونه او بيتأمره عليه
وليه انواع كتير جدا اهمهم دلوقتي
بارانويا الاضطهاديه : وهي شعور المريض بأن كلِّ المحيطين به يضطهدونه لأسباب وده بيكون من اختراعه طبعا
بارانويا العظمه : ودي  منتشره بين المشاهير اللي  بيعانون من مشكلات في تكوين شخصيتهم  أو اللي بيتعرضوا بالفعل إلى أذى الناس ومضايقاتهم )
اسلام : سلمي
سفيان : طب استأذن انا بعد اذنكوا
اسلام : هو انا مش قولتلك تستنيني ..
سلمي : كنت متأخره يا اسلام .. وغير انا عندي حالات ولازم اشوفها وغير فاضل شويه كمان ودكتور رؤوف عملنا اجتماع اما اشوف هيقول ايه فيه
اسلام : سيبك من كل ده .. ممكن طيب نبقا نتغدا مع بعض 
سلمي : ربنا يسهل يا اسلام
................................................................
سلمي دخلت مكتبها تاني ..
لقت نفسها ف بيت غريب وفجأه لقت نفسها ف بدروم
سلمي : ايه المكان ده .. اعوذ بالله من الشيطان الرجيم ..
وفحيح افعي سلمي سلمي سلمي ..
سلمي : انت مين !؟
سلمي سلمي سلمي سلمي
هاله : سلمي
سلمي  اتنفضت : وبقت تبص حواليها
هاله : مالك يا هبله .. وغير انتي اول مره تنامي ف الشغل
سلمي : بتتنفس بسرعه ووشها كله عرق
هاله بخوف : انتي وشك اصفر وعرقانه اوووي مالك يا حبيبتي انتي تعبانه
سلمي : ده الكابوس يا هاله الكابوس
هاله : قولتلك نامي ع وضوء
سلمي : والله بنام ع وضوء وبصلي القيام وكل حاجه ومعرفش فيه ايه .. يعني انا دخلت مكتبي دلوقتي لقت نفسي ف وسكتت انا معرفش نمت ازاي
هاله : طب اهدي كده واستعيذي من الشيطان
سلمي : اعوذ بالله من الشيطان الرجيم .. هو انتي كنتي جايه ليه !؟
هاله : يانهار ابيض نسيت .. دكتور رؤوف مجتمع بينا دلوقتي يلا بسرعه
................................................................
ف اوضه الاجتماعات ف المستشفي
هاله وسلمي دخلوا
هاله : اسفين يا دكتور
رؤوف : اتفضلوا  ... قعدوا يتنقشوا شويه ع حالات المستشفي .. بصوا بقا ف حاله جديده بتاعت بنت اسمها مرام هي هتجيلنا هنا  .. حاله لحد دلوقتي الاطباء فشلوا ف تشخيصها .. مش عارفين دي بارانويا ولا انفصام ولا وسواس قهري .. محدش عارف .. غير انها بتقول كلام غريب وبتكلم بطريقه اغرب ده اللي اتقلي .. انتظروها عشان هي جايه بكره  وسابهم ومشي
اسلام وسفيان بانبهار : ووواو
هاله : الله بقا انا بحب الحالات المعقده دي اديني ف المعقد ... ولا ايه يا سلمي
سلمي بخوف : ها .. اه ..
سفيان : ده واضح انها حاله الموسم يا دكاتره ....

يتبع ««««««««