روايه (حطمت كبريائه)
رامي: نووووووووور
زياد: نوور نوور ردي عليا نور قومي
رامي: نور لا قومي يا نور مش هتسبيني يانور قومي
نور بنفس متقطع: م.م.م.ايا مايا هنا الحقوها
ويجري محمد واحمد ويمسكوا مايا
جميله: نور ياحبيبتي اسكتي دلوقتي متتكلميش علشان النزيف اياد كلم الاسعاف بسرعه ويتصل اياد بالاسعاف وبعد شويه توصل وتركب جميله مع نور والكل وراهم في العربيات ويوصلوا المستشفي
وتدخل نور اوضه العمليات وتيجي جميله تدخل يمسكها اياد من ايديها
اياد: جميله نور لازم تعيش ارجوكي
جميله: متقلقش ياحبيبي نور هتبقي كويسه وتدخل جميله اوضه العمليات ويروح اياد يقف جنب رامي
اياد: متخافش يا رامي هتبقي كويسه
رامي ويترمي في حضنه: مش هقدر اخسرها يا اياد انا بحبها
زياد ويروح عند مايا اللي ماسكينها احمد ومحمد ويضربها بالقلم مبسوطه كده اختك بين الحياه والموت وكله بسببك انتي ايه ياشيخه مبتحسيش معندكيش قلب انتي ايييه
احمد: سيبها يا زياد هي غلطت وهتتحاسب بس مش احنا اللي هنحاسبها القانون اللي هيحاسبها ويجي وائل
وائل: انسه مايا انتي مطلوب القبض عليكي بتهمه خطف مدام جميله وللاسف هروبك مننا بقي قضيه تانيه
مايا بندم: ارجوك هعمل اي حاجه انتو عايزنها بس من فضلك سيبني اطمن علي اختي
وائل: طيب ماشي
وبعد شويه رامي: هما اتأخروا كده ليه دول بقالهم 5 ساعات جوا
شريف: اهدي يا رامي دلوقتي جميله تطلع وتطمنا
وتخرج جميله ويجري عليها الكل
اشرف: طمنيني يابنتي نور عامله ايه
جميله: الحمد لله الرصاصه كانت جنب القلب بس العمليه كانت صعبه شويه وهي دلوقتي كويسه وهتتنقل اوضه عاديه ونقدر نشوفها لما تفوق
رامي: انا متشكر اوي ياجميله
جميله: نور اختي يا رامي وانا كان زماني مكانها دلوقتي لو مكنتش وقفت قدامي وتشوف جميله مايا قاعده في الارض بتعيط تروح تقف قدامها
جميله: شوفتي الشر اللي جواكي وصلك لفين ووصل اللي حواليكي لايه اختك كانت بين الحياه والموت وكل دا بسبب السواد اللي جواكي يارب تكوني ندمتي دلوقتي وتبطلي شر بقي وترحمينا وترحمي نفسك
مايا: انا اسفه عارفه اني مستاهلش السماح بس يمكن انا مقدرش اعمل حاجه غير اني اتأسف حاولت ادمر حبك انتي واياد مع اني مليش حق اعمل كده انا بجد اسفه
جميله: وانتي بقي شايفه ان دا وقت تتأسفي فيه مش شايفه انك اتأخرتي ولا خايفه من العقاب اللي هتاخديه
مايا: صدقيني انا فعلا ندمانه انا مش خايفه من العقاب لاني اصلا استاهل
جميله: عارفه انتي مشكلتك ايه مشكلتك انك انانيه ووالدتك الله يرحمها هي السبب في كده
مايا بصدمه: ايه ماما ماتت
جميله: مامتك انتحرت في اليوم اللي اتقبض عليها فيه
مايا بصراخ: لاااا ماااما مستحيل تكون ماتت مستحيل انتي بتكدبي عليا لاااااا ماااااااماااااااا ماااااامااااااا ويغمي عليها ويجري عليها وائل ويشيلها وينادي الدكتور ويدخلوها اوضه ويديها الدكتور حقنه مهدئه وبعد وقت تنام ويقعد جنبها وائل ويراقب ملامحها ويحس قد ايه هي ملامحها حلوه وبريئه
وائل: انتي فعلا بريئه وملكيش ذنب تبقي كده ربنا يسامحها والدتك
ــــــــــــــــــــــــــــــــــــــــــــــــــــــــــــــــــــــــــــــــــــــ
في الاوضه اللي فيها نور قاعد جنبها رامي وماسك ايديها وتبدأ نور تفوق
نور: ر.ر.ا.مي
رامي: روح رامي حمدلله علي سلامتك ياحبيبتي
نور: جميله يا رامي م.مايا هتقتلها
رامي: اهدي ياحبيبتي جميله كويسه وكمان مايا احمد ومحمد مسكوها ووائل هنا متخافيش
نور: عايزه اشوف بابا وذياد
رامي: حاضر ياقلبي ويروح رامي يبلغ الكل ان نور فاقت ويجري عليها الكل
اشرف: نور بنتي انتي كويسه
نور: انا كويسه يا بابا
زياد: نور انتي كويسه ياحبيبتي
نور: الحمد لله ياحبيبي انا كويسه
جميله: حمدلله علي سلامتك يا نور
نور: الله يسلمك ياجميله
ريم: حمدلله علي سلامتك ياقلبي
نور: الله يسلمك يا ريم
اياد: حمدلله علي سلامتك يانور
نور: الله يسلمك يا ابيه انا اسفه اوي يا جماعه بسببي الفرح اتلغي
ميس: متقوليش كده ياحبيبتي الحمد لله انك كويسه
اريچ: المهم انك كويسه ياقلبي فرح ايه بس ويدخل الدكتور
الدكتور: لو سمحت يا جماعه مينفعش كده الانسه محتاجه راحه
نور: لو سمحت يا دكتور انا عايزه اخرج من هنا
جميله: مينفعش ياحبيبتي انتي لسه تعبانه مفيش خروج قبل اسبوع
نور: ارجوكي ياجميله انا هرتاح اكتر في البيت
الدكتور: تقدري تروحي بكره لو فيه تحسن
رامي: طيب يا جماعه روحوا انتو وانا هقعد مع نور
اياد: طيب يا جماعه يلا بينا احنا مفيش داعي نقعد كلنا وانت يا محمد انت وذياد كل واحد ياخد مراته ويروح
جميله: عايزه حاجه ياحبيبتي
نور: لا يا جميله شكرا روحي انتي ويمشي الكل ويقعد رامي مع نور
نور: مروحتش ليه ترتاح شويه
رامي ويبوس ايديها: راحتي معاكي ياقلبي
نور: ربنا يخليك ليا ياحبيبي
رامي: يا ايه
نور: ياحبيبي
رامي: ويخليكي ليا ياحبيبتي يلا نامي انتي وارتاحي
نور: حاضر
ــــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا شريف نصار
فريده: نورتي الڤيلا يا جميله
جميله: بنورك يا طنط
شريف: اطلعي يابنتي اوضتك وارتاحي خد يا اياد مراتك واطلعوا ارتاحوا
اياد: حاضر يا بابا يلا يا جميله ويطلع اياد ومعاه جميله ويدخلوا اوضتهم ويقفل اياد الباب ويروح يقف قدام جميله
اياد: تعرفي انك وحشتيني اوي صدقيني مكنتش عارف اعيش في بعدك عني وياخدها في حضنه
جميله: وانت كمان وحشتني اوي انا كنت بتعذب كل يوم وانت بعيد عني وكنت بتمني ترجعلي تاني
اياد: انا اسف ياحبيبتي سامحيني
جميله: انت اللي تسامحني يا اياد انا اسفه يمكن لو كنت فهمتك مكنتش بعدت عني
اياد: خلاص يا جميله انسي كل اللي حصل من النهارده مش هيبقي فيه غير السعاده السعاده وبس وياخدها في حضنه ويشيلها ويحطها علي السرير ويفك زراير قميصه ويقرب عليها ويبوسها علي شفايفها و (تسكت شهرزاد عن الكلام الغير مباح)
ــــــــــــــــــــــــــــــــــــــــــــــــــــــــــــــــــــــــــــــــــــــ
عند زياد واريچ
يدخل زياد الاوضه وهو شايل اريچ ويقفل الباب برجله وينزلها
زياد: انا مش مصدق ان انتي خلاص بقيتي معايا وملكي للابد
اريچ بكسوف: انا معاك وللابد
زياد ويقرب عليها ولسه هيبوسها ترجع اريچ لورا
زياد: بعدتي ليه
اريچ باحراج: ل.ل.لاازم نصلي الاول
زياد: عندك حق طيب انا هطلع برا وانتي غيري هدومك وانا هغير في اوضه نور
اريچ: طيب ويروح زياد يغير هدومه في اوضه نور وتدخل اريچ الحمام تاخد شاور وتتوضي وتلبس اسدال الصلاه وبعد شويه يجي زياد
زياد: يلا نصلي
اريچ: يلا ويصلي زياد بأريچ ويقول الدعاء ويقومها ويقلعها الاسدال ويجي يبوسها تبعد اريچ
زياد ويقرب عليها تاني ويبوسها بحب وينيمها علي السرير و (تسكت شهرزاد عن الكلام الغير مباح)
ــــــــــــــــــــــــــــــــــــــــــــــــــــــــــــــــــــــــــــــــــــــ
عند ميس ومحمد
محمد: معقول بقيتي مراتي وملكي
ميس بكسوف: طيب اطلع برا علشان اغير هدومي
محمد ويغمز لها: طيب مش محتاجه مساعده
ميس: لا مش عايزه يلا اطلع برا
محمد: حاضر ياقلبي ويطلع محمد وتدخل ميس تاخد شاور وتلبس الاسدال وبعد شويه يدخل محمد
محمد: ايه دا اسدال
ميس: .ا.ا.ايوه هنصلي الاول
محمد معاكي حق طيب انا هدخل اتوضي ويدخل محمد الحمام يتوضي ويغير هدومه ويطلع يصلي بميس ويقول الدعاء ويقوم ويقلعها الاسدال ويقرب عليها يبوسها ويشيلها يحطها علي السرير و (تسكت شهرزاد عن الكلام الغير مباح)
ــــــــــــــــــــــــــــــــــــــــــــــــــــــــــــــــــــــــــــــــــــــ
تاني يوم في المستشفي
تصحي نور ويحس بيها رامي
رامي: نور مالك حاسه بحاجه
نور: لا انا كويسه بس عطشانه اوي
رامي: طيب ياقلبي استني ويروح رامي يجيبلها مايه ويقومها ويشربها
رامي: عايزه حاجه تاني
نور: لا وتدخل مايا ومعاها وائل
مايا: نور
نور :تشوفها وتلف وشها الناحيه التانيه
مايا وتروح تقعد جنبها: نور الله يخليكي سامحيني انا اسفه وتمسك ايديها بس نور تشد ايديها
مايا بدموع: نور انا اسفه سامحيني
نور: اسامحك علي ايه يا مايا كفايه بقي تمثيل لحد كده كفايه
مايا: نور صدقيني والله انا ندمانه علي كل حاجه عملتها انا اسفه سامحيني يا نور
نور: للاسف مش هقدر واتفضلي من هنا
مايا بحزن: حاضر انا همشي يا نور تقدر تاخدني يا حضرت الظابط
وائل: اتفضلي معايا ولسه هتخرج مايا
نور: استني حضرت الظابط انا متنازله عن المحضر
وائل: انتي متأكده من كلامك
نور: ايوه ياحضرت الظابط دي مهما كان اختي وانا شايفه الندم في عنيها
وتدخل عليهم جميله: وانا كمان يا حضرت الظابط انا لما كنت مخطوفه مشوفتش مايا ولا عملت معايا حاجه ومقدرش اتهمها بحاجه انا مشوفتهاش
اياد: جميله ايه اللي بتقوليه دا
جميله: مايا من العيله يا اياد وانا زي نور لو مش شايفه الندم في عنيها مش هتنازل عن المحضر حضرت الظابط انا مش بوجه اي اتهام لمايا
وائل: طيب يا جماعه استأذن انا ويمشي وائل
مايا: ليه عملتوا كده انا غلطت ولازم اتحاسب
جميله: خلاص يا ماما اللي حصل حصل المهم تتغيري بجد وتعيشي حياتك صح
مايا: عندك حق لازم اعيش حياتي صح عن اذنكم
شريف: رايحه فين يا مايا
مايا: اي مكان يا عمو
فريده: لا يابنتي بيتك موجود وهتعيشي معانا مع اهلك يابنتي
مايا: وتروح تقف قدام والدها بابا انا اسفه ارجوك سامحني وتعيط
اشرف: ياخدها غي حضنه خلاص يابنتي خلاص مسامحك
مايا: زياد ارجوك سامحني انت كمان انا اسفه
زياد وياخدها في حضنه: مسامحك يا حبيبتي
نور: رامي لو سمحت عايزه اخرج من هنا
اريچ: بس انتي لسه تعبانه
مايا: انتي مرات زياد
اريچ: ايوه ياحبيبتي انا مرات ذياد
مايا: انتي زي القمر مبروك وانا اسفه ان الفرح باظ بسببي
اريچ: خلاص ياحبيبتي اللي حصل حصل المهم انك عرفتي غلطك وندمتي
ميس: ومن النهارده اهلا بيكي معانا في الشله
ريم: اكيد طبعا من النهارده الشله زادت واحده
مايا: انا بجد مش عارفه اقولكم ايه
جميله: متقوليش حاجه يا حبيبتي احنا مهما كان اهل
ويجي الدكتور يشوف نور ويكتبلها علي خروج
شريف نصار: بالمناسبه دي هنتغدي كلنا النهارده مع بعض ويروح الكل علي الڤيلا
ــــــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
