الهي انت مودكول حبيبك محمد احلفك بمحمد رجعلي مراد ما اعرف شنو اكول وشنو اعبر بس دموعي تنزل وهو ربي يعرف الي بداخلي....
يوميه افتح شمعه لمريم العذراء لاتنسيني بحق يسوع اريد مراد يرجع سالم ....
كمل شهر ضبط بالمستشفى كالوا خلي انطلعه بالبيت واحنه هنا نهتم بي وبلكي يجي يوم وينتبه ...
فرحت شويه قابله بكولشي بس المهم مراد يمي حتلو نايم اني اهتم بي وما اخلي واحد يمد ايده علي....
راحوا يطلعوا واني الوب على نار شلون راح اشوفه بيا حال طلع مني بطوله الحلو راح يرجع شايلي خابر عمي كال حضروله الغرفه الجوه مايكدر يصعد....
ماقبلت بس محد سمعني لحد يبعده عني اريد يوميه انام بصفه حتلوا بغيبوبه رحت اتوسل لخاله ام ايهاب لاتخليهم يحرموني منه....
خابرتهم كالتلهم مراد يصعد بغرفته تدرون بي مايحب ينام بغير مكانه خلوا يم مرته والدكتور هو يصعدله....
من اجو ماخلونه نطلع لان هوايه زلم وياهم صعدوا بالسديه شايلي وكلبي يتكطع علي ....
ورا شويه طلعوا وركضنه اني وخاله اول مادخلت خليت ايدي على حلكي مراد يابعد عمري اروح فدوه لهالطول نايم مثل نومته العاديه وشعره مبعثر على وجهه ....
ضعفان حيل والايد بيهه كانيوله ولزكات من كل مكان اباوع على رجله زركه ومشدوده تقربت علي امه وهي تبوس براسه وتبجي بعدهه عمي من عنده كالهه موزين علي ....
اخذهه وطلع وباوعلي معناتهه اخذي راحتج يمه بس سدوا البلب كعدت ويه مستوى الجربايه لزمت ايده المجروحه وبستهه كل مكان ابوسه اترك اثر دمعاتي علي..
بعدت شعره من وجهه وبسته من كصته ومن عيونه ماتلوكلك هاي النومه ياحبيبي حته وانت مريض تخبل ووجهك الجنه بالنسبه الي...
حجيت بصوت مبحوح وعبره خانكتني مراد اعرفك قوي اتحملت هوايه وراح تتحمل القليل وترجعلي اني مشتاقه لحضنك وبوساتك وغزلك...
انت موكتلي من ارجع ادللج واشوفج الحب على اصوله ميخالف راح انتظرك وانتظرك طول العمر منا لمن تكعد اني يمك....
مرادي حبيبي اعرفك ماتتحمل هاي النومه وانت مثل الطير الحر واكيد راح ترجع مثل قبل واكثر طاقه....
اندك الباب مسحت دموعي وكمت ايهاب وعمي كالوا لاتعبي ترى موزين علي الدكتور كال اهم شي الراحه وبس الاشياء الحلوه كون تصير داير مدايره ابتعدوا عن الاشياء السلبيه...
... ماشي عموا اني راح ابقه يمه ما اعوفه ومن احتاج شي اكلكم. ....
... يابنتي مامعلوم شوكت ينتبه ارجعي داومي لو ماتكدرين...
... تحجي صدك عمو ويني وين الدوام ما اريد كلشي بس اشوفه سالم...
أنت تقرأ
اسمعني صوتك
Mystery / Thrillerلا مكان يأويني ولا ملجىء يحميني.. هربت من ناسي وارضي وحتى من نفسي.. هربت واذا بي اخرج من بئر واسقط في حفرة..
البارت 17
ابدأ من البداية
