البارت الخامس والعشرون...
#اسمعني صوتك
# للكاتبه روزايه...
وين الگاك ؟
وآحچيلك هضم روحي وسوالفها !
وأگلك روحي مـآ حبت شَخـص غِـيـرك يَـوالفها ....
....
بيسان... مافهمت شي من صبا بس سمعت كالت مراد يمه اسم الله شبي حبيبي دخيلك يارب ماكو شي....
ركضت على خالتي بس كتلهه كامت ادك على وجهه وتصيح راحوا ولدي تكاتلوا من ورا المايخافن الله سوده بوجهي يمه مراد.....
تخبلت ضليت افتر بمكاني واصيح مراد لخاطري ارجع مراد لاتسوي شي مبينه خالتي تدري بشي وساكته ....
رجعت ادك على مراد يطلع مغلق طلعت برا دموعي جمر ولك لاتسوي بيه هيج حيلي خلص وعمري خلص هبطات احس نفسي تخربطت ومعدتي كامت توجعني واني الوب بمكاني....
شويه واسمع صوت هورنات مال الزفه خالتي واكفه بالباب حافيه وتبجي وتصيح وليدي تدري بايهاب نذل وسوه شي....
بسرعه طبت العروس والوجوه مكلوبه حته محد هلهل وصفك ومبينه العروس مهبوطه واحمد عصبي سمعته كال لخالتي والله لو ماعيب من الناس الا احط طلقه براسه هالنذل هذا شلون فشلنه ...
عليمن يقصد شبي احمد ركضت علي كتله احمد فدوه مراد وينه ....
... لاتخافين بيسان هذا مراد جاي ورانه طلعنه قبلهم احنه ماكو شي سوء فهم....
... عافنه وطلع معصب شويه واجت سياره النسوان وكلهه ادردم وتحجي وعماته يصيحن شجاهم تعاركوا شتكول الناس ياعيبه العيبه ركضت على صبا اسحب بيهه اريد تحجيلي...
.... ولج بيسان اوكفي ماكو شي مراد اتعارك وهذا اجه شوفي ذاك فات جوا...
... باوعت من الشباك شفته دخل لازم موبايله بيده ونازع الستره بس بالقميص ومبين صاير بارود والمسدس بحزامه...
... اجه كبل للمطبخ اني واكفتله بالباب بس طب لزمت ايده وبجيت ليش هيج مراد خليت بالي عليك وعبالي بيك شي...
باسني من راسي كدام الكل وكال ماكو شي عليمن تبجين موكتلج ارتاحي هاي كدامج اني ...
بعده يحجي واجه ابن عمه صاحه وطلع مسحت دمعتي والتفتت شفتهن كلهن واكفات كرايبهن ويفرن بحلكهن ماعاجبهن الوضع ...
تعديتهن ورحت لصبا حته تسولفلي لكيتهه هي وخاله بالغرفه يسولفن ...
ام ايهاب... تعالي بنيتي وجهج اصفر من الهبطه ...
... خاله متت خوف علي احجي صبا شكو شصاير ...
... يمه شحجي كلت مراد يموت اليوم على هاي العصبيه كوه وكفت الناس كدامه ووكفوا جان صارت مصيبه...
مو وصلت الزفه وطلعوا العروس بعدهه جاي يصعدون بيهه وعمي صعد ويه مراد واتريد تطلع الزفه....
أنت تقرأ
اسمعني صوتك
Mystery / Thrillerلا مكان يأويني ولا ملجىء يحميني.. هربت من ناسي وارضي وحتى من نفسي.. هربت واذا بي اخرج من بئر واسقط في حفرة..
