# البارت التاسع....
#اسمعني صوتك
# للكاتبه روزايه...
لو رأيت ما في داخلها لذُهلت، لا تدري كم خريفًا مرّ على قلبها وما زالت تُزهر....
.....
بيسان... طلعت صبا وسدت الباب وراهه وهو تقدم باتجاهي العيون هي الي تحجي جنت كاعده وكفت على طولي واني اباوع علي وهو بخطوات ثقيله يتقربلي....
جانت خصله من كذلتي نازله لان صغيره ماحسيت غير ايده تشيل الخصله وتخليهه ورا اذاني ....
هنا ما ادري شحسيت صابتني قشعريره بجسمي من لمسته غمضت عيوني واحس نتلات كهربائيه تسري بجسمي....
اتعمد يطخ ركبتي باطراف اصابيعه ردت اريد اتماسك وما اببن على نفسي قويت حالي وفتحت عيوني ....
هاي اللحظات جنت اشوفهه بلافلام بس هسه حقيقيه كدامي اباوع بعيونه وهو كذلك وقريب عليه حيل بحيث اسمع انفاسه تلهب بوجهي...
بعد دقايق من هذا الموقف واللحظه الحلوه انتبهت علي ابتعد شويه ودار وجهه يفرك بشعره....
مايكدر يحجي ويعبر عن الي بداخله اكتفى بالصمت وطلع ...
كعدت على الجربايه مقهوره حيل مو على نفسي لا علي هو شلون شاب عيونه بيهه كومه حجي وماكدر يعبر حته حسيته ضاج....
ضليت بغرفتي لحدما اجتي صبا كالت تعالي اتغدي نزلت وياهه...
لاول مره اشوفهم كلهم جانو مجتمعين على سفره وحده الجبير والصغير واني الخجل مسيطر عليه صاحت امه تعالي بيسان اتغدي لاتستحين...
شفتهه سوتلي مكان بينهه وبين مراد كعدت واستحي امد ايدي كمت انقش على كيف ....
اتشبعت بعطره شكد طيب وهادئ اول واحد كام بيهم هو من كام طبطب على رجلي وسوه حركه بعيونه معناتهه ضلي اكلي لاتكومين....
اني بس اريد حجه حته اكوم اصلا نفسي مسدوده وتريكت متأخره شويه وكمت غسلت ...
انتبهت عليهم كلهم ساكتين محد فتح حلكه بكلمه واخوته بالجذب مارحبوا بيه وباركولي ...
ما اعرف وين اروح كعدت بالمطبخ كلت علما تخلص صبا ....
كاعده والشباك صاير كدامي انتبهت على مراد واكف بالطرمه هي عاليه وبيهه درجات تنزل للمر هو واكف على الدرجات وجكاره بيده يدخن بس مبين باله سرحان ....
فززني صوت دموع مرت ايهاب وهي تحاجيني...
... لا تتاملين عيني وتحاولين تعيشين دور العاشقه الولهانه ترى كلبه مايفكر غير بس امال انتي فرض وصار علي....
... العفو عن شنو تحجين ممكن توضحين
... يمه شوف المكر سويتي نفسج ماتعرفين خلي اوضحلج لعد مراد مايحب بس امال اختي ومستحيل يتقبل مره غيرهه وبمرور الايام يرجعون سوه خليهه ابالج..
أنت تقرأ
اسمعني صوتك
Mystery / Thrillerلا مكان يأويني ولا ملجىء يحميني.. هربت من ناسي وارضي وحتى من نفسي.. هربت واذا بي اخرج من بئر واسقط في حفرة..
