مابعد الرحيل
الفصل الرابع.
داخل بيت عم طه جرس الباب رن وهما بيفطروا قامت فوزيه وفتحت الباب وكان خطيب بنتها دخل ورحبوا بيه.
: أتفضل يابنى .
وائل رد بسماجته المعتادة : اها دة أكيد حماتى بتحبنى بقى.
فوزيه أبتسمت وقالت بأحراج: ربنا يخليك يابنى أتفضل أفطر معنا.
وائل فضل يدور بعينه على مايسه لما ملاقهاش: أمال مايسه فين؟
فوزيه : ثوانى وجايه.
شويه ومايسه راحت قعدت جنب خطيبها بس ساكته ومش بتتكلم ففوزيه أخدت جوزها على جنب علشان تسيب بنتها على راحتها.
-: تعالى ياطه عاوزاك شويه.
طه سألها على مضض: فى أيه يافوزيه.
فوزيه قالت بهمس : تعالى نسيبهم على راحتهم.
طه أتحمق لكنه قال بهمس وصوت خافت جداً: يافوزيه ماينفعش يتكلموا مع بعض وأحنا بعاد عنهم ماتنسيش أنهم لسه مخطوبين لو عاوز يتكلم فى حاجه تخص جوازهم يبقى يتكلم قصدنا.
فوزيه ردت بنبرة حانيه علشان تهدى من جوزها : ياراجل هو أحنا هنروح بعيد ما أحنا موجودين أهوه تعالى بس تعالى وخلينا نسيبهم يتكلموا يمكن النفوس تهدى وتتصافى.
طه قال بقله حيله: حاضر أمرى لله أتفضلى.
فوزيه بصت لإبنتها وشاورتلها أنها تلين من ناحيه خطيبها فمايسه حركت رأسها بتأكيد وسابوها علشان مايكونش فى أحراج لابنتهم.
مايسه أخدت نفس طويل وردت بهدوء : خير ياوائل ياترى جاى المرة دى ليه.
-: كدة رد برضه يابنت خالى وأنا كنت جاى وبقول هتسامحنى على المرة اللى فاتت.
مايسه قالت بزهق: مش أنت طلبت نديك فرصه خلاص خد فرصتك.
وائل قرب منها أوى لكنها بعدت عنه بمسافه كافيه.
-: لا واضح أنك لسه زعلانه على العموم أدى رأسك أبوسها ...حاول يقبل رأسها لكنها منعته وقالت بأصرار : لما نتجوز.
وائل محبش يزيد الأمور تعقيد: يعنى خلاص صافى يا لبن .
مايسه أبتسمت وكملت بأبتسامه تسحر القلوب: حليب ياقشطه المهم أزى عمتى.
-: كويسه وبتسلم عليكم كلكم ..
وائل فضل قاعد معاهم اليوم بطوله وبعدين سابهم ورجع بلدته.
فى يوم كانت مايسه وأهلها بيفطروا كعادتهم وفجاة حسوا أن البيت بيتهز بيهم والسقف بيقع وصوات وصريخ وزعيق والناس كلهم بيجروا على السلالم وحاله رعب وهرج ومرج فى الشوارع.
مايسه وهى بتتكلم بخوف : بابا ماما يلا بسرعه البيت بيقع علينا.
طه مسك أيد بنته بقوة: يلا المكان بقى خطر علينا .
فوزيه قالتلهم على عجل: أستنوا نلم حاجتنا قبل ما نمشى.
- :مش وقته يافوزيه البيت مش مستحمل وهيقع الناس نازلة بتصرخ وبتصوت سيبى كل حاجه ويلا بسرعة.
YOU ARE READING
مابعد الرحيل
Romanceقابلها صدفه ثم أعجب بها ليتحول الإعجاب سريعا إلى حب واجهوا الكثير من الصعوبات واستطاعوا مواجهتها ثم تزوجها ومع ذلك تبقى الصعوبات فى طريقهم ولكن حبهم كان اقوى من اى شىء .... بالإضافة أنه غيور بطبعه ولكن مهلا فهناك الكثير بانتظارهم.
