عند فواز وزينه
ركبت السياره ومشى
زينه بهدوء؛ ماتبي تع
فواز ؛ مصدع ي زينه
تنهدت وكملو الين البيت
وقف السياره جوا البيت ونزلو زينه لفت ع فواز؛ صح فواز ترى بندر زعلان
فواز عقد حواجبه؛ ليه؟ شصار؟
زينه ؛ بندر قبلوه للبعثه برا
فواز لاشعوريا؛ امميي
زينه استغربت؛ هاه
فواز؛ كمليي
زينه ؛ المهم وامي رفضت وقالت له انسى هالشي وهو زعلل ليش انها قارنته فيك
فواز تنهد؛ ادري
زينه؛ ايش؟!
فواز؛ امي فتحت هالموضوع معي بحجه انو تبيني اقنع بندر يبعد هالفكره
زينه؛ بس هذا مستقبله وشي يبيه مو كويس نمنعه عنه
فواز؛ بس هذي امي
زينه ؛ حاول معاها تكفى
فواز ؛ انزين
دخلو شافو وجدان تطالع مسلسل بالتلفزيون وام فواز تتقهوى
ابتسمت ام فواز؛ هلا هلا تعالو توني حاطه الشاهي والنعناع وهالحب
زينه ؛ بروح ابدل واجي
وصعدت فوق
فواز تقدم باس راسه امه وهمس لها كالعاده؛ راضيه علي؟
ابتسمت بحُب ؛ راضيه عليك دنيا واخره حبيبي
جلس جمبها بابتسامه اخذ النعناع من يد امه ولف ع وجدان ؛ وش هالمسلسل؟
وجدان؛ مسلسل من النت مسكينه تحبه بس هو مايحبها دوببب
نزلت زينه ع كلمه امها؛ وش حب وخرابيط غيريه بس
فواز ابتسم بخفه؛ وش فيه الحب ي يمه احلى احساس
زينه ابتسمت وجلست ؛ اوهه يمه شوفي ولدك صار شاعر بعد
ام فواز طالعته بنص عين ؛ من هي بنته؟
فواز شرق بالنعناع ووجهه صار احمر وهو يكح؛ احح اححح يمه
زينه عطته مويه وهي تمسح ع ظهره وبتوتر؛ يمه شفيك اي بنت نستهبل
ام فواز بهدوء ؛ تخبي ع امك؟
فواز طارت عيونه؛ هاه
ام فواز ضحكت ؛ هههههههههههههههههههههههههههههههههههههههههههههههههه ههههههههههههههههههه يمه ولدي لايكون صدق يحب؟ استهبل معك
فواز ضحك؛ لالا مافي حب * قام* بروح انام تعبان عقب الشغل
زينه ضحكت؛ اي روح روح
وجدان وهي تطالع فواز الي راح؛ شاكه فيه
زينه؛ اقول اص بس وقومي سوي لما فشار
وجدان بحلطمه قامت
ام فواز بنفسها ادري عنك وابيك انت تجي وتقولي اه بس مين هذيي والله لاخطبها له بس يقولي
زينه شافت امها سرحانه ؛ ماما؟
ام فواز طالعته؛ عيني
زينه ابتسمت وجلست جمبها؛ تسلم عليك شهد
-
ببيت ابو خالد
جالسين كلهم تحت الا ابو خالد الي نايم
ليان ؛ شلون يعني؟
خالد؛ الحين عاملوه طبيعي لانه مايتذكر
ريناد؛ ي حبيبي هو للحين نايم
خالد وقف ؛ بروح اصحيه
؛ تصحي مين؟
التفتو لابوهم الي نزل
ليان قامت وضمت ابوها؛ حبيبي بابا شلونك؟
ابو خالد جلس وجلست ليان جمبه؛ بخير ي بابا بس ابي اشوفك ببيتك
ابتسمت ليان وقامت لان بدر اتصل عليها وراحت ترد
خالد ؛ شلونك ي ابوي ؟
ابو خالد؛ بخير الحمدلله
ريناد صبت له نعناع ؛ سمّ
ابو خالد ؛ سم الله عدوك
ريناد؛ عقبال ماتجي مرت خالد وتصب لك يابوي
ابتسم ابو خالد؛ امينن وينها بس
خالد ضحك ؛ موجوده
رينا بفرحه ؛ صصاددقق؟ ميننن؟
ابو خالد ضحك؛ شفيك نطيتي بوجهه اصبري
خالد ؛ بنت عمي ابو نواف
ابو خالد باستهبال ؛ اي وحده؟
خالد بعفويه ؛ نوف يبه مين يعني؟
ريناد ضحكت؛ اييوه كذاا من زمااان
خالد ضحك بانحراج ؛ متى نروح يبه؟
ابو خالد؛ بكرا اذا الله اراد
خالد تذكر عمانه بيجون؛ ءء لا يبه بعد بكرا لان بكرا كلموني عمامي بيجون يزورونك بكرا
ابو خالد استغرب بس مشاها؛ ان شاءالله
عند ليان
ليان ردت ؛ الوو
بدر؛ ليان
ليان جلست ع كرسي المطبخ وتلعب ب رجلها ؛ هلا
بدر ؛ ءء شلونك؟
ليان ابتسمت ؛ بخير وانت؟
بدر حس بابتسامته ابتسم ؛ الحمدلله مشتاق
ليان ابتسمت بخفه ؛ ممم المشتاق وش المفروض يسوي؟
بدر استانس ع انها تاخذ وتعطي معاها؛ اتوقع انه يجي يتطمن
ليان ؛ صحح ههههههه
بدر ؛ اجي!
ليان ضحكت ؛ اي شفيك
بدر انصدم ؛ صدق يعني موافقه ترجععينن؟
ليان ضحكه بخفه ؛ مم لالا صبر
بدر ؛ لااا حرام عليك ي ليانن انا ابيك من زمان
ليان ؛ مايصير اعذبك شوي ؟
بدر همس؛ تعذبت كثير مايكفي؟
ليان همست ؛ انتظرك
وصكرت منه ابتسمت بحُب وطلعت جلست مع اهلها
اما عند بدر ابتسم بقوه وهو يبي يطلع الصبح ويروح لبيت عمه مشتاق لها مرررراا
-
ببيت نواف ولارا
دخل البيت وهو تعبان بدون غيث صار الشغل اضضعااااف دخل الغرفه فصخ تيشيرته ودخل غسل وطلع توه بيفصخ يلبس بجامته
؛ لاااااااااااا
التفت برعب ؛ بسم الله نعمم!؟؟
شاف لارا جالسه ببجامتها
لارا وقفت بعصبيه ؛ انت ليه داخخل هناا!! وخير ماخذ راحتك بتفصخ ! قولي طيب!
نواف تقدم منها وهي خافت وهي تشوفه بالبنطلون بدون تيشيرت ؛ هذي غرفتي وصل؟ عجبك اهلا وسهلا ماعجبك * صارخ* الباااااب ييوووسسع جممممممللللل! وصللل؟ وانا زوجك لو امشي مفصخ هنا مالك شغل!
لارا بلعت ريقها بخوف هذا شفيه قلب عليها نزلت راسها وطلعت بسرعه
نواف تنهد بتعب همس ؛ انا شسويت اففف بس احسن تعبت اسكت اسكت
لف وبدل ملابسه ونام ع سريره من التعب ع طول نام
-
الصباح
الساعه 8:00
بالمستشفى
فتح عينه بتعب وهو يطالع الاوكسجين للحين بفمه وانفه طالع الي حوله قام بصعوبه وشالها بقسوه وهو ينزل رفع يده وطاح كاس بدون قصد
قام ابو غيث ؛ غيثث!
غيث طالع ابوه بهدوء ودخل للحمام" يكرم القارئ"
غسل وجهه مليون مره وهمس؛ حلم اكيد حلم
سمع طق ابوه ع الباب؛ غيث ابوي افتح الباب
غيث طلع وسنده ابوه على السرير ؛ شلونك؟
غيث بهدوء؛ يصير نروح بيتنا
ابو غيث ؛ مستحيل اخليك بروحك تعال عندي ببيتي
غيث ؛ اي انا ابي اروح معك ابي جناحي الاول ابي حياتي الاولى ي ابوي
ابتسم ابو غيث ؛ مثل ماتبي من عيوني انت ارتاح بشوف اجرائات الخروج ونطلع زين؟ بس ارتاح عشان كتفك يحتاج للراحه
هز راسه وانسدح
طلع ابو غيث من هنا وغيث رفع جواله واتصل ع مساعد ؛ الوو .. ارسل لي المحامي لهنا بسرعه
صكر منه
عند ابو غيث
سوا اجرائات الخروج واخذ ادويه غيث ورجع له تفاجأ ب باسم محاميهم طالع غيث الي كان يوقع ع ورقه همس ؛ غيث!
غيث طالع ابوه وابتسم بحزن؛ الله يوفقها ويستر عليها * تنهد بحزن ومد الورقه ل باسم * كذا خلاص؟
باسم ؛ اي طال عمرك خلاص باقي اروح المحكمه اصدّقها وباذن الله الورقه بتوصلها ع الظهر
غيث هز راسه وقام يلبس جزمته
باسم طلع يكمل شغله
ابو غيث وقف قدام ولده ؛ غيث ؟
غيث رفع راسه لابوه الي فتح يده ضمه بقوه
ابو غيث همس ؛ عسى الله يعوضك
-
بشقة الوليد وهديل
صحت هديل ابتسمت بحُب وهي تشوف نفسها ب احلى مكان عقدت حواجبها وهي تتذكر نومتها كيف كانت متضايقه مع انها بحضن الوليد وكان يقرا عليها طالعت الساعه 12:30 الظهر شهقت ؛ صلاه الظهرر
قامت وهي تناديه؛ الوليدد يالله اصحى تاخرناا
دخلت الحمام تتوضى وتغسل استغربت الوليد نومه خفيف وبالعاده تصحى الا هو صاحي قبلها من حركتها الزايده قبل ماتصحى بدقايق طلعت وهي تمسح وجهها ؛ الوللييدد
مايرد عليها
قربت جلست جمبه ومسكت يدهه ؛ الوليـ ..
سكتت وهي الي حست ببروده يدها اقشعر جسمها شهقت وقلبها بدى يضرب بقوه صارت ترجف قامت بسرعه وصكرت المكيف وهي تضحك بخوف ؛ الوليد حبيبي شكلك مرضت لان يدك بارده مرا * مافي رد همست وصوتها بدى يتحول للبكاء* حبيبي ليه ماترد عليه؟
بلعت ريقها بخوف وهي تتنفس بسرعه طلعت من الغرفه غمضت عيونها وهمست ؛ شش انتي نايمه الحين تدخلين وبيصحى
فتحت عيونها وابتسمت بخوف
فتحت الباب بيد ترجف ولكـن " نفس المنظر ماتحرّك "
اخذت جوالها وهي ترجف خايفه اتصلت ع عمها الي ساكنين تحتهم ؛ عءعمي
ابو الوليد ؛ هلا يابنتي شفيك ؟
هديل بخوف وصوتها يرجف؛ عءعمي الـ ـو لـ يـ ـد
مـ ا يـ ر د عـ لـ ـي
ابو الوليد نغزه قلبه ؛ انا وخالتك جايين هدي انتي
هديل؛ ان شاءالله
صكرت منه وراحت فتحت الباب وخلته مفتوح شوي ورجعت جلست جمب الوليد مسكت يدينه الثنتين ؛ ءء انا انا بدفيك حبيبي اكيد انت تعبان عشان كذا للحين نايم هه امس نمت قبلك انا انت قلت تبي تطالعني هه خلاص عاد قوم يالله محد قالك تسهر
لفت ع دخول عمها وخالتها الي كانت هاديه وتشوفها كيف تحرّك شفايفها بالاستغفار
ابو الوليد جلس جمبه من الناحيه الثانيه ؛ وليد ق
قاطعته هديل؛ لا لا قول الوليد
ابو الوليد ؛ يابوك تسمعني؟
مسك يدهه يتحسس النبض بردت اطرافه وهو مايحس ب ولاشي رفع يده لرقبته مافي شحب لون وجهه واقشعر جسمه وهو يشوف وحيده فلذه كبده عيونه وقلبه الشي الوحيد الي طلع منه ب هالدنيا ابو الوليد عقيم وام الوليد تحبه وتمسكت فيه واقنعته يعالجون وبعد العلاج جابو الوليد بس
رفع راسه لزوجته الي فهمت كانت مؤمنه بقضاء الله وقدره صابره ابتسمت بحزن وهمست ؛ لاحول ولاقوة الا بالله العلي العظيم
هديل ؛ عمي شسالفه!
رن الجرس
ابو الوليد بلع ريقه وبهدوء ؛ روحو الغرفه الثانيه هذا الاسعاف
هديل بخوف توها بتتكلم سحبتها خالتها ودخلو للمطبخ
هديل لفت طرحتها ع رقبتها وهي رايحه جايه ؛ خاله شالي صاير ؟
ام الوليد ؛ اذكري الله يابنتي
هديل بدت تردد ذكر الله
عند ابو الوليد وهو يطالع الممرض بخوف
الممرض رفع المفرش وغطى وجه الوليد ولف ع ابو الوليد ؛ عظم الله اجرك ميت من 3 ساعات تقريبا
ابو الوليد بحشرجه ؛ وش السبب؟
الممرض ؛ الي واضح لنا انها سكته قلبيه موته طبيعيه وكثير الي كذا * وقف وحط يده ع كتف ابو الوليد* الله يصبركم ويجمعكم بجناته
ابو الوليد نزلت دمعه وحيده دمعه شايب ع ولده وحيده رفع شماغه ومسحها وهو يهمس ؛ هذا وحيدي مالي غيره هذا الي اطالعه كل يوم مالي غيره
الممرض بقوه ؛ لك ربك سبحانه
ابو الوليد مسحه دمعته وبقوه ؛ والنعم بالله الحمدلله ع كل حال
لف طالع ولده طالع الممرض ؛ معليش بس امه وزوجته يشوفونه؟
الممرض؛ اكيد ياعم حنا بننتظركم قدام باب الشقه
هز راسه وطلع الممرض والي معاه
هديل وام الوليد شافوهم ودخلو بسرعه
هديل ؛ عمميي شص..
سكتت وهي تشوف الوليد مغطى ؛ عءعمي ؟
ركضت بسرعه وبعدت الغطا ؛ ليه مغطينه ! كذا كذا بييختنق ما مايصير
ام الوليد حطت يدها ع فمها تمنع خروج شهقتها جلست ع الكنب وهي تطالعه من بعيد
هديل طالعت عمها وخالتها ؛ شفيكمم!!
ابو الوليد مسكها من كتوفها وهو يطالع الوليد وبرجفه؛ عـ ظـ ـم الله اجـ ـرك يـ ا بـ نـ تـ ـي
هديل عقدت حواجبها هزت راسها ب لا تقوست شفاتها جلست ومسكت يد الوليد همست ؛ لا لا
ام الوليد جات ومسكتها ؛ تع
صارخت هديل بقوه ؛ بعدووو عنيي * لفت ع الوليد وهي تبكي وتهز راسها * لالالاا مارااححح مايخلينييي مايخلينييي الوليدد اصحىى وريهم انك ما ما * غطت فمها بيدها بخوف من الفكره *
ابو الوليد ؛ احم يابنتي بيجون يشيلونه الحين و ء ودعي
سكت مايقدر ينطقها حتى
ام الوليد همست بقلب ام صابره ؛ لاحول ولاقوة الا بالله العلي العظيم قومي يابنتي مايجوز الي تسوينه
هديل قوست شفاتها وقربت باست كل جزء بوجهه ووصلت لعند جبينه باستها وطوّلت ونزلت لاذنه وهمست ؛ الله يجمعني بك قريب استودعتك ربي عيوني
سحبتها خالتها وقفت جمبها ودخلو الممرضين وهم يشيلونه
هديل تهز راسها ب لا ودموعها مستمره
ام الوليد ضمتها بقوه عشان تثبت
ابو الوليد تلثم ب شماغه مو قادر يتحمل
طلعو من الغرفه
هديل وهي تبكي التفت مالقته بعدت خالتها ولحقتهم ابو الوليد مسكها؛ جججيبووههه لالاااا الوليد مايحب يطلع الحينن ججيبوهه لااا عمي قولهمم لا تكفىى
ابو الوليد ضمها وهو يمسح ع راسها ويهمس ؛ بسم الله عليك اهدي ي بنتي
ضلت هديل تبكي
ام الوليد مسكتها ؛ تعالي معي
هديل وهي تبكي ؛ ابي اروح بيت اهلي ابي ابوي
ابو الوليد بحزن؛ البسي اوديك وبعدين اروح اسوي الاجرائات
هزت راسها ام الوليد ؛ روحي يمه البسي عباتك
هزت راسها ودخلت تلبس
ام الوليد لفت ع زوجها ؛ اهدى خليك قوي
ابو الوليد همس بعجز وضعف ؛ موته كسر ظهري يَ منى
ام الوليد قربت وضمته وهمست ؛ اذكر الله وردد لاحول ولاقوة الا بالله العلي العظيم ماراح يفيدنا شي ترى
ابو الوليد ابتسم بهدوء ؛ ان شاءالله
ابتسمت
وجاتهم هديل
ابو الوليد نزل ركب السياره وهديل ركبت جمبه ومشو
ام الوليد جلست ع الكنب وهي تطالع غرفه ولدها شهقت همست ؛ حبيب امك رحت؟ اه عسى ربي يصبر قلبي غمضت عينها وهي تتذكر اول مرا من كل شي سواه اول مرا قال ماما اول مرا مشى اول مرا تعلم كيف يكتب اول مرا تعلم كيف يقرا اول مرا لبس الثوب اول مرا من كل شي بس شي واحد ماصار دمعت عينها وهي تتذكر
"
ابو الوليد ؛ وش الي تبي تسويه؟
ابتسم الوليد؛ ابي اجيب بنوته حلوه واسميها منى ع امي الحلوه
ام الوليد ضحكت؛ اسمي قديم جيب اسم جديد احسن
الوليد جلس جمب امه وحاوط كتوفها وهو يبتسم ؛ وفيه احسن من منى؟
ابو الوليد ؛ يارب يعطوني وجه
؛ هههههههههههههههههههههههههههههههههههههههههههههههههه ههههههههههههههههههه
"
ام الوليد ابتسمت بايمان تام بقضاء ربها سبحانه وقدره همست ؛ عساك باعلى الجنان ي عيون امك
