روايه (حطمت كبريائه)
بعد مرور 8 شهور
ريم: احمد احمد قوم بسرعه
احمد: ايه ياريم حرام عليكي هو كل يوم كده سبيني انام بقي
ريم بتعب: قوم يا احمد انا تعبانه اوي شكلي بولد
احمد بخضه: اييه طيب يلا نروح المستشفي
ريم: عايزه اختي يا احمد
احمد: طيب طيب ويجري احمد علي اوضه اياد وجميله ويخبط ويفتح اياد الباب
اياد: ايوه يا احمد خير فيه ايه
احمد باحراج: انا اسف يا اياد بس ريم تعبانه وشكلها بتولد وعايزه جميله
اياد: ايه طيب انا هقول لجميله
احمد: بسرعه بس يا اياد ويروح اياد يصحي جميله
اياد: جميله جميله قومي
جميله: ايييه يا اياد عايزه انام
اياد: جميله ريم تعبانه اوي شكلها بتولد وعايزاكي
جميله بخوف: اييه طيب قايمه اهو وتقوم جميله تغير هدومها وتجري علي اوضه ريم
جميله: ريم حبيبتي حاسه بأيه
ريم بتعب: تعبانه اوي يا جميله شكلي بولد
جميله: احمد لازم ناخدها المستشفي بسرعه يلا بينا ويشيل احمد ريم لحد العربيه ويركبها ورا وجنبها جميله ويسوق احمد وجنبه اياد وباقي العيله وراهم ويوصل احمد المستشفي وتدخل ريم اوضه العمليات
ثريا: جميله اختك مالها وهي فين دلوقتي
جميله: متخافيش يا ماما ريم بتولد وهي دلوقتي في العمليات
نور: متخافيش يا طنط ريم كويسه
ثريا: يارب يابنتي
احمد: هي اتأخرت جوا كده ليه
اياد: اهدي يابني هي لحقت دي لسه داخله
محمد: اهدي يا احمد ان شاء الله هتبقي كويسه
وبعد شويه تخرج الممرضه وهي شايله ولد
الممرضه: فين جوز المدام
احمد: انا جوزها
الممرضه: اتفضل المدام جابت ولد زي القمر يتربي في عزكم والمدام كويسه وهتتنقل اوضه عاديه دلوقتي ويشيل احمد ابنه ويبوسه
احمد بفرحه: دا ابني انا بص يا بابا شبه ريم بالظبط
شريف: يتربي في عزك يابني
فريده: وريني كده عايزه اشيل حفيدي وتاخد فريده الولد الله زي القمر
ثريا: وريني كده يا فريده عايزه اشوف حفيدي انا كمان وتاخد ثريا الولد بسم الله ماشاء الله شبه ريم اوي
جميله: ايه ياجماعه هي خالته ملهاش حق تشوفه ولا ايه هاتي كده يا ماما الله ايه القمر دا بص يا اياد دا حلو اوي
اياد: ربنا يباركلهم فيه ياحبيبتي صح يا احمد هتسميه ايه
احمد: لما ريم تفوق هنسميه انا وهي
رامي: وطبعا هتسميه رامي
زياد: لا زياد
محمد: وليه مش محمد يعني
رامي: لا رامي احلي
محمد: لا محمد احلي
زياد: ولا رامي ولا محمد زياد احلي
ميس: ههههههههههه
اريچ: ههههههه عاملين زي الاطفال والله
احمد: ولا انت ولا هو ريم هي اللي هتسميه
اياد: ايوه انت صح سميه اياد بقي
الكل: ههههههههههه
وفجأة تحس اريچ بدوخه ويجري عليها زياد ويمسكها
زياد: مالك يا حبيبتي
اريچ: مفيش ياحبيبي انا كويسه شويه دوخه بس
زياد: طيب تعالي نشوف دكتور
اريچ: لا ياحبيبي مفيش داعي
ميس: لا يا اريچ شوفي دكتور انتي قولتيلي بقالك فتره الدوخه دي بتجيلك
اريچ: طيب
نور: انا هاجي معاكي انتي وزياد ويروحوا عند الدكتور ويكشف عليها
زياد: خير يا دكتور
الدكتور: خير ان شاء الله المدام بس محتاجه راحه خصوصا الفتره دي
زياد: يعني ايه يا دكتور
الدكتور: مبروك المدام حامل وفي شهرين كمان
اريچ بفرحه: بجد يا دكتور
الدكتور: ايوه يا مدام حامل في شهرين بس محتاجه راحه
نور: مبروك يا اريچ وتحضنها مبروك يا زياد
زياد: طيب يادكتور شكرا
زياد: الف مبروك ياحبيبتي
اريچ: الله يبارك فيك ياحبيبي
ــــــــــــــــــــــــــــــــــــــــــــــــــــــــــــــــــــــــــــــــــــــعند ريم
ريم: عايزه اشوف ابني يا احمد
احمد: حاضر ياحبيبتي ويجيب احمد الولد ويديه لريم
ريم: الله شوف يا احمد ابننا حلو ازاي
احمد: حلو علشان شبهك ياحبيبتي ها هتسميه ايه
ريم: مش احنا كنا متفقين لو ولد هنسميه اياد
اياد: حبيبي يا احمد ويحضنه يتربي في عزكم
جميله: اياد الصغير واياد الكبير بس يارب ميبقاش زي اياد الكبير مغرور دي تبقي مصيبه
اياد: بتقولي حاجه يا حبيبتي
جميله: انا ابدا بقول يتربي في عزك يا احمد انت وريم
ميس: بتجيبي ورا في ثانيه
الكل: هههههههههههه ويدخل زياد واريچ ونور
فريده: خير يابنتي مالك
نور: ابدا ياطنط الدكتور قال ان اريچ حامل في شهرين
ثريا: الف مبروك ياحبيبتي
مايا: الف مبروك يا اريچ مبروك يا زياد
اريچ: الله يبارك فيكي ياحبيبتي
جميله: مبروك يا اريچ
اريچ: الله يبارك فيكي ياقلبي
محمد: مبروك يا زياد
رامي: مبروك يا زياد اكيد انت اللي هتسمي رامي صح صح
زياد: رامي ايه ياعم انا ناقص ابني يطلع مجنون زيك وبعدين انا عايز بنت شبه اريچ
احمد: ههههههه قول كده بقي
زياد: ايه ياعم فيه ايه بحب مراتي وعايز بنوته زي القمر شبه مامتها
ميس: احم احم طيب انا كمان عندي خبر حلو بالمناسبه السعيده دي
محمد: خبر ايه
ميس: انا كمان حامل وفي شهرين
جميله بفرحه: بجد الف مبرووووك ياحبيبتي
ميس: الله يبارك فيكي ياقلبي
نور: مبروك يا ميس
ميس الله يبارك فيكي يا نور
ثريا: مبروك يابنتي
ميس الله يبارك فيكي يا طنط
رامي: مبروك يا محمد
ذياد: مبروك يا محمد
اياد: الف مبروك يا محمد
محمد: الله يبارك فيكم يا شباب
ريم: احمد انا عايزه اخرج من هنا
احمد: انا كلمت الدكتور ياحبيبتي وقال تقدري تخرجي النهارده وشويه كده هيكتبلك علي خروج
وبعد شويه يكتب الدكتور علي خروج لريم ويروح الكل علي الڤيلا فرحان بالمولود الجديد
ــــــــــــــــــــــــــــــــــــــــــــــــــــــــــــــــــــــــــــــــــــــ
وتعدي الايام ويجي يوم سبوع المولود والكل متجمع في ڤيلا شريف نصار في جو من الفرح والسعاده
اياد: جميله هاتي اياد عايز اشيلوا شويه
جميله: لا واسكت بقي علشان الولد نام
مايا: اياد وائل برا في الجنينه وعايزك
اياد: طيب ماشي ويروح اياد لوائل
وائل: ازيك يا اياد اخبارك ايه
اياد: الحمد لله يا وائل
وائل: احم اياد انا كنت عايز اكلمك بخصوص الانسه مايا
اياد باستغراب: مايا مالها
وائل: لا مفيش بس يعني بصراحه كده انا معجب بالانسه مايا وكنت عايز اطلب ايديها
اياد: دا شرف لينا طبعا يا وائل بس الاصول تتكلم مع عمي اشرف
وائل: ايوه طبعا وانا كنت جي علشان اتكلم معاه
اياد: طيب يلا بينا جوا ونتكلم ويدخل اياد ووائل الڤيلا
اياد: عمي اشرف وائل جي يتكلم معاك في موضوع يخص مايا
اشرف: اتفضل يابني خير
وائل: خير ياعمي انا كنت عايز اطلب ايد الانسه مايا وهيبقي شرف ليا لو حضرتك وافقت
اشرف: دا شرف لينا يابني انا عن نفسي معنديش مانع ايه رئيك يا زياد
زياد: اكيد موافق يا بابا وائل شاب كويس واي بنت تتمناه كفايه انه صاحبنا
اشرف: علي خيرة الله ايه رئيك يابنتي
مايا بكسوف: اللي تشوفه يا بابا
جميله وتغمزلها: مش دا اللي كنتي كل يوم جايبه صورته علي موبايلك وبتسرحي فيه مكسوفه ليه دلوقتي ههههههههههههه
مايا بارتباك: ا.ا.انتي عرفتي ازاي قصدي لا مش صح
جميله: ههههه كنت داخله الاوضه عندك وشوفتك سرحانه في الصوره قولت ارجع تاني ومقطعش عليكي السرحان ههههههه
مايا: جميله بس بقي
اشرف: طيب يابني هات اهلك وتعالي ونقرأ الفاتحه
وائل: انا والدي ووالدتي متوفيين وعندي اخت متجوزه وسافرت استراليا مع جوزها وانا عايش لوحدي
اشرف: طيب يابني نقرأ الفاتحه ويقرأ الكل الفاتحه
اياد: جميله مالك شكلك تعبانه
جميله: لا انا كوي... ويغمي عليها
ثريا: بنتييي
اياد: جميله جميله ردي عليا ويشيلها ويطلع بيها الاوضه وينيمها علي السرير محمد كلم الدكتور بسرعه
محمد: طيب ويكلم محمد الدكتور وبعد وقت يوصل الدكتور ويخرج الكل برا ويبقي الدكتور والبنات مع جميله ويكشف عليها الدكتور
ريم: خير يادكتور مالها جميله
الدكتور: مبروك المدام حامل وفي اسبوعين كمان وتبدأ جميله تفوق
نور بفرحه: يعني هيبقي عندنا مولود تاني في العيله قريب
جميله: هو حصل ايه
نور: انتي حامل ياجميله في اسبوعين
جميله بفرحه: انا حامل بجد
ريم: ايوه يا حبيبتي انتي حامل مبروك ياقلبي
جميله: الله يبارك فيكي ياحبيبتي
ميس: مبرووك يا جوجو
جميله: الله يبارك فيكي ياقلبي
اريچ: مبروك يا جوجو
جميله: الله يبارك فيكي ياحبيبتي
ويخرج الدكتور ويجري عليه اياد
اياد: مراتي مالها يا دكتور
الدكتور: المدام كويسه وكمان حامل
اياد بفرحه: جميله حامل
فريده: مبروك يابني
اياد: الله يبارك فيكي يا ماما ويدخل اياد الاوضه ويجري علي جميله ومعاه العيله
اياد: مبروك ياحبيبتي
جميله: الله يبارك فيك ياحبيبي
فريده: مبروك يا بنتي
جميله: الله يبارك فيكي يا ماما
مايا: مبروك يا جوجو
جميله: الله يبارك فيكي ياقلبي
ثريا: الف مبروك ياحبيبتي
جميله: الله يبارك فيكي يا ماما
ــــــــــــــــــــــــــــــــــــــــــــــــــــــــــــــــــــــــــــــــــــــ
بعد مرور 3 سنوات في ڤيلا شريف نصار
جميله: ايااااااااااااد
اياد: ايوه يا حبيبتي بتزعقي كده ليه
جميله: تعالي شوف ولادك جننوني اجيب واحده تجري التانيه
اياد: هههههههههههه
جميله: انت بتضحك يا اياد ساعدني زمان الناس تحت دلوقتي والوقت اتأخر والولاد لازم ينزلوا علشان يقطعوا التورته
اياد: بس كده جميله جنه تعالوا يا حبايب بابي ويجروا البنات علي اياد
جميله الصغيره: نحم بابي
جنه: نحم بابي
اياد: اميراتي الحلوين مزعلين مامي منهم ليه يلا بسرعه روحوا لمامي تلبسكم علشان اياد تحت وعايز يلعب معاكم
جنه وجميله: حاضر بابي ويجروا البنات علي جميله
جميله: لازم يعني انادي الاستاذ ابوكم علشان تسمعوا الكلام
اياد: هو ابوهم اي حد ولا ايه ويغمزلها انا اياد نصار ولا نسيتي
جميله: طيب اتفضل البنات كده جاهزين انزل تحت انت وهما عقبال ماجهز نفسي
اياد: طيب ياحبيبتي ويشيل اياد البنات وينزل تحت
ريم: جميله فين يا اياد الوقت اتأخر عايزين نقطع التورته
اياد: بتجهز نفسها ونازله اهي جميله نزلت
ويجي عليهم رامي وهو شايل بنت صغيره
رامي: مش هنقطع التورته انا جعان
اياد: انت دايما مفجوع كده
نور: ههههههههههه
جميله: اومال فين ميس ومحمد
نور: انا كلمت ميس وقالتلي علي وصول وكمان مايا ووائل جايين في الطريق ويجي عليهم محمد وميس ومعاهم ولد وبنت ياسين 4 سنين و اميره 3 سنين
محمد: انا جيت اهو
اياد: كل دا اتأخرتوا ليه
ميس: الولاد والله تعبوني
جميله: انتي هتقوليلي دا جميله وجنه طلعوا عيني
ميس: اومال فين مايا
وائل: احنا جينا اهو ويدخل وائل ومايا ومعاهم ابنهم مازن عنده سنتين
زياد: حد ياخد الواد دا مني انا تعبت كده حرام
احمد: هههههههه ليه يا زياد دا جاسم هادي
زياد: بجد طيب بما انه هادي ميغلاش عليك اتفضل
اريچ تيجي وهي شايله بنت اروي 4 سنين
هو مش دا جاسم حبيب بابي بردو
زياد: لا انا غلطان
الكل: ههههههههه
اياد: يلا نقطع التورته ويقطعوا البنات التورته
رامي: ايه رئيكم نطلع نقعد في الجنينه
الكل: يلا بينا ويطلعوا الشباب والبنات يقعدوا في الجنينه
مايا: ايه رئيكم نلعب لعبه
جميله: ياريت
ميس: اشطا يلا
رامي: ايه رئيكم نختار واحد وكلنا نسألوا
احمد: نختار اياد
اياد: طيب اسألوا
نور: ايه احساسك يا ابيه يوم ولاده جنه وجميله
اياد: كان اسعد يوم في حياتي لما شوفت ولادي انا وجميله
مايا: ايه نسبه حبك لجميله
اياد ويبص لجميله بحب: حبي لجميله ملهوش حدود
احمد: كان ايه شعورك لما طلقت جميله وسافرت
اياد: الفتره اللي بعدت فيها عن جميله كانت اسوء فتره في حياتي كنت بتعذب كل يوم في بعدها عني
ريم: لو قولنا بتحب مين اكتر جميله ولا الولاد هتختار ايه
اياد: جميله اول حب في حياتي وعمري ماهحب اي حاجه اكتر منها بس طبعا بحب ولادي جدا علشان ولادي هما جميله حته منها
وائل: كان ايه احساسك وهي مخطوفه
اياد: كان هاين عليا ادمر الكون كله بس اعرف اوصلها في الوقت دا مكنتش خايف علي اي حاجه غير جميله كنت دايما بدعي ربنا تبقي بخير ومتتأذيش
ميس: لو صدفه قابلت بنت في حياتك واحلي من جميله تفكر تبعد عن جميله علشانها
اياد: للاسف انا شايف كل البنات حبيبتي جميله صعب عنيا تشوف غيرها
اريچ: ممكن مع مرور الايام حبك لجميله يقل
اياد: مستحيل جميله حبي ليها كل يوم بيزيد
محمد: بتحبها اوي كده
اياد: بعشقهاا
رامي: انا بقي مش هسأل انا هقول اني عمري ماكنت اتخيل ان البنت اللي ضربت اياد نصار بالقلم هي نفس البنت اللي بقت مراته وبيحبها الحب دا
اياد: وهي نفس البنت اللي اقسمت تحطم غروري وحطمته وعشقتها
جميله: اياد دا احلي حاجه حصلتلي في حياتي وكل يوم بشكر ربنا انه رزقني بيه ودايما هشكر ربنا عليها اليوم اللي قابلت فيه اياد حسيته واحد مغرور بس لما قربت منه حسيته انسان كويس بس بيحاول يظهر دايما قدام الناس بأياد نصار المغرور
اياد: وانتي الوحيده اللي حولتي اياد نصار المغرور لاياد نصار العشاق
رامي: انا كنت فاكر ان مفيش واحده هتقدر تغير اياد نصار ابدا
جميله: وجيت انا حطمت كبريائه
محمد: يلا ناخد كلنا صوره مع بعض ويتصورا مع بعض
ويبص اياد لجميله بحب: بحبك
جميله: بحبك
النهــــــــــــايه
ــــــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
