روايه (حطمت كبريائه)
في النادي
جميله: معلش ياجماعه انا هرجع الڤيلا
ريم: ليه يابنتي خليكي كمان شويه ونمشي كلنا
جميله: معلش ياريم حاسه بشويه تعب بس
ثريا: مالك يابنتي
جميله: لا مفيش شويه تعب بس
فريده: طيب يابنتي روحي
وتمشي جميله تروح الڤيلا وهي حاسه بخنقه وتتصل باياد وتلاقي موبايله مقفول وبعد شويه توصل الڤيلا وتقعد تحت وتحس بخنقه وخوف وتطلع اوضتها وتفتح الباب وتتصدم لما تشوف اياد نايم عاري الصدر وجنبه مايا لابسه قميص نوم
جميله: ايه اللي بيحصل هنا دا
يقوم اياد بخضه: يلاقي جميله قدامه اومال مين اللي نايمه جنبه ويبص عليها يلاقيها مايا
اياد: انتي ايه اللي جابك هنا
مايا: انت ياحبيبي انا كنت جيبالك القهوه وماشيه قولتلي خليكي معايا شويه
اياد: انتي كدابه انا فاكر اني قولتلك اطلعي بره وبعدين ... مش فاكر
ومازالت جميله واقفه عند الباب مصدومه ازاي اياد يعمل كده ازاي اياد يخونها وتنزل دموعها ويروح عندها اياد: جميله والله العظيم دي كدابه انا كنت فاكر ان انتي اللي معايا والله ولسه هيمسك ايديها
جميله بصراخ: ابعد عني اوعي تلمسني
اياد: جميله اهدي ياجميله ارجوكي صدقيني
جميله: طلقني يا اياد
اياد بصدمه: ايه
جميله بصراخ: بقولك طلقني يا اياد طلقني انا بكرهك بكرهك
اياد: ياجميله اسمعيني بس والله كنت فاكر ان انتي اللي معايا
مايا: طلقها ياحبيبي مش مهم وخليها تمشي من هنا
اياد يضرها بالقلم: انتي تخرسي خالص وامشي اطلعي بره وحسك عينك تدخلي الاوضه دي تاني
مايا: بتضربني يا اياد علشان دي
اياد ويمسكها من شعرها: دي انضف من عشره زيك امشي بره
مايا بزعيق: لا مش هطلع بره يا اياد ولازم تتجوزني
جميله بصدمه: يتجوزك
مايا: ايوه ياحبيبتي يتجوزني وبعد اللي حصل دا لازم يتجوزني
اياد: بعصبيه اتجوز مين انتي اتجننتي ولا ايه وبعدين انا اصلا مالمستكيش
مايا: نعم ياحبيبي اومال مين اللي كانت نايمه جنبك دي لا هتتجوزني يا اياد ولما العيله تيجي هقولهم علي كل حاجه حصلت
جميله: متخافيش هيتجوزك وانا اصلا همشي من هنا ومش هتشوفي وشي تاني وتنزل جميله وياخد اياد قميصه وينزل يجري وراها وهو بيلبس ويلحقها قبل ماتخرج من الڤيلا ويمسك ايديها يوقفها
اياد: جميله ارجوكي اسمعيني
جميله: اسمع ايه ها اسمع ايه اسمع اني اجي ادخل اوضتي الاقي جوزي نايم علي السرير وفي حضنه واحده لابسه قميص نوم عايزني اسمع ايه ها طلقني يا اياد اللي بينا انتهي
اياد: جميله والله العظيم ماحصل بينا حاجه انا كنت فاكرها انتي ومعرفش اصلا هي لبست الهدوم دي امتي ومين اللي قلعني القميص
جميله: لاخر مره بقولك طلقني يا اياد
اياد: جميله علشان خاطري اسمعيني
جميله: علشان خاطري انت طلقني يا اياد
اياد بحزن: حاضر ياجميله هطلقك
جميله بحزن ودموع: عن اذنك
وتمشي جميله تركب عربيتها وتنزل دموعها بانهيار
جميله بصراخ: ياااااارب ليه خاني انا وثقت فيه لتاني مره ليه كده ليه يا اياد حرام عليك حراااام وتعيط جميله وبعد شويه تمسح دموعها وتمشي تروح تقعد علي البحر
ـــــــــــــــــــــــــــــــــــــــــــــــــــــــــــــــــــــــــــــــــــــ
عند ميس واريچ
ميس: مالك يا اريچ
اريچ بدموع: رجع ليه ها رجع ليه تاني بعد ماكسرني رجع ليه ليه ليييييه اااااااااه يارب ارحمني يارب
ميس بدموع: اهدي ياحبيبتي هو مين بس اللي رجع
اريچ: ذياد
ميس باستفهام: ذياد مين اااه استني كده اوعي تقولي ان ذياد نصار هو دا اللي كنتي بتحكيلي عنه
اريچ بحزن: ايوه هو ذياد هو دا ذياد نصار بس انا مكنتش اعرف ان هو قريب احمد واياد
ميس: هو كان واقف معاكي بيقولك ايه
اريچ: جاي يقولي اسمعيني وافهميني
ميس: طب وعملتي ايه
اريچ: ولا حاجه سيبته ومشيت كنت خايفه اضعف
ميس: معلش ياحبيبتي ربنا هيعوضك خير باذن الله
اريچ: يارب ياحبيبتي انا هروح اوضتي محتاجه ارتاح شويه
ميس: طيب ياحبيبتي روحي
ــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا شريف نصار
اياد واقف في الجنينه ودموعه نازله ويجي عليه رامي ونور
رامي: اياد مالك في ايه
نور: مالك يا ابيه حصل ايه
اياد بدموع: جميله طلبت الطلاق
رامي: انت بتقول ايه
نور: ايه اللي حصل يا ابيه
اياد ويحكيلهم اللي حصل
نور: انا مش مصدقه ازاي مايا تعمل كده
رامي: اكيد كان في حاجه في القهوه
اياد: مش عارف مش عارف
رامي: طب تعالي نقعد جوه ونتكلم
ويدخل اياد ورامي ونور الڤيلا
نور: طب وجميله راحت فين
اياد: مش عارف
رامي: اكيد عند اهلها هتروح فين يعني طب حد عرف
اياد: لا مكنش في حد في الڤيلا
وبعد وقت تيجي العيله من النادي
شريف نصار: مالك يا اياد
فريده: ايه اللي حصل يابني مالك
ريم: خير يا اياد مالك
اشرف نصار: قول يابني حصل ايه قلقتنا
اياد ولسه هيتكلم يلاقي مايا نازله من فوق وبتعيط
مايا: ايوه قول انت عملت ايه قول يا بشمهندس ولا خايف تعترف بعملتك
اشرف نصار: ايه اللي حصل يا ولاد بس
مايا وهي بتمثل العياط: ا.ا.يااد يا بابا وتحكيلهم اللي حصل
اشرف نصار يضرب اياد بالقلم: بقي تعمل كده في بنتي ياقليل الربايه
شريف نصار: معقول اللي حصل دا يا اياد انطق
اياد: يا بابا انا ويقاطعه شريف نصار بقلم علي وشه
شريف نصار: اخرس مسمعش صوتك انت هتتجوز مايا كمان يومين وكلامي يتسمع مفهوم
ريم: كلكم مش هاممكم غير مايا ومحدش فكر في اختي وهي فين دلوقتي
اياد: جميله شافت مايا معايا وطلبت الطلاق وسابت البيت ومشيت
ريم:اكيد راحت تقعد علي البحر هي لما بتبقي مخنوقه بتروح هناك احمد لو سمحت وديني عند اختي
احمد: حاضر بس اهدي يلا بينا
نور: لو سمحت يا ابيه خدني معاك عايزه اكون مع جميله
ميرڤت: خدي هنا جميله مين اللي تبقي جنبها واختك مين يبقي جنبها
نور: انا جايه معاك يا ابيه يلا نمشي
رامي: وانا كمان هاجي معاكم
احمد: طيب يلا بينا
ـــــــــــــــــــــــــــــــــــــــــــــــــــــــــــــــــــــــــــــــــــ
عند جميله قاعده علي البحر ودموعها نازله
جميله: ليه يا اياد عملت فيا كده انت وعدتني عمرك ماهتكسرني تاني ليه يا اياد ليه وتفتكر جميله حاجه وتمسح دموعها وتقوم تركب عربيتها وتمشي
وبعد وقت يوصل احمد ومعاه رامي وريم ونور
احمد: هي فين مفيش حد هنا
ريم: لا انا متأكده ان جميله كانت هنا
رامي: طب هتكون فين يا جماعه
نور: في اثار عربيه كانت هنا دلوقتي
ريم: اكيد جميله كانت هنا دلوقتي بس راحت فين
رامي: يمكن راحت عند اهلها
ريم: هتصل بمحمد هسأله عليها وتتصل ريم بمحمد
محمد: ايوه ياريم
ريم: محمد جميله عندكم في الڤيلا
محمد: لا هي مش قالت هتروح علشان تعبانه
ريم بدموع: هتكون راحت فين يعني
محمد بقلق: مالها جميله ياريم
احمد وياخد الموبايل من ريم
احمد: معلش يامحمد كلم ميس واسألها يمكن جميله راحت عندها وتعالي الڤيلا وهنقولك كل حاجه
محمد: طيب ويتصل محمد بميس
ميس: الو
محمد: ميس جميله عندك
ميس: لا ليه
محمد: مش لاقيين جميله
ميس: انت بتقول ايه ازاي
محمد: مش عارف انا رايح عند اياد دلوقتي
ميس: طيب وانا هاجي علي هناك باي وتقفل ميس مع محمد
أريچ: في ايه
ميس: محمد بيقولي مش لاقيين جميله
أريچ: ايه ازاي
ميس: مش عارفه يلا نروح لريم نشوف في ايه
أريچ: طيب يلا
ــــــــــــــــــــــــــــــــــــــــــــــــــــــــــــــــــــــــــــــــــــ
عند اياد قاعد في اوضته ودموعه نازله وتدخل عليه امه
اياد بدموع: ماما والله ماعملت حاجه
فريده: عارفه يا حبيبي ربنا هينصرك يابني باذن الله
اياد: جميله هتبعد عني يا ماما انا مقدرش اعيش من غيرها
فريده: حسبي الله ونعم الوكيل في ميرڤت وبنتها
ويرن موبايل اياد
اياد: ايوه ياحمد
احمد: اياد مش لاقيين جميله روحنا دورنا عند البحر وكلمنا محمد وميس وقالوا مش عندهم
اياد بقلق: انت بتقول ايه هتكون راحت فين يعني
احمد: مش عارف احنا جايين علي الڤيلا دلوقتي
اياد وتنزل دموعه بانهيار: جميله مش لاقينها
فريده: ياحبيبتي يابنتي هتكون راحت فين
اياد: انا السبب انا اللي ضيعتها مكنش لازم اسيبها تمشي ارجعيلي ياجميله ارجعيلي
ــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا فريد المنشاوي
ينزل محمد يجري
ثريا: ايه يابني بتجري كده ليه
محمد: بابا فين
ثريا: في المكتب جوه يابني
محمد ويجري علي المكتب: بابا لازم نروح عند اياد حالا بيقولوا مش لاقيين جميله
يقوم الاب بخضه: انت بتقول ايه مش لاقينها ازاي
محمد: احمد كلمني وسألني عليها وبيقول مش لاقينها
فريد المنشاوي: يلا يابني بسرعه نشوف اختك فين
ثريا: ايه اللي حصل مالكم
محمد: احمد كلمني وبيقول مش لاقيين جميله
ثريا: بنتي بنتي فين حصلها ايه
فريد المنشاوي: يلا بس بسرعه نروح نشوف جميله فين
ــــــــــــــــــــــــــــــــــــــــــــــــــــــــــــــــــــــــــــــــــــ
ڤيلا شريف نصار
يوصل محمد في نفس الوقت اللي توصل فيه ميس
ويدخلوا الڤيلا
فريد المنشاوي: بنتي فين يا شريف فين بنتي
شريف نصار: اهدي يافريد بس
ثريه هنهدي ايه بس بنتي فين حصلها ايه
فريده: اهي يا ثريه بس
فريد المنشاوي: انا عايز اعرف بنتي فين
ميرڤت ببرود: بنتك طلبت الطلاق وسابت البيت وتحكيلها علي كل حاجه
فريد المنشاوي بزعيق: وانتو قاعدين هنا ومحدش عارف بنتي فين
وينزل اياد ويروح عليه محمد يضربه بوكس في وشه ويمسكه من ياقه قميصه: بقي انت تعمل في اختي كده والله لو حصل لاختي حاجه هندمك يا اياد فااهم
احمد ويحوش بينهم: اهدي بس يا محمد خلينا نشوف هنعمل ايه
ميس: يا جماعه مينفعش كده احنا لازم نقسم نفسنا مجموعات علشان نعرف ندور عليها
ويجي ذياد ويقول: ايه اللي بيحصل في ايه
احمد ويحكيله
زياد ويهجم علي اياد ويضربه ويجري عليه احمد ورامي واشرف وشريف ويبعدو ذياد عن اياد
زياد: سبوني اقتله الحيوان دا سبوني
رامي: اهدي ياعم بس خلينا نشوف جميله فين
اشرف: اهدي يابني دلوقتي عايزين نعرف فين جميله
زياد: اكيد سابته عندها حق متبقاش علي ذمه واحد **** زي دا
احمد: اهدي يا زياد احنا دلوقتي هنقسم نفسنا مجموعات ونروح ندور علي جميله
عمي اشرف مع بابا وعمي فريد وانا مع ريم واياد رامي ومحمد مع ميس وزياد مع أريچ وماما ونور وطنط ميرڤت وطنط ثريه خليكم هنا علشان لو جميله رجعت البيت
تبص أريچ علي زياد ويبصلها زياد ويمشي الكل يدور علي جميله
ـــــــــــــــــــــــــــــــــــــــــــــــــــــــــــــــــــــــــــــــــــ
بقلمي: دنيا إمام
