ما بعد الرحيل.
الفصل الخامس عشر
تانى يوم جاسم راح يطمن على مايسه وصل الشقه اللى كانوا قاعدين فيها رن الجرس وباباها فتحله الباب ورحب بيه.
-: إزيك ياعمى وأزى مايسه عامله إيه النهاردة .
-: الحمد لله يابنى مايسه كويسه أتفضل..... جاسم دخل وحمحم بحرج: أحم ممكن أطمن عليها.
-: أتفضل أقعد على ما أعطيها خبر ....... جاسم قعد الكرسى وباباها راح يبلغ بنته وأول ماسمعت بوجود جاسم حست بضربات قلبها بتدق بسرعه وطلعت تستقبله وراحتله والشوق مالى عينيها.
جاسم بصلها بلهفه وشوق : إزيك يامايسه عامله أيه.
مايسه أبتسمت بخجل وقالت : الحمد لله...بس مصدومه من اللى حصل إمبارح ولولا أنقاذك ليا كان زمانى مو.....لسه هتكمل بس جاسم حط إيده على شفايفها يمنعها تكمل.
-: أوعى تكملى مقدرش أعيش من غيرك دة أنا كل ماأفتكر إنك كنتى هتضيعى منى كنت بتوجع.
مايسه أبتسمتله وقالت بحب : أنا محظوظه بيك وبشكر ربنا ليل ونهار أنك موجود فى حياتى.
-: ويخليكى ليا ياضى العين والننى ....كان بيكلم نفسه : يااااه أمتى بقى هيجى اليوم اللى تبقى فيه ملكى.....أما باباها فكان بيراقبهم من بعيد هو متأكد من حب جاسم لإبنته بس كأى أب بيخاف عليها ومعذور فى دة.
طه حمحم بحرج: أحم تعالى يابنى أفطر معنا .
جاسم حس بالحرج من نفسه من تجاهل وجود باباها وراح قعد جنبه وقال : بألف هنا ياعمى أنا جيت أطمن على مايسه وكنت عاوز أتكلم معاها شويه لو ماعندكش مانع.
-: مافيش مشكله بس ماتبعدوش بعيد.
فوزيه نكزته فى دراعه وهمستله بضيق : بالراحه على خطيب بنتك ياطه الواد مش هياكلها.
طه بنفس الهمس : يافوزيه اللى بيعمله مش صح .
-:وبعدين معاك.
-: خلاص سكت أهوة .
-: متخافش عليها ياعمى وماتقلقش مش هنبعد بعيد .
فوزيه همست لطه تانى بضيق : عجبك كدة أحرجت الواد.
جاسم أبتسم وقال بتفهم : لا أحراج ولاحاجه ياطنط عمى معاه حق يخاف على بنته ودة شىء طبيعى ..بس تأكد ياعمى أنى بخاف على مايسه من نمسه الهوا.
جاسم أخد منهم الأذن وطلع هو ومايسه يتمشوا فى الجنينه وهو فرحان وبيدعى فى قرارة نفسه إن جوازهم يتم فى أقرب فرصه علشان يحمى حبيبته وهما بيتمشوا لقى تليفونه بيرن ومسدج من أمجد فتح ورد عليه.
-: خير يا أمجد عمال ترن ليه؟
أمجد أتكلم بأسف: معلش بس فى شغل كتير مش قادر أخلصه لوحدى.
-: طيب شويه وجاى....... قفل موبايله وهو بينفخ فمايسه سألته بحيرة.
-: مالك متضايق ليه؟
-: متأسف ياحبيبتى مضطر أروح الشغل أمجد بيقول فيه شغل كتير ومش هيعرف يخلصه لوحده.
-: روح شوف شغلك وماتقلقش عليا.
جاسم قال بحنيه: هتوحشينى.
-:وأنت كمان خد بالك من نفسك لااله الاالله.
YOU ARE READING
مابعد الرحيل
Romanceقابلها صدفه ثم أعجب بها ليتحول الإعجاب سريعا إلى حب واجهوا الكثير من الصعوبات واستطاعوا مواجهتها ثم تزوجها ومع ذلك تبقى الصعوبات فى طريقهم ولكن حبهم كان اقوى من اى شىء .... بالإضافة أنه غيور بطبعه ولكن مهلا فهناك الكثير بانتظارهم.
