خطوة نحو الجحيم 2 (باللهجة التونسية )

الحلقة 63

ﺍﻟﺤﻠﻘﺔ : 63
# ﺃﻭﺱ :
ﻭﻗﺖ ﺩﺧﻠﻨﺎ ﻟﻠﻔﻴﻼ ﺗﻌﻄﻠﻨﺎ ﺷﻮﻱ ... ﺧﺎﻃﺮ ﻫﺪﻳﻞ ﻣﻨﺠﻤﺘﺶ ﺗﻌﻄﻞ ﺍﻷﻧﻈﻤﺔ ﻣﺘﺎﻉ ﺍﻟﻠﻴﺰﺭ ﻭ ﺍﻟﺸﻴﻔﺮﺍﺕ ﺑﺎﻟﺴﺎﻫﻞ .... ﺣﻄﻴﻨﺎ ﻟﻲ ﻣﺎﺳﻚ ﻋﻠﻰ ﻭﺟﻮﻫﻨﺎ ... ﻭﻫﺪﻳﻨﺎ .... ﻫﺎﺟﻤﻮﻧﺎ ﺭﺟﺎﻟﻬﻢ ﺑﺎﻟﻮﻗﺖ .. ﺍﻣﺎ ﺻﺎﻭﺑﻨﺎﻫﻢ ﺍﻟﻜﻞ . .. ﺩﻭﺏ ﻣﺎ ﻭﺻﻠﺖ ﻟﻠﺒﻴﺮﻭ ... ﺣﺬﺭﺗﻨﻲ ﻫﺪﻳﻞ ﺍﻧﻮ ﻓﻤﺎ ﺷﻴﻔﺮﺓ ﻟﻴﺰﺭ ﻣﻨﺠﻤﺘﺶ ﺗﻔﻜﻬﺎ .... ﺍﻟﺒﺎﺏ ﻳﺘﺤﻞ ﻛﺎﻥ ﺑﺎﻟﺮﻣﺰ ﺍﻟﺴﺮﻱ ﺳﻴﻨﻮﻥ ﺗﺘﻄﻠﻖ ﺻﺎﻓﺮﺓ ﺍﻹﻧﺬﺍﺭ ... ﻭ ﺃﺷﻌﺔ ﺍﻟﻠﻴﺰﺭ ﺑﺎﺵ ﺗﺤﺮﻗﻨﺎ ﻓﻲ ﺯﻭﺯ ... ﻏﺰﺭﻟﻲ ﻛﻴﻢ ﻭ ﺳﻘﺴﺎﻧﻲ ﺷﻨﻌﻤﻠﻮﺍ ... ﻏﺰﺭﺕ ﻟﻠﺴﺎﻋﺔ ﺩﻗﻴﻘﺘﻴﻦ ﻛﻬﻮ ... ﻭ ﺗﺮﺟﻊ ﺍﻷﻧﻈﻤﺔ ﺗﺨﺪﻡ ..... ﺑﺎﻗﻲ ﻧﺨﻤﻢ ﺷﻨﻮﺓ ﺗﻜﻮﻥ ﻛﻠﻤﺔ ﻣﺘﺎﻉ ﺍﻟﺴﺮ ... ﻓﻤﺎ ﺯﻭﺯ ﻓﺮﺹ ﻛﻬﻮ ... ﺳﻴﻴﺖ ﺍﻟﻤﺮﺓ ﻟﻮﻟﺔ ... ﻛﺘﺒﺖ ﺍﺳﻤﻬﻢ ﺷﻲ .... ﻃﻠﻊ ﻏﺎﻟﻂ ...
ﻛﻴﻢ؛ ﺃﻭﻭﻭﻭﻭﺱ ﻣﺘﺴﻴﻴﺶ ﺍﻟﺜﺎﻧﻴﺔ ﺗﺤﺐ ﺗﻤﻮﺕ ﻫﻮﻧﻲ !!
ﺃﻭﺱ؛ ﻛﻴﻢ ﻣﻮﺵ ﻭﻗﺖ ﻧﺘﺮﺍﺟﻌﻮﺍ ﻓﻴﻪ ﺍﺳﻤﻬﻢ ﻣﻮﺵ ﻫﻮ ﺷﻨﻮﺓ ﻟﻲ ﻳﺠﻤﻌﻬﻢ ﻏﻴﺮ ﻫﺎﺫﺍ !!
ﻧﻄﻘﻨﺎ ﻓﻲ ﺯﻭﺯ ﺍﻟﻤﻴﻴﻴﺘﻢ ﻛﺘﺒﺖ ﺍﺳﻤﻮﺍ " ﺍﻷﻡ ﺗﻴﺮﻳﺰﺍ " ﻃﻠﻊ ﺻﺤﻴﺢ .... ﺿﺮﺑﺖ ﻳﺪ ﻛﻴﻢ ﻭ ﺿﺤﻜﻨﺎ
ﻫﺪﻳﻞ؛ ﺃﻭﺱ ﺑﺎﻗﻲ 40 ﺛﺎﻧﻴﺔ ﻓﻴﻴﻴﻴﻴﺴﻊ
ﻫﺰﻳﺖ ﺍﻟﺒﻴﺴﻲ ﻭ ﺧﺮﺟﻨﺎ ﻧﺠﺮﻳﻮ ﻋﺎﺭﺿﻮﻧﺎ 3 ﻣﻦ ﺍﻟﻘﺪﺍﻡ ﻭ 3 ﻣﻦ ﺍﻟﻠﻮﺭﺓ ﺣﻄﻴﺖ ﻇﻬﺮﻱ ﻓﻲ ﻇﻬﺮ ﻛﻴﻢ ... ﻭﺻﺎﻭﺑﻨﺎﻫﻢ .... ﺧﺮﺟﻨﺎ ﻣﻦ ﺍﻟﻔﻴﻼ ... ﻣﺪﻳﺖ ﺍﻟﺒﻴﺴﻲ ﻟﻜﻴﻢ ﻭ ﺍﻟﻘﻨﺎﻉ ... ﺭﻳﻘﻠﺖ ﺍﻟﻜﻮﺳﺘﻴﻢ ﻭﻭﻟﻴﺖ ... ﺩﻭﺏ ﻣﺎ ﻭﺻﻠﺖ ﺭﻳﺖ ﺍﻟﻜﻞ ﻣﺮﻛﺰ ﻓﻲ ﺑﻼﺻﺔ ... ﺩﺧﻠﺖ ﻓﻲ ﻭﺳﻄﻬﻢ ﺑﺎﻟﺸﻮﻱ ... ﻟﻴﻦ ﻭﺻﻠﺖ ﻗﺪﺍﻡ ﺳﻴﻼ ... ﺩﻭﺏ ﻣﺎ ﺷﺎﻓﺘﻨﻲ ﺗﻨﻬﺪﺕ ﻫﺰﻳﺖ ﺭﺍﺳﻲ ﻏﺰﺭﺗﻠﻬﺎ ﻛﻴﻒ ﺗﺸﻄﺢ !!!!!! ﻋﻴﻨﻴﺎ ﺗﺤﻠﻮﺍ .... ﺷﺒﻲ **** ﺷﻤﻄﻠﻌﻬﺎ ﻫﻮﻧﻴﻚ .... ﺟﺎ ﻓﻲ ﺑﺎﻟﻲ ﻧﻄﻠﻊ ﻧﻘﺘﻠﻬﺎ .... ﺭﻳﺘﻬﺎ ﻛﻴﻒ ﻧﺰﻟﺖ ﻭ ﺷﺪﻟﻬﺎ ﻳﺪﻫﺎ .... ﻫﻨﺎ ﻣﺎ ﻧﺠﻤﺘﺶ ﻭﺻﻠﺖ ﻟﻠﺘﻮﺏ .... ﺟﻴﺖ ﻧﻤﺸﻲ ﺷﺪﺗﻨﻲ ﺳﻴﻼ ﻣﻦ ﻣﺮﻓﻘﻲ
ﺳﻴﻼ؛ ﺍﻫﺪﺍ ﺗﻮ ﺗﻔﻬﻢ
ﺣﻜﻤﻠﻬﺎ ﻳﺪﻫﺎ .... ﻭ ﻃﻠﻊ ﻳﺤﻜﻲ ... ﺗﻲ ﺑﺴﻴﻒ ﻣﺎ ﺭﺍﻧﻲ ﺣﺎﻛﻢ ﺭﻭﺣﻲ ... ﺳﻴﻼ ﺣﺎﻛﻤﺘﻨﻲ ﺑﺎﻟﻘﻮﺓ ... ﻧﺴﻤﻊ ﻓﻴﻪ ﻳﺤﻜﻲ .... ﻣﺨﻲ ﺣﺒﺲ ﻋﻠﻰ ﻛﻠﻤﺘﻮﺍ ﺍﻟﺘﺎﻟﻴﺔ ... ﺗﻌﺮﺱ ﺑﻴﺎ !!!!!! .... ﺍﻟﻜﻞ ﻏﺰﺭﻭﻟﻮﺍ ﻣﻨﺪﻫﺸﻴﻦ
# ﺍﻟﻴﻒ :
ﻋﻴﻨﻴﺎ ﺗﺤﻠﻮﺍ ﺑﺎﻟﻮﻗﺖ .... ﺁﺧﺮ ﺷﻲ ﺗﻮﻗﻌﺘﻮﺍ ﻳﻄﻠﺐ ﻣﻦ ﻧﻌﺮﺱ ﺑﻴﻪ ... ﻣﻦ ﺃﻭﻝ ﻣﺮﺓﺓ !!_
ﻏﺰﺭﺕ ﻷﻭﺱ .... ﻳڨﺤﺮﻟﻲ ﻋﺮﻓﺘﻬﺎ ﻭﺣﻠﺖ ﻟﻠﺨﺮ ... ﻏﺰﺭﺗﻠﻮﺍ ﻓﻌﻴﻨﻴﻪ ... ﻧﺤﻜﻲ
ﺍﻟﻴﻒ؛ ﺭﺍﺋﺪ ﺁﺳﻔﺔ ﻣﻨﺠﻤﺶ
ﺍﻟﻜﻞ ﺍﻧﺪﻫﺸﻮﺍ ﻓﺎﻟﻘﺮﺍﺭ ﻣﺘﺎﻋﻲ
ﺭﺍﺋﺪ؛ ﻋﻼﻩ ﺁﻳﻨﺠﻞ ؟؟
ﺍﻟﻴﻒ؛ ﺧﺎﻃﺮ
ﺟﺎﺩ؛ ﺧﺎﻃﺮﻫﺎ ﺣﺒﻴﺒﺘﻲ ﺭﺍﺋﺪ ﻭ ﻧﻈﻦ ﺍﻟﻜﻞ ﺷﺎﻓﻨﺎ ﻓﺤﻔﻠﺔ ﺍﻟﻬﺎﻟﻮﻭﻳﻦ ﻛﻴﻒ ﻛﻴﻒ
ﺭﺍﺋﺪ؛ ﺗﻲ ﺑﺎﻟﺮﺳﻤﻲ
ﺟﺎﺩ؛ ﺷﻨﻮﺓ ﻣﺄﻣﻨﺘﺶ !
ﺭﺍﺋﺪ؛ ﻧﺤﺐ ﻧﺴﻤﻊ ﻣﻨﻬﺎ
# ﺍﻟﻴﻒ :
ﻣﺘﻮﻗﻌﺘﺶ ﺟﺎﺩ ﻳﺤﻜﻲ ﺍﻛﺎ ... ﺗﻲ ﻭﺣﻠﺔ ﺃﻭﺣﻞ ﻣﻦ ﺍﻟﻮﻟﺔ .... ﺃﻭﺱ ﺑﺎﻗﻲ ﻳڨﺤﺮﻟﻲ .... ﻏﺰﺭﺗﻮﺍ ﻓﻴﻬﺎ ﻏﺶ ﺟﺎﻣﻲ ﺭﻳﺘﻮ ﻣﻦ ﻗﺒﻞ ... ﺑﻠﻌﺖ ﺭﻳﻘﻲ ﺑﺎﻟﻮﻗﺖ .... ﻣﻨﺤﺒﺶ ﻧﺮﻛﺰ ﻣﻌﺎﻩ ﻛﺜﺮ ... ﻏﺰﺭﺕ ﻟﺠﺎﺩ .... ﻭ ﺗﻠﻔﺘﺖ ﻟﺮﺍﺋﺪ ﻧﺤﻜﻲ
ﺍﻟﻴﻒ؛ ﻭﻱ ﺭﺍﺋﺪ ﺟﺎﺩ ﻳﺤﻜﻲ ﺑﺎﻟﺤﻖ ... ﻣﺘﺄﺳﻔﺔ ... ﺃﻣﺎ ﺍﻧﺎ ﻓﻌﻼﻗﺔ ﻣﻊ ﺟﺎﺩ
____________________
# ﺧﻄﻮﺓ _ ﻧﺤﻮ _ ﺍﻟﺠﺤﻴﻢ
# ﻳﺴﺮﻯ _ ﺃﻣﺠﻮﺝ