روايه (حطمت كبريائه)
البارت الحادي والعشرون
في العربيه عند زياد وأريچ
زياد: لسه بردو مش عايزه تسمعيني
أريچ: لو سمحت انا وافقت اجي معاك بس علشان ندور علي جميله وبس
زياد: أريچ ارجوكي علشان خاطري اسمعيني بس انا...
اريچ: قولتلك مش عايزه اسمع منك حاجه لو سمحت سيبني في حالي بقي
ــــــــــــــــــــــــــــــــــــــــــــــــــــــــــــــــــــــــــــــــــــ
عند اياد واحمد وريم
احمد: اهدي يا اياد هنلاقيها انشاء الله
اياد: اهدي ازاي مش عارف مراتي فين وتقولي اهدي
ريم بدموع: هتكون راحت فين يعني
احمد: هنروح نسأل عليها في المستشفي الاول يمكن هناك
ريم: طيب بسرعه يا احمد والنبي
ويوصل احمد المستشفي وينزل هو واياد
ريم: استنو انا هاجي معاكم
احمد: لا خليكي انتي هنا علشان متتعبيش
ريم: طيب بسرعه يا احمد
ويروح احمد واياد يسألوا علي جميله
اياد: اسأل انت عليها ف الاستقبال وانا هشوف المكتب بتاعها
احمد: تمام
ويروح اياد مكتب جميله ويلاقيه فاضي تنزل دموعه ويمشي
احمد: سألت عليها بيقولوا مش موجوده
اياد بدموع: ومكتبها فاضي
احمد: معلش يا اياد هنلاقيها باذن الله يلا بينا ويروح احمد واياد يركبوا العربيه
ريم: ها لقيتوها
احمد: لا
ريم بدموع: انا عايزه اختي يا احمد هاتلي اختي
احمد: معلش ياريم هنلاقيها ياحبيبتي متخافيش
ويرجعوا الڤيلا
ــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا شريف نصار
ثريا بدموع: ياحبيبتي يابنتي انتي فين
فريده: اهدي ياثريا هنلاقيها متخافيش
ثريا: اهدي ازاي بس وبنتي معرفش جرالها ايه
وتنزل مايا علي السلم وهي بتمثل العياط
مايا: كلكم مش هاممكم غير جميله ومحدش فكر فيا وفي اللي حصلي
فريده بخنقه: وانتي ايه اللي طلعك اوضه اياد انا عارفه ابني كويس مستحيل يعمل حاجه زي دي
ميرڤت بعصبيه: يعني بنتي هتتبلي عليه ولا ايه يا
فريده قصدك ايه يعني باللي بتقوليه دا
فريده: انا مقولتش هتتبلي عليه انا بقول ابني مستحيل يعمل حاجه زي دي ابدا
مايا: واهو عمل ودمر حياتي
ميرڤت: هيصلح غلطته وهيتجوزك غصب عنه
ويدخل اياد واحمد ورامي والباقي
ثريا: بنتي بنتي فين يا فريد رد عليا
محمد: اهدي يا ماما بس اهدي
فريده: جميله فين ياشريف لقيتوها
شريف: لا دورنا ف كل مكان مش لاقينها
ذياد: انا روحت انا وأريچ القسم وبلغنا بس قالوا لازم يمر غلي اختفائها 24 ساعه
اياد ميتكلمش مع حد ويطلع علي اوضته وهو علي السلم ينادي عليه والده شريف
شريف: ايااد
اياد: نعم
شريف: اعمل حسابك بعد بكره هيكون كتب كتابك انت ومايا بنت عمك شريف
اياد بصدمه: مستحيل انا مش عارف مراتي فين وانتو عايزني اتجوز لا مستحيل لا انا مش هتجوز علي جميله
شريف: انا قولت كلمه وتتسمع انا بعرفك بس مش باخد رئيك
فريد: بص يا شريف انا هدور علي بنتي وهاخدها ومش هرجعها هنا تاني وبعد اللي عملوا ابنك دا مستحيل اطمن علي بنتي معاه
شريف: استني بس يا فريد
فريد: لا شكرا لحد كده يلا يا ثريا وانت يامحمد وصل خطيبتك وحصلني
محمد: حاضر يلا بينا يا ميس
ميس: عايزه حاجه ياريم
ريم: احمد لو سمحت انا هروح مع بابا مش عايزه اسيب ماما وهي كده
احمد: طيب ياحبيبتي روحي
ـــــــــــــــــــــــــــــــــــــــــــــــــــــــــــــــــــــــــــــــــــــ
في اوضه مايا بتتكلم في الموبايل
مايا: طيب تمام كده كويس اوي
الشخص: متخافيش كله تمام
مايا: انا مش عايزه حد يشك في حاجه
الشخص وبصوت كله شر: متخافيش واياد هيدفع التمن غالي اوي المهم انفذ امتي
مايا: يوم كتب الكتاب
الشخص: تمام
ـــــــــــــــــــــــــــــــــــــــــــــــــــــــــــــــــــــــــــــــــــــ
في اوضه اياد قاعد ويدخل عليه احمد
اياد: تعالي يا احمد عايزك واتصل كمان بزياد يجي ومحمد ورامي كمان
احمد: بس محمد وزياد هنا معاك في مكان واحد هيسبب مشاكل بلاش دلوقتي
اياد: اسمع اللي بقولك عليه يا احمد
احمد: طيب
ويتصل احمد بالشباب وبعد محايله علي محمد وذياد يوافقوا يقعدوا مع اياد وبعد وقت يجي رامي ومحمد وزياد
اياد: لو سمحت اسمعوني
زياد: نسمع ايه بعد اللي سمعناه
محمد: مفيش كلام بينا يا اياد بعد اللي حصل
رامي: اهدوا يا جماعه لما نسمع اياد هيقول ايه
احمد: قول يا اياد هتقول ايه
اياد: بصو وانا.......................ويخلص اياد كلامه
زياد بعصبيه ويمسكه من ياقه قميصه: انت بتقول ايه مستحيل
محمد باستفهام: اهدي بس يا زياد علشان نفهم يعني دلوقتي انت متأكد من الكلام دا
اياد: وحياه جميله عندي مابكدب عليكم هو دا اللي حصل والله العظيم
زياد: قسما بالله يا اياد لو طلع كلامك غلط هندمك علي كل كلمه قولتها
اياد بعصبيه: اسمع يا زياد انت ومحمد انا اذا كنت سكت علي اللي حصل تحت دا فانا سكت علشان مقدر شعوركم بس دا مش معناه اني اسيبكم تغلطوا براحتكم انا قولت اللي عندي اللي عايز يساعدني ويبقي معايا يتفضل يقعد واللي مش عايز مع الف سلامه انا مش هاممني غير اني اعرف فين مراتي وبس
رامي: انا معاك يا صاحبي ومصدقك
احمد: وانا كمان معاك يا اياد
محمد: وانا كمان علشان شايف الصدق في عنيك
زياد: وانا معاكم بس والله يا اياد
ويقاطعه رامي: ياعم اخلص بقي خلينا نشوف هنعمل ايه وبعدين نتحاسب
زياد: خلاص وانا معاكم
اياد: طيب بصو دلوقتي احنا.................... وبعد وقت يخلص اياد كلامه ها يا شباب كل واحد عرف هيعمل ايه
الشباب: تمام
محمد: انا همشي بقي واشوفكم بكره في الشركه
اياد: طيب يا محمد
ويمشي محمد ويروح كل واحد علي اوضته ويقعد اياد علي السرير وياخد صوره جميله في حضنه وتنزل دموعه بحرقه علي حبيبته العنيده
(حبيبتي العنيده اين انتي عودي لي لاني لا اتحمل غيابك حبيبتي فأنا هو تلك المغرور التي حطمتي كبريائه وحولتيه من متعجرف الي عاشق عودي حبيبتي عودي لي عودي)
ـــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا فريد المنشاوي
ثريا بدموع: وبعدين يافريد هنفضل قاعدين كده ومش عارفين بنتنا فين
فريد بحزن: مفيش حل غير اننا نستني بعد 24 ساعه ونقدم بلاغ
ريم: انا خايفه يا بابا يكون حصلها حاجه
فريد: متخافيش يابنتي ربنا يستر
ريم: بابا انت بجد مش هترجع جميله لاياد تاني
فريد: انا واثق في اياد وعارف انه مستحيل يعمل كده وانا علشان عارف انه بيحب جميله بجد قولت الكلام دا علشان يعرف الحقيقه فين ويثبت انه برئ
ريم: انا كمان مش مصدقه ان اياد يعمل كده وخصوصا اني عايشه معاهم وبشوف مايا وهي بتلف حوالين اياد وهو بيصدها ودايما يقول انه بيحب جميله وبس
فريد: ربنا يستر يابنتي
ـــــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
