خطوة نحو الجحيم 2 (باللهجة التونسية )

الحلقة 42

ﺍﻟﺤﻠﻘﺔ : 42
ﻓﻄﻨﺖ ﺩﺍﻳﺨﺔ ... ﻏﺰﺭﺕ ﻟﻠﺴﺎﻋﺔ ﻟﻘﻴﺘﻬﺎ .... 7 ﻗﻤﺖ ﻣﻦ ﻓﺮﺍﺷﻲ ﻋﻨﺪﻱ ﻣﺪﺓ ﻣﺘﻠﻬﻴﺘﺶ ﺑﺮﻭﺣﻲ .... ﻏﺴﻠﺖ ﻭﺟﻬﻲ ... ﺑﺪﻟﺖ ﺩﺑﺸﻲ ... ﻟﺒﺴﺖ ﺷﻮﺭﺕ ﻗﺼﻴﺮ ﻋﻠﺨﺮ ﻭ ﻣﻜﺒﻮﺱ ﻣﺘﺎﻉ ﺳﺒﻮﺭ Calvin Klein ﻭ ﻣﺮﻳﻮﻝ ﻣﺘﺎﻋﻮ ... ﻟﻤﻴﺖ ﺷﻌﺮﻱ ﻛﻮﺩﺷﻮﻓﺎﻝ ﻭ ﻧﺰﻟﺖ ﻟﻠﺴﺎﻝ ﺩﻭ ﺳﺒﻮﺭ ... ﺟﺎﻳﺔ ﻓﺎﻟﺪﺍﺭ ﺑﻌﺪ .... ﺩﺧﻠﺖ ﻟﻠﺼﺎﻝ ... ﻟﺤﺖ ﻳﺪﻱ ﺷﻌﻠﺖ ﺍﻟﻀﻮ ... ﻣﻤﻢ ﻣﺮﻳڨﻠﺔ ﻛﻴﻒ ﻣﺎ ﻧﺤﺐ . ... ﺗﻌﺪﻳﺖ ﻟﻶﻟﺔ ﻣﺘﺎﻉ ﺍﻟﺠﺮﻱ ... ﻃﻠﻌﺖ ﻭ ﺑﺪﻳﺖ ﻧﺠﺮﻱ ﻋﻼﻫﺎ .... ﻛﻞ ﻣﺮﺓ ﻧﺰﻳﺪ ﺍﻟﻔﻴﺘﺎﺱ ﻛﺜﺮ .... ﺣﺎﻃﺔ ﺍﻟﻐﻨﺎ ﻓﻲ ﻭﺫﻧﻲ ... ﻏﻤﻀﺖ ﻋﻴﻨﻴﺎ ... ﻗﻮﺗﻲ ﺗﻬﺪﺕ ... ﻭﻗﻔﺖ ﺍﻵﻟﺔ ... ﺣﻠﻴﺖ ﻋﻴﻨﻴﺎ ﻏﺰﺭﺗﻠﻮﺍ ﻳﻬﺰ ﻓﻴﺎ ﻭ ﻳﺤﻂ ...
ﺍﻟﻴﻒ؛ ﻋﻼﺵ ﻃﻔﻲ ﻓﺎﻫﺎ ؟
ﺃﻭﺱ؛ ﻓﺎﺵ ﻗﺎﻡ ﺗﺰﻳﺪﻟﻬﺎ ﺍﻛﺎ ﺗﺤﺐ ﺗﻤﻮﺕ ﻭ ﺍﻧﺘﻲ ﺗﺠﺮﻱ !
ﺍﻟﻴﻒ؛ ﻫﺰﻳﺖ ﺍﻟﻤﻨﺸﻔﺔ ﻧﻤﺴﺢ ﻓﻲ ﺭﻗﺒﺘﻲ ﻭ ﻗﺪﻣﺖ ﻟﻴﻪ .... ﺧﺬﻳﺖ ﺩﺑﻮﺯﺓ ﻣﺘﺎﻉ ﺍﻟﻤﺎ ﻛﺎﻧﺖ ﻓﻴﺪﻭ ﻇﺎﻫﺮ ﻛﺎﻥ ﻳﻌﻤﻞ ﻓﻮﺗﻴﻨﻎ ﺑﺮﺍ ...
- ﻣﻨﺨﻤﻤﺶ ﻧﻤﻮﺕ ﺗﻮﺍ
ﺭﺩﻳﺘﻠﻮﺍ ﺍﻟﺪﺑﻮﺯﺓ ﻓﻴﺪﻭ ﻭ ﺧﺮﺟﺖ ﻣﻦ ﺍﻟﺼﺎﻝ ﻧﺤﺐ ﻭﺗﺠﻨﺒﻮﺍ ﻋﻠﻰ ﻗﺪ ﻣﺎ ﻧﻘﺪﺭ ... ﺩﻭﺏ ﻣﺎﺧﺮﺟﺖ .... ﺩﺧﺖ ﺟﻴﺖ ﺷﻨﻄﻴﺢ .... ﺣﺎﻭﻃﻨﻲ ﺑﻴﺪﻳﻪ ﺣﻄﻴﺖ ﻳﺪﻱ ﻋﻠﻰ ﺳﺪﺭﻭ .. ﻧﺘﻨﻔﺲ ﺑﺎﻟﻘﺎﻭﻱ ... ﻫﺰ ﻳﺪﻭ ﺑﻌﺪﻟﻲ ﺷﻮﻱ ﻣﻦ ﺷﻌﺮﻱ ﻟﻲ ﻃﺎﺡ ﻋﻠﻰ ﻭﺟﻬﻲ ... ﻭﻟﺰﻧﻲ ﻟﻴﻪ ﺃﻛﺜﺮً ... ﺗﻔﻜﺮﺕ ﺟﺮﺡ ﻣﺘﺎﻋﻮ ﻟﻲ ﺟﺪﻳﺪ ... ﻧﻄﺮﺕ ﺟﺒﺪﺕ ﺭﻭﺣﻲ ...
ﺃﻭﺱ؛ ﺷﺒﻴﻚ !_
ﺍﻟﻴﻒ؛ ﻓﺎﺵ ﻗﺎﻡ ﺗﺤﻤﻠﻨﻲ ﺟﺮﺣﻚ ﻣﺰﺍﻝ ﺟﺪﻳﺪ ﺑﺎﺯ ﻳﺘﺤﻞ ﺗﻮﺍ ﻭ ﻧﻮﺣﻠﻮﺍ
ﺃﻭﺱ؛ ﻣﺘﺨﺎﻓﺶ
ﻧﺤﻜﻲ ﻣﻌﺎﻩ ﺻﻮﺭﺗﻮ ﺗﻤﺸﻲ ﻭ ﺗﻀﺒﺐ ﺑﻴﻦ ﻋﻴﻨﻴﺎ ... ﺣﻄﻴﺖ ﻳﺪﻱ ﻋﺎﻟﺤﻴﻂ ﻧﺮﺩ ﻓﺎﻟﻨﻔﺲ ... ﺍﻣﺎ ﺷﻲ ... ﺁﺧﺮ ﺷﻲ ﺷﻔﺘﻮﺍ ﻫﻮ ﻳﺪﻭ ﻛﻲ ﺗﺤﻄﺖ ﻋﻠﻰ ﻛﺘﻔﻲ ....
ﺃﻭﺱ ﻳﺤﻜﻲ ؛
ﺑﺎﻗﻲ ﻧﺨﻤﻢ ﻓﺤﻜﺎﻳﺔ ﺟﺎﺩ ..... ﻛﻴﻒ ﻭﺻﻞ ﻳﺮﺍﻗﺒﻬﺎ ﻳﻌﻨﻲ ... ﺣﻄﻬﺎ ﻓﺮﺍﺳﻮ ﺟﻤﻠﺔ ... ﺃﻣﺎ ﻟﻲ ﻧﻌﺮﻓﻮ ﺃﻧﻮ ﻛﺎﻥ ﻣﻮﺵ ﻫﻮﻧﻲ ﻣﻦ ﻟﻲ ﺟﻴﻨﺎ ﺣﻨﺎ ﻹﻳﻄﺎﻟﻴﺎ ﺣﺘﻰ ﺍﻟﺤﻔﻠﺔ ﻣﺤﻈﺮﻫﺎﺵ ﺧﺎﺗﺮ ﻛﺎﻥ ﻓﺒﺎﺭﻳﺲ .... ﻭﻛﺘﺎﺵ ﻟﺤﻖ ﻳﺸﻮﻓﻬﺎ ﻭ ﻳﺘﺒﻌﻬﺎ ﺯﺍﺩﺓ .. ﻓﺪﻳﺖ ﻋﻠﺨﺮ .... ﻣﺸﻴﺖ ﻟﻠﺒﺎﻟﻜﻮﻥ . ... ﺷﻌﻠﺖ ڨﺎﺭﻭ .... ﻭ ﺗﺨﻤﺎﻡ ﺍﻟﻜﻞ ﻓﺎﻫﺎ ... ﺭﺣﺖ ﻟﺒﻴﺘﻬﺎ ﻃﻠﻴﺖ ﻋﻼﻫﺎ ﻟﻘﻴﺘﻬﺎ ﺭﺍﻗﺪﺓ ... ﺟﻴﺖ ﺷﻨﺪﺧﻞ ﻣﺒﻌﺪ ﺣﺒﺴﺖ ... ﻗﻔﻠﺖ ﺍﻟﺒﺎﺏ ﻭ ﺧﺮﺟﺖ .... ﻧﻬﺎﺭ ﺑﺪﺍ ﻳﻄﻠﻊ .. ﻟﻴﻮﻡ ﻧﺘﺼﺮﻑ ﺑﺎﺵ ﻧﻔﻬﻢ ﺣﻜﺎﻳﺔ ﺟﺎﺩ .... ﺑﺎﻟﻌﺎﺩﺓ ﺍﺣﻨﺎ ﺻﺤﺎﺏ ﻭ ﺩﺍﻳﻤﻦ ﻳﻜﻠﻤﻨﻲ ... ﺣﺒﻴﺖ ﻧﺤﻄﻮ ﻓﻲ ﺟﻬﺔ ﺍﻟﺼﺤﺎﺏ ﺑﺎﺵ ﻧﻌﺮﻓﻮ ﻛﺜﺮ ... ﺧﺎﺗﺮ ﻫﻮ ﺃﻛﺜﺮ ﺣﺪ ﻏﺎﻣﺾ ﻓﺎﻫﻢ ﻭﻣﺘﻨﺠﻤﺶ ﺗﺘﻮﻗﻊ ﺷﻴﻌﻤﻞ ﻋﻠﻰ ﺧﺎﺗﺮ ﺷﻲ ﺣﻂ ﻋﻴﻨﻮ ﻋﻠﻴﻪ ... ﻫﺎﺫﺍ ﻟﻲ ﺍﻛﺘﺸﻔﺘﻮﺍ ﻭﻗﺖ ﻋﺎﺷﺮﺗﻮﺍ ... ﺑﺎﺵ ﻧﻨﺠﻢ ﻧﺪﻣﺮﻭﺍ ﺑﻤﻌﺮﻳﻔﺘﻲ ﻟﻴﻪ ... ﺍﻣﺎ ﺷﺒﻴﻪ ﺗﻮﺍ ﻣﺎ ﺑﻴﻦ ﺷﻲ .... ﻭ ﻭﺻﻞ ﻳﺤﻜﻲ ﻣﻌﺎﻫﺎ ﻟﻴﻮﻡ ﺗﺒﺎﻥ . .. ﻏﺰﺭﺕ ﻟﻠﺴﺎﻋﺔ ﻟﻘﻴﺘﻬﺎ 6:30 .... ﻟﺒﺴﺖ ﺩﺑﺶ ﺳﭙﻮﺭ .... ﻭﺧﺮﺟﺖ ﻧﻌﻤﻞ ﻓﻮﺗﻴﻨﻎ ﺧﻔﻴﻒ ﺧﺎﺗﺮ ﺟﺮﺡ ﻣﺰﺍﻝ ﺟﺪﻳﺪ ... ﻭﻗﺖ ﻭﻟﻴﺖ .. ﺩﺧﻠﺖ ﻟﻘﻴﺖ ﺍﻟﺪﺍﺭ ﻫﺎﺩﻳﺔ ... ﺟﺎ ﻓﺒﺎﻟﻲ ﻟﻲ ﻫﻲ ﻣﺰﺍﻝ ﺭﺍﻗﺪﺓ ... ﺟﻴﺖ ﺷﻨﻄﻠﻊ ... ﻏﺰﺭﺕ ﻟﻠﺒﺎﺏ ﻣﺘﺎﻉ ﺍﻟﺼﺎﻝ ﺩﻭ ﺳﭙﻮﺭ ﻣﺤﻠﻮﻝ ﺷﻄﺮ ... ﻣﺸﻴﺖ ﺩﻭﺏ ﻣﺎ ﺣﻠﻴﺖ ﺍﻟﺒﺎﺏ ﺭﻳﺘﻬﺎ ﻋﺎﻃﻴﺔ ﺑﺎﻟﻈﻬﺮ .... ﺗﺠﺮﻱ ﺑﺎﻟﻔﻴﺘﺎﺱ ﻋﻠﺨﺮ ﻓﻮﻕ ﺁﻟﺔ ﺍﻟﻤﺸﻲ ... ﻻﺑﺴﺔ ﺷﻮﺭﺕ ﻣﻜﺒﻮﺱ ﻋﻼﻫﺎ ﻣﻊ ﻣﺮﻳﻮﻝ ﻓﺎﻟﺮﻣﺎﺩﻱ ... ﺳﺮﺣﺖ ﻓﺎﻫﺎ ... ﺍﻣﺎ ﻓﻄﻨﺖ ﻭﻗﺖ ﺷﻔﺘﻬﺎ ﺯﺍﻳﺪﺓ ﻓﺎﻟﻔﻴﺘﺎﺱ ﻣﻮﺵ ﻧﻮﺭﻣﺎﻝ . ... ﺗﻲ ﻓﺎﻷﻭﻟﻤﺒﻴﺎﺩ ﻣﻴﺠﺮﻭﺵ ﺃﻛﺎ ... ﺭﺣﺖ ﻭﻗﻔﺘﻬﺎ ... ﺣﻜﺎﺕ ﻣﻌﺎﻳﺎ ﺑﺎﻟﺒﺮﻭﺩ ﻣﺘﺎﻉ ﺁﺁﻳﻨﺠﻞ ﻟﻲ ﻧﻔﺪ ﻣﻨﻮ .... ﺧﺮﺟﺖ ﻟﺤﻘﺘﻬﺎ ﺑﺎﻟﻮﻗﺖ ... ﺑﺎﺵ ﻧﻔﻬﻤﻬﺎ ﺗﺒﻌﺪ ﻋﻠﻰ ﺟﺎﺩ ﺗﻮﺍ ﺧﺎﺗﺮ ﻳﻠﺰﻡ ﻧﻌﺮﻑ ﻧﻴﺘﻮﺍ ﻗﺒﻞ ... ﺣﺒﺴﺖ ﻭﻗﺖ ﺩﺍﺧﺖ .... ﻧﻄﺮﺕ ﺣﻜﻤﺘﻬﺎ ... ﻏﺰﺭﺗﻬﺎ ﺑﻌﻴﺪﺓ ... ﻭ ﻭﺟﻬﻬﺎ ﺻﻔﺮ ... ﺣﻄﺖ ﻳﺪﻫﺎ ﻋﺎﻟﺤﻴﻂ .... ﻗﺪﻣﺖ ﻟﻴﻬﺎ ﺩﻭﺏ ﻣﺎ ﺣﻄﻴﺖ ﻳﺪﻱ ﻋﻠﻴﻬﺎ ﺩﺍﺧﺖ .... ﻫﻬﺰﻳﺘﻬﺎ ﻓﺤﻤﻠﺘﻲ ﻭﻃﻠﻌﺘﻬﺎ ﻟﻠﺒﻴﺖ ﻣﺘﺎﻋﻲ ﺑﺎﻗﻲ ﻧﺪﻳﺮﻟﻬﺎ ﻓﺎﻟﺒﺎﺭﻓﺎﻥ ﺷﻲ ... ﺭﺍﺳﻲ ﺑﺎﺵ ﻳﺘﺤﺮﻕ ﻫﺰﻳﺖ ﺗﻴﻠﻴﻔﻮﻥ ﻭ ﻛﻠﻤﺖ ﻋﺸﻴﺮﻱ ﻭﺯﻣﻴﻠﻲ ﻓﺎﻟﻤﺨﺎﺑﺮﺍﺕ ﻛﻴﻢ ... ﻧﻌﺮﻑ ﻟﻲ ﻫﻮ ﻫﻮﻧﻲ ﻓﻤﻴﻼﻧﻮ ... ﻭ ﻣﻴﻄﻮﻟﺶ
___________________________
# ﻳﺴﺮﻯ _ ﺃﻣﺠﻮﺝ
# ﺧﻄﻮﺓ _ ﻧﺤﻮ _ ﺍﻟﺠﺤﻴﻢ