مشاعرخارج دائرة الصمت

الكاتبة#فيّدعبدالله(٣٠)

ام ايسر:صباح النور بنتي

رغد:تتريكين ماما

ام ايسر:لا يمة عافيات سبقتج ،،اكوول يمة رغد صاير بينج وبين ايسر شي

رغد:هاااا😳لا ماما ماكو ليش

ام ايسر:مااعرف وضعكم ماعاجبني هالايام هو يطلع من الصبح يرجع تالي الليل

رغد:مو لان اترقة يكول زاد الشغل حتى اني ضجت من دوامة سامحني ربي على هالجذب😔

ام ايسر:اي سودة عليه هستوة اترقى المفروض يرتاح دزوهم اليوم تدريب لغير محافظة شنو هالترقية هم بالعكس

رغد:😢شنووو وين راح لغير محافظة شنو ليش ماكاللي اني هنا شنوو احجي بيني وبين نفسي كوة لازمة روحي

ام ايسر:اعذريني يمة اذا سالت بس اني من شفتة نزل بالليل نام يمي كلت بس لا رجع لزعلاتة وية سهى ومن سالتة كال لان اطلع بالخمسة مااريد اكعدهة خطية هي جاي تتعب وحامل حتى ماقبل يتريك

رغد:اي ماما صح ظااتحملت طلعت للطرمة وصرت اهفي على وجهي مااريد ابجي كدام الحجية بس احس غصة ببلعومي ليش ما كلي راح اروح ليش ماصالحني وراح يعني متلذذ بعذابي شيريد مني تعبت بالقران اتذكرت من انطبك الباب بالخمسة معقولة صعد ودعني واني نايمة لا يجوز صعد يريد شغلة نساهة اااه منك خبلتني صرت احجي وية روحي من وراك جنت اتصل عليه بس ابد ما سالتة انتة وين شدااتسوي مو ماكالي هو رايح خلي يحس مامهتمة مر اسبوع وجنت دااراسل بريام الصارت صديقتي مو حماتي مالي غيرهة احجيلة حجيتلهة كل البكلبي شلون دااتعذب شلون دااتدمر ببعدة شلون هاملني ومزاعلني ببرود واني تعبت ومااعرف شاريد كالتلي

ريام: هو طبعة لو زعل صعب بس ترة هو يحبج وكلش وماحب غيرج وانتي هم زودتيهة بزعلج ميخالف مرات نقدم تنزلات حتى المراكب تمشي وهو ايسر مامنقص عليج شي شتردين تتطلكين

رغد:ماكلت منقص والله ادري دايسوي كل جهدة حتى يعوضني بس اني مااكدر والله مااعرف ليش من توصل لذيج النقطة تلعب نفسي واتذكر الصار بية وانقرف من الوضع وانسحب

ربام:يمكن حقج بس الوضع هسة مو مثل قبل وايسر مونفسة انتي فكري بس انه بعد كم يوم يصير بينكم نونو حلو ينسيكم الراح وتكملون عائلة حلوة وسعيدة

رغد:ليش ماافكر والله افكر بس تدرين حتى هذا الشي الحلو الي انتظرة بفارغ الصبر مرات يخطر ببالي هو شلون وبيا ظرف صار

.ريام:رغد صدك انتي تحجين لج هو من زوجج بالحلال قابل صار بالحرام انتي مزودتهة كلش والله زين من ايسر متحمل خبالاتج

رغد:صدك اني الظاهر متخبلة حقة يعرض علية نروح دكتوور نفسي

ريام:والله اتشاقة وياج بس انتي اعصابج تعبانة وينرادلج راحة والدكتور النفسي مو بس المخبل يروحلة كل الناس العاقلين المفروض من تتعب اعصابهم يرحولة