غيث نزل بلبس البيت وجوعانن نادى على وحده من العاملات تحط له اكل ودقايق جات وعطته وهو ياكل التفت لها ؛ وينن ماما وهديل ولارا؟
؛ كلو اطلع
غيث؛ وبدر؟
؛ مافي اجي
غيث بهدوء؛ شهد؟
؛ مافي معلوم انا مافي شوف
هز راسه واشر لها تروح
اكل شوي وفتح جواله اتصل على شهد طلع مقفل تافف من حركات المراهقات قام وطق الباب مافي رد انقهر؛ ششهههددد!
برضو مافي رد
دخل لعند العاملات ؛ وينن مفاتيح السبير للجناح الي برا؟
راحت وحده منها وعطته
اخذ منها وفتح الباب وصكره وراه ابتسم بسخريه وهو يشوف الورد وفازته مكسورين على الارض وقف قدام باب الغرفه طق الباب ؛ ششهههددد ششههد افتحييي
شهد قامت وهي تحك عيونها فتحت الباب : نعم شفيكك من صباح ربي! الواحد ماينام يعني!
غيث رفع حاجبه الايمن ؛ صلوا العشاء وخلصو وانتي تقولين صباح! اصحي اصحي * بعد عن الباب وهو يأشر بعيونه على الفازه والبوكيه الي طايحين* وهالحركات و تقفيل الباب و تقفيل جوالك مابيها حركات المراهقات سمعتي ي بابا؟ يالله اشوف * والتفت بيطلع *
شهد بقهر ؛ ممممابييككك طلققنننييي
غيث التفت طالعها بسخريه وراح متجاهلها
شهد انقهرت دخلت للغرفه وقفلت الغرفه ونامت على سريرها بالعرض وهي تبكي قهر شلون بتتعامل معاه صعب صعببب وهو يصعب اكككثرر!
قامت بخوف وهي تسمع صوت صرخه وطيحه قويه
ركضت لبرا بسرعه شافت غيث طايح وماسك بطنه بقوه
شهد صارخت ؛ رررراااججججووووو
دخلل السواق ومنزل راسهه وهو مصدوم ليش غيث طايح، نعمم مدام!
شهدد؛ بسرعهه شيلهه وانا اجيكك
هز راسه ويحاول يسند غيث وشهد دخلت لبست عباتها وطلعت ركبت مع السايق وغيث جمبها صارخت شهد؛ بسرعهه مستشفىىى ! * لفت على غيث* وش يوجعكك ؟!
غيث كان يون ويتألم وهو كاتمها
شهد وهي تدمع بخوف ؛ غيثث طلبتك اصبر شوي شوي بس نوصلل
مسكت يده تقويهه وهو يشد عليها من الالم
شهد ؛ طلعع حرّتك بايدي معليكك بتحمل والله
غيث كان الالم مسيطر عليه ومو حاس بأي شيء !
وصلوا للمستشفى نزل راجوو وجابو كرسي ونادى الممرضات فتحوا باب السياره وركبوا غيث وشهد هي الي تدف العربيه بسرعهه مع انه ثقيل وصلوا لعند الدكتور شهد التفت لراجو ؛ روحح اتصل ببابا سعودد بسرعهه!
هز راسه وراح بسرعه
شهد بتدخل مسكتها الممرضه؛ اسفه اختي مايصير تدخلين
شهد بحده؛ زوجيي شتبين!
الممرضه بصبر ؛ ياختي ادري بس مايصير تدخلين
شهد كشرت بوجهها وبعدتها بقوه دخلت ووقفت جمب غيث مسكت يده تقويهه وتطالع الدكتور بثقه
الدكتور طالع الممرضه وفهم وكمل شغله عادي وغيث متخدر من الابره وبس يوّن بخفيف شهد قربت لراسه ؛ بسم الله عليك استودعتك الله الذي لاتضيع ودائعه بسم الله عليك بسم الله عليك
ضلت تسمي عليه لين شافت الدكتور يطالعها ووجهه ماكان مبسوط ابدد بخوف ؛ دكتور شفيه؟
الدكتور اشر لها تطلع برا
قامت شهد وطلعت معه ؛ بششرّ!
الدكتور ؛ زوجك ي مدام يعاني من فشل كلوي
شهد شهقت وغطت فمها بيدها!
الدكتور؛ اهدي ي مدام ولازم نستعجل باننا نسوي له تبرع بالكلى !
شهد ؛ انا بتبرع له بس بشرط محد يدري تمام؟
استغرب من طلبها ؛ تمام تعالي يسوون لك الفحوصات اللازمه وانا بعطيه ابره مهدئه وينام
شهد هزت راسها الدكتور دخل وهي مشت لقدام همست؛ انتي مالك الا غيث لاازم تحافظين عليه ولو تعطينه جزء من روحك مايغلا عليه غيث زوجك ي شهد
؛ ششههد!
التفت ؛ عمميي
ابو غيث؛ غيث شفيهه؟ ووينه! طمنين
قاطعتها؛ عمي غيث بخير
ابو غيث ؛ شهدد قولي لي الصدق!!
شهد تنهدت وباستسللام تدري عمها بينشب لهاا! ؛ عمي اهدى وتعال اجلس
جلسوا بالكراسي
شهد بللت شفاتها؛ عمي غءغيث طلع فيه فشل كلوي
ابو غيث طارت عيونه ؛ شلونن!
شهد؛ ياعمي غيث يحتاج تبرع كلى وباسرع وقت و
قاطعها؛ انا انا بشو
قاطعته؛ عمي انا بتبرع له بس لي طلب واتمنى تنفذه
ابو غيث دمعت عينه وابتسم لها؛ عيوني لك يابنتي امريي
شهد؛ مابي احد يعرف وخصوصا غيث باني انا تبرعت له
ابو غيث استغرب؛ ليهه! بالعكس بتكبرين بعينه اكثر
شهد تنهدت ؛ لا ياعمي مابي هالشيء انا بس يهمني انه يكون بخير لانه زوجي وسندي بـ هالدنيا مابقى لي احد غيره
تنهد ابو غيث ؛ الله يهدي سركم ي بنتي ويسخركم لبعض
ابتسمت شهد وقامت؛ انا بروح فيه تحاليل واجرائات لازم اسويها
لفت شهد لتروح عند الدكتور " غيث هو الي باقي لي بالدنيا غيث هو سندك ي شهد ماعاد باقي لي احد غيره مافيه " دمعت عينها مسحتها ودخلت الغرفه وبدت الاجرائات
-
بعد ساعه
غيث فتح عينه وهو تحت تاثير المخدر طالع الي حوله ابوه هديل خالد بدر اعمامه , شخص واحد ماكان موجود شخص واحد كان يدور عليه غيث ومالقاه رجع غمض عينه بتعب
دخل الدكتور ؛ احنا جاهزين لنبدا رجاء انتظروا برا
هز راسه ابو غيث وهو خايف على الاثنين غيث وشهد تنهد وهمس؛ ياربب
ابونواف؛ الا ياخوي مين اللي تبرع له؟
ابو غيث بابتسامه؛ فاعل الخير مارضى نقول اسمه
بدر بهمس لهديل؛ زوجته وينها!
هديل؛ مادري مادري المهم سلامه غيث
بدر بسخريه؛ يومها طاحت ركض لها والحين ماتدري عنه!
ابو غيث طالع بدر بحدّه؛ بدرر!
سكت بدر وهو مقهور فعلاً من شهد كيف تترك غيث بـ هاليوم!
-
عند شهد
لبست لبس المستشفى تستعد للعمليه تنهدت وهي تطالع نفسها بالمرايه همست؛ يارب احفظه يارب لايصير فيه شيء يارب اهله محتاجينه يارب خذني بداله يارب
طقت الممرضه الباب؛ مدام؟
شهد ؛ احمم جاهزهه
طلعت وانسدحت على السرير وسحبوها للغرفه العمليات
وهم يمشون وقفوا لابو غيث ؛ الله يقومكم بالسلامه يابنتي
ابتسمت شهد ؛ امين يارب
ابو غيث ؛ بحفظ الله ي بنتي
شهد ابتسمت بتوتر وغمضت عيونها وهي تتنفس بهدوء
سحبوها ودخلوها لغرفه العمليات التفت ليسارها شافت الممرضه تعطيها ابره منومه لتنام
الدكتور ؛ يالله يامدام عدي من واحد الى 10
شهد بهمس ؛ واحد اثنين ثلاثه اربعه خمسه سته سبعه * بدت تدوخ * ثءثمانيه تس
وتم مفعول المخدر
-
اليوم الثاني الساعه 2:00 الظهر
فتحت عيونها بتعب مسكت جمبها بألم ضلت ثواني تتلفت وتحاول تتذكر وش الي صار قامت على حيلها وهي تنادي
دخلت الممرضه ؛ لالا ارتاحي ي مدام
شهد انسدحت وهي تتنفس بقوه وتوّن ؛ ممم غءغيث شصار؟
الممرضه مافهمت عليها عطتها ابره منومه ونامت وهي تهلوس بغيث
-
عند غيث
الكل حوله مبسوطين العمليه نجحت وصار احسن بكثير بس باقي يصحى ويقدر يطلع
هديل ؛ يعني بيصحى اليومم!
ابو غيث بابتسامه ؛ ايه باذن الله ويمكن الحين بعد * قام* انا بروح واجي
طلع متجهه لغرفه شهد دخل الغرفه شاف الممرضه تعطيها ابره المخدر ؛ ششفيها!
الممرضه؛ المريضه تعبانه شوي لازم لها نوم وراحه
ابو غيث باستغراب ؛ بس هي نقلت تتعب اكثر؟
الممرضه ؛ ايهه تتعب اكثر وتحتاج غذاء كويس وحتى ماتقدر تمشي
ابو غيث بخوف؛ يعني بتقعد بالمستشفى؟
الممرضه؛ اسبوعين بالكثير وتطلع
تنهد ابو غيث ؛ تمام * توه بيطلع التفت وهو يسمعها تهلوس بغيث *
طلع بسرعه وهو مايبي يحس بالذنب
رجع لعند ولده فتح الباب شافه يسولف مع هديل ابتسم بقوه ؛ غغيثث!
غيث ابتسم بتعب ؛ ابويي
تقدم ابو غيث وضم ولده؛ بسم الله عليك شلونك انت بخير تحس بتعب؟
غيث ابتسم بخفه ؛ الحمدلله لا مافي تعب احم
هديل مدت لها مويه ؛ سمّ
ابتسم وجلسوا يسولفون وغيث طول المده يطالع الباب ويقول بنفسه الحين بتدخل الحين بتدخل
ابو غيث لاحظ على غيث وهو مايقدر يحكي ولا شيء وبما ان شهد اسبوعين بتكون بالمستشفى لازم يكذب عليه؛ شفيك يابوك ؟
هديل سكتت لان غيث سألها عن شهد وقالت الحين بتجي
بدر ضحك بسخريه وقهر
غيث بهدوء؛ شهد يبه وينها؟
ابو غيث ؛ شهد مسافره اسبوعين وترجع
غيث عض شفته بقوه وانقهر وسكت وهو يرجع لبروده والجمود ؛ احم متى بتطلع ؟
ابو غيث تنهد؛ الدكتور يقول بعد يومين عشان يتطمنون عليك
هز راسه ؛ ماتعرف مين الي تبرع لي؟
ابو غيث ابتسم؛ فاعل الخير عسى ربي يريح باله ويسعده
غيث هز راسه؛ امين
-
مرو يومين ثقيلين على غيث يبي يطلع من المستشفى شعور الفراغ ذابحهه يبي يرجع يشتغل يشغل نفسهه ولايفكر بولاشيء واليوم اخيراً بيطلع بعد ماحس انه جلس سنتين
دخل البيت ؛ انا بروح الحديقه اخذ هواء
هديل ابتسمت؛ انا بسوي لك عصيرر عشان تنتعش
ابو غيث ؛ زين تسوي ي ولدي انا عن اذنك بروح ارتاح شوي
هز راسه غيث وراح
بدر بهمس لابوه؛ ليه تكذب
ابو غيث ؛ نعمم!
هديل راحت للمطبخ
ابو غيث طالع بدر ؛ انت شتقول!
بدر ابتسم ؛ شهد ماسافرت شهد ماتبي غيث ولا؟
ابو غيث ارتاح من ناحيه انه ماعرف وانقهر ؛ نعممم! اقول شرايك تروح لدراستك وتذاكر لك كم يوم سساحب!
بدر بقهر؛ مابي ادرس مو لازم عندنا فلوس كثير
ابو غيث غسل ايده من ولده وراح وهو مطنشه
من جهه ثانيه عند غيث
جالس وقدام جناح شهد بفضول قام ودخل الجناح التفت لمكان الورد لقاه ذابل مشى للغرفه فتحها عقد حواجبه هذا مو كأنه جوالها! اخذه وفتحها وفعلاً جوالها خلفيه الجوال صورتها اخذ الجوال وطلع من الجناح وهو يفكر نست جوالها؟مو معقوله!! جلس على الكرسي وجات هديل بالعصير ؛ تفضضلل صنع بكل ححب
ابتسم غيث وطالع ؛ هديلل
هديل؛ همم
غيث ؛ متى ملكتك ؟
هديل ابتسمت؛ راح تكون بكرا وبسيطه بسبب ظروف تعبك
غيث ؛ وشهد وينها؟
هديل ؛ مسافره
غيث ؛ شدراك؟
هديل باستغراب؛ ابوي قالنا
غيث هز راسه شرب العصير مره وحده وقام ؛ عن اذنك اذا سألك عني ابوي قولي له غيث راح لشغله
هديل؛ بس
طنشها وراح ركب سيارته ومشى
-
بالمستشفى
عند شهد
فتحت عيونها بتعب شافت الممرضه واقفه تشوفها همست بثقل ؛ غيث شصار عليه
الممرضه ابتسمت؛ الحمدلله كويس واليوم طلع بالسلامه
شهد ابتسمت بتعب غمضت عينها بتعب مسكت جمبها ؛ امم
الممرضه ؛ بعطيك مسكن
شهد بتعب ؛ ابي انام عطيني مخدر
الممرضه؛ صار لك يومين نايمه! اهلك بيفقدونك!
شهد ؛ هه انا ماعندي اهل تكفين عطيني وريحيني الله يريحك
الممرضه حزنت عليها طلعت ورجعت عطتها المخدر
شهد شوي شوي ونامت
-
عند غيث
جالس بمكتبه يحس بألالام شوي بس يتجاهلها ويكمل شغله
دخل خالد؛ انت مجنننون!
غيث طالعه ببرود وابتسم؛ هلا شلونك؟
خالد جلس ؛ انت شجابك! مفروض تكون بالبيت اقل شيء اسبوعينن!
دخل نواف؛ مجنوووووونننن! وش صصححاكك!
غيث ؛ مافيني شيء لاتكبرون السالفه! احكوا لي وش صار بغيابي؟
تنهد خالد من عناده
-
مر اسبوع كامل
الكل على حاله
غيث مو مستوعب ولا مصدق ان شهد مسافره بس مايدري وينها
ابو غيث رايح جاي لعند شهد وكل مايجي كانت نايمه ولا مره كانت صاحيه
هديل صح خلونا نرجع ليوم الملكه
"
لابسه فستان اخضر غامق وشعرها مسويته ويفي كبير طالع طبيعي وحيوي دخلت مع غيث وجلست وغيث طلع
الوليد ابتسم ؛ مبروك
هديل بهدوء ؛ الله يبارك فيك
الوليد رفع يده ليرفع راسها همس ؛ بسم الله ماشاءالله
هديل نزلت عيونها وهي مستحيه وقلبها يدق بقوه
الوليد؛ هديل انا طول عمري كنت ابي زواج تقليدي لاني احس هو صادق وبعد يكون طبيعي ومن البدايه نعرف بعض بطريقه صحيحه
اعجبت هديل بطريقه تفكيره وابتسمت بهدوء
الولليد؛ شرايك متى الزواج؟
هديل بهدوء ابتسمت ؛ ياليت لو يكون بعد4 شهور لان ودي نعرف بعض اكثر
الوليد بتأييد ؛ حلوو وبعد عشان تاخذين راحتك بالتجهيز بيكون اجازه
هديل هزت راسها
الوليد مد لها كيسه ؛ تفضلي هديه صغيره والجايات اكثر ورقمي موجود جواه
هزت راسها وقامت ؛ عن اذنك
الوليد قام ولفها ناحيته بهدوء؛ موكأنك نسيتي شيء ؟
هديل عقدت حواجبها ؛ ايش؟
الوليد ابتسم وباس خدها ؛ هذا . يالله بحفظ الله
هديل ماتت من الحيا والتفت طلعت
"
هذا الي صار ب هالاسبوع الصغير
بالمكتب
غيث كان يفكر للحين مايدري عن شهد ولاشيء وهو عنده سفره مهمه وبيطول معقوله بيروح ولا راح يشوفها! تنهد سفرته بكرا الصبح يعني شكله مافي امل للحظه حس بغرابه بتفكيره واذا شافها !
تنهد وقام بيروح للبيت يجهز اغراضه
ركب سيارته وشخط للبيت
-
بالمستشفى
ابو غيث يكلم غيث ؛ الله وياك يابوك لا ابي سلامتك بس .. الله يحفظك .. هاه شهدد ايه بترجع هالاسبوع ان شاءالله بحفظ الله
صكر منه وراح لدكتور شهد ابتسم بقوه وهو يسمع الخبر ؛ صدق!
الدكتور : ايه نعم شهد راح ترجع للبيت اليوم بس يبي لها اهتمام ورعايه ومايصير توقف كثير والاكل ثم الاكل لتعوض الي فقدته تمام؟
ابو غيث ؛ باذن الله وانا باخذ لها ممرضه تكون معاها
الدكتور هز راسه؛ زينن تفضل معي نسوي اجرائات الخروج على ماتجهز شهد
هز راسه وراح معاه
عند شهد
ماسكه جمبها بوجع وهي تلف طرحتها ؛ مم يارب
رفعت راسها ابتسمت ؛ عمي
ابو غيث ؛ شلونك ي بنتي ؟
شهد هزت راسها؛ بخير اعذرني كنت تجي ولا اشوفك
ابتسم ابو غيث؛ ولايهمك يابوك يالله خلينا نروح
هزت راسها وجاتها الممرضه الخاصه فيها ركبتها الكرسي المتحرك ودفتها
ركبوا السياره شهد جمب عمها والممرضه الفلبينيه وراهم
شهد بهدوء؛ غيث شلونه؟
ابو غيث تنهد؛ الحمدلله بخير بس ماكذب عليك يابنتي غيث كانه حاس ماغير يسالني عنك
تنهدت شهد
ابو غيث بهدوء ؛ شهد
شهد لفت عليه؛ سمّ
ابو غيث ؛ غيث سافر اليوم واحتمال يطول برجعته ومايرجع الا قبل زواجكم بيومين ثلاثه
شهد ابتسمت وطالعته؛ يروح ويرجع بالسلامه
لفت راسها للشباك وماسكه نفسها لاتبكي كان ودها تشوفها قبل لايروح بس ماتقدر حالتها ماتسمح ابدد تنهدت من قلب بهم
-
عند غيث رجع للبيت نسى جوازه انقهر من نفسه على هالاهمال صعد لغرفته واخذه ابتسم بسخريه ؛ مجنون
نزل من جناحه وقف قدام باب الصاله بالحوش يطقطق على جواله ورفع راسه بالامبالاه عقد حواجبه بصدمه! وهو يشوف المنظر الي قدامه
سياره ابوه واقفه وواقف جمب ممرضه فلبينيه تسند البنت الي واقفه وفكت نقابها وطرحتها عشان تتنفس
تقدم بسرعه وهو يطالع بصدمه؛ شهد!!
شهد طارت عيونها وهي تطالعه ابتسمت براحه وهي تشوفه واقف مثل ماتعودت تشوفه بنفس الوقت توترت وهي تشوفه يطالعها بنظرات توترت بقوه منهه
ابو غيث ؛ ءء غيث انت مو سافرت؟
غيث بحده؛ ابوي شالي صصاير! انت مو تقول شهد مسافرهه!! وبعدين شفيها ليه وجهها كذا!
شهد نزلت راسها وسكتت
ابو غيث ؛ ءء شهد كانت برحله علاج وتوها ترجع
عقد حواجبه غيث ؛ نعم؟ علاج! وانا ويني ! انا مو زوجهاا!
شهد بهدوء؛ انا قلت لعمي مايقولك شيء انت كنت تع
قاطعها بحده؛ ولوو ي ممداممم! انتي متزوجهه افهمي هالعباره لو اني وين ماكنتت وايش كانت حالتي! لازم اعرف كل شيء عنكك! مثل الاهبل مادري وينك! وجوالك ماخذتيه ! وش افسرها! هذا اذا كانت السفره علاج فعلا!
شهد ماقدرت تحكي وسكتت
ابو غيث بقهر؛ غغغيثث! البنت تعبانه! ماله داعي هالحكي! هذا بدال لا تساعدها وحتى تكنسل السف
قاطعه غيث ؛ هي من الاول مادخلتني بالسالفه ماله داعي ادخل نفسي وشغلي اهم من اي شيء ب هالدنيا!
شهد رفعت راسها عضت شفتها بقوه دمعت عينها وهي تطالعه كانت تقوله بعيونه ارحمني وطالع هالعيون افهمها
غيث توتر من عيونها ؛ فمان الله
مشى من جمبها وراح
شهد مشى من جمبها وتمسكت بالممرضه اكثر صارت ترجف وريحه عطره علقت فيها همست ؛ امشي
هزت راسها وسندتها وراحوا لجناح شهد انسدحت على سريرها وطلعت الممرضه شهد جابت المخده الي جمبها وضمتها بقوه وبدت تبكي ليهه ليهه اكرهههكك اكرهههك
-
عند غيث
ركب الطياره ويطالع الشباك بهدوء وللحين يمر بباله منظر شهد وشكلها والاهم عيونها ماقدر يفهم ولاشيء بس حس بشيء غيرر وهو يطالع مسك راسه بقوه همس ؛ انسى ي غيث وركزز بشغلكك ركززز
-
الساعه 8:00 العشاء
هديل وابو غيث جالسين عند شهد يتقهوىن عندها
ابتسمت شهد بتعب ؛ مبروكك كان ودي اكون جمبك والله
هديل ابتسمت؛ معليك يوم الزواج ان شاءالله ياويلك ماتحضرين وتسحبين علي انتي وغيث
ضحك ابو غيث ؛ لاتخافين غيث حجز سفرتهم بعد زواجك بيوم انبسطي
هديل ضحكت؛ احسنن
شهد سرحت بغيث وطالعت عمها؛ عمي غيث وين راح ؟
ابو غيث ؛ راح لبريطانيا الله يعينه
هديل؛ امينن انا بروح اسوي لنا احلىى عشاء لي انا وشهدد ابوي تبي؟
ابو غيث ؛ لا يابوك انا بروح لعمك الحين بتعشى عنده
هديل؛ تمام
طلعت هديل
ابو غيث على شهد؛ شهد الي صار اليوم لاياثر بعلاقتك بغ
شهد قاطعته؛ عمي غيث هو سندي ب هالدنيا مالي غيره وانا بكون معه بمرضه قبل عافيته وبضيقه قبل فرحه حتى لو هو مايبي وتطمن الي ببالك بيصير باذن الله بس اصير احسن * بللت شفاتها ودارت عيونها حول الغرفه وابتسمت بهدوء وسرحان* مو مهم يحبني او لا ولا مهم عندي اني اكون ضمن اولوياته المهم عندي يكون بخير وبس
ابو غيث همس ؛ ياليت غيث يدري ب الي بقلبك
شهد ابتسمت بقوه؛ اقول عمي شرايك بعد اسبوع نروح الشرقيه ناخذ لنا شاليه نغير جو كل العايله
ابو غيث ابتسم ؛ ابشريي بعزكك تمم بس اوعديني
شهد؛ شنو؟
ابو غيث ؛ تتاكلين كويس وتنتبهين لنفسك تمام؟
شهد ابتسمت ؛ ابشررر وعددد
ابو غيث قام ؛ زين تسوين يالله بحفظ الله
وطلع
شهد تنهدت همست ؛ يارب
-
الصباح
جالسين هديل وشهد يفطرون
شهد ماسكه جمبها وميته ضحك؛ هههههههههههههههههههههههههههههههههههههههههه هددددييللللللل مججججنوننننههه! فيهه انسانه تقول لزوجها كذاا!
هديل بقهر ؛ توه ماصار زوجي
شهد بضحكه ؛ لا حبيبتي زوجك يعتبر دامكم تملكتو عاديي
هديل ؛ الا شهودد تراني طلبت لي انا وياك فساتين الزواج
شهد بانحراج ؛ يعمري مشكوره بس
قاطعتها هديل؛ لاتخافين مادفعت ولا ريال من عندي ابوي قال هذا المهر حقك والباقي بحسابك
شهد ارتاحت؛ الحمدلله زينن
هديل رمت عليها خداديه ؛ دوووبااا تحاسب بعد
شهد رمت عليها ؛ ايهه لازم
هديل قامت بتصفقها صارخت شهد بألم ؛ اهههه
هديل بخوف جلست جمبها ؛ ششههدد شفيكك انادي الممرضه شهدد رديي علي
شهد اشرت على المسكنن
قامت هديل جابت المسكن وعطتها
شهد اخذته وتحت تأثير المسكن الي يدوخ مسكت يد هديل وابتسمت بتعب همست ؛ شكرا
ونامت
ابتسمت هديل بحب وسرعان ماتلاشت ابتسامتها وهي تتذكر هالالم صاير لازم باليوم مرتين بالكثير! تنهدت وهي تفكر ماقد شافت شهد تكلم غيث معقوله متهاوشين ؟ مستحيل شلون يتهاوشون!
قامت هديل وطلعت
-
اليوم بيطلعون للشاليه
العايلات عايله ابو غيث ابو نواف ابو الوليد ابو خالد ابو سطام * زوج اخت ام غيث * وصلو للشاليه
اما شهد والممرضه مع السايق لحقوهم بعد ساعتين لان بوقت مشيتهم شهد كانت تحت تأثير العلاج واصرت عليهم قبل ماتاخذ العلاج يروحون قبلها
وهي تسندها الممرضه بعد ماتحجبت وطالعين يركبوا السياره ركبت وطارت عيونها من الي جمب السواق
كان بدر ابوه مرسله يجي معهم
شهد سكتت ونزلت راسها
بدر ابتسم بسخريه ؛ راجو امش
هز راسه راجو ومشوا
شهد همست للممرضه ؛ عطيني مويه
طلعت مويه ومدتها لها
شربت شهد شوي رن جوال بدر طالعت الشباك بالامبالاه وتفكر بغيث
بدر ابتسم ؛ اههلا اههلا بالي راح ونسانا
غيث ضحك ؛ هلاا شعندي رايق؟
بدر لاشعوريا طالع المرايه يطالع شهد؛ ابد ياخوي طالعين للشاليه ومعليك ماخذ المدام برسم الخدمه
غيث بهدوء؛ لحالكم؟
بدر ؛ لا طبعاً تخيل معانا السايق والممرضه
شهد لفت بسرعه بلهفه ودها تعرف اخباره
بدر ابتسم بسخريه لها وحط سبيكر عناد؛ ايوهه وليه ماتكلمنا ؟
غيث كان يقصد الشغل ؛ ياشيخ افتكيت من الي عندي مبسوط هنا راحه اكثر
بدر ابتسم بخبث وهو يشوف شهد تغير وجهها وصارت ضامه يديها صكر السبيكر ورفعه لاذنه ؛ معقوله ؟
غيث ؛ ماكذب عليك هنا ضغط ضغط بس ترتاح اكثر ثلاث ايام قدام بعدين تنضغط يعني احلى من السعوديه
بدر؛ الله يوفقك وييسر لك تامر على شيء ؟
غيث ؛ سلامتك سلم على ابوي وهديل
بدر ؛ وزوجتك؟
شهد رفعت عينها بأمل سأل عنها؟
غيث سكت
بدر؛ اوه صح نسيت ماتكلمها معليه زين بحفظ الله ياخوي
وصكر من عندها
شهد بلعت ريقها الجاف بضيق ولفت تطالع الشباك
بدر مايدري ليه يبي يقهرها بأي طريقه ؛ اقول مرت اخوي
شهد بهدوء ؛ نعم
بدر ؛ افاا شفيها النفسيه مش ولابد؟ ولا ماكلمك الباشا؟
شهد ؛ بدر وش تبي بالضبط ؟
بدر بخبث ؛ ولاشيء ي مرت الغااااااليي بس اشوف علاقتكم مو كويسه انتي والباشا ولا؟
سكتت شهد تفكر ب هالجمله
وقفت السياره توهم واصلين
نزلت الممرضه وقفت عند بابها وجمبها السايق الي جاب الكرسي المتحرك
شهد بابها جمب باب بدر
نزلت من السياره وركبت الكرسي شافته يروح ؛ بدرر
التفت لها ينتظرها تحكي
شهد ؛ ياليت ماتتدخل بأمور الكبار زين ياشاطر واذا امك ماربتك انا اربيك تبشر هه * رفعت راسها للممرضه لتمشي *
وراحت تاركه وراها قلب رجال صمم ببالها ينتقم منها ويخرب حياتها
دخل لقسم الرجال انقهر من ابوه ؛ اي يابوي وصلت وتوها دخلت قدام عيني
ابو غيث براحه ؛ الحمدلله
ابو سطام ؛ اشوفك مهتم وبقوه يالعديل؟
ابو غيث بابتسامه ؛ مرت الغالي غيث وتبيني اقصر معها؟
ابو خالد ابتسم ؛ البنات ماغير يمدحونها ماشاءالله
ابو غيث ابتسم بفخر ؛ بنت بدر خويي الروح
-
عند الحريم
جالسين يتقهوون
جلست نوف ؛ بنات شرايكم نطلع براا عند البحر الجو حلو
لارا؛ ايهه يالله
ليان ؛ بنات شهد ماتقدر
هديل؛ ايهه ماراح اروح واخليها
نارا تاففت بصوت واضح
نوف توها بتتحلطم سكتت وهي تشوف شهد تتكلم
شهد ابتسمت بضحكه ؛ شدعوه قومو انبسطو انا عندي الممرضه بخليها توقفني قريب وانتم انبسطو
ليان ؛ ب
قاطعتها شهد؛ اشش يالله قومو
نوف سكتت وسحبت هديل ولارا سحبت ليان ونارا طالعت شهد بحدّه وطلعت
شهد تنهدت اخذت جوالها واشرت للممرضه تدفها لبرا
وصلت ووقفت عند الفرشه وجلست عليها تنفست بعمق وابتسمت بشبه راحه وتطالع البنات الي قريبين تقريبا منها يلعبون بالمويه
نزلت راسها تمسك جمبها
الممرضه مسكتها
شهد بعدتها بلطف رفعت راسها بخوف وهي تسمع صراخ البنات شافت هديل تركض شهد صارخت؛ ششفيكممم!
هديل بخوف وهي تبكي ؛ نءنوف سحبها الموجج وتشنجتت بروح اقول للعيال محل يعرف يسبحح!
وركضت
شهد تطالع مستحيل البنت بتموت قامت بصعوبه وصارت تركض سبحت لحّد نوف ومسكتها صارخت ؛ ارككبيي فوققييي
نوف ماهتمت ولا لاحظت انها شهد تمسكت بخوف
وهي تكح بقوه شهد وقفت وهي تمسك جمبها صارت تتنفس بسرعه وسبحت بصعوبه لين وصلت للشاطىء حطت نوف على الرمل وجاو العيال يطالعون الموقف بخوف نواف نزل من الجهه الثانيه بخوف يطالع اخته
شهد طقت خدها بخفه ؛ نوف نوف تسمعيني !
نوف مافي اي اجابه
شهد سوت لها تنفس اصطناعي وصارت تسوي صغط على صدرها الين نوف صارت تكح بقوه وقامت على حيلها
نواف ضم اخته بخوف؛ بسم الله عليك
شهد ابتسمت بخفه وماحست الا وطاحت على الرمل وغابت عن الوعي من التعب
هديل مسكتها هي والممرضه ودخلو جوا
نواف تطالع الفراغ بخوف وبنفس الوقت تفكر بشهد بلعت ريقها بهدوء ؛ شصار لها؟
لارا بهدوء ؛ تعبت من الحركه
نواف طالع لارا لاشعوريا ابتسم وطالع اخته ؛ تعالي
سندها ودخلها جوا
والباقين راحو
عند البنات
الساعه 10 الليل
ليان ؛ ياعمريي شهدد مرا تعبت
نوف ؛ للحين ماصحت؟
هديل تنهدت؛ لا تهلوس طول الوقت
لارا ؛ تتدلع
نارا؛ واضح مسويه دور البطله مدري شلون تعلمت !
نوف بقهر قامت وبحدّه ؛ نارا اسكتي بس انتي مو داخله نادي سباحه! ليش ماقدرتي تدخلين ؟ * طالعت الباقين* وانتم!!! مو كل وحده ببيتهم مسبح وقت السباحه تتفنن ووقت الجد نسيتوني! وهذي الي تتكلمين عنها هي الوحيده جات وانقذتني ولا اهتمت لتعبها رجاءً مابي وحده منكم تكلمني
طلعت من عندهم وراحت لغرفتها لاشعوريا طالعت غرفه شهد بلعت ريقها الجاف تقدمت بتردد توها بتطق الباب سمعت صوت ونّ وكلام فتحت الباب وصكرته جلست بخوف وهي تشوفها توّن وتهلوس وكلمه وحده " ليه" نوف وجعها قلبها قامت بسرعه وطلعت لغرفتها قفلت الباب ونامت
عند شهد قامت من النوم بخوف وهي تتنفس بسرعه رفعت يدها بخوف لمست خدها مبلل كانت تبكي! ضمت رجولها همست؛ ياربب
لاشعوريا لفت اخذت جوالها واتصلت على غيث بخوف حطت الجوال على اذنها
؛ الو
شهد بلّمت
؛ الوو ؟ شهد؟
شهد بلعت ريقها وهمست ؛ شلونك؟
غيث بهدوء؛ تمام وانتي؟
شهد وجعها قلبها ؛ مو بخير
غيث ؛ شفيك؟
شهد ؛ اسفه مايهمك شغلك اهم بحفظ الله
صكرت منه وحطت يدها على راسها همست ؛ ياربب يارببب
-
البنات صعدو فوق ينامون هديل دخلت المطبخ عادتها كل ليل لازم تاكل فراوله ابتسمت بفرح مافي احد اخذت الفراوله وجلست على الطاوله تربعت وجلست تاكل بتلذذ
؛ احلفي؟
هديل طارت عيونها وتوها بتصارخ
بسرعه ركض وسد فمها بيده ؛ ششش بتفضحينا ؟
هديل فاتحه عيونها على الاخر وتطالعه بخوف
ابتسم ؛ ماراح اسوي شيء بس باكل الفراوله
هديل ؛ هاه
الوليد ضحك ؛ باكل الفراوله مو انتي
هديل انحرجت وسكتت
الوليد مد يده بياخذ
هديل سحبت الفراوله ؛ لاا حقييي
الوليد ؛ حبهه ماتضرر!
هديل ؛ لاا بتاخذ حبتين
الوليد بضحك ؛ لالا حبه بس
هديل ؛ انا بعطيك
الوليد عزّ الطلب ؛ ايه طيب
هديل اخذت حبه ومدت له
الوليد اكلها من يدها ؛ مممم لذيذذذهه
هديل بسرعه نطت من الطاوله وصعدت فوق وهي منحرجه منه
الوليد مات ضحك اخذ الفراوله وجلس ياكل الين خلصت وصعد لغرفته ينام ابتسم من هالي صار ونام
-
الصباح
11:00 الظهر
صحت شهد وجلست على حيلها دخلت الممرضه كالعاده عطتها الادويه والفطور وطلعت
شهد طالعت الفطور بهدوء تحس مو مشتهيه ابد تنهدت وطالعت الشباك
انطق الباب
شهد بهدوء؛ ادخل
نوف طلّت براسها بانحراج ابتسمت ؛ تسمحين ادخل؟
شهد ابتسمت ؛ تعالي شدعوه
نوف دخلت وصكرت الباب جلست جمب رجل شهد على السرير ؛ شلونك عقب امس ؟
شهد ؛ الحمدلله زينه المهم انتي بخير
نوف ؛ انا اقصد الليل
شهد باستغراب؛ مافهمت؟
نوف بلعت ريقها وطالعتها بتوتر؛ ءءانا جيتك بالليل بس سمعتك توّنين وء بس ترددين " ليه " انتي بخير ؟
شهد نزلت راسها وطالعتها ابتسمت ؛ ايه بخير معليك
نوف تقدمت ومسكت يد شهد ؛ شكرا واسفه شكرا انك انقذتيني حتى وانتي بعز تعبك واسفه على معاملتي لك قبل * نزلت راسها* انا انا كنت انانيه ولاعرفتك وحكمت عليك قب
شهد قاطعتها ؛ شش خلاص انسي الي راح راح احنا عيال اليوم
نوف ابتسمت ؛ الحمدلله
شهد ابتسمت وضلت ساكته
نوف تربعت قدام شهد ؛ شهد ماتبين تحكين؟
شهد ؛ احكي وش ؟
نوف ؛ الي يهلوس وهو نايم يحتاج يتكلم لانه متألم
شهد بهمس وهي تطالع الفراغ ؛ يضعف قلبي هالكتمان حرفيا بس * طالعت نوف ودمعت عينها بدون لاتحس * يرفض يحكي
نوف ؛ ليهه !!
شهد وهي تطالع الشباك ؛ اذا اقرب قريب ماتقدرين تحكين له شلون تحكين لغيره؟
نوف ؛ غيث؟
شهد ضحكت بسخريه وهزت راسها بمجامله
نوف ؛ زين شهود شرايك نطلع نفطر برا قدام البحر
شهد ؛ ماودي اردّك بس ابي انام
نوف ؛ براحتك بس حطي ببالك بنتغدا انا وياك لحالنا برا طيب؟
شهد ابتسمت بضحكه ؛ ابشري
نوف قامت وبتردد نزلت لشهد ضمتها بقوه وطلعت
شهد ابتسمت براحه وسندت راسها همست ؛ ياليت يتعدل وضعي نفس ماصار مع نوف معك ي غيث ياليت اقدر افهمك الله يحفظك يارب ياترى انت مثلي تفكر ؟
غمضت عيونها ونامت بعمق وتتمنى انه ماتحلم بكوابيس
-
عند البنات
جالسين ومرت من عندهم نوف وباين مبسوطه
هديل بابتسامه؛ ي حلوههه وش هالفرحهه فرحينا معك ؟
نوف ابتسمت بقوه وتذكرت كشرت وراحت
لارا ؛ هذي شفيهاا!!
نارا ؛ مريضه اتركيها
ليان طالعت هديل؛ خلينا نروح لها
هديل تنهدت ؛ نوف عنيده اتركيهاا
-
ليان ؛ وبعدينن!
هديل ؛ ماعليك بكرا تصير احسن بس خخليها تطلع حرّتها
ليان؛ ان شاءالله
-
نوف طلعت برا وهي تاخذ نفس عميق وتتذكر كلام شهد وبنفس الوقت تطالع البحر تتذكر لمن شافتها جايه لها همست ؛ يارب اقدر اساعدها يارب
؛ تساعدين مين ؟
نقزت بخوف تاكدت من طرحتها ولفت عليه منقهره؛خخالد!
خالد ضحك؛ جني؟
نوف رفعت حاجبها ؛ شاك ب هالشيء؟
خالد ؛ مدري
نوف ؛ الحين انت وش موقفك بالله؟
خالد ؛ ريناد جت انتظرها تتصل عشان اطلع لهم وقلت اوقف هنا
نوف بفرحه ؛ عمريي جتت!!
ركضت لبرا وقفت تنتظر
خالد بعصبيه ؛ ادخخليي!
نوف ؛ مالك شغل! كيفي يالله مناك بس
خالد؛ نوفف!! خلاص بتوقفين تغطي طيب
نوف طالعته ؛ نعم؟ خلاص متحجبه
خالد؛ مو بالبيت انتي!
نوف ؛ مالك شغل اهلي راضين اص اص
التفتو على صوت ريناد؛ تعالو شيلو هالنتفه
نوف ركضت واخذت اياد ؛ قلبي قلبي الصعنبوطط وهه
خالد ابتسم وهو يشوف اياد يضم نوف ؛ عيون خالهه
تقدم وراح سلّم على مشعل ؛ شلونك ؟
مشعل ؛ الحمدلله انت شلونك؟
خالد ؛ ب
قاطعته ريناد؛ بعدين تعال شيل معي
ضحك خالد وراح يساعدها
نزلو الاغراض والتفت مشعل؛ يالله بامان الله
خالد ؛ ماراح تجلس!
-
ريناد؛ شفت قولهه يقول عندي شغل
مشعل؛ معليش ي النسيب اعذرني عندي شغل ماقدر ااجله باذن الله بجي بكرا بعد ماطلع بما ان ويكيند خلاص كويس
خالد؛ كويس دامك بتجي بكرا الله وياك وييسر لك
ريناد انقهرت ؛ ابيك عون صرت فرعون! اففف
وراحت دخلت
خالد ضحك؛ الله يحفظكم لبعض
مشعل ابتسم ؛ امين عقبالك يالله سلام
ركب السياره ومشى
تنهد خالد وهو داخل رن جواله " غيث " رد عليه؛ مشغول اجل هاه؟
-
الساعه 2:40
فارشين بر وجالسين يتغدون
شهد بضحكه؛ احد يتغدا الحين؟
نوف ؛ ايهه حنا معليكك
ريناد؛ معليكم احسن وقت ماتغديت جيت وهم يتغدون ولين رتبت اغراضي توني اخلص
شهد ؛ اياد وينه؟
ريناد؛ مع هديل وليان الا صح وينهم؟
نوف كملت اكلها بهدوء
شهد ؛ مادري ماشفتهم اليوم هديل جات شوي وراحت * لفت على نوف * نـ *استوعبت من شكل نوف *صاير شيء؟
نوف ؛ لا
ريناد؛ نوف!
نوف بهدوء ؛ متهاوشه معهم
شهد؛ كلهمم!
نوف ؛ ايه
ريناد؛ عشان؟
نوف توها بتحكي
جاو ليان وهديل
هديل ؛ عشان الي صار امس
شهد ؛ نوف؟
نوف ؛ اييهه هم كل وحده منهم متفننه بالسباحه ويوم جاء الجد تخلّووو! وشهد تعبانه وجاتني وهم خلاص بسكت احسن
شهد اشرت لهديل وليان
هديل وليان حاوطوها كل وحده بجهه ؛ اسفين
ليان؛ نوف صدقيني انتي تعرفيني انا من الخوف ماتحرك ابدد وهديل ماتعرف تتصرف ولاتفكر بس سيدا راحت تنادي نواف اخوك
هديل ؛ صادقه انتي ماشفتينا كيف خفنا عليك والله
ريناد ابتسمت؛ نوف طيوبه ماتزعل صح نوفي ؟
نوف كتمت ابتسامتها؛ ايه بس
ليان ؛ يالله عاااااادددد
نوف ضحكت ؛ زينن
هديل باست خدها؛ وهه يمه فدوووهه انننااا
شهد ابتسمت بخفه ومسكت جمبها بوجع
ريناد؛ شهد شفيك!
لفوا كلهم بخوف
شهد ؛ المسكن
هديل لفت صارخت؛ روووووووززززز * ممرضه شهد*
جات تركض وعطتها المسكن
شهد دمعت عينها؛ متى بطيب !
ليان ؛ روحي للمستشفى وباذن الله يعطيك دوا افضل
شهد قامت والممرضه تسندها ؛ انا بقول لعمي اروح الحين
نوف ؛ بروح معك
هديل وليان؛ وحنا بعد
ريناد؛ اهوهه بس اجلسي انتي وياها وين تروحون ! للرياض!
هديل؛ ايه انا بروح مالي شغل
ليان؛ ترجع نرجع كلنا معاها ماتسوى الطلعه بدونها
شهد ؛ لاماتخربونها عشاني انا بروح
نوف ؛ تمشين لحالك هاتي اساعدك ؟
شهد ؛ لا احسن عشان اتعود معليه كويس
صارت تمشي وهي ضامه جمبها وقفت تنتظر عمها يجي
ابو غيث ؛ سمّي يابوك؟
شهد؛ ابي ارجع للدكتور الالم يزيد ي عمي
ابو غيث ؛ اجل نرجع كلنا وش
قاطعته شهد؛ لاياعمي طلبتك انا ارجع لحالي وانتم على الموعد بعد بكرا ماراح يصير لي شيء
ابو غيث ؛ بس
شهد؛ طلبتك
ابو غيث تنهد؛ زين ابشري متى ؟
شهد؛ الحين
ابو غيث ؛ اغراضك متى يمديك تجهزينهم؟
شهد؛ معليك اصلا مافتحتهم انا بلبس عباتي وبنزل مع روز
هز راسه ؛ ان شاءالله
راح ابو غيث وشهد لفت بتروح سمعت تصفير عقدت حواجبها التفت شافت واحد طول بعرض ملامحه تميل للخبث رفعت طرحتها بخوف
؛ حلوهه شكلك جديده ولا؟
شهد متفاجأه من وقاحته! ؛ انت ميننن! وبعدين احترم نفسكك
ابتسم بخبث وقرب اكثر ؛ الي يشوفك ينسى الاحترام واهله بعد
شهد طارت عيونها وهي تشوفه قريب لها وكلامه! ماتحملت ورفعت يدها وططاخخ عطته كف همست بقوه وحدّه؛ اذا ماعرفت مين انا اعلّمك انا شهد زوجه غيث مو اي احد يقرب مني سمعت! وقح
لفت وهي تمشي بصعوبه وماسكه جمبها ودخلت تاخذ اغراضها ونزلت مع روز ركبو السياره تفاجأت بهديل وليان ونوف؛ نعممم!
ابتسمو
نوف؛ معليش مانخليك
ليان؛ ناشششبينن لعيونككك
هديل؛ والشاليه ناخذ مرا ثانيه ماعندنا دوامات
شهد ضحكت بخفه ؛ مجانين تدرون؟
نوف؛ شهاده نعتز بها
ابتسمت شهد بخفه وانفتح الشباك ابو غيث طلّ عليهم؛ ماقدرت على هالشياطين وانا ابوك
ابتسمت شهد بضحكه؛ ياحلوهم
ابو غيث ؛ بسم الله عليكم ودي اخلي بدر يروح معكم مو احسن يبه؟ لحالكم مع السايق صعبه
هديل؛ ايه يابوي ناده عادي
نوف؛ عمي حبيبي وصل خبر لاهلي انا وليان اننا بننام ببيتكم
ابو غيث ضحك؛ تامرين سيده نوف , يالله هذا بدر جاي استودعتكم الله انتبهو لنفسكم
وراح بعد ماكلم بدر ودخل
بدر ركب قدام وبتلميح رفع صوته ؛ اذا هذي اولها ينعاف تاليها الله يهديك يابوي يالله راجوو روح
هديل؛ بدر شفيك؟
بدر؛ ولاشيء
شهد عرفت ان الكلام لها ونزلت راسها بقهر منه يتمادى معها دايم ! اخ ياليت اقدر اقول لغيث عنك او عن الوقح الي شفته ياترى وش بيسوي بيوقف معي هه مستحيل اكيد ضدي
نوف حست ان بدر يلّمح لشهد وسكتت تتكلم مع شهد بعدين
اما ليان كانت متضايقه تحسبه متضايق انه بيروح معهم
-
