البارت التاسع عشر....
#اسمعني صوتك
# للكاتبه روزايه...
محد غيري إلك مشتاڪ،
- الأمآكن كِلهآ إتچذب
مسك.... على السريع لبست ملابسي وطلعت لكيته واكف ويخابر بمحمد وكفت يمه انتظره يسد التليفون وافتهم شكو جان عصبي حيل اسمعه يكول والله اذا اجيت لعمي ادفنه وهو عدل ....
سد التليفون والتفت عليه وهو يفرك بوجهه سألته شبيهه الحجيه...
... متخربطه وماخذيهه للمستشفى ...
... الصبح مابيهه شي عفتهه وجانت فرحانه. ...
... ما ادري عمي اذا مايكدر خاطرهه مايكدر من يوم يومه نذل ...
... روح شوفهه واني هنا ابقه ..
... شلون اعوفج وانتي عروس لا هسه محمد يطمني...
... روح زيد خابر محمد خلي يجيب شيماء يمي بين ماترجع قابل شعليه نقفل الغرفه علما تجي هسه بس تشوفك ترتاح...
... حضريلي ملابسي خلي اسبح على السريع واروح...
... رحت احضرله الحمام وهو خابر محمد قريب الفندق على المستشفى ...
راح يسبح واني كاعده شلون حظ عندج يامسك حته بهاي الليله ماتهنيتي طلع من الحمام وهو يدكم بقميصه موعبالك زيد هسه الجان يتغزل وعريس انكلب 180 درجه ومعصب حيل ....
ضليت ساكته وهو كمل تبديل وينتظر محمد شويه ودك التليفون كاله احنه بالباب راح زيد فتحه الهم اجتي شيماء يمي وهم راحوا بس كالي اقفلي الباب وراي ....
ضليت اني وشيماء وما اعرف شحجي احس النحس مكتوب بكصتي ...
شيماء... لاتضوجين زيد روحه بامه اذا ما اطمن عليهه يبقى للصبح قلقان...
... لا عادي اني كتله روح شوفهه لان شفته عصبي بس هي شبيهه الصبح تخبل...
... والله يامسك انتي عروس ومااريد اضوجج بس مروه تخبلت هجمت على البيت احنه بايتين يم الحجيه ماخلت شي ماكسرته وغلطت وفشرت انريد نلزمهه مانكدر...
... شنو هيج مالهه رداد ...
... محمد طالع وبس احنه النسوان وابوهه جابهه وراح تخبلت الي يسمعهه يكول زيد مدللهه ويحبهه ....
... وعلى هاي الحجيه تخربطت ..
... اي وساره خابرتهه دكلهه رجلهه فارس مهدده يطلكهه اذا زيد استمر بالزواج وصايره هوسه...
... وهسه شلون زيد يدري بهالشي...
... اي محمد حجاله وهسه كال لمحمد قبل ماانروح للمستشفى اخذني لبيت عمي ....
... الله يشافي الحجيه والله يستر ...
ضليت كاعده وخايفه من الصار مبينه مروه ماراح تعوف زيد ولاتعوفني تقريبا 3 ساعات يله اجه زيد وشيماء راحت...
سلمت على محمد وراحوا بس سدينه الباب باسني من راسي ومن خدي ...
...ممممم شلونهه الحجيه
... زينه تسلم عليج ودكول عوضي ابني لان انشلع كلبه...
... وابنهه شبي ومشلوع كلبه اشو عنده نسوان اثنين شيريد بعد....
أنت تقرأ
اسمعني صوتك
Mystery / Thrillerلا مكان يأويني ولا ملجىء يحميني.. هربت من ناسي وارضي وحتى من نفسي.. هربت واذا بي اخرج من بئر واسقط في حفرة..
