روايه (حطمت كبريائه)
جميله: اااااااه ليييييه ليييييييه يااااااااااارب يااااااااارب ليييييييييه حراااااااام لييييييه
اياد ويكسر الباب ويتصدم من منظر الاوضه ويروح عندها ويغمي عليها بين ايديه
اياد: جميله جميله ردي عليا جميله فوقي يا جميله
ويشيلها ويحطها علي السرير ويتصل برامي
اياد: ايوه يا رامي
رامي: ايه يا اياد
اياد: الحقني جميله اغمي عليها تعالي وهاتلي دكتور بسرعه
رامي: انت بتقول ايه انا هجيب الدكتور وهاجي حالا
اياد: بسرعه يا رامي ابوس ايدك ويقفل اياد مع رامي ويقعد جنب جميله
اياد: جميله ردي عليا يا جميله انا اسف حقك عليا
قومي ياجميله متسبنيش انا مقدرش اعيش من غيرك قومي ياجميله قومي ويرن موبايل اياد
اياد: ايوه يارامي
رامي: انا وصلت ومعايا الدكتور
وينزل اياد يفتح لرامي
رامي: فيه ايه يا اياد مالها جميله
اياد: مش عارف مش عارف
الدكتور: طب هي فين
اياد: فوق اتفضل ويطلع اياد مع الدكتور ويدخل عند جميله ورامي يستني بره
الدكتور يكشف عليها ويقول: هي حصلها ايه
اياد: هي كانت بتعيط وبتصرخ واغمي عليها
الدكتور: هي دخلت في حاله انهيار عصبي واضح ان في حاجه مأثره عليها علي العموم انا اديتلها حقنه مهدئه وان شاء الله هتفوق بعد شويه بس لازم ترتاح
اياد: شكرا يا دكتور ويطلع اياد هو والدكتور ويروح رامي يوصل الدكتور ويجيب الادويه
ويروح اياد يقعد جنب جميله ويمسك ايديها ويبوسها ويقول بدموع: انا اسف سامحيني انا مقدرش اعيش من غيرك فوقي ياجميله انا بحبك والله بحبك انا مش عارف عملت كده ازاي سامحيني ياجميله
ــــــــــــــــــــــــــــــــــــــــــــــــــــــــــــــــــــــــــــــــــ
عند رامي يجيب الادويه ويرجع يلاقي اياد قاعد تحت وايديه الاتنين علي وشه وبيعيط
رامي: وليه عملت كده فيها وفي نفسك يا صاحبي جميله كانت بتحبك وانت كسرتها في ليله فرحها اللي بتتمناها اي بنت انت جرحتها يا اياد وانا قولتلك هتندم ليه يا اياد ليه تعمل فيها كده بعد ماحبتك
اياد: علشان انسان اناني يارامي علشان انا اناني ومستاهلش واحده زي جميله ويعيط
رامي: اهدي يا اياد اهدي هتبقي كويسه باذن الله
اياد: نفسي تفوق وتسامحني مش عايزه حاجه غير انها تسامحني بس
رامي: حاول تصلح اللي انت عملته يا اياد
اياد: هعمل اي حاجه علشان تسامحني بس هي تفوق
رامي: طيب يا صاحبي انا همشي وانت اطلع لمراتك وخليك جنبها ويمشي رامي ويطلع اياد يقعد جنب جميله ويمسك ايديها ويعيط
ــــــــــــــــــــــــــــــــــــــــــــــــــــــــــــــــــــــــــــــــــ
ڤيلا شريف نصار
احمد: بابا هو فين رامي
الاب: رامي قال عنده مشوار وبعدين هيروح علي الشركه
احمد: طيب انا كمان رايح الشركه علشان الاجتماع
الاب: ماشي يابني ربنا معاك
ويمشي احمد يروح لرامي الشركه واول مايوصل يروح علي مكتب رامي
رامي: اهلا يابو حميد اقعد
احمد: رامي هو فيه مشكله بين اياد وجميله
رامي بارتبااك: م.م ممشكله ا ايه
احمد: اصل لما كنا عندهم حسيت ان فيه حاجه غلط وكمان لاحظت دموع في عين جميله وهي بتغني زي مايكون بتوصف احساسها
رامي: لا ياعم وبعدين انا هعرف منين مانا كنت معاكم
احمد: طيب يا رامي المهم عملت ايه ف الصفقه الجديده
رامي: انا كنت براجع اوراق الصفقه دلوقتي وهنشوف الباقي ف الاجتماع يلا بينا محمد مستنينا ف قاعه الاجتماعات
احمد: يلا بينا
ـــــــــــــــــــــــــــــــــــــــــــــــــــــــــــــــــــــــــــــــــ
عند اياد وجميله
جميله تبدأ تفوق وتفتح عنيها تلاقي اياد جنبها وماسك ايديها ونايم تفضل تبص عليه وهو نايم وتعيط من غير صوت وتحاول تقوم من جنبه بس هو يحس بيها ويصحي
اياد: جميله انتي فوقتي امتي ورايحه فين ارتاحي انتي لسه تعبانه
جميله: ابعد عني لو سمحت وملكش دعوه بيا
اياد: جميله انا اسف ارجوكي تسامحيني
جميله بصراخ: اسامحك علي ايه علي قلبي اللي كسرته ولا علي الذل ولا علي الاهانه ولا علي ايه ولا ايه ابعد عني وسيبني في حالي انا بكرهك بكرهك
اياد بخضه: طيب طيب اهدي بس يا جميله
جميله بصراخ: اطلع بره انا مش عايزه اشوف وشك اطلع بره
اياد: حاضر يا جميله هطلع هطلع بس انتي اهدي
ويخرج اياد من الاوضه وهو ندمان
جميله تقعد علي الارض وهي بتعيط: ليه يا اياد تعمل فيا كده بعد ماحبيتك ليه ليه
اياد قاعد عند باب الاوضه بتاعتها في الارض وسامع عياطها وكلامها: انا اسف سامحيني ياجميله سامحيني
وبعد شويه تفتح جميله الباب وتلاقي اياد قاعد في الارض
اياد: جميله انتي رايحه فين وواخده شنطة هدومك معاكي
جميله: همشي من هنا وورقة طلاقي توصلني يا اياد من غير مشاكل
اياد: لا يا جميله انتي مش هتمشي ومش هتسبيني انا مقدرش اعيش من غيرك ارجوكي
جميله: قصدك متقدرش تعيش من غير ماتذلني وتكسرني وعلي العموم ارتاح يا اياد انت كسرتني زي ماكنت عايز خلاص ابعد عني بقا وسيبني امشي
اياد: جميله اديني فرصه اثبتلك فيها اني بحبك ومقدرش اعيش من غيرك والله ماهقدر ابعد عنك
جميله: مبقاش ينفع انا قولتلك لو خسرت ثقتي مش هتعرف ترجعها تاني
اياد بدموع وصوت عياطه بيعلي: والله بحبك انا اسف بس متبعديش عني ارجوكي وانا هثبتلك اني بحبك بس اديني فرصه ياجميله وحياه اغلي حاجه عندك
جميله: يا اياد مبقاش ينفع سيبني امشي لو سمحت
اياد بعصبيه وعياط: مش هتمشي ياجميله ومش هطلقك ويدخلها اياد الاوضه ويدخل معاها ويقفل الباب بالمفتاح ويحط المفتاح في جيبه وياخد منها الشنطه ويرجع الهدوم مكانها
جميله: ايه اللي انت عملت دا انا همشي مش هقعد هنا
اياد: وانا قولت مش هتمشي ياجميله يعني مش هتمشي ويقرب منها اياد ويمسك ايديها بحب: والله ماهقدر اعيش من غيرك انا اسف سامحيني كنت غبي مش فاهم حاجه انا اسف ويبوس ايديها
جميله : تمسك كوبايه ازاز وتحدفها ف المرايه تتكسر
اياد بخضه: ايه دا
جميله: بص شوف الازاز دا ينفع يتصلح اكيد لا اهو دا بقي قلبي اللي انت كسرته وللاسف مش هينفع يتصلح ماهو مش كل اللي بيتكسر بيتصلح ولو سمحت اخرج دلوقتي من هنا مش عايزه اشوفك وهو شهر يا اياد وهتطلقني لاني مش هسامحك
اياد بدموع: حاضر ياجميله لو دا اللي هيريحك هعملهولك وبعد شهر هطلقك يمكن تقدري تسامحيني وتعرفي اني بحبك واسف ياجميله اني كسرت قلبك عن اذنك ويطلع اياد يروح اوضته وجميله تترمي علي السرير وتعيط وتقول: يارب اصلح لي حالي يارب وتنام جميله وينام اياد بعد وقت طويل
ــــــــــــــــــــــــــــــــــــــــــــــــــــــــــــــــــــــــــــــــ
تاني يوم تصحي جميله تتوضي وتلبس وتأدي فرضها
وتنزل تحضر الفطار وتفكر تنادي علي اياد يفطر ولا لا وبعد وقت تروح عند اياد الاوضه وتخبط وتدخل
جميله: احم ايااد قوم
اياد: يصحي ويقوم بخضه ويقول جميله انتي تعبانه حاسه بحاجه اتصل بالدكتور
جميله: لا انا بس جهزت الفطار مش انت قولتلي احضر الفطار كل يوم واجهزلك هدومك
اياد بحزن: لا ياجميله متعمليش حاجه انا اسف اني قولتلك كده
جميله: مبقتش تفرق انا قولت نقعد الشهر دا مع بعض من غير مشاكل يلا ادخل خدلك شاور وانزل افطر
اياد: طب ممكن نقضي الشهر دا زي اي اتنين صحاب تقبلي تكوني صديقه ليا ياجميله ويمديلها ايده
جميله بعد تفكير تمد ايدها: ماشي قبلت الصداقه ويلا علشان الفطار هيبرد
اياد يبوس ايديها: حاضر تسلم الايد اللي عملت
جميله تسحب ايديها وتنزل ويدخل اياد ياخد شاور وينزل يفطرو وتقوم جميله تشيل الاطباق بس يجيلها دوخه ويقع الطبق من ايديها ويجري عليها اياد ويقعدها علي الكرسي ويقولها: اقعدي انتي ياجميله انتي تعبانه انا هشيلهم ارتاحي انتي ويقوم اياد يشيل الاطباق ويرجع لجميله يشيلها ويطلعها اوضتها
اياد: مش عايزك تتحركي من هنا مفهوم
جميله: بس انا كويسه هما حبه صداع بس
اياد: انا قولت ممنوع تتحركي ويديلها العلاج ويقولها: انا نازل هروح اجيب حاجه وجي عايز ارجع الاقيكي مكانك ماشي
جميله: ماشي
ــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
