# البارت الثالث عشر....
#اسمعني صوتك....
# للكاتبه روزايه...
شبعد بينة ؟
مشينة لكل نذر حافين
وشبعنة الله كريم
و ما تلاكينة....
...
مسك... الحياه عباره عن قدر ونصيب احتمال نعيشه مثل ما انحب واحتمال العكس احتمال نضل نتعثر بمطبات الحياه ومانلكه الايد الي تنمد النه وتساعدنه واحتمال نسقط وننهض بنفسنه هنااا راح نعرف قدر نفسنه....
هاي اني عشت حياتي مو مثل ما اريد ولا جنت اتمنى لواحد مثل الموقف الي وكعت بيه بس كلشي بي حكمه وارداه لعلى اكو باب فرج ورا هاي المعاناة...
ماقبلت اطلع الا يخابرون زيد والدوريه برا يهددون بابو احمد ويريدون ياخذوا نتصل على زيد يطلع مغلق...
كعدت بالكاع واني فاصله عن العالم الخارجي اني انتهيت اني متت اني راح ادخل سجن هاي جانت الكلمات ادور براسي....
احس دموعي جفت ماتنزل من هول المصائب لو من الصدمات من شفتهم يجرون بابو احمد والجيران واكفه تباوع وهو رجال جبير ماحبيت اعرضهم لمشاكل بسببي وهم ماقصروا وياي...
سلمت نفسي واخذوني بدوريه الشرطه اخر نظره شفتهه بعين ام احمد وهي مخليه الشال على وجهه وتبجي وابو احمد مخلي ايده على عيونه ....
الغريب فتح بيته وبجه علي واهلي دمروني وسلموني بيدهم للنار ماحجيت شي بس رددت حسبي الله ونعم الوكيل....
اخر نظرات اباوع بيهن على الشارع الجهال تلعب والام تكود بابنهه تريد تعبر الشارع واثنين نسوان واكفات يسولفن ومبينات وحده ماتحب الثانيه لان الوجوه ماتتفسر....
انتبهت على الشرطي الي يسوق مخلي المرايه عليه وبس يباوع ضحكت بداخلي انه بيا حال والدفان يغمزلي شوف هذا البطران .....
ما اعرف الوقت شكد بس ابتعدنه هواي عن المدينه وصلت للسجن ومكتوب علي سجن النساء واني بعدني باثر صدمه اي رد فعل ماعندي وعبالك جايبيني لمدينه الالعاب....
سلموني لشرطيات جوا هن اخذني دفع شمرني بغرفه مدري يسموهه زنزانه بيهه هواي سجينات....
التفتت عليهن اشوف اشكال الوجوه هسه فزيت من حلمي هاي حقيقه اني هسه بالسجن اتمالكت نفسي كوه حته ما ابجي ....
كعدت على صبه مثل المصطبه مسويهه وكلهن يباوعلي ماكو بعمري ابد كلهن كبار اربعينات وحده تشرب جكاير ووحده استغفر لابسه دلع....
شلون الافلام المصريه ماتفرق عنهه شي دب الخوف بداخلي طلعت من منال وكعت باتعس منهه ...
اجت وحده باتجاهي تمشي وتفر بجسمهه واني صدك خايفه.....
انعام.... كومن رحبن بهاي الحلوه واخيرا بعدماكو ضوجه...
.مسك... شنو مهرج كدامج وبعد ماتضوجين...
أنت تقرأ
اسمعني صوتك
Mystery / Thrillerلا مكان يأويني ولا ملجىء يحميني.. هربت من ناسي وارضي وحتى من نفسي.. هربت واذا بي اخرج من بئر واسقط في حفرة..
