روايه (حطمت كبريائه)
في ڤيلا شريف نصار يوصل المأذون ويطلب اشرف نصار من رامي يبلغ اياد ويطلع رامي الاوضه بس يلاقيها فاضيه يطلع موبايله ويتصل بأياد بس مبيردش يحاول تاني وميردش يتصل بمحمد
محمد: ايوه يا رامي
رامي: الحق يا محمد المأذون وصل واياد مش موجود في الڤيلا
محمد: ......................
رامي بصدمه: انت بتقول ايه ويقفل رامي مع محمد وينزل تحت
شريف نصار: اياد منزلش ليه يا رامي
رامي بتوتر: ا.ا.ا.صل ا.ا.اصل ا.ا.يااد مش فوق
شريف نصار بغضب: مش فوق ازاي اومال راح فين
ميرڤت بعصبيه: يعني ايه مش فوق هو لعب عيال ولا ايه بعد اللي عملوا في بنتي يهرب
فريده: اياد ابني معملش حاجه غلط علشان يهرب منها
ميرڤت: واللي عملوا في بنتي دا يبقي ايه يا فريده هانم ولا احنا بنتبلي علي ابنك
اشرف نصار بزعيق: خلاص يا ميرڤت انتي وفريده بطلوا خناق اسمع يا شريف ابنك لو مجاش في خلال نص ساعه واتجوز بنتي انا هاخد ولادي وهمشي من هنا وهقطع علاقتي بيكم نهائي
مايا وهي تمثل العياط: لا يا بابي متقولش كده اياد هيجي ومش هيعمل فيا كده ارجوك اديلوا شويه وقت علشان خ.... ويقاطعها زياد بصفعه قويه علي وجهها من قوتها تقع مايا علي الارض
ميرڤت بزعيق: زيااااااد انت ازاي تمد ايدك علي اختك بالطريقه دي
زياد بعصبيه: لما تكون اختي تستاهل كده يبقي من حقي اضربها
اشرف نصار: ايه يا زياد اللي انت عملتوا دا وعملت ايه اختك علشان تضربها
ميرڤت: مش كفايه اللي عملوا فيها اياد اللي محدش عارف راح فين
زياد بزعيق وصوت عالي: لحد امتي هتفضلي كده ها لحد امتي وانتي بتدمريها لحد امتي هتفهميها ان الحاجه اللي عايزاها تاخدها حتي لو علي حساب شرفها لحد امتي يا ماما لحد امتي حرام عليكي دمرتيها وبوظتي اخلاقها ليه كده ليه ليه ليييه
اشرف نصار: انت بتقول ايه يا ولد وازاي تكلم امك بالطريقه دي
زياد: كلكم هتعرفوا انا بقول ايه دلوقتي ويشاور علي باب الڤيلا ويتصدم الكل لما يلاقوا اياد داخل وشايل جميله علي ايديه وهي غرقانه دم وفاقده الوعي وهو وشه كله دم وجروح وكانت معاهم الشرطه واول ماتشوف ثريا بنتها بالشكل دا تصوت وتجري عليها ويجري عليهم الكل ماعدا ميرڤت ومايا اللي بصوا لبعض واتصدموا ازاي عرفوا مكان جميله وازاي كل مخططاتهم راحت علي الفاضي
ثريا بدموع: ياحبيبتي يابنتي بنتي مالها يا اياد حصلها ايه اختك مالها يا محمد حد يرد عليا
فريد المنشاوي: اختك مالها يا محمد
محمد: مصدوم من ساعه ماشاف اخته كده ومبيردش علي حد ودموعه نازله
فريده بدموع: ياحبيبتي يابنتي يا ولاد حد يرد علينا ايه اللي حصل
زياد: اقولكم انا طبعا انا لما عرفت اللي اياد عملوا في اختي مقدرتش استحمل وهجمت عليه وكنت هقتله بس في نفس اليوم بالليل
فلااش بااك
يتصل احمد بالشباب وبعد محايله علي محمد وزياد يوافقوا يقعدوا مع اياد وبعد وقت يجي رامي ومحمد وذياد
اياد: لو سمحت اسمعوني
ظياد: نسمع ايه بعد اللي سمعناه
محمد: مفيش كلام بينا يا اياد بعد اللي حصل
رامي: اهدوا يا جماعه لما نسمع اياد هيقول ايه
احمد: قول يا اياد هتقول ايه
اياد: بصو وانا قاعد في الاوضه دخلت عليا مايا وهي ماسكه القهوه ولما سألتها عم عبده مجبهاش هو ليه قالتلي انه راح مشوار وبعد كده شربت القهوه وحسيت بدوخه ولقيت مايا بتحاول تقرب مني بس انا فاكر اني زقتها بعيد عني وبعدين مش فاكر حاجه غير جميله لما دخلت الاوضه وشافت مايا وهي جنبي بس والله العظيم دا اللي حصل بس انا حاسس ان مايا ومرات عمي هما اللي عملوا كده
زياد بعصبيه ويمسكه من ياقه قميصه: انت بتقول ايه مستحيل
محمد باستفهام: اهدي بس يا زياد علشان نفهم يعني دلوقتي انت متأكد من الكلام دا
اياد: وحياه جميله عندي مابكدب عليكم هو دا اللي حصل والله العظيم
زياد: قسما بالله يا اياد لو طلع كلامك غلط هندمك علي كل كلمه قولتها
اياد بعصبيه: اسمع يا زياد انت ومحمد انا اذا كنت سكت علي اللي حصل تحت دا فسكت علشان مقدر شعوركم بس دا مش معناه اني اسيبكم تغلطوا براحتكم انا قولت اللي عندي اللي عايز يساعدني ويبقي معايا يتفضل يقعد واللي مش عايز مع الف سلامه انا مش هاممني غير اني اعرف فين مراتي وبس
رامي: انا معاك يا صاحبي ومصدقك
احمد: وانا كمان معاك يا اياد
محمد: وانا كمان علشان شايف الصدق في عنيك
زياد: وانا معاكم بس والله يا اياد
ويقاطعه رامي: ياعم اخلص بقي خلينا نشوف هنعمل ايه وبعدين نتحاسب
زياد: خلاص وانا معاكم
اياد: طيب بصو دلوقتي احنا لازم نركب كاميرا في اوضه مايا ودي هتبقي مسؤليه ذياد ورامي هيراقب تصرفات مايا ومرات عمي برا واحمد هيبقي مع بابا وعمي علشان محدش يشك فينا وطبعا محمد مش هيجي الڤيلا خالص وانت ياحمد ريم متعرفش حاجه عن الكلام دا انا كده خلصت كلامي ها يا شباب كل واحد عرف هيعمل ايه
الشباب: تمام
باااااك
ريم بدموع: طب اختي عملت ايه علشان يحصل فيها كل دا انتو ايييه مفيش في قلوبكم رحمه
ميس: اهدي ياريم علشان متتعبيش
فريده: اهدي يابنتي علشان اللي في بطنك
احمد: كمان تالا الحسيني شريكه معاهم في خطف جميله وكانت حابسه جميله عندها في الڤيلا ولما وصلنا مع الشرطه ودخلنا الڤيلا كان فيه واحد من الرجاله بيحاول يعتدي علي جميله وكمان باين من شكلها انها اتعرضت للضرب والتعذيب ولما المأذون وصل احنا كنا متفقين مع اياد يقعد في الڤيلا لحد مانوصل لجميله بس هو مقدرش يقعد وجالنا علي هناك قبل ما الشرطه توصل ورامي اتصل وبلغ محمد باختفاء اياد ومحمد قال ان اياد معانا وانت انزل بلغ الكل ان اياد هرب علشان نشوف ردت فعل مايا واياد لما وصل مستناش الشرطه ودخل الڤيلا وطبعا كلنا دخلنا معاه وتالا اول ماشافت اياد خافت وكانت بتحاول تهرب بس الرائد وائل صاحب محمد وصل وقبضوا عليها ودخلنا الاوضه اللي فيها جميله شوفنا واحد ييحاول يعتدي عليها واياد ضربه وجميله كانت واقعه في الارض بالشكل دا
ثريا: ياحبيبتي يابنتي عملتي ايه انتي لكل دا حسبي الله ونعم الوكيل فيكم حسبي الله ونعم الوكيل
رامي: اياد جميله لازم تروح مستشفي حالا
اياد: قاعد واخد جميله في حضنه ومبيردش
احمد: انا اتصلت بالاسعاف وزمانها علي وصول
الظابط: مدام ميرڤت اتفضلي معانا لو سمحت
ميرڤت بصدمه: انا
الظابط: ايوه اتفضلي معانا انتي والانسه مايا
اريچ: مايا راحت فين كانت واقفه هنا
احمد: اكيد هربت وهتحاول تأذي اياد وجميله تاني لو سمحت يا وائل لازم تلاقي مايا في اسرع وقت
وائل: هنعمل اللي نقدر عليه بأدن الله وهنجيبها وانتي يا مدام ميرڤت اتفضلي معانا ويحط الكلبشات في ايديها وتمشي معاه بس تقف قدام زياد وتقول
سامحني يابني كنت فاكره اني كده بسعد اختك بس انت معاك حق انا كده دمرتها وضيعت مستقبلها انا فعلا مستاهلش اكون امكم سامحوني وانتي يانور سامحيني يابنتي سامحي امك يانور دا ربنا بيسامح خلي بالك من اختك يا زياد
نور: واقفه مصدومه من حاله جميله وازاي امها واختها فيهم الشر دا وتقول ربنا بيسامح يا ميرڤت هانم بس انا مش ربنا دلوقتي عرفتي ربنا ايه يا ميرڤت هانم مكنتيش خايفه من ربنا لما عملتي كده في الانسانه البريئه اللي بين الحياه والموت دلوقتي للاسف مش هقدر اسامحك مش هقدر وتترمي في حضن اخوها وتعيط وتصرخ ليييه ليييه عملتي كده ليييه حرام عليكي انتي ايييه معندكيش قلب حرااااام يااارب ليييه عملوا كده في انسانه ملهاش ذنب حرااام عليكم حرام
اشرف نصار: للاسف كنت بفتخر بولادي وبتربيتك ليهم بس بسببك انتي وبنتك خليتوا وشي في الارض انتي طالق يا ميرڤت هانم طالق طالق اتفضل ياحضرت الظابط خدها من هنا وتيجي الاسعاف وتاخد جميله ويركب اياد وريم معاها والباقي في العربيات وتوصل جميله المستشفي وتدخل العمليات
محمد قاعد ودموعه نازله ولسه مبيردش علي حد تروح ميس تقعد جنبه
ميس: محمد اتكلم قول حاجه متقعدش ساكت كده
محمد يبصلها بحزن ودموع: اقول ايه بس ياميس اقول ان اختي حصل فيها كل دا وانا مقدرتش احميها جميله دي بنتي ياميس مش اختي
ميس: انشاء الله هتكون كويسه بس انت اهدي ياحبيبي علشان ماما وبابا بص عليهم شوف عاملين ازاي قوي نفسك علشان تقدر تقويهم
محمد يبص عليهم يلاقي مامته قاعده منهاره وريم جنبها بتعيط ويقوم يقعد جنبهم ويمسح دموعهم وياخدهم في حضنه: جميله هتبقي كويسه وهترجعلنا بخير متخافوش
احمد قاعد جنب اياد اللي منطقش بكلمه من ساعه ماشاف جميله بالحاله دي
احمد: متقلقش يا اياد جميله هتبقي كويسه باذن الله
اياد: لا رد
ميس قاعده جنب اريچ اللي عنيها علي زياد وصعبان عليها الحاله اللي هو فيها ودموعها نازله علشانه
ميس: قومي روحيلوا يا اريچ هو اكيد محتاجلك دلوقتي
اريچ: مش قادره يا ميس مش قادره
ميس: اريچ متعذبيش نفسك انتي كمان لسه بتحبيه اديلوا فرصه يفهمك هو بعد عنك ليه روحي واسأليه وصفوا قلوبكم زياد بيحبك يا اريچ
اريچ وتقوم تروح عند زياد اللي واقف مديها ضهره
اريچ: زياد
ذياد يلف يشوف اريچ تنزل دموعه ويترمي في حضنها ويعيط: انا محتاجلك اوي يا اريچ متسبنيس خليكي جنبي اوعي تسبيني انا والله تعبان اوي خليكي معايا وجودك في حياتي بيقويني
اريچ بدموع: انا معاك يا زياد وهفضل معاك ولاخر العمر معاك ومش هبعد عنك تاني
وبعد مرور 6 ساعات يخرج الدكتور من غرفه العمليات ويجي عليه الكل
ريم: اختي يادكتور اخبارها ايه
شريف نصار: طمنا يادكتور
الدكتور :فين جوزها
احمد: يشاور علي اياد اللي واقف مبيتكلمش اياد يبقي جوزها يا دكتور
الدكتور يصعب عليه اياد من الحاله اللي هو فيها: للاسف يا جماعه المدام واضح انها اتعرضت للاعتداء ودا باين علي حالتها دا غير انها اتعرضت كمان لتعذيب شديد اوي ودا سببلها نزيف في المخ ودخلت في غيبوبه دا غير انها كانت حامل في اسبوعين واجهضت وواضح ان حصلها اجهاض من كام يوم ادعولها
فريد المنشاوي: طيب هي هتفوق من الغيبوبه دي امتي يا دكتور
الدكتور: الله اعلم ممكن بعد يوم او اسبوع او شهر وممكن سنه بس انتو ممكن تعملوا زيارات واكتر حد هي بتحبه يقعد ويتكلم معاها يمكن تستجيب بس مش كتير عن اذنكم
ثريا: اه يابنتي انا عايزه بنتي يافريد رجعلي بنتي
محمد: اهدي يا ماما جميله هترجع باذن الله
وفاجأه يقع اياد علي الارض ويجري عليه رامي ومحمد واحمد وزياد ويدخلوه اوضه ويجي الدكتور يخيط جرح رأسه ويديلوا حقنه مهدئه
اياد بسبب مفعول الحقنه: جميله سبوني اروح لجميله هي محتجالي جميله مس هتسيبني انا مقدرش اعيش من غيرها سامحيني يا جميله وينام اياد من مفعول الحقنه
ـــــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
