كيان ؛ وللوو لازم تهتتمم يالله قومم
سحبته رغم اعتراضاته وطلعو لفوق
فواز جلس جمب شهد باس راسها ؛ شلونك؟
شهد ابتسمت ؛ بخير دامك معي
ابتسم فواز بحُب طالعها بـ تمعن ؛ شصاير؟
شهد ؛ مافي شي , تبي قهوه؟
فواز ؛ ايي تكفين راسي ينبض
شهد بخوف ؛ الحين بسوي لك مساج كويس لراسك طبيعي من الشغل جاهد نفسك
فواز حط راسه على رجولها
بدت شهد مساجها بهدوء لين حسته نام ابتسمت بحُب كبيرر باست جبينها وخلته جابت بطانيه غطته رفعت راسها شافت عزيز وكيان ناازلين اشرت لهم انهم يسكتون ويتجهون للحديقه
راحو وجلسو
شهد؛ ابوكم نايم لاتزعجونه اجلسو هنا
كيان ؛ انزين ماما بكرا بطلع مع صاحباتي
شهد؛ وين؟ ومتى؟
كيان ؛ شفتي المطعم الي جديد فتحوه هنا؟ وعالغداء عندهم جلسات خارجيه تجنن شرايك تجينن معناا؟؟
شهد ؛ لالا بكرا مشغوله
عزيز؛ اقول يمه
شهد؛ امر
عزيز؛ الله يسلمك امم الحين ليه ماجبتي اخو لي
كيان صفقته ع راسه من ورى
عزيز؛ اههه شفيكك يالدففششه هذا وانتي بتتزوجين يعع
شهد ضحكت ؛ ععيبب وبعدين ع سؤالك ظروفي الصحيه منعتني اجيب لك اخو يالفاهم
قام وجلس جمبها وضمها ؛ الحمدلله اصلا انا مابي ابي اصير دلوعك
شهد ضحكت وضمته؛ يالمجنونن
كيان ابتسمت بخفه وقامت لداخل
-
نزل من سيارته وهو يطالع الشارع الي شَهد على كل شي صار له معاها من فرح حزن حب كل شي رفع عينه يطالع البيت بحنـين واشتياق لاشعوريا صار يمشي ناحية ذاك البيت وبس وصل حس بـ دمعه تنزل من عينه مسحها وعدّل نظارته الطبيه
تنهد وتذكر بيت شعر لـ فهد المساعد
"
من بعد فرقى عُمر جيت زياره
لأعز شارع فَـ اخر اول حاره
ساعة وصلت هناك طاحت دمعه
واسترت باقي الدمع بالنظاره
"
تنفس بعمق والتفت بيروح سمع ذاك الصوت الي ياما جاه بـ احلامه التفت ب لهفه
؛ كككيان ي ماماا انتبهي لنفسك لاتطيرين بالعوجا
ضحكت كيان؛ ان شاءالله يامامااا لاتخافين يالله سلامم
وقفت كيان وهي تعدل حجابها وتطالع الرجال الغريب الي واقف لاشعوريا راحت له ؛ تبي شي ي عمي ؟
مو مصدق يطالعها عمي؟ تقولين لي عمي؟ انا مفروض غير
كيان عقدت حواجبها ؛ عمي تسمعني؟
فاق من سرحانه وابتسم بهدوء ؛ مافيني شي
كيان ابتسمت وطلعت قاروره مويه ومدتها له ؛ تفضل تراها بارده
ابتسم واخذها شرب شوي مجامله وهو يطالعها تشبه لها مرا لاشعوريا همس ؛ شهد
رجعت خطوه لورى بتوتر ؛ ايش؟
سكتت وكأنه ندم
كيان ضلت تطالعه وتذكرت حاجه بتفاجأ ؛ انت غيث!
للحظه طالعها بـ تفاجى تعرفه! حكت لها عني؟ توتر وعطاها ظهره متجه لـ سيارته ركبها وراح
كيان ضلت واقفه ماتدري تقول لامها او تسكت
ركبت السياره مع السايق متجهه لـ جمعه صديقاتها نزلت راسها وهي تطالع الشباك " ياترى وش الي جابك يَ غيث "
رفعت عينها للسماء الغروب ابتسمت بحزن " الغروب كان شاهد على قصتهم "
رن جوالها رفعته ؛ ماما
بتوتر ؛ السايق يقول انك توك تركبين وكنتي واقفه مع رجال
كيان باندفاع ؛ ماما شفت غيث
انصدمت ؛ ايـش!!
كيان عضت شفتها ماكان مفروض تعرف؛ ماما عرفني ونطق اسمك
ابتسمت شهد بهدوء ؛ كيف شكله؟
كيان ؛ الشيب ملا راسه تقريبا ولابس نظاره طبيه بس حلو والله
ابتسمت شهد بضحكه
كيان بتردد؛ ماما صدق الغروب جزء من حكايتك مع غيث ؟
شهد تنهدت ؛ اي بس هذي قصه وانتهت وانا مع ابوك فواز ومابي غيره
صكرت كيان من امها وهي تحس ب حزن من ناحيه غيث وش صار معه؟ ودها تعرف شلون انتهت قصته هو بعد؟
-
عند غيث وقف عند بيتهم ونزل انفتح باب القصر ودخله ابتسم بخفه وهو يشوف ...
؛ اببوووويييي تعال تعالل
غيث ؛ ابوك انا تعال انت
جاء ووقف عنده ؛ انت بخير؟
غيث طالعه بحُب ماعنده الا هالولد من بعد قصته تزوج وزوجته كانت طيبه وكثير جابت له هالولد وتوفت بيوم ولادته جابت له " سيــف " ابتسم؛ اي يابوك بخيرر
سيف مسكه وجلسو بالحديقه ؛ رحت هناك؟
غيث ؛ وين رحت؟
سيف ضحك بخفه ؛ ابوي انا ادري ترى عميمه هديل خبرتني
غيث نزل راسه وابتسم بحزن : اي رحت
سيف طالع ابوه ؛ انت حبيت امي؟
غيث ؛ اكذب عليك ان قلت لك اي بس والله انها ماشفت منها الا كل خير وطيبه واحترام * بسرحان* كنت بمرحله شتات ي ابوك مين الانسانه الي ترضى فيني وتقدر تجمعني وامك كانت هنا بس للاسف ماتهنيت معاها * لف عليه وابتسم وهو يمسح على خد ولده * عطتني احلى هديه والي هو انتَ مستعد اضحي بكل الناس الا سيف الا انت يابوك
ابتسم سيف وباس يد ابوه ؛ انا فخور فيك يابوي انتَ بنيت نفسك وصنعت اسمك بنفسك
؛ الحلوو وصصصل
التفتو على يزن ولد هـديل والوليـد
سيف قام سلم عليه ؛ هلاا هلاا عميمه وينها؟
؛ هذاني جيتت بس هذا اهبلل
سلمت عليهم وجلسو
يزن باس راس خاله؛ شلونك خال ؟
ابتسم غيث ؛ بخيرر وانت؟
يزن ؛ عال العال
سيف ؛ قوم قوم بس بنشوي ترى
يزن ؛ يالليل يممه هذا وانا اكبر من سيف ب 3 سنين بعد
سيف ؛ افهم منك انا
يزن صفقه ع راسه
سيف ردها له وهو يضحك
هديل؛ اقول قوم يالله
قامو ويزن يتحلطم
هديل لفت ع غيث ؛ شلونك؟
غيث تنهد؛ بخير ، هديل
هديل؛ ي عيني
غيث بلع ريقه وطالع قدامه بهدوء؛ انا رحت
هديل باستغراب؛ وين؟
غيث بلل شفاته ؛ لـ عند شءشهد
هديل انصدمت ؛ ايشش
غيث ابتسم بخفه ؛ شفت بنتها تشبه لها مرا * بخنقه* تقولي عمي عمي ي هديل وانا المفروض* سكتت *
هديل؛ استغفر ربك يارجال مو زين
غيث ؛ استغفر الله " سند راسه ويطالع السماء " ي عيون الشوق وين الامنيات , هل هي تذكرني او ان الشوق مات او زمان الصمت بالقسوه كساها
هديل طبطبت على كنفه وهمست ؛ انساها ي خوي انساها 21 سنه ماكانت كفيله بانها تخليك تنساها ؟
يرن صارخ من بعيد ؛يمممههه نحتاجك لو سمحتي
هديل ؛ انا بروح لهم
وقامت رايحه لهم
غيث بهدوء طالع السماء وابتسم وهو يغني بصوت هادي وخفيف ؛ للغروب بوسط قلبي ذكريات ماتناساها الخفوق ولا نساها لي معاها قبل ماتغرب حياه وغرقت شمس المحبه في مساها
تنهد بقوه وقام وقف جمب ولده وابتسم له حاوطه من كتوفه ولاشعوريا همس ؛ ابوك عشانك عايش
ابتسم سيف بحُب لابوه الي عانى كثير وهو مليون مرا وعد نفسه بداخله راح ينسي ابوه اي ذكرى سيئه وراح يسعده قد مايقدر
-
عند شهد
جالسه بالحديقه وهي تطالع الشمس الي غربت خلاص تنهدت وهي تتذكر كلام بنتها ابتسمت بخفه وهي تسمع فواز جاي وجلس جمبها ؛ شلونك؟
شهد سندت راسها على صدره ؛ بخير كيفك ي دكتورنا؟
فواز حاوط جسمها ؛ اوهه شغل شغل
شهد تنهدت بحُب وطالعته ؛ الحمدلله على وجودك بحياتي
فواز باس راسها ؛ انتي عطيتيني حياه ي شهد
ابتسمت شهد وغمضت عيونها تذكرت جزء ماحكته لبنتها وكانت النهـايه لقصتهم
"
رفعت راسها وهي مبتسمه بقوه تلاشت ابتسامتها وهي تشوف غيــث جالس على الكرسي يطالع البحر
تنهدت ورفعت جوالها شافت رساله من "فواز " " شهود حبيبي مشتاق لك كلها يوم وراجع اشوفك انتبهي لك استودعتك ربي ي عيونه "
ابتسمت بحب لـ هالشخص ماراح تقدر توفيه حقه طول ماهم مع بعض صار لهم سنتين مع بعص وهو مغرقها بحبّه وحنانه هي حامل الحين ولا حكت له تبي تفاجأه اذا رجع ابتسمت بحب طالعت مره ثانيه غيث رفعت طرحتها ولفتها بهدوء وتقدمت وجلست جمبه
غيث طالعها ابتسم بخفه ؛ شهد
لفت تطالعه تنهدت وهي تلعب برجولها؛ شلونك؟
غيث طالع البحر وبسرحان ؛ تسمعيني ؟
شهد ؛ اكيد
غيث بلع ريقه وطالعها ثمن طالع البحر وابتسم بندم ؛ احس اني ضايع حاس اني ضيعت شيء كبير بسبّة كبريائي * طالعها * لو اقولك من اليوم لبكرا اني ندمان واني اتمنى بس يرجع الوقت واعدل كل شيء سويته غلط * تنهد بهمّ * ياليت اقدر اعطيك حُبي ياليت اقدر اخليك مبسوطه وانتي معي ياليت اقدر ارجع الوقت واخليك اسعد وحده
شهد همست ؛ ماتنفع كلمه ليت الي راح راح ي غيث طول عُمري حياتي مرتبطه بك وحُبي الاول لك دايما وابدا انا مو ناكره جميل انسى اي شيء * قامت وهي تطالعه وتتنفس بهدوء * ابيك تحط ببالك ي غيث شيء واحد بس وتذكره كويس
قام وهو يطالعها ؛ شنو؟
شهد تقدمت بتوتر ووقفت قدامه ؛ مشاعرك لاتخبيها انسى كبريائك مع الشخص الي تحبه * نزلت راسها وهي تدمع * لمن تشوفه كيف يضحي عشانك لاتكسره * بللت شفاتها ومسحت دموعها وطالعت البحر بابتسامه هاديه وهي تتنفس بعمق * انت انسان طيب وقلبك كبير بس مشكلتك تكتم وهالكتمان بيتعبك وكثير وبيبعد عنك اشخاص يحبونك انتبه
غيث بهدوء ؛ وانتي؟ شلونك مع * سكت مايبي ينطق اسمه *
شهد ابتسمت ؛ ربي عوّضني يارب لك الحمد ربي عوضني والعوض من الله حلو طلبت نجمه وعطاني قمر
التفت بتروح
غيث تقدم ومسك يدها ؛ شهد
بعدت يده وطالعته بهدوء
غيث ؛ بتنسيني؟
شهد نزلت راسها وطالعته بابتسامه؛ لا طبعاً ماراح انساك وبتضل موجود بس مدفون هنا * واشرت على يسار صدرها * الله يوفقك بحياتك ويسعدك فمان الله
تركته وراحت راحت وخذته معاها قلب وروح غيث الي ندم قد شعر راسه انه ماعبر ولا تكلم ولا حكى ولا حتى فعل لف يطالع الغروب الشمس بتغرب تنهد هالغروب الي شَهَد ع مواقف فراقهم وهالمره الاخيره خلاص , طالعها وهو يتحسر همس بندم همس بوجع همس بألم ؛ ليتني عرفتك بأول عُمري
التفت ومشى عكس طريقها
شهد بطريق وغيث بطريق هالاثنين الي عانو وحبو بعض بكل مافيهم بس غيث ماحافظ على هالحب الحب يبي له اثنين متمسكين ببعض وباقوى ماعندهم الحب يبي له اثنين فاهمين بعض يضحون لبعض مايكون بينهم كبرياء وكرامه
بس حال ابطالي كان غير شهد كانت المهتمه والمحافظه المتمسكه بس مافهمت غيث الغير مهتم اللامبالي صاحب الكبرياء وكرامته ماتسمح له يعبر , ضل غيث طول سنين يتندم على هالشيء شهد كانت بيده ومعاه وبحضنه وهو الي رماها بس شهد لقت من يعوضها ويحتويها لقت الصدر الحنون والحب الصّح وهذا ربي عوّضها وفعلاً العوض من الله حلو
وتمّ غروب الشمس وبانتهاء الغروب انتهت قصتنا وقصه بطلي " غيـث "
الى هنا " تمّت وبحمدالله "
روايه " ليتني عرفتك بأول عُمري "
من هالروايه كنت حابه اوضح شيء واتوقع واضح ايش هو بس بقوله ثانيه " شعورك انتبه تحطه بقلبك وتكتمه لاتقول خلاص فاهم مو لازم احكي لا لازم تحكي وتعبر وتضحي وتفعل لو مين ماكان هالشخص "
النهايـــة❣.
