That One Night

♣️ 7

♣️ 7

"The thunder uproar, the heart is beating. But the pain is quiet."
-

-

Pierre Delvono

Iyak ng iyak si Irish. Nagising na si Niniana at Trinix. Pareho nilang pinapatahan si Irish. Hindi ko siya malapitan dahil halos nabato na niya sa 'kin ang lahat ng throw pillow.

"Ayos kitang makita Pie! Alis! Umalis ka na!" Humahagulgol na sigaw sa 'kin ni Irish. Nasa tapat lamang ako ng pinto and I really want na mapatawad niya ako...pero wait? Hindi naman ako nag gumawa ng lahat ng iyon sa make ups niya. Alam kong sobrang importante lahat non kay Irish.

"Irish...sorry na..." Sincere na sabi ko kahit na ba kasalanan itong lahat ni Luningning!

Nakatingin lamang sa 'kin ng masama si Irish.

"Hindi mo ba narinig si Besh? Umalis ka na raw! Gusto mo ba ako pa magtaboy sa 'yo?" Sabat ni Niniana. 

Nagkatinginan kami.

"Oo aalis ako, basta. Papalitan ko lahat ng nasirang make-ups mo. I'm so sorry again." Sabi ko sabay hawak sa doorknob. Napatingin lang sa 'kin si Irish.

Hays Luningning.

I really need to talk with Doc Vallejos right now. Hindi ko alam kung bakit lumabas itong si Luningning.

Sa pagkakaalam ko ay kami nalang ang natira ni Ezekiel. Nasa parking lot na ako ng building. Pagkasakay ko ng sasakyan ko ay tinawagan ko si Doc to inform him na magtutungo ako sa clinic niya.

Pagka-confirm niya na pwede akong magtungo ngayon sa clinic niya ay kaagad kong binuksan ang engine ng sasakyan ko. Naiiling na lamang ako sa tuwing sumasagi sa isipan ko ang gulong ginawa ni Luningning.

Iyon ang hindi maganda sa ugali ni Luningning. Kapag ayaw niya ang shade ng isang lipstick ay tinatapon niyo sa inidoro. Mahilig siyang mag make up sa bathroom. Lalo akong napapikit nang makita ko kanina ang pisngi at leeg ni Trinix. Punong-puno iyon ng lipstick marks.

Kilala ni Tyler ang alter ko na si Luningning. Kaso ay trauma rin siya. Ang magaling na Luningning ay iniuwi lahat ng briefs ni Tyler. At kung ano-ano pang collection niya ng boxer at brifes ang nasa cabinet ko. Kaya kapag may nadagdag sa mga boxer at brifes ko ay ibig sabihin nonay lumabas siya at nadagit na naman kung saan ng boxer at briefs.

Ang latest na boxer short na kinuha ni Luningning ay 'yong kulay pink na may superman na print. Sino kayang matinong lalaki ang mabo-boxer short ng ganoon? Lalo na 'yong glittery na boxer na naka print na mukha ng isang celebrity pinapatos din na dagitin ni Luningning.

Tapos ngayon hindi ko alam kung kailan siya uli lalabas.

Nagpark ako sa San Sebastian Medical Center. Ito ang pangalawang kilala at magandang Hospital sa bansa. Dito kasaluyang nakadestino si Doc Vallejos.

Next time nga hindi na ako iinom ng alak. Baka lumabas na naman si Luningning. Nakakabahala lang na baka mas malala ang kanyang magawa sa mga susunod.

Bukas na ang opisina ni Dok. Mukhang inaasahan niya na darating ako. Kaya hindi na siya nagulat nang pumasok ako. Kasalukuyan siyang humihigop ng kape. Nagtanguan lang kami. Mukhang alam niya na ako ang kausap niya. Tatlong taon na niya akong hawak.