سر حياتي

الفصل الثاني والعشرون

لمعت عيونه بغضب وهو بيسمع الشخص الى على الطرف التاني من الهاتف .. بحده قاطعة .. نص ساعة والسيارات تجهز عند باب مكتبي .. فااهم .............. خبط السماعة بقوه قبل مايقوم ويتوجه للخزنه ... فتح الخزنه وتناول صندوق حطه بشنتت اوراقة .. رن السبيكر الي بينه وبين السكرتير .. بغضب جاوب .. مابدي اي مواعيد .. قبل مايقفل قال السكرتير بتردد .. سيد سالم بده يقابلك جلال بيك .. خف غضب جلال شوي قبل مايقول .. خليه يدخل .... بسرعة سكر شنتته ونزلها لتحت المكتب قبل مايتوجه للباب ليقابل سالم بإبتسامه مصطنعه .. مد ايده له وهو بيقول .. سالم .. ابني كيفك وكيف الوالد؟ شو هالمفاجأة ....................... ابتسم له سالم وهو بيقول .. الله يخليك ياعمي .. الوالد بخير بيسأل عنك دائما ............. ضحك جلال وهو بيرد.. الله يعينه شغله كتير ومسؤولياته كتيره .. مال جلال على السبيكر وطلب السكرتير وهو بيسأل سالم .. شو بتشرب يا ابني؟ .................... الى بتشربه بشربه يا عمي ................. ابتسم له جلال قبل مايقول للسكرتير .. 2 قهوة سكر خفيف ....................... رجع التفت على سالم وهو بيسأل بأهتمام .. شو سبب هالمفاجأة يا أبني !؟ .............. ابتسم له سالم وهو بيرد .. كل خير ياعمي .... جلس حاله شوي قبل مايكمل وعيونه بعيون جلال .. الحقيقة ياعمي انت بتعرف اني الولد الوحيد لأهلي .. وكأي عيلة الأب بيحب ان ابنه يمشي ممشاه ويكمل بنفس طريقة .. وبما ان والدي بيشتغل بالسلك الدبلوماسي من فترة طويلة ........... اللمعة الى شافها بعيون جلال شجعته كتير على ان يكمل كلامة .... فكمل بحماس .. فكان لابد ان يجي اليوم الى ادخل فيه هالمجال ........................... اتسعت ابتسامة جلال وهو بيسأل .. رح تمسك وزارة !!! ............. ضحك سالم وهو بيقول .. من تمك لباب السما ياعمي بس انا لازم اطلع السلم على مهل .......... داقت نظرة جلال وهو بيقول .. وضح ! .................. يعني الوالد زبطلي الأمور .. كم سنه رح اشتغل في سفارة كمساعد سفير .. بعدين بتحول لسفير .. وبعدين ممكن امسك حقيبة وزارية .................... رجعت اتسعت ابتسامة جلال وهو بيقول .. الله الله شو هالأخبار الحلوة .. وقف وهو بيكمل .. صهري يصير وزير .......... ربت على كتف سالم الى وقف جنبه وهو بيقول .. بتستاهل ياسالم .. نعم ما ربى الوالد .................. شكرا ياعمي .. لو تعرف تشجيعك لي كم بيعني لي .. انا خلال اسبوعين لازم التحق بعملي الجديد .. نازك رح تفرح كتير لما تعرف بموافقتك .. مارضيت تضب الاغراض لحتى توافق .................. عقد جلال حواجبه وتجهم وجهه وهو بيسأل .. شو دخل نازك بالقصة !؟ .................... مرتي ياعمي ولازم تكون جنبي تساندي !! ........................التوتر ظهر على جلال وهو بيقول .. ليش انت مو مسافر لحالك !؟ ...................... ضحك سالم وهو بيجاوب .. الله عليك ياعمي .. قالت لي نازك عن مزحاتك بس ماسدقت .............. ابتعد عنه جلال وهو بيقول بجدية .. نازك عندها شغل مستحيل تتركه .. مستقبل كبير بنته بجد وتعب .. ذهابها يعني انتهاء مستقبلها .. وهالشي مستحيل ارضاه لبنتي ......................... حاول يطمنه .. لا تقلق ياعمي .. اول فتره بإمكان نازك تساعد عن بعد لحتى تلاقي حدا تاني يحل محلها .. ماشاء الله ولادك الله يخليهم اكيد في منهم اكتر من واحد قادر على شيل شغل نازك ............................... هز جلال راسه وهو بيأكد .. مستحيل ........................ عمي انا مو رايح لأي شغل .. هذا الشغل بالذات لازم نازك تكون معي .. انت ناسي اني رح قابل سفراء ووزراء ورؤساء .. كلهم اكيد معهم زوجاتهم .. لازم نازك تكون جنبي لتكمل صورتي في وظيفتي ولتقابل زوجات الرؤساء وتقوم بواجبهم ................... بس نازك سيدة اعمال و متعودة على الشغل ومستحيل تقنعني ان مهامها في الحياة رح تكون فقط "زوجة" لك !! ......................... ضحك سالم وهو بيرد .. انا كنت مخبي هالمفاجأة لوقتها بس حضرتك سبقت الأحداث .. انا من شهر بجهز مشروع لنازك لحتى تتسلى فيه وتشغل وقتها في فترة عملي .. لأن مثل مابتعرف ياعمي خاصة اول سنه رح اكون مشغول على الأخر ........ وطي صوت سالم وهو بيضيف .. هالمشوع هديه من والدي لنازك لأنه على حسب قوله بيعرف كم هي بارعة بشغلها ومستحيل تقعد من غير شغل ... على العموم والدي قال رح يحكي معك يشرح لك التفاصيل اكتر .................... والدك على عيني وراسي بس ...... قطع كلامهم صوت رن الهاتف .. رفع جلال السماعة " كلشي جاهز سيد جلال" ................ طبق السماعة بسرعة وهو بيقول .. سالم الموضوع ماخلص بس انا عندي شي مهم كتير .. اعذرني ابني لازم امشي ......... تناول شنتته من تحت المكتب ومشي .............. عقد سالم حواجبه بإستغراب .. شكل جلال ماعجبه !! .. مع هيك قرر يتجاهل الموضوع ويتوجه لمكتب نازك ليخبرها بالحياة الجديدة الى صار له فترة بيخطط لها .....