الدلوعة وابن الناصرية

Pt. 1

..... اجوي طبعا من اجوي انصدمت من اللبس

ساره: عزة هاي لابسين دشداشة وعبايات وجايين؟

سعدية: هلة بساره هلة ببنيتي هلة يمة.. يمة عل بنات يمممةة

_هلو خالة

_يلة حياتي بسرعة تعالي يلة يلة شبيچ جامدة بمكانچ يلة

_ياريتني انشل ولا اجي

_شنو حبي گلتي شي؟

_لا حياتي سلامتج خالة

_ لكك عممرررر... عمممررررر تعاااال 

_يمة اسم الله شبيها صوتها يلعلع

اجه عمر ويمة شلون عمر افف يخبل

_يمة وليدي عمر اخذ جنط بنت عمك يلة ابني

عمر: يي يمة... انتي ساره موو؟ 

_يي اني ساره

_عدلي خلقتچ احسنلچ 

_لا بلة هو منو الگالب خلقتة وروحة واصلة لخشمة شبيك تگول مودي الجنط للجنة هي بس للصندوگ شبيك هلگد انگلبت خلقتك

_انتي شگد اخلاق سز

سعدية: ولكم هاي شنو هل حچي؟ 

_يي خالة شوفي ترة بدة يتجاوز 

_لككك عمر ابني الثور عدل اخلاقك وي بنت عمك ولتسوي شي اندمك عليه

_ (صعدت عمة سعدية للسيارة) عمر انت بعدك كلشي مشفت بس اتضوجني الزمك من الايد التوجعك

_ (هز ايدة عود معاجبه) تهييي بهييي

اجة عمر لزمني من رگبتي وديخنگني بس عل خفيف 

شوفي لچ بنية وافتهمنا بس مال تجين تتجاوزين لا والله اموتچ وادفنچ ولا احد يعرف بيچ... هزيت راسي انو اوكي لانو حتى الخفيف مالته يخنگ.. صعدت للسيارة ونمت بالطريق لان غير محافظة فالطريق شوي طويل

_گومي لچچچ

_هااا هاي شكو اني وين منو ليش شكو

_سم... گومي عاد وصلنا

_اهوو هم انت 

_ديلة عاد شگد مدلعة انزلي كون تنزلين بجهنم

_نزلت نزلت عاد شبيك.. نزلت وگلت.... واااو خوش عطلة والمكان يجنن كلة اشجار وزرع وبيوت تخبل راح اعيش عطلة لا متناهية

يسس احلى عطلة ببساتين الناصرية 

_شنو عطلة ما عطلة تشتغلين هنا حالچ حالنا مو نازلة خطار هاا لا عبالچ انتي هنا مثل بيتج كاعدة وتتامرين انتي هنا تشتغلين والله احنا ما نگعد ننظف ونرتب وراچ احنا مو خداديم

سعدية: اجيت داشوفهم تأخروا وساره بعدها منازلة رحت شفتهم گاعد يتعاركون وهو گاعد يحجي عليها ويرزل 

لكككك يا ثور يا ابني حط حفنة تبن بحلگك بلكي ينسد... ويمة سارة حبيبتي مو هيچ قصده هو قصده انو احنا نتشارك بالشغل لا اكثر ولا اقل 

يلة لكك يا ثور نزل جنطة بت خالك

_ليش شناقصهة ايد رجل؟ 

_يا ثوور 

_يمة شنو تضربيني 

_انتة صدگ ممتربي نزل الجنطة وحسابك بعدين

اني غلست على كل اللي صار ورحت ورة عمر شايل جنطي وديدليني على غرفتي

_ها شنو معجبتچ؟ يي والله مطعجة هاي احلى غرفة عدنا وهي مراضية شكد ملوگة

_احترم نفسك بعدني كلشي محاچية لزمتني حاصل فاصل بعدني ممصحصحة

_هاي ممصحصحة وهيچ لعد لو گاعدة؟ 

_اففف ترة ضوجتني كلش اطلع منا عاد وعوفني

_منو گاللچ اني ميت على الگعدة يمچ وها صح تعالي انزلي يم العائلة دتسلمين انتي منازلة بفندق 

وطلع وسد الباب ملحگت اراددة

ضليت اباوع عل غرفة بسيطة جدا والفراش بسيط ابو نفر واحد بس وممتعودة على هيچي شي چنت بعدني نعسانة ونمت مرة اللخ الا واگعد... 

لكك انتة مخبل اكو واحد هيچي يكعد؟ 

_شدعوة عيني هلگد ممتعودة على المي 

_اكو واحد هيچي يسوي شوف تنگعت اووووف 

_سم شگد ملوگة گومي عاد موگتلج تسلمين