ابو غيث طلع من غرفته بيروح يتطمن ع غيث
طق الباب بهدوء وفتحه؛ ادخل؟
غيث ابتسم بخفه ؛ تعال
دخل ابو غيث وهو يشوف غيث جلس ع الكنب وهو معقد حاجبه من الم كتفه
جلس جمبه ؛ شلونك يابوك؟
غيث تنهد ؛ الحمدلله
ابو غيث توه بيتكلم رن جواله ب ابو الوليد رفعه؛ هلا ياخوي
ابو الوليد بصوت مبحوح ؛ بالبيت؟
ابو غيث بخوف طالع غيث وقام ؛ ايي امرر؟
ابو الوليد بلع ريقه وهمس؛ انا وهديل جايينك فمان الله
ابو غيث انصدم طالع الجوال لف على غيث بخوف ؛ عمك جاي مع هديل
غيث قام عقد حواجبه؛ والوليد وينه!
ابو غيث بلع ريقه بتوتر؛ مادري مادري
غيث ؛ امش ننتظرهم بالمجلس
ابو غيث بتوتر؛ هاه ايي ايي يالله
نزلو تحت
جلسو بالمجلس ينتظرون
دقايق وانفتح الباب دخل ابو الوليد وبعده دخلت هديل الي وجهها شاحب وبقوه وباين عليها بكت كثير
غيث بصدمه ؛ هديل!
هديل رفعت راسها بسرعه ؛ غيث! انت طلعت؟
غيث تقدم ومسكها؛ ايي شفيك ابوي ؟ ليه وجهك كذا ! * طالع عمه* عميي تكلم!
ابو غيث وقف ؛ الوليد وينه؟!
هديل نزلت راسها تقوست شفاتها لاشعوريا بدت تبكي
غيث رفع راسها؛ هديلل!
هديل ضمته بقوه وهي تبكي بقوه ؛ غيث انا محتاجه لك
ابو غيث ؛ تكلم ياخويي شالي صاير!
ابو الوليد بصوت مخنوق ؛ الوليد توفى من 3 ساعات
ابو غيث انصدم وطالع ببنته قرب منها وهو يسمع بكاها وانينها
غيث نزل راسه لـ هديل يطالعها كيف تبكي منهاره لف ع ابوه بلع ريقه ؛ انا باخذها برا شوي
ابو غيث هز راسه وراحو للحديقه
ابو الوليد ؛ انا رايح للمستشفى اكمل الاجراءات
ابو غيث ؛ اصبر لي بجيب اغراضي واروح معك
ابتسم ابو الوليد ابتسامه باهته وهز راسه ؛ انتظرك بالسياره
-
عند غيث وهديل
جالسين ع الكراسي وهي جمبه راسها بحضنه
غيث بهدوء ؛ وش تحسين فيه ؟
هديل وهي صوتها يرجف من البكاء ؛ حءحاسه بخنقه حاسه اني بكابوس حاسه ان الالوان انعدمت ماعدت اشوف غير السواد حاسه انهم اخذو قلبي مني حاسه حاسه اني مابي اسوي ولاشي غير اني انام وانسى
غيث شد بحضنه لها وهو يفكر نفس الي تحس فيه قاعد يحس فيه بس هو لازم يكون قوي عشان اخته همس ؛ اذكري الله هذا يومه
هديل برجفه وهي تتذكر وعيونها تدمع ؛ تدري اني كنت بحضنه؟ تدري انه كان يقرا علي القران ويستودعني الله كل شوي بس انا ماحسيت نمت وبس * سرحت* حتى كأنه كان حاس ماكان يبي ينام
غيث قاطعها وهو يقومها؛ امشي معاي للغرفه تنامين لك شوي ترتاحين
هديل هزت راسها ب لا وهي مقوسه شفاتها؛ ابي امي ابي احضنها بقوه وانام
غيث انجرح لاشعوريا وهمس ؛ روحي لها
هزت راسها وراحت
غيث جلس طالع الفراغ وهو يفكر " لو امي هنا وانا متضايق وش ممكن بتسوي لي ؟ وصدق برتاح؟ " غمض عيونه وهمس ؛ الله يعوضني الله يعوضني الحمدلله
-
عند بدر
جالس بالمجلس
خالد دخل وهو يضحك؛ انت ماتصبر لين العصر؟
بدر ؛ معليش مشتاق
خالد ضحك ؛ الحين بتنزل
بدر ابتسم
خالد طلع يشوف ابوه وليان دخلت
بدر ابتسم بلهفه ؛ ليان
ليان نزلت راسها ورفعته تطالعه ؛ هل
ماكملت الا وهي بحضنه همس ؛ اسف اسف اسف اسف
ابتسمت ليان همست بهدوء؛ راح ي بدر خلاص
بدر بعّد وهو يطالع وجهها بشوق ؛ نروح ؟
ليان هزت راسها؛ ايي
بدر مسك يدها ولقى بوجهه عمه ابتسم وباس راسه ؛ تامر ع شي عمي؟
ابو خالد ؛ حطها بعيونك
بدر ابتسم ؛ بعيوني وقلبي
ليان غطت وجهها بحيا
ضحك ابو خالد؛ الله يحفظكم
بدر رن جواله وهو يضحك رفعه ؛ هلا ابوي ..* طارت عيونه بصدمه* ايشششش!!!! .. انا انا جاي جاي
صكر منه وطالع عمه؛ الوليد توفى اليوم الصبح!
شهقت ليان ؛ هديل
بدر ؛ اي هي عندنا يالله نروح
ابو خالد؛ انا وخالد بنجيكم
بدر هز راسه ركب السياره وجمبه ليان وهو رايحين همس ؛ كنت ناوي ع مفاجاه لك بس
ليان مسكت يده وشدت عليها بابتسامه؛ بدر الايام قدامنا حنا بنوقف مع هديل هي محتاجتنا
بدر ابتسم بحُب طالعها ورجع يطالع الطريق
ببيت فواز
الساعه 1:20
جالسين يتغدون
نزل بندر وهو بيطلع
ام فواز؛ بندر تعال تغدا
بندر وقف وعيونه ع الباب ؛ بالعافيه عليكم مابي
فواز بحدّه ليش انه ماطالعها ؛ بندر! على وين؟
بندر طالعه ببرود؛ بطلع عندك اعتراض ي اخوي المثالي ؟
زينه ووجدان تنهدو بحزن
ام فواز نزلت راسها بضيقه
فواز قام ؛ ارجع غرفتك
بندر ؛ ماني راجع
لف وطلع من البيت
فواز طق ايده بقوه ع الطاوله بقهر لف ع امه ؛ يمه قلبي ماعليك منه هو
قاطعته؛ شوي شوي عليه
قامت وراحت غرفتها
وجدان ؛ اففف منه صاير دراما!
زينه تنهدت ؛ عرفت وش اقصد؟
فواز ؛ الله ييعدي الامور على خير
-
عند شهد
اخذت غداها وجلست تتغدى وهي تتابع مسلسلها
رن الجرس قامت ترد ؛ مين؟
؛ انا محامي السيد غيث
عقدت حواجبها باستغراب وتذكرت ابتسمت بحزن همست؛ ان شاءالله
راحت لبست عباتها وتغطت وطلعت
المحامي ؛ تفضلي
اخذت منه الظرف وصكرت الباب فصخت نقابها وطرحتها جلست ع درج الصغير لباب المدخل فتحت الظرف بيد ترجف بلعت ريقها بتوتر وهي تفتح الورقه وتقرا الكلام تنفست بعمق همست ؛ الحمدلله سبحانك الحمدلله حمدا كثيرا طيبا مباركا فيه
نزلت دمعه وحيده كـ وحدة هالبنت الي عاشت الحياه بصبر تحمّل وايمان ب ان كل شي صار لها هو ابتلاء من ربي سبحانه ربي يحبها لدرجه يختبرها باكثر اشيائها الي حبتها امها ابوها صديقتها المقربه واخيرا؟ غيث صعب جداً تبعد عن انسان تحبه ومن كل قلبك اول انسان بحياتك اول انسان حبيته يروح والسبب؟ نفسك انت الي اخترت هالشي , مسحت دمعتها وهي الي ايقنت بـ ان ربي سبحانه راح يعوضها وراح تنتظر هالعوض والعوض من ربي حلو
قامت ودخلت تتروش بمويه بارده كودها تطفي النار الي جواها طلعت وتوضت وراحت تصلي خلصت صلاه ورفعت يدها لربها الي مالها غيره همست ؛ يارب مثل ما اخذت مني الي احبهم عوضني ياربي سبحانك مالي غيرك الحمدلله على كل حال
نزلت راسها غمضت عيونها بقوه وابتسمت بهدوء تنفست بعمق فتحت عيونها وقامت رن جوالها بـ رساله من ليان فتحتها " هديل محتاجتك الوليد توفى اليوم تكفين تعالي "
قامت شهد طلبت اوبر وبدلت ملابسها ونشفت شعرها ولبست عباتها وطلعت للسياره الي تنتظرها
-
ببيت ابو غيث
الحريم كلهم هناك
ام غيث وجمبها هديل وام الوليد جالسين بكنبه وحده والباقين متفرقين ريناد وليان ونوف وام نواف
برا
نزلت شهد من السياره تطالع البيت بتوتر تقدمت ودخلت شافت قدامها بدر همس ؛ شهد!
عرفها من هيئتها
شهد نزلت راسها وتمشي قدام
بدر ؛ شهدد وقفي
وقفت شهد وهي متوتره
بدر ؛ ارجعي لـ غيث صدقيني هو م
قاطعته؛ ورقه طلاقي وصلتني
وبعدت مخليته بصدمته
دخلت الصاله شافت هديل تطالع الارض بسرحان وخشمها احمر وتبكي بهدوء
الكل لف يطالع الي دخلت
شهد توترت وفصخت نقابها وطرحتها وهي متوتره
ليان لفت ع هديل همست؛ هديل
هديل رفعت لليان وطالعت مكان ما اشرت ليان
قامت؛ شهد!
شهد وجعها قلبها ع هيئتها قربت لها وضمتها همست؛ هو بمكان احلى صدقيني
هديل همست ؛ ابيه
شهد ضاق صدرها عليها هديل تستاهل كل خير غمضت عينها تستغفر ربها جلست جمب هديل والجمب الثاني ام الوليد باست راسها وهمست ؛ عظم الله اجرك خالتي
ام الوليد بهدوء ؛ اجرنا واجرك
شهد تنهدت
بدو يجون الناس يعزون
ودخلو ام سطام ونارا
وصلو لعند شهد
ام سطام بابتسامه سلمت عليها بعكس بنتها الي طالعتها بخبث ولفت
شهد مسكت نفسها لانها بـ عزا
جلسو دقايق وشهد لفّت على هديل ؛ انا بروح
هديل ؛ وين؟
شهد، بيتي * نزلت راسها وابتسمت وهي تطالعها بحزن* انا ماصار عندي اي علاقه ب هالبيت
هديل بصدمه ؛ سواها!
شهد بهدوء ؛ انا اجبرته , عالعموم انا بروح وبكرا بجيك معليك
هديل هزت راسها
باست خدها وقامت سلمت ع ام الوليد والبنات وطلعت رفعت جوالها شافت اوبر وصل صكرت جوالها وطلعت شافت غيث واقف عند سيارته وكأنه مخنوق تقدمت بتروح له وقفت وتذكرت ان مافي اي علاقه تربطهم ببعض ركبت السياره ومشت تاركته
-
عند الرجال قبل دقايق
واقفين يستقبلون المعزين
دخل سطام وابوه يسلمون
سطام سلم ع غيث وهمس ؛ فضى لي الجو ولا؟
غيث ما ابدى اي اهميه وسكت
ابتسم سطام ودخل
دخلو
وغيث طلع بسرعه يحس المكان خانقه تسندت ع سيارته ياخذ نفس فتح المويه يشرب وتنفس بعمق
-
بييت نواف
لارا توها طالعه من الشاور لبست ورفعت المنشفه تنشف شعرها دخل نواف ؛ لارا
لفت عليها باستغراب ؛ هلاا
نواف بهدوء؛ الوليد توفى اليوم البسي اوديك لاختك
لارا شهقت بخوف ع اختها تدري شكثر تحبه لاشعوريا ؛ ياعمري عليهاا
لفت بسرعه لبست عباتها واخذت شنطتها ونزلت مع نواف الي ربع ساعه ووصلو
دخلت وهي تدور بعيونها ع اختها دمعت عينها ؛ هديل
هديل رفعت راسها بكت ؛ لااراا
ضمتها وهي تمسح ع راسها وتسحبها لبرا جلسو بالمجلس الثاني ؛ حبيبي اهدي تكفين
هديل ؛ ماشبعت منه ي لاراا
لارا ضمت اختها
الساعه 9:40
العشاء
ام فواز كل شوي قايمه تفتح الباب تشوفه رجع ولا لا
وجدان ؛ يمهه خليهه مرده بيرجع
زينه طيّرت عيونها ع وجدان ولفت ع امها؛ ماما حبيبتي اهدي واجلسي انا بكلمه
ام فواز جلست وبنبره خوف؛ اي تكفينن
طلعت زينه واتصلت ع بندر مارد اتصلت مره ثانيه ورد اخيرا
بندر بهدوء؛ الو
زينه ؛ بندررر ويننكك؟
ام فواز تحس ارتاحت ابتسمت بلهفه
بندر ؛ نعم؟ بقريح شتبين!
زينه بحدّه ؛ بننندررر!!!
بندر توه بيتكلم الا طلع صوت خويه ؛ يالله بندر لازم نلحق ع الطياره
زينه طارت عيونها قامت من مكانها ؛ بندرر!! وش طيارته!
بندر ؛ فمان الله يازينه
زينه؛ ويينن بتسسافرر!!!
بندر توه بيتكلم سكت من صراخ زينه ؛ يييمممممهههه
بندر بخوف؛ زززينه امي شفيهاا زييننن رديي عليي
ماردت عليه كانت تشوف امها
بندر قفل منها ورجع اتصل
زينه وامها بحضنها ردت وهي تبكي ؛ بندرر تعال امي طاحتت بندر الحق عليها تككفى
بندر؛ جايي جاييي
صكر منها وهي لفت مع وجدان سندوها ع الكنب
زينه ؛ بسرعه جيبي مويهه
قامت بسرعه جابت مويه
زينه حطت مويه ع يدها ومسحت وجهها امها فيه
ام فواز صحت ؛ بندرر ولدي وينهه؟
زينه مسكت يد امها بابتسامه ؛ جاي ي يمه والله جاي
تنهدت براحه وابتسمت وغمضت عينها تريحها
زينه توها تستوعب وين وجدان طارت عيونها وهي تشوفها تكلم
وجدان جات ؛ كلمت فواز وهو جاي
زينه ؛ ياوويلليي منك!!
ربع ساعه ودخل بندر قبل فواز جلس عند ركبه امه وهو يبوس يدها؛ يمهه
ام فواز ضمته؛ حبيبي وين بتروح ؟
بندر؛ يمه ان
قاطعه دخول فواز الي كان معصب سحب بندر ومسكه من ياقته وهو معصب ، ههذيي سواهه تتسسوويهااا!!!
بندر بغضب بعد يده وهو يصارخ؛ بسوي الي ابي ومحد له شغل فيني
ام فواز؛ ياولدي فواز غيرر انت
بندر بقهر؛ ب وش اححسسن منيي ب ووشش!!!
فواز؛ انا تحمملت مسؤوليه اكبرر منيي وضليت اهتم فيكم واعرف وش بيصير وافهم واكبر منك انا كنت اطلع بنص الليل اشتغل عشان اجيب لك كوره ولا لعبه عشان ماتحس ب نقصص انت توك صغيرر ماشلت مسؤوليه نفسك عشان تروح براا فهمتت الحينن اميي خاايفهه عليك افهممم
ام فواز وهي تمسك يد بندر وعيونها تدمع؛ ي يمه مابيك تروح انا رضيت وبالاجبار عشان فواز حبيبي انت ادرس هنا طلبتك خليك حولي ماقدر اتحمل بعدك انت بعد تحملت فواز ماقدر انت بعد
بندر ضم امه ؛ من عيوني ي حبيبه قلب بندر
ابتسمت ام فواز بحُب
-
ببيت ابو سطام
رن جرس البيت ونزل ابو سطام يشوف انصدم الشرطه محاوطه بيته وهو يحاول يتماسك ؛ شصاير؟
؛ انت ابو سطام؟
ابو سطام ؛ ايي نعم
؛ ولدك سطام مُتهم ب انه يبيع ويوزع مخدرات والي علينا اننا نقبض عليه
ابو سطام اختل توازنه للحظه وهمس ؛ سوو الي تبون
هز راسه ولف ع العساكر يدخلون البيت
ابو سطام اتصل ع زوجته؛ تغطي انتي وبنتك بسرعه
دخل للبيت شافهم يدورونه
الشرطي لف على ابو سطام؛ سطام ويننه؟
ابو سطام بتعب ؛ بغرفته
؛ بس مافي احدد
ابو سطام انصدم ؛ وين راحح
؛ معليه حنا بنراقب البيت ولكن لو سمحت تعاون معنا
ابو سطام هزّ راسه وطلعو كلهم
ام سطام ؛ شصصااير! ولدي وش مسويي؟!
ابو سطام بتعب ؛ ولدك يبيع مخدرات ويوزعهاا!! ولدك
سكتت وهو مو متحمل
ام سطام شهقت وجلست وهي مو مصدقه وتهز راسها ب لا وتبكي بقوه
نارا مسكت ابوها؛ ابويي تعال ارتاح
هز راسه وجلس
