عند غيث مصدوم بعدها عنه بسرعه وسحبها لسيارته وركب جمبها وشخط ع الشركه ودانه تطالعه بكل حب اشتاقت له كبر كثييرر وتغير تنهدت
وصلو للشركه ونزل ونزلت وراها وهو يمشي وهي وراه دخلو لمكتبه وقفل الباب وطالعها بصدمه ؛ انا سمعت من امك انك توفيتي!
دانه طالعته وبتمثيل متقن جلست ع الكنب وتبكي ؛ جبرونيي ابوك جبرني اني امثل اني ميته وكنت خايفه * طالعته * غيث انا رجعت عشانك
غيث لاشعوريا مر عليه قبل 8 سنين كان لمن يشوفها تبكي يتضايق يحس الدنيا صافقته بس الحين لا ليه! * رفع يده يمسك قلبه * هذا مايدق!
دانه طالعته بخوف؛ غيث ؟ انت معي؟
غيث طالعها بهدوء ؛ دانه اطلعي من حياتي انا مء مب* تنهد * مبسوط بحياتي وكثير
دانه طالعته بتحدي ابتسمت ؛ كذاب
غيث طالعها بهدوء
دانه؛ غيث لمن يكون مبسوط عيونه تلمع من الفرحه لمن يكون مبسوط يصير واثق بكلمته وهو يقولها ويقولها وهو فعلاً حاس فيها مو يقولها ببرود
غيث عض شفته بقوه مهما كرهها بتضل هي الوحيده الي تعرف غيث بكل تفاصيله وبكل حركاته همس ؛ براا
دانه ؛ غيث!
غيث عطاها ظهره
دانه تقدمت وحاوطت رقبته من ورى همست ؛ للحين احبك حب الطفوله مايروح بسهوله راجعه قريب
وراحت
غيث مايدري ليه مايبعدها! شلون يسمح لنفسه !!! ششلوننن!!! تعوذ من ابليس طالع الساعه 9:30
جلس ع المكتب بتعب وهو يتذكر شهد همس؛ يارب
-
عند شهد
طلعت من البيت بتروح تشتري الاغراض شافت جيرانهم ابتسمت عليهم كانو يتهاوشون ع مقعد السياره
بندر ؛ انا ماصدقتت زينهه تطلعناا وع حسابهاا!! وبعدينن انا ولدد انا قداامم
وجدان؛ اصص اصص ي البزر
بندر توه بيتكلم شاف شهد تطالعه ابتسم بقوه؛ المزه تطالع
شهد استحت ونزلت راسها
زينه تذكرت وراحت له ؛ ششههد
شهد استغربت مين يعرف اسمها التفت وطبعاً ماعرفتها لانها متنقبه ؛ شلون تعرفين اسمي ؟
زينه ضحكت ؛ انا زينه اخت الدكتور فواز
شهد طارت عيونها بفرحه ؛ زززينه
ضمتها وهي مبسوطهه
ابتسمت زينه؛ حبيبتيي تونا ندري انك ساكنه جمبنا!
ابتسمت شهد بخفه؛ اي والله حتى انا احلى جيران
زينه لفت تنادي وجدان؛ هذي وجدان اختي الصغيره
ابتسمت وجدان وسلمت عليها
زينه؛ شهد حنا بنروح نفطر تعالي معنا
شهد تذكرت توترت؛ هاه لالا وقت ثاني انا انا مستعجله مرا لازم اروح اتقضى اغراض الغدا * حست انها جابت العيد ضحكت بخفه* ههه يالله سلام اشوفك بعدين
وركبت السياره ومشو
وجدان؛ شكله فيه مشكله مع زوجها حتى تروح هي تجيب الاغراض !
زينه ؛ الله يعينها يالله امشو السايق ينتظر
-
بعد ساعه بالضبط
رجعت شهد ونزلت تنزل الاغراض
بنفس الوقت طلع فواز متأخر عقد حواجبه وهو يشوفها تجمع الفلفل الي طاح من الكيس تقدم وجاء شال معاها
شهد بتوتر وهي ماشافت شكله بس شافت ثوبه ؛ مءمشكور
فواز ؛ العفوو
شهد حست انها تعرف الصوت رفعت راسها همست؛ دكتور!
فواز ضحك بخفه ؛ حبيت الاسم
شهد نزلت راسها وهي مستحيه منه دوبا ليش تتكلم
فواز اخذ الاغراض الباقي منها ودخلها جوا البيت وقف يطالع البيت
دخلت شهد وهي تطالعه ؛ مشكور ماقصرت
فواز ؛ ماشاءالله البيت احلى من برا * وبتلميح* اكيد اصحابه مبسوطين
شهد بسرحان ؛ للاسف دايم كنت اقول كذا وطلع العكس السعاده مو بالقصور ولا بالفلوس السعاده بالعايله المتفاهمه والزوج المح* سكتت بخوف* ءء
فواز طالعها ؛ ليش ساكته!
شهد طالعته باستغراب
فواز عيونها تطالع تعوذ من الشيطان همس ؛ عم اذنك
وطلع بسرعه ركب سيارته وشخط ع المستشفى
شهد ضلت تراقبه من بعيد همست بعفويه ؛ وش قصتك انت بعد ي فواز
عقدت حواجبها؛ فواز! مجنونه
لفت وصكرت الباب ومادرت انها , صكرت الباب بس ماصكرت قصه فواز واتجهت للمطبخ تطبخ
عند دانه
طلعت من الشركه واتصلت ع ... : الو؟ .. * ابتسمت * مشكوره وكل شيء بيوصلك بحسابك
صكرت منها وابتسمت بخبث ؛ الحساب توه يبدي استاذ سعود هه
ركبت مع السايق وهمست : كلها يوم بالضبط ويصير الي ابيه وزياده
-
عند ليان وبدر
طلعت من الغرفه شافت بدر كاشخ وواقف قدام المنظر الي يطل ع الناس الي تحت الفندق يروحون ويجون
ليان تنفست بعمق همست ؛ يارب
تقدمت ووقفت جمبه تطالع وياه
بدر رن جواله بمسج طالعه ولف يطالعها بهدوء همس ؛ انا طالع وبتأخر عندي موعد
وراح اخذ اغراضه ونزل تحت
ليان تنهدت بتعب ولفت تطالع الناس طارت عيونه شهقت همست ؛ مستحيل يكون ب هالسوء!
كان بدر مع بنت واقفه عند باب الفندق اخذها ومسكها من خصرها
ليان جلست ع الكرسي مو مصدقه صارت تطالع الارض لاشعوريا بدت تنزل دموعها محد يلومها! تحبه من وهم صغار! ويعاملها بقسوه! ويتزوجها وبشهر العسل يخونها وقدامها! ضمت رجولها وضلت تبكي لوحدها
بدر رفع راسه يطالع شافها ضامه نفسها ابتسم بخفه وهمس؛ لازم تعرفين انتي ايش بالنسبه لي هه
لفت عليه الي جمبه ؛ what?
ابتسم بخبث وباس خدها؛ nothing sweety
ابتسمت بمياعه
يالله ي بدر انت قاعد تضيع نفسك وقريب بتعرف وتندم اشد الندم ع كل حاجه سويتها و عَ كل دمعه نزلت من ليان
بالسياره
يفكر بالي صار امس مستحيل هو يعرف شهد! مستحيل تسوي شيء غلط!
تربيه صديق عمره
تنهد وهو يذكر الله متجهه لبيت غيث لازم يعرف السالفه
-
ببيت غيث
وقف السياره ووقف قدام البيت يطلع المفتاح التفت للجيران لاشعوريا حس بقبضه بقلبه تعوذ من الشيطان ودخل صكر الباب ودخل فتح باب الصاله تنفس بعمق ريحه البيت بخور تنهد بابتسامه لاشعوريا جلس ع الكنب وسند راسه مغمض عيونه
طلعت شهد وهي رافعه شعرها بعشوائيه وخصلات شعرها متطايره لان شعرها قصير اساسا وبعضه طايح وحاطه المريله ورافعه اكمامه وماسكه الملّاس ؛ غيثث؟ انت جيتت؟
خافت مافي احد اجل مين فتح الباب!
تقدمت لعند الباب بتفتحه
؛ ع وين؟
التفت بخوف وشهقت
غيث طالعها بسخريه ؛ جني قدامك!
شهد بتردد ؛ ءء مو قص
قاطعها؛ حطي الغدا جوعان بسرعه
هزت راسها وهي تمشي ؛ ناديتك مارديت عشان كذا خفت الحين احطه دقا
قاطعها بحدّه ؛ قصدك ثــواني!
شهد كملت طريقها للمطبخ غرفت الاكل وبدت توزعه ع الصحون وحطته ع الطاوله واشرت له
غيث ؛ تكلميي ماني خدام عندك تاشرين لي!
شهد بهدوء؛ الغدا جاهز
غيث قام وراح جلس وهو يطالع الاكل كانت مسويه اكثر من 3 اطباق طبق رئيسي وسلطه وايدام وصينيه فرن عقد حواجبه واخذ اول قضمه وشرب مويه وقام ؛ الحمدلله
شهد طارت عيونها ! هي تعبانه من 9 رايحه تشتري وتتقضى وحالتها حاله وتطبخ ! وبالنهايه كذا! سكتت وهي منقهره
راح غسل
طلع الا الجرس يرن
راح يفتح الباب من اللوحه الي بالصاله وشاف ابوه لف ع شهد بحدّه ؛ انقلعي للغرفه بسرعه!
شهد بخوف راحت لغرفتها وراح
-
راح غيث يفتح الباب لابوه ابتسم ؛ اه
ابو غيث ؛ امش قدامي شهد وينها!
غيث تنهد ؛ تفضل
دخلو الصاله وجلس ابو غيث
غيث ؛ شششششههههدددد
ثواني وجات شهد
ابو غيث شافها وهي تجي من تحت عقد حواجبه لالااكيد كان عندها شغل تحت اكيد
غيث ؛ تجيب لك قهوه او ش
قاطعه؛ اجلسو قدامي اشوف مابي شيء
جلسو ع كنب وحده جمب بعض قدام ابو غيث
ابو غيث ؛ وش الي صار امس! وايش جاب سطام!
شهد عضت شفتها وهي تطالع الارض
غيث طالعها بسخريه ؛ اسأل الموقرّه انا جيت لق
سكت
شهد بدفاع؛ عمي صدقني الي صار كله لعبه لعبه
غيث قبض ع يده بقوه كره هالكلمه! وهي بكل مره تعيدها
ابو غيث ؛ شلون لعبه!
شهد حكت له الي صار بينها وبين نارا
ابو غيث بتفكير ؛ مافي شيء يقدر يخليني اكذب كلام شهد ! لان نارا من يومها تحاول تتقرب من غيث ف اكيد
قاطعه غيث ؛ هه صدقتها انت ! ابـوي اذا اقولك ان سطّام قال كلمه مستحيل يخليني اصدقها!! ابوييي
سكتت بقهر مايقدر يتكلم اصلا
ابو غيث ؛ اي كلمه!
شهد دمعت عينها ؛ غءغيث
غيث طالعها بحدّه ؛ ولا كلــمه!!!
ابو غيث ؛ غيث انتم ببدايه حياتكم طبيعي يصير مشاكل وانتم لازم تتخطونها وتتجاوزون وتضحون لبعض
غيث بقهر وضيق قام وهو يصرخ ؛ ابوييي! اتغاضى عن شخصص قاعد يقولي انه لمــسسس زووججحتتتييي!!!! اتجججاوززز عنهه!!! مستحيل مستحححيللل
قام وطلع لغرفته
ابو غيث مصدوم طالع شهد الي تبكي ؛ شهد؟ وش يقول ! صحيح!
شهد طالعت عمها وهي تبكي ؛ وربي الي خلقني ي عمي اني ماسويت شيء غلط وربي عمي انا مادري شلون عرف مادري شلون اتهمني هالاتهام بس الي ابيك تعرفه اني عمري ماخنت غيث ولا راح اخونه عمي قولهه لايفتح باب المشاكل * همست بنبره تعب * الي فينا كافينا
نزلت راسها بهمّ
ابو غيث تنهد؛ الله يهدي سرّكم ي بنتي
قام ؛ انا بروح تبين شيء
هزت راسها ب لا
وهو طلع
شهد طالعت الدرج بتردد قامت وراحت لغيث
وهي تمشي خطوه وترجع خطوتين وصلت لعند باب الغرفه فتحته بتوتر دخلت شافته جالس ع السرير يطالع الفراغ وباين من نظرته انه سرحان
همست ؛ غيث
غيث طالعها ببرود
شهد بللت شفتها وبلعت ريقها وشفتها ترجف تقدمت وجلست قدامه ع ركبتها وبتوتر اخذت يده ومسكتها ؛ انت مثلي ؟ لمن افكر اني ممكن اروح عنك احس ببرد * نزلت راسها وطالعته وهي تبتسم وشفتها ترجف تكّه وتبكي * لو بضحك ؟ بضحك لعيونك بس واذا تبيني اموت بموت عادي * نزلت راسها شهقت وطالعته وعينها تدمع * لو بتروح ؟ بروح معك
غيث طالعها همس ؛ كيف تقدرين تسوين كذا؟
شهد عقدت حواجبها
غيث همس ؛ كيف تقدرين تتشكلين ع اكثر من شخصيه؟
شهد ضلت مبهوته من كلامه! غمضت عينها بقوه وهمست؛ مستحيل لالا
قامت بسرعه وهمست ؛ ء انا انا اسفه
ونزلت بسرعه لتحت
غيث قام بيروح يلحقها كان بيقولها انا اسف اتركي كل شيء انا انا .....
جلس ع السرير بقل حيله همس ؛ حاس هذي نهايتي معاها
عند شهد
جلست ع الدرج ماقدرت تكمل لتحت دمعت عينها شهقت ماحست الا وهي تبكي بقوه صارخت ماتقدر خلاص تعبت تعبت ؛ اببووووووووووووووويييييي
جاها غيث يركض مسكها؛ شهددد!!
شهد قامت طالعته وهي تهز راسها ب لا ونزلت بسرعه لغرفتها قفلت الباب وهي تبكي بقوه صارخت وصارخت بس محد جمبها محد يخفف عنها
غيث كان يطق الباب بقوه: ششهددد افتحي الباب مو زيننن كذا
شهد كانت ماتسمع ولاشيء كانت تبكي وتدفن راسها بالمخده تصارخ
غيث ؛ ششههدددد
شهد قامت وفتحت الباب طالعته ؛ نعم؟ تبي اكل ؟ تبي قهوه ؟ * بصعوبه نطقت بـ* الاسياد ماينزلون ل خدمهم ولا؟
غيث طالعها ولف راح عنها
صكرت شهد الباب ودفنت راسها بالمخده ونامت لاشعوريا
-
