مر تقريبا
شهر كامل وهالشهر ماتغيرت اشياء كثيره بس تقريبا كان فتره هدوء لابطالي ونقدر نقول " هدوء ماقبل العاصفه " هالهدوء الي يسبق احداث بتغير مجرى الروايه بأكملها وبتغير " مشاعر " البعض للاحسن او للاسوء هالفتره تقريبا كان الكل يتحاشى الثاني خلونا نمر ع بيوت ابطالي واحكي لكم بالمختصر عن الي صار لهم وراح احكي بالتفاصيل للشيء المهم الي صار
-
ليان وبدر
كانت ليان بكل ليله من شهر عسلها الي راح تشهد ع خيانه جديده وكل يوم من نوع اخر وكل هذا كان من تخطيط بدر عشان تكرهه ولكن القلب ! وبما ان بدر مايعرف الحب ولا جربه ف يتوقع ان الي يحب يكرهه وهو مخطى تماماً الي يحب عُمره مايكره راح يضل يحبه رغم كل شيء رغم سوءه ايضا ولو كانت فيه حسنه وحده بيضل يحبه , خالد يتصل يكلم ليان وكان شاك بأن صاير بينهم شيء ونوى بس يرجعون يتكلم معهم وفعلاً رجعو بس كانت ليان تتهرب واليوم راح تروح لاهلها وبتقابل خالد اكيد اما بدر؟ طبعا مو مهتم بس ولا خليني ساكته احسن 👀
-
هديل والوليد
مافي احسن منهم ماشاءالله ورجعو قبل اسبوعين وهديل الى الان ماشافت شهد والسبب؟ مجهول وبكل مره تسأل غيث يصرّف والوليد صار يسافر كثير عشان شغله ويضطر ياخذ هديل معاه
-
نواف ولارا
نواف كان طول هالفتره متردد يبي يكلم عمه بموضوع بس يفكر كثير ولا يدري وش ممكن يسوي
ولارا ؟ ماتطلع من البيت الا وامها معها غيره لا وتحس بندم ششدديد انها حبت انسان مايستاهل!
-
خالد و نوف
بعد الي صار لـ نوف
خالد ماشافها ابدا او كلمها وهي بعد انشغلت بالمها وبالي صار لها وصارت تفكر انها كيف باعت نفسها ! كان ودها شهد تكون موجوده لتحكي لها
واما عن خالد؟ ممم ممكن نقول انها كان ناوي يكلم نوف يبي يعرف ليه سوت هذا كله! وليه للهدرجه دايم تجي تكلمه! ومن جهه ثانيه كان مايشوف ابوه ابد صاير يختفي كثيرر وبس يكلمه بالجوال دقيقه بالكثير ويصكر وملاحظ عليه تصرفات غريبه وبنفس الوقت شايل هم اخته ليان يحس انها مو مرتاحه وينتظر اللحظه الي يتكلم معاها وتحكي له عن الي بقلبها كله
-
اما عن شهد وغيث ؟
اخبار سيئه للاسف علاقتهم صارت من سئء الى اسوء! من بعد اخر موقف صار غيث يدور اي غلطه ويصارخ ع شهد ويأمرها تسوي كل شيء بدون لاترتاح والي غابنه اكثر هو اسلوبها معه كانت مستسلمه له وبس " ابشر , حاضر , اسفه " كان يحس بقهر يبيها ترفض تدافع وبنفس الوقت كان اذا رجع من الشغل او من برا يحاول يشوفها من بعيد كيف تكون بغيابه؟ ولكن كان يشوف السرحان والبرود والامبالاه, من بعد اخر موقف شهد ضلت هاديه بزياده! وكتومه وجامده كانت تتغير ولو شوي اذا صارت الساعه 9 الصبح تجيها زينه تسولف معها وتفضفض لها وصارت زينه قريبه لشهد لدرجه شهد تحكي لها عن حياتها مع غيث تحس انها ترتاح اذا حكت لها وتحس انها لازم تحكي لها
-
زينه كانت توصل كل شيء لاخوها فواز بطريقه غير مباشره لانها كانت تحس انه مهتم بـ شهد وينقهر اذا جابو طاري غيث وخصوصا اخر مره كانت شهد تعبانه وجاء ركض يبي يعالجها بس زينه ذكرته بانه غريب عنها ومنعته وكانت تشوف كيف اخوها يحاول يكتم ويمحي هالحُب الي ماله اي مستقبل ولكن فيه 1٪ بداخلها يقولها يمكن تصير من نصيبه ويعوضها؟
-
بعد ماحكيت لكم عن ابطالي خلونا الحين نكمل 🙏🏻💕
-
الساعه 4:00
العصر
ببيت ابو خالد
نزل خالد ليتغدا وجلس ع الطاوله ويطالع باب الصاله وسرحان متى بيرجع ابوه قال انه بيسافر اسبوع وجاي وهذا مر اسبوعين تنهد ورفع البيبسي يشرب
انفتح الباب ودخل ابو خالد وهو مبتسم بقوه ؛ تفضلي تفضلي البيت بيتك ي حياتي انتي
خالد طارت عيونه وهو يشوف الحرمه لالا مو حرمه كانت بنت بعزّ شبابها! بعمر 30 سنه ! بعبايتها الضيقه والملونه ومتحجبه بحجاب مهمل بقوه لدرجه شعرها طالع واسم انه حجاب وع راسها وعطرها سابقها غير الكعب الطويل
خالد شرق قام يكح وهو يطالع مصدوم
شرب مويه وقام لابوه
ابو خالد ؛ خالد! انت هنا؟
البنت طالعت خالد بابتسامه وهي رافعه حواجبها ؛ نصوري مين هذا؟
ابو خالد ابتسم وهو ذايب ؛ هذا ولدي الكبير خالد
توها بترد
قاطعهم خالد؛ ابــووويي! هذيي مينن!
تقدمت البنت ومسكت يد ابو خالد بجرئه وتطالعه بتحدي
ابو خالد بثقه ؛ زوجـتي دانــه
ابتسمت دانه وطالعت خالد الي كانت تدري ومتأكده انه عرفها
خالد مصدوم مو مستوعب هذي زوجه ابوه! لاا و ..
دانه ؛ يوهه نصوريي ابي اروح ارتاح وين غرفتي؟
مسك يدها وبخوف ؛ بسم الله عليك ابوي تعالي تعالي لاتتعبين
طلعو بالمصعد وراحو
خالد للحين مصدوم!
-
ببيت ابو غيث
ابو غيث انصدم ؛ ايش !
نواف ابتسم ؛ شفيك ي عمي ولا ماني قد المقام؟
ابو غيث ؛ لا يابوك والنعم فيكك والله
ابو نواف ابتسم ؛ خلاص اجل ي اخوي خلنا نفرح فيهم والي تامر فيه بنت اخوي تبشر
ابو غيث ابتسم بتوتر؛ ان شاءالله انا بكلم لارا ونرد لكم قريب
ابو نواف؛ ع خير ان شاءالله * قام* استاذن انا عندي شغله ضروريه مع ابو خالد
ابو غيث ؛ بتكلمه ع موضوع سفره؟
ابو نواف ؛ ايوه
ابو غيث ؛ اجل جاي معاك يالله جاهز
ابو نواف ؛ انا بالسياره انتظرك
هز راسه ابو غيث وطلع ابو نواف ونواف لف يلحقه
مسكه ابو غيث ؛ نواف
نواف طالع عمه تنهد؛ ادري وش بتقول عمي صدقني انا احب لارا من كنا صغار وانتظر اليوم الي اجي واخطبها وبعدين لارا انا واثق فيها واحبها وهي غلطت وكلنا نغلط ي عمي وهي اكيد عرفت غلطها طلبتك ي عمي ابيها صدقني بتكون اسعد انسانه معي
ابتسم ابو غيث ؛ والنعم فيك كبرت بعيني ي ولدي وانا متطمن انها معك واعتبرها لك من اليوم بكرا برد لابوك الملكه الخميس الجاي
ابتسم نواف بقوه وباس راسه عمه؛ الله يحفظك لناا
ابو غيث ؛ امينن ويحفظكم لبعض يالله خلينا نروح لابوك لا يصلّع
نواف بروقان ؛ههههههههههههههههههههههههههههههههههههههههههههههههه ههههههههههههههههههههههههههههههههههههههههههههه
-
ببيت هديل والوليد
وقفت سياره غيث ولف عليها وهمس؛ جبتك عشان هديل وبس ساعه واجي اخذك سمعتي!
شهد ؛ ابشر
غيث قبض ع يده بقوه
ونزلت شهد توها بترن الجرن طلع الوليد وفتح الباب لها ؛ تفضلي
وراح لغيث سلم عليه ؛ تعال تقهوى
غيث بهدوء؛ مره ثانيه يالله عندي شغل
الوليد ابتسم ؛ بحفظ الله
ابتسم غيث بهدوء ومشى
والوليد ركب سيارته وراح
عند شهد
دخلت شافت هديل قدامها ابتسمت بخفه
ركضت هديل وضمتها ؛ اشتقتتت لككك
شهد همست؛ انا بعد
هديل طالعتها بهدوء عقدت حواجبها ؛ شهد؟ فيك شيء؟
شهد دمعت عينها وعضت ع شفتها بقوه ؛ لا
هديل تنهدت ؛ تعالي
دخلو وجلسو ع الكنب وهديل جابت قاروره مويه وفتحتها مدت لها ؛ اشربي
شهد شربت شوي وحطتها ع جمب
هديل؛ شصاير؟
شهد ماتحملت غطت يدها وبكت بقوه
هديل انصدمت ضمتها؛ شهددد!
شهد ضلت تبكي وتتذكر كل شيء تذكرت اخر موقف كان على العشاء امس
"
جالسه تطالع التلفزيون وشافت مشهد من مسلسل
" ؛ انا دايم اتغاضى بس هالمره ماراح اتغاضى وبتركك وبدوس ع قلبي واخليك "
ضلت تفكر ب هالجمله قامت وهي تسمع ندا غيث لها قامت ووقفت وهي تطالعه بتتركه بيوم؟
بتقدر تدوس ع قلبها؟ بتقدر تنسى؟
غيث صارخ ؛ ههههيهه اكككلمكك!!!
شهد بلعت ريقها ونزلت راسها ؛ نعم ؟
غيث تنرفز ! ليه ماتحكي ! ليه ماتصارخ تعصب! ؛ العشا ججاهز!
شهد طارت عيونها طالعته؛ انت قلت ماتبي عشا!
غيث تقدم خطوتين شهد بخوف رجعت ع ورى وغمضت عينها
غيث انصدم تخاف منه! ايه تخاف همس؛ شهد؟
شهد بتوتر وبخوف ؛ ءء ممم انت انت ماقلت تبي عشا انا ماسويت !
غيث همس ؛ تخافين مني؟ تخافين ...
شهد طالعته وبلعت ريقها عضت شفتها همست ؛ بفضلك
وخلته رايحه لغرفتها
"
هديل ؛ شهد اهدي ي قلبي اهديي
شهد ؛ هديل انا وغيث لازم نترك بعض مانصلح مانصلح
هديل بعدتها تطالعها مصدومه ؛ نعممم! ليه شالي صصارر!
شهد عضت شفتها بقوه ولفت وجهها للجهه الثانيه
هديل مسكت وجهها لفت ناحيتها؛ احككيي!
شهد ابتسمت بقهر ؛ اقولك انه يشك فيني؟ اقولك انه يشك ب * حطت يدها ع فمها ماتقدر تنطقها ! *
هديل طالعتها تحثها ع الكلام وهي خايفه من الي بتقوله
شهد همست ؛ بء بشرفي
هديل طارت عيونها مستحيل يكون غيث ب هالحقاره! ؛ مستحيل غيث مايسويها غيث ما
شهد بقهر وقفت وهي تصارخ ؛ لاتقوليينن مايسويهاا! كلكم كلكم تقول غيث طيب حنون مايسويها غيث مستحيل يضر نمله هه هذا غيث معكم انا لا غيث الي اشوف بنظرات عيونه كره واستحقار كنت اتمنى اشوفها حب وحنيه بس لا غيث الي بكل يوم يغثني بكلمه والي وقف ضدي قدام الكل ! وضربني قدامهم وسحبني زييي الكلبه! وكله من راس ناررااا! لعبه منها بس ماصدقني ! غيث الي كل يوم صار الضرب عادي عنده ولايحس ! * رفعت كم عبايتها * ششوفيي! هذا منه !
جلست بتعب وهي تبكي ؛ هديل غيث معي غير عنكم غييرررر
هديل جلست جمبها وهي تمسح ع كتوفها؛ شش خلاص هدي صدقيني غيث الظروف الي مر فيها غيرته ولا هوو غير
شهد؛ ابي اشوفه هالي غيرر
ابتسمت هديل ؛ تبين تشوفينه؟
شهد استغربت ابتسامتها؛ ايوه
هديل ؛ ثواني اجل
قامت راحت لفوق دقايق وجت جابت معاها زي سي ديات وحطتها داخل الدي في دي وشبكته ع التلفزيون وشغلته
شهد طالعتها ؛ وش هذا ؟
هديل ابتسمت ؛ وش تشوفين ؟ فيديوهات لغيث قبل 10 سنين تقريبا او اكثررر
شهد طارت عيونها؛ افففف!!!
هديل ضحكت ؛ كان عمره 19 18 كذا
شهد تحمست ؛ يالله يالله
هديل ضحكت بخفه وشغلت الفيديو وهمست ؛ هذا بيوم ميلادي
"
بدر كان يصور ؛ غغغيثثث بسرعه البنت بتدخل !
غيث طالعه بنص عين ؛ اشش كله منك ي دوووبب اخرتنا باقي اجيب الكيكه خلاص الحين كل شيء جاهز
همس بدر؛ مجنون هالاخو يع
غيث طالعه بضحكه حقيره ؛ هيهيه سمعتك ترى
بدر ضحك ؛ انزين انزين
صكرو النور ودخلت هديل ؛ غيثث! يمه وش هالظلام!
انفتحت الانوار
غيث وقف بالنص وهي يغني بكل روقان ؛ هههابييييي بييرررررثثثداااييييي تووو ذااا لووففف هههدهد قلبي
بدر مات ضحك ؛ هههههههههههههههههههههههههههههههههههههههههههههههههه هههههههههههه تووو مايييي!!!
غيث لف الكاميرا عشان يطاالع بدر وكشر ؛ اش اش
هديل دمعت عينها وصاحت ؛ غغيثثث
ركضت وضمته ؛ يالله احبك مراا
غيث ضحك بخفه وابتسم وهو يمسح ع شعرها بحنيه ؛ انا احبك اكثرر ي عيون اخوووك
ابتسمت هديل وهي تطالعه
بدر ؛ الكككيككههه
غيث ؛ صحح
راح وجاب الكيكه وهي مبتسم بقوه ؛ وهذي الك
ماكمل الا وططططااااخخخ
طاحت الكيكه وطاح ووجهه بالكيكه
بدر ! ؛ هههههههههههههههههههههههههههههههههههههههههههههههههه هههههههههههههههههههههههههههههههههههههههههههه بططننننييي بططننننييييي
هديل ركضت ؛ غيثث
غيث قام وهو يضحك والكيك مالي وجهه طلع لسانه يذوق الي بفمه ؛ ممم لذيذ بس لو مخلينها شوكلت مو احسن؟
هديل ؛ غيث!
غيث ؛ هههههههههههههههههههههههههههههههههههههههههههههههههه هههههههههههههههههههههههههههههههههههههههههههه
بدر قرب ؛ سسمممااييييلللل
غيث سحب هديل جمبه واخذ كريمه من الكيكه الي طايحه حطها بخشم هديل ولف ع الكاميرا مسوي حبتين
وانتهى الفيديو "
1
