خطوة نحو الجحيم 2 (باللهجة التونسية )

الحلقة 43

ﺍﻟﺤﻠﻘﺔ : 43
ﺃﻭﺱ؛ ﻛﻴﻢ ﻭﻳﻨﻚ ؟ ! ؟
ﻛﻴﻢ؛ ﻓﺮﻳﺴﺘﻮ ***** ﻧﻔﻄﺮ ﻋﻼ ...
ﺃﻭﺱ؛ ﺑﺎﻫﻲ ﺑﺎﻫﻲ ﻣﺎﻛﺶ ﺑﻌﻴﺪ ... ﺇﻳﺠﺎ ﻓﻴﺴﻊ ﻟﺪﺍﺭﻱ
ﻛﻴﻢ؛ ﺷﺼﺎﺭ ﻳﺎﺧﻲ !!!
ﺃﻭﺱ؛ ﻓﻴﺴﻌﻌﻌﻊ !!
ﻛﻴﻢ؛ ﻣﺴﺎﻓﺔ ﻃﺮﻳﻖ
ﺃﻭﺱ ﻳﺤﻜﻲ :
ﺭﺷﻴﺘﻬﺎ ﺑﺸﻮﻱ ﻣﺘﺎﻉ ﻣﺎ ﺣﻠﺖ ﻋﻴﻨﻴﻬﺎ ﺷﻮﻱ ﻭﻋﺎﻭﺩﺕ ﻏﻤﻀﺘﻬﻢ ﻧﻔﺨﺖ ﺑﺎﻟﻘﺎﻭﻱ ... ﻋﺪﻳﺖ ﻳﺪﻱ ﻋﻠﻰ ﻭﺟﻬﻲ .... ﻧﻬﺰﻫﺎ ﻟﻠﻜﻠﻴﻨﻴﻚ ﺃﺣﺴﻦ ... ﺟﻴﺖ ﺷﻨﻬﺰﻫﺎ ... ﺻﻮﻧﺎ ﺍﻟﺒﺎﺏ ... ﻧﺰﻟﺖ ﻧﺠﺮﻱ ... ﺣﻠﻴﺘﻠﻮﺍ ﺍﻟﺒﺎﺏ
ﻛﻴﻢ؛ ﺻﺎﻓﺎ
ﺃﻭﺱ؛ ﺍﻟﻴﻒ ﺩﺍﺧﺖ ﻭ ﻭﻭ
ﻛﻴﻢ؛ ﻭﻳﻨﻬﺎ !!
ﺃﻭﺱ؛ ﻟﻔﻮﻕ ﻫﻴﺎ
ﻃﻠﻌﻨﺎ ﺑﺎﻟﻮﻗﺖ .... ﻫﺰ ﻳﺪﻭ ﺑﺪﺍ ﻳﻘﻠﺐ ﻓﺎﻫﺎ ً. . ﻏﻤﻀﺖ ﻋﻴﻨﻴﺎ ﻣﻨﺤﺒﺶ ﻧﺨﻤﻢ ﺃﻧﻮ ﻳﺼﻴﺮ ﻋﻼﻫﺎ ﺷﻲ ... ﺗﻲ ﻣﻦ ﻟﻲ ﺑﺪﺍﺕ ﻣﻌﺎﻳﺎ ﻭ ﻫﻲ ﻣﻦ ﻣﺸﻜﻞ ﻟﻤﺸﻜﻞ ... ﻫﺰﻳﺖ ﺭﺍﺳﻲ ﻛﻲ ﺗﻠﻔﺘﻠﻲ ﻳﺤﻜﻲ ..
ﻛﻴﻢ؛ ﺷﻌﻤﻠﺖ ﻋﺎﻟﺼﺒﺎﺡ ؟
ﺃﻭﺱ؛ ﺟﺮﺍﺕ ﺑﺮﺷﺎ ﻓﻮﻕ ﺁﻟﺔ ﺍﻟﺠﺮﻱ ... ﻋﻼﻩ ﺷﺒﻴﻬﺎ ﻛﻴﻢ ! ؟؟
ﻛﻴﻢ؛ ﺗﻔﺪﻟﻚ ﺻﺎﺣﺒﻲ ! ﻛﻴﻔﺎﺵ ﻋﻤﻠﺖ ﻋﻤﻠﻴﺔ ﺃﻛﺎ .... ﺗﻘﻮﻡ ﺗﺠﺮﻱ ﻣﻦ ﻭﺭﺍﻫﺎ ﻭﺍﻧﺘﺎ ﺧﻠﻴﺘﻬﺎ؟ ﻣﺎﻭ ﺗﻌﺮﻑ ﺍﻟﺴﭙﻮﺭ ﺍﻟﻼﺯﻡ ﺑﻌﺪ ﻋﻤﻠﻴﺎﺕ ﺃﻛﺎ ... ﺃﻭﻝ ﺷﻲ ﺗﻌﻠﻤﻨﺎﻩ ﻓﺎﻝ FBI
ﺃﻭﺱ؛ ﻧﻌﺮﻑ ﻛﻴﻢ ... ﺃﻣﺎ ﺍﺻﺎﺑﺘﻬﺎ ﻓﻲ ﻛﺘﻔﻬﺎ ﺳﻄﺤﻴﺔ ﻣﺘﻮﺻﻠﺶ ﺗﺨﻠﻴﻬﺎ ﺩﻭﺥ ﺃﻛﺎ !!
ﻛﻴﻢ؛ ﻛﺘﻒ ﺷﻨﻴﺔ ﺍﻟﻄﻔﻠﺔ ﻋﺎﻣﻠﺔ ﺍﺳﺘﺌﺼﺎﻝ ﻟﻠﻜﻠﻴﺔ ﻣﻦ ﺷﻲ 3 ﺃﻳﺎﻡ ﻋﻠﻰ ﺃﺫﺍﻛﺎ ﻣﻴﻠﺰﻣﺶ ﺗﻔﻮﺭﺻﻲ ﺭﻭﺣﻬﺎ ﺣﺘﻰ ﻳﺘﺄﻗﻠﻢ ﺟﺴﻤﻬﺎ ﻣﻊ ﻛﻠﻴﺔ ﻭﺣﺪﺓ
ﺃﻭﺱ؛ ﺍﺷﺘﺌﺼﺎﻝ ﻛﻠﻴﺔ !!!! ﻓﺎﺵ ﺗﺤﻜﻲ ؟ ! ؟؟ !
ﻛﻴﻢ؛ ﻣﻔﻴﺒﺎﻟﻜﺶ ﺍﻧﺘﺎ ﻣﻮﺵ ﻗﺘﻠﻲ ﻟﻲ ﺗﺎﺑﻌﺘﻚ ﻭ ﻛﻠﺶ ﺗﻌﻤﻠﻮﻩ ﻣﻊ ﺑﻌﺾ ﻓﺎﻛﺎ ﺍﻟﻤﻬﻤﺔ
ﺃﻭﺱ؛ ﻛﻨﺖ ﻣﺘﺼﺎﻭﺏ ﻣﻨﻌﺮﺵ ﺷﺼﺎﺭ ﻓﻤﺎ ﻭ ﻣﺤﻜﺎﺗﻠﻴﺶ ﺯﺍﺩﺓ ﻭ ﺗﻮﺍ ﻛﻴﻔﻬﺎ !!
ﻛﻴﻢ؛ ﻫﺎﻧﻲ ﻣﺪﻳﺘﻠﻬﺎ ﺑﺮﺍ ﺗﻮﺍ ﺗﻔﻄﻦ ﺍﻣﺎ ﻣﻴﻠﺰﻣﺶ ﺗﻔﻮﺭﺻﻲ ﺭﻭﺣﻬﺎ ﺳﻴﺮﺗﻮ ﺳﭙﻮﺭ ﻭ ﺯﺍﺩﺓ ﺍﻟﻤﺎﻛﻠﺔ ﻣﺘﺎﻛﻠﺶ ﺷﻲ ﻟﻲ ﻓﻴﻪ ﺍﻟﺰﻳﺖ ﺑﺮﺷﺎ ﻭ ﺍﻟﺤﺎﺭ ﺯﺍﺩﺓ
ﺃﻭﺱ؛ ﺑﺎﻫﻲ ﻻﺯﻡ ﻧﺮﻭﺡ ﻟﻠﻜﻠﻴﻨﻴﻚ ﺗﻮﺍ ﻧﻔﻬﻢ ﺷﺼﺎﺭ
ﻛﻴﻢ؛ ﻣﻌﺎﻣﻦ ﺑﺎﺵ ﺗﺨﻠﻴﻬﺎ ﺍﻧﺖ !!!
ﺃﻭﺱ؛ ﺍﻟﺒﻮﻥ ﻫﻮﻧﻲ ﻭ ﺍﺑﻘﺎ ﻧﺘﺎ ﻟﺘﺤﺖ ﻛﺸﻤﺎ ﻳﺼﻴﺮ ﻣﻨﻄﻮﻟﺶ ﻳﻠﺰﻡ ﻧﻔﻬﻢ ﺗﻮﺍ ﺗﻮﺍ
ﻛﻴﻢ؛ ﺑﺎﻫﻲ ﻫﻴﺎ ﻧﻨﺰﻟﻮﺍ ﺗﻮﺍ ﺷﻲ 4 ﺳﺎﻋﺎﺕ ﺗﻔﻴﻖ
ﺃﻭﺱ؛ ﺑﺎﻫﻲ ﻣﺮﺳﻲ ﻛﻴﻢ
ﻛﻴﻢ؛ ﻣﺒﻴﻨﺎﺗﻨﺎﺵ ﺻﺎﺣﺒﻲ
ﺃﻭﺱ ﻳﺤﻜﻲ :
ﺧﻠﻴﺘﻮﺍ ﻓﺎﻟﺼﺎﻟﺔ ... ﺃﺻﻼ ﻫﻮﻧﻲ ﻧﻨﺠﻢ ﻧﺎﺛﻖ ﻛﺎﻥ ﻓﻴﻪ ﺓ ﻓﻲ ﺳﻴﻼ ... ﺧﺎﺗﺮﻧﺎ ﻛﻨﺎ ڨﺮﻭﺏ ﻓﻲ 5 ﻣﻊ ﻟﺆﻱ ﻭ ﺻﻔﺎﺀ 3.... ﺳﻨﻴﻦ ﻛﻨﺎ ﻓﻲ ﺛﻨﻴﺔ ﺑﻌﻀﻨﺎ .... ﻛﻞ ﻭﺍﺣﺪ ﻳﻨﺠﻢ ﻳﻘﺎﺑﻞ ﺍﻟﻤﻮﺕ ﻋﻠﻰ ﺧﺎﺗﺮ ﻻﺧﺮ ﻭ ﻗﺪﺍﺵ ﻣﻦ ﻣﺮﺓ ﺃﻧﻘﺬﻧﺎ ﺣﻴﺎﺓ ﺑﻌﻀﻨﺎ .... ﻧﺴﻮﻕ ﻭ ﺗﻔﻜﻴﺮﻱ ﺍﻟﻜﻞ ﻓﻲ ﻟﺤﻜﺎﻳﺔ ﺍﺫﻱ .... ﺷﺼﺎﺭ ﻳﺎﺧﻲ ... ﻓﺎﺵ ﻗﺎﻡ ﺗﻌﻤﻞ ﺃﻛﺎ ؟ ... ﻣﺨﻲ ﺗﺤﺮﻕ ﻣﻦ ﺗﺨﻤﺎﻡ .... ﺩﺭﺟﻴﻦ ﻛﻨﺖ ﻓﻤﺎ ... ﺳﻘﺴﻴﺖ ﻓﺎﻟﺮﻳﺴﭙﺴﻴﻮﻥ ﻋﻠﻰ ﺃﻛﺎ ﺍﻟﻄﺒﻴﺐ ﺧﺒﺮﻭﻧﻲ ﻟﻲ ﻓﻲ ﺑﻴﺮﻭﻩ ﻭ ﻣﻴﻨﺠﻢ ﻳﻘﺎﺑﻞ ﺣﺘﻰ ﺣﺪ ﺗﻮﺍ ... ﻃﻮﻝ ﻃﻠﻌﺖ ﻋﺪﻳﺖ ﻋﻠﻴﻪ ... ﻫﺰ ﺭﺍﺳﻮ ﻳڨﺤﺮﻟﻲ
ﺍﻟﻄﺒﻴﺐ؛ ﺷﺒﻴﻚ ﻫﺎﺩ ﻫﺎﻛﺎ ﻳﺎﺧﻲ ﻫﺎﺫﺍ ﻛﻠﻴﻨﻴﻚ ﻣﻮﺵ ﺳﻄﺎﺩ
ﺃﻭﺱ؛ ﺣﻄﻴﺖ ﻳﺪﻱ ﻋﻠﻰ ﺑﻴﺮﻭﻩ ﻃﺒﺴﺖ ﺷﻮﻱ ﻭ ڨﺤﺮﺗﻠﻮﺍ ڨﺤﺮﺓ ﻣﺘﺎﻉ ﻣﻮﺕ
- ﺃﻟﻜﺲ ﺑﺮﺍ ﺳﻘﺴﻲ ﻋﻠﻰ ﻫﺎﺫ ﺍﻷﺳﻢ ﺗﻌﺮﻑ ﺷﻜﻮﻧﻲ
ﺍﻟﻄﺒﻴﺐ؛ ﺷﺘﺤﺐ ﻣﻨﻲ ؟
ﺃﻭﺱ؛ ﺷﺒﻴﻬﺎ ﺁﻳﻨﺠﻞ
ﺍﻟﻄﺒﻴﺐ؛ ﺷﺘﻘﺼﺪ !
ﺃﻭﺱ؛ ﺗﻌﺮﻑ ﻣﻠﻴﺢ ﺷﺘﻘﺼﺪ ... ﺷﻌﻤﻠﺘﻮﻟﻬﺎ ؟ ﻭﻳﻦ ﻛﻠﻮﺗﻬﺎ ؟
ﺍﻟﻄﺒﻴﺐ؛ ﻋﻼﺵ ﻣﺎ ﺳﻘﺴﻴﺘﻬﺎﺵ ﻫﻲ
ﺧﺒﻄﺖ ﻳﺪﻱ ﻋﺎﻟﺒﻴﺮﻭ ﺟﺒﺪﺕ ﻣﻦ ﺍﻟﻜﻮﻝ ﻣﺘﺎﻉ ﺍﻟﻄﺎﺑﻠﻴﺔ ... ﺍﻟﻐﺶ ﺭﺍﻛﺒﻠﻲ ﻋﻠﺨﺮ
ﺃﻭﺱ؛ ﻣﻮﺵ ﺟﺎﻱ ﻫﻮﻧﻲ ﻧﻠﻌﺐ ﻣﻌﺎﻙ ﺣﺰﻭﺭﺓ
ﺟﺒﺪ ﺭﻭﺣﻮ ﻣﻨﻲ ﻋﺪﻝ ﺍﻟﻜﻮﻝ ﻣﺘﺎﻉ ﺍﻟﻄﺎﺑﻠﻴﺔ ..
ﺍﻟﻄﺒﻴﺐ؛ ﻛﻠﻴﺘﻬﺎ ﻓﻲ ﺟﺴﻤﻚ ﻳﺎ ﻣﺤﺘﺮﻡ
ﺃﻭﺱ؛ ﻙ ﻛﻴﻔﺎﺵ
ﺍﻟﻄﺒﻴﺐ؛ ﻛﻠﻴﺘﻴﻦ ﻣﺘﺎﻋﻚ ﺗﺄﺫﺍﻭ ﺑﺮﺷﺎ ﻛﻨﺖ ﺷﺘﻤﻮﺕ ﻭﻗﺖ ﻗﻠﺘﻠﻬﺎ ﻃﻮﻝ ﺣﺒﺖ ﺗﻤﺪﻟﻚ ﺧﺒﺮﺗﻬﺎ ﺃﻧﻮ ﻓﻤﺎ ﺍﺣﺘﻤﺎﻝ ﺗﻤﻮﺕ . . ﺍﻣﺎ ﻫﻲ ﺷﺪﺕ ﺻﺤﻴﺢ ﻭﻗﺖ ﺗﺤﻄﺖ ﻋﻠﻰ ﺳﺮﻳﺮ ﻛﻨﺖ ﺍﻧﺘﺎ ﺯﺍﺩﺓ ﺑﻴﻦ ﺍﻟﺤﻴﺎﺓ ﻭ ﺍﻟﻤﻮﺕ ... ﻏﺰﺭﺗﻠﻲ ﻗﻠﺘﻠﻬﺎ ﻟﻲ ﻫﻲ ﺗﻨﺠﻢ ﺗﺘﺘﺮﺍﺟﻊ ... ﻏﺰﺭﺗﻠﻲ ﻭ ﻗﺎﺗﻠﻲ ﻟﻲ ﻫﻲ ﺗﺤﺒﻚ
# ﺃﻭﺱ :
ﺟﻤﺪﺕ ﻓﺒﻼﺻﺘﻲ ﺭﺟﻌﺖ ﺑﺨﻄﻮﺓ ﻟﻠﺘﺎﻟﻲ ﻧﻐﺰﺭﻟﻮﺍ ... ﻣﻮﺵ ﻓﺎﻫﻢ ﺷﻲ ...
ﺍﻟﻄﺒﻴﺐ؛ ﻧﺠﺤﺖ ﺍﻟﻌﻤﻠﻴﺔ ﻟﻌﺸﻴﺔ ﻓﻄﻨﺖ ﻃﻮﻝ ﺟﺎﺕ ﺗﻔﺮﻛﺲ ﻋﻠﻴﻚ ﻭ ﺑﻘﺎﺕ ﻣﻌﺎﻙ ﺣﺘﻰ ﻓﻄﻨﺖ ... ﻭﻗﺖ ﺟﻴﺖ ﻧﻔﺤﺼﻚ ﻭ ﻧﺨﺒﺮﻙ ﻗﺼﺖ ﻋﻠﻴﺎ ﻭﻗﺖ ﻗﺎﺗﻠﻲ ﻟﻲ ﺍﻧﺘﺎ ﻣﻠﻴﺢ ﺍﺫﺍﻛﺎ ﺍﻟﻤﻬﻢ ... ﺷﻔﺘﻬﺎ ﻭﺭﺍﻫﺎ ... ﺳﻘﺴﻴﺘﻬﺎ ﻋﻼﺵ ﻣﺨﺒﺮﺗﺶ ﻗﺎﻟﺖ ﻟﻲ ﻫﻲ ﻣﺘﺤﺒﺶ ﺗﺨﻠﻴﻚ ﺗﺤﺲ ﺃﻧﻚ ﻣﻤﻨﻮﻥ ﻟﻴﻬﺎ ﻫﺬﺍ ﻛﻞ ﻭﺍﺵ ﺻﺮﺍ ﻭ ﺗﻮﺍ ﺭﻭﺡ ﺍﻫﺘﻢ ﺑﺎﻫﺎ ... ﺍﻟﺸﻲ ﻟﻲ ﻋﻤﻠﺘﻮﺍ ﻳﻤﻜﻦ ﺧﻮﻙ ﻣﻴﺪﻳﺮﻭﺵ ... ﺗﻮﻟﻪ ﺗﺨﺴﺮﻫﺎ ... ﺷﻔﺖ ﺣﺎﻻﺕ ﻭﻳﻦ ﺍﻟﻤﺮﺍ ﺗﺮﻓﺾ ﺗﻤﺪ ﻟﺮﺍﺟﻠﻬﺎ ﻭ ﺗﺨﻠﻴﻪ ﻳﻤﻮﺕ ... ﻭ ﺍﻷﻡ ﻣﺘﻤﺪﺵ ﻟﻮﻟﺪﻫﺎ .. ﻛﻴﻒ ﻭﺿﻠﺖ ﺗﻤﺪﻟﻚ ﻃﺮﻑ ﻣﻨﻬﺎ ﻣﺶ ﺑﺎﺵ ﺗﻠﻘﺎ ﺣﺪ ﻳﺤﺒﻚ ﻗﺪﻫﺎ
_______________
# ﺧﻄﻮﺓ _ ﻧﺤﻮ _ ﺍﻟﺠﺤﻴﻢ
# ﻳﺴﺮﻯ _ ﺃﻣﺠﻮﺝ