ﺍﻟﺤﻠﻘﺔ : 59
- ﻣﺪﻣﻮﺯﺍﻝ ﻣﻔﻤﺎﺵ ﻃﺒﻴﺐ ﻫﻮﻧﻲ ﺑﺎﺳﻢ ﻣﺤﻤﺪ ﺍﻝ ****** ﺑﺎﺯ ﺗﻜﻮﻥ ﻏﺎﻟﻄﺔ ﻓﺎﻟﻜﻠﻴﻨﻴﻚ
ﺍﻟﻴﻒ؛ ﻻ ﻣﺘﺄﻛﺪﺓ ﻫﻮﻧﻲ
ﻃﻠﻌﺖ ﻟﺒﻴﺮﻭﻩ .... ﻧﺠﺮﻱ ﺩﻭﺏ ﻣﺎ ﻭﺻﻠﺖ ﻫﺪﻳﺖ ﻋﺎﻟﺒﻴﺮﻭ ... ﺭﻳﺖ ﻃﺒﻴﺐ ڨﺤﺮﻟﻲ ... ﺧﺮﺟﺖ ﻛﻴﻒ ﺍﻟﻤﻬﺒﻮﻟﺔ ... ﻫﺒﻄﺖ ﻋﻨﺪ ﻣﺘﺎﻉ ﺍﻟﺮﻳﺴﺒﺴﻴﻮﻥ ﻧﺤﺎﻭﻝ ﻓﺎﻫﺎ ... ﺑﺴﻴﻒ ﻣﺎ ﻧﺠﻤﺖ ﻧﻘﻨﻌﻬﺎ .... ﺭﻳﺖ ﺍﻟﺪﻭﺳﻴﺎﺕ ﺍﻟﻜﻞ ... ﻭ ﺍﻟﻔﻮﻃﻮﺍﺕ ﻣﺘﺎﻉ ﺍﻟﻄﺒﺎ ﺍﻟﻜﻞ ... ﻣﻔﻤﺎﺵ ﻳﺪﻳﺎ ﺭﺟﻔﻮﺍ ﺑﺎﻟﻮﻗﺖ ... ﻣﻔﻤﺎﺵ ﺍﺳﻤﻮﺍ ﻣﻔﻤﺎﺵ ﺻﻮﺭﺗﻮ ... ﺣﺘﻰ ﻣﻦ ﺍﻟﺪﻭﺳﻲ ﻣﺘﺎﻋﻲ ﻛﻤﺮﻳﻀﺔ ﻣﻔﻤﺎﺵ ... ﻛﻠﺶ ﻛﺎﻥ ﻛﻴﻒ ﺍﻟﺤﻠﻤﺔ ... ﺩﺧﻠﺖ ﻟﻠﻔﻴﺴﺒﻮﻙ .. ﻣﻔﻤﺎﺵ ﺍﻟﻜﻮﻧﻂ ﻣﺘﺎﻋﻮﺍ ... ﺣﺘﻰ ﻣﻦ ﻣﻴﺴﺎﺟﺎﺗﻨﺎ ﻣﻔﻤﺎﺵ ... ﻫﺰﻳﺖ ﺍﻟﻨﻮﻣﺮﻭ ﻃﻠﺒﺘﻮﺍ ﻣﺮﺓ ﻭ ﺯﻭﺯ ﻭ ﻛﺜﺮ ﺍﻣﺎ ﻓﻲ ﻛﻞ ﻣﺮﺓ ﻧﺴﻤﻊ ﻧﻔﺲ ﺍﻟﻬﺪﺭﺓ ... ﻋﻔﻮﺍ ﺍﻟﺮﻗﻢ ﺍﻟﺬﻱ ﺗﻄﻠﺒﻪ ﻏﻴﺮ ﻣﻮﺟﻮﺩ .... ﻣﻨﺠﻤﺖ ﻧﺴﺘﻮﻋﺐ ﺣﺘﻰ ﺷﻲ . .. ﻛﺎﻧﻲ ﻣﻜﻨﺘﺶ ﻋﺎﻳﺸﺔ ﻫﻮﻧﻲ ... ﺣﻄﻴﺖ ﻳﺪﻱ ﻋﻠﻰ ﺟﺒﻬﺘﻲ ... ﻭﻣﺎ ﻋﺎﺩ ﺣﺴﻴﺖ ﺑﺸﻲ ....
ﻓﻘﺖ ﻭﺭﺍﻫﺎ .... ﺿﺮﺏ ﺿﻮ ﻗﺎﻭﻱ ﻓﻌﻴﻨﻲ .... ﻏﺰﺭﺕ ﻟﻠﺒﻴﺖ ﻣﺘﺎﻉ ﺍﻟﻜﻠﻴﻨﻴﻚ ... ﺗﻠﻔﺘﺖ ﻟﻠﺴﻴﺮﻭﻡ ﻟﻲ ﻓﻴﺪﻱ ... ﺗﺬﻛﺮﺕ ﻓﺮﺍﺳﻲ ﻛﻠﺸﻲ ﺻﺮﺍ ... ﻧﺤﻴﺖ ﺍﻟﺴﻴﺮﻭﻡ ﻭ ﻗﻤﺖ ﻛﺴﺮﺕ ﻛﻠﺶ ﺟﺎ ﻋﻠﻰ ﻳﺪﻱ ... ﻓﺎﻛﺎ ﺍﻟﻠﺤﻈﺔ ﺗﻤﻨﻴﺖ ﺍﻧﻲ ﻣﻮﻟﻴﺘﺶ ﻣﻦ ﺍﻳﻄﺎﻟﻴﺎ ... ﻫﺰﻳﺖ ﻳﺪﻱ ﺿﺮﺑﺖ ﺍﻟﺒﻼﺭ ﻣﺘﺎﻉ ﺍﻟﺘﺎﻗﺔ ﻣﺘﺎﻉ ﺍﻟﺒﻴﺖ .... ﻳﺪﻳﺎ ﺗﺠﺮﺣﻮﺍ ﺑﻜﻠﻬﻢ ... ﺩﺧﻠﻮﺍ ﺍﻟﻔﺮﻣﻠﻴﺎﺕ ﻭ ﺍﻟﻄﺒﻴﺐ ﺑﺎﻟﻮﻗﺖ .. ﺣﻜﻤﻮﻧﻲ ﻣﻦ ﻛﺘﺎﻓﻲ ﻭ ﻳﺪﻳﺎ ﺑﺎﻗﻲ ﻧﻔﺎﺭﻉ ﻓﻴﻬﻢ .... ﻟﻴﻦ ﺭﺷﻘﻮﻟﻲ ﺍﺑﺮﺓ ﻣﻬﺪﺋﺔ .... ﻓﺎﺗﻮﺍ ﺍﻳﺎﻡ ﺭﻳﺖ ﺭﻭﺣﻲ ﻓﺒﻴﺖ ﻭﺣﺪﺓ ﻣﻌﺰﻭﻟﺔ ... ﺧﺎﺗﺮ ﻭﻗﺖ ﺳﻴﺒﻮﻧﻲ ﻛﻨﺖ ﺑﺎﺵ ﻧﻘﺘﻞ ﺭﻭﺣﻲ ﺯﺍﺩﺓ ... ﻭ ﺗﺼﻨﻔﺖ ﻣﺮﻳﻀﺔ ﻧﻔﺴﻴﺔ ﻣﻦ ﺍﻟﺪﺭﺟﺔ ﺍﻷﻭﻟﻰ ... ﻟﻲ ﻫﻲ ﺃﺧﻄﺮ ﺩﺭﺟﺔ .... ﻛﺎﻥ ﺷﻬﺮ ﻛﻴﻒ ﺍﻟﻜﺎﺑﻮﺱ ... ﺍﻣﺎ ﻧﺠﻤﺖ ﻧﺘﻌﺎﻣﻞ ﻣﻊ ﺍﻟﻌﻼﺝ ﻟﻲ ﻣﺪﻫﻮﻟﻲ ﻃﺒﻴﺐ ﻛﺒﻴﺮ ﻓﻠﻌﻤﺮ ... ﻛﺎﻥ ﻳﻨﺼﺤﻨﻲ ﻛﻴﻒ ﺑﻨﺘﻮ ... ﻧﺠﻤﺖ ﻧﻘﻮﻡ ﻣﻦ ﺣﺎﻟﺘﻲ ﻭ ﻧﺨﺮﺝ ﻣﻦ ﺍﻛﺎ ﺍﻟﺒﻴﺖ ﻟﻲ ﻣﻨﻬﺎ ﺑﺪﺍﺕ ﺍﻟﺤﻴﺎﺓ ... ﻣﺘﺎﻉ ﺍﻟﻴﻒ ... ﺑﻘﻴﺖ ﻧﺮﻭﺡ ﺯﻳﺎﺭﺍﺕ ﻟﻠﻄﺒﻴﺐ .... ﺣﺘﻰ ﺗﺨﻠﻴﺖ ﻋﺎﻟﺪﻭﺍ ... ﺍﻣﺎ ﻫﺎﺫ ﺍﻟﺪﻭﺍ ﻧﺼﺤﻨﻲ ﻧﺘﺨﻠﻰ ﻋﻠﻴﻪ ... ﺍﻣﺎ ﻣﻨﺠﻤﺘﺶ ﺧﺎﺗﺮ ﺗﻮﺻﻞ ﻣﺮﺣﻠﺔ ﻭﻳﻦ ﻧﺘﻮﺟﻊ ..... . ﺍﻣﺎ ﻧﺤﺐ ﻧﺒﺪﺍ ﻋﺎﺩﻱ ﻭ ﻗﻮﻳﺔ ... ﻭ ﻣﻨﺤﺐ ﺣﺘﻰ ﺩﻣﻌﺔ ﺗﻨﺰﻝ ﻣﻨﻲ ... ﻫﻜﺎ ﻧﺤﺲ ﺭﻭﺣﻲ ﻣﻮﺵ ﺿﻐﻴﻔﺔ ... ﺗﻨﺠﻢ ﺗﻘﻮﻝ ﻟﻲ ﻭﺟﻴﻌﺘﻲ ﻧﺤﻴﻬﺎ ﺑﺎﻟﺪﻭﺍ ﺧﺎﺗﺮﻭﺍ ﻳﻬﺪﻳﻨﻲ ... ﻧﻈﻦ ﻫﺎﺫﻱ ﺍﻟﺤﻠﻘﺔ ﺍﻟﻤﻔﻘﻮﺩﺓ .... ﻓﻜﻞ ﺍﻟﻤﻌﻠﻮﻣﺎﺕ ﻟﻲ ﺟﻤﻌﺘﻬﺎ ﻋﻠﻴﺎ ﺍﻧﺘﺎ .... ﺧﺎﺗﺮﻧﻲ ﻛﻨﺖ ﺑﻮﻟﻴﺴﻴﺔ ... ﻭﺻﻴﺖ ﻳﻜﻮﻥ ﺍﻟﺪﻭﺳﻲ ﻣﺘﺎﻋﻲ ﺳﺮﻱ ً .... ﻭﺍﺫﺍﻛﺎ ﻟﻲ ﻛﺎﻥ .... ﺗﻮﺍ ﻫﺎﻙ ﺗﻌﺮﻑ ﻛﻠﺶ ﻋﻠﻰ ﺍﻟﻴﻒ ﻣﻦ ﻏﻴﺮ ﺯﻳﺎﺩﺓ ... ﻭﻻ ﻧﻘﺼﺎﻥ ... ﻭ ﺑﺠﺎﻧﺒﻬﺎ ﺍﻟﺨﺎﻳﺐ ﺯﺍﺩﺓ ... ﺗﻨﺠﻢ ﺗﻜﻤﻞ ﻣﻌﺎﻫﺎ ﻟﻠﺘﺎﻟﻲ ...
# ﺃﻭﺱ :
ﺑﻘﻴﺖ ﻣﺮﻛﺰ ﻣﻌﺎﻫﺎ .... ﻗﺪ ﻣﺎ ﻧﺠﻤﺖ ﻧﺤﻂ ﺗﻮﻗﻌﺎﺕ ... ﻣﺠﺎﺵ ﻓﺒﺎﻟﻲ ﺗﻜﻮﻥ ﺍﻛﺎ ﺣﻴﺎﺗﻬﺎ ﻣﻦ ﻗﺒﻞ ... ﺗﺤﻜﻲ ﻭ ﺗﻬﺰ ﻓﻴﺪﻫﺎ ﺗﻤﺴﺢ ﻓﺪﻣﻮﻋﻬﺎ ... ﺗﻐﺰﺭ ﻟﻠﺒﻌﻴﺪ . ... ﻭ ﺗﺤﻜﻲ ﺑﻮﺟﻴﻌﺔ ﻛﺒﻴﺮﺓ ﺑﺮﺷﺎ ... ﺩﻭﺏ ﻣﺎ ﻛﻤﻠﺖ ... ﻏﺰﺭﺗﻠﻲ ﻭ ﺳﻘﺴﺎﺍﺗﻨﻲ ﺍﻛﺎ ﺍﻟﺴﺆﺍﻝ .... ﺟﺒﺪﺗﻬﺎ ﻟﻌﻨﺪﻱ ﺟﺎﺕ ﻓﺤﻤﻠﺘﻲ ﺗﺒﻜﻲ .... ﺗﻌﺪﺍ ﻭﻗﺖ ... ﺑﺎﻗﻲ ﺳﺎﻛﺖ .... ﻧﻔﺴﻬﺎ ﻫﺪﺍ ... ﺟﺒﺪﺗﻬﺎ ﻣﻦ ﺣﻤﻠﺘﻲ ﺷﻮﻱ ... ﻋﻴﻨﻴﻬﺎ ﺣﻤﺮ ﻭ ﻣﻨﻔﻮﺧﻴﻦ ... ﻫﺰﻳﺘﻠﻬﺎ ﺩﻗﻨﻮﻧﺘﻬﺎ ﺑﺎﻗﻲ ﺭﺍﺳﻬﺎ ﻟﻠﺘﺤﺖ ... ﺑﺴﺘﻬﺎ ﺯﻭﺯ ﺑﻮﺳﺎﺕ ﻋﻠﻰ ﻋﻴﻨﻴﻬﺎ ...... ﻋﺪﻳﺖ ﻳﺪﻱ ﻣﺴﺤﺖ ﺩﻣﻮﻋﻬﺎ ﻟﻲ ﻋﻠﻰ ﺧﺪﻫﺎ ...
ﺃﻭﺱ؛ ﺍﻟﻴﻒ ﺍﻏﺰﺭﻟﻲ ﻋﻴﺶ ﺣﺒﻲ
ﻫﺰﺕ ﺭﺍﺳﻬﺎ ﺗﻐﺰﺭﻟﻲ ﻧﺪﺭﺍ ﻛﻴﻒ ...
- ﺍﻟﻴﻒ ﺃﻧﺎ ﺣﺒﻴﺘﻚ ﺗﻮﺍ ﻭﻻ ﻣﺒﻌﺪ .... ﻛﻨﺖ ﺑﺎﺵ ﻧﺤﺒﻚ ﺣﺘﻰ ﻛﺎﻥ ﻋﺮﻓﺖ ﺑﺎﻟﺸﻲ ﻟﻲ ﻛﻨﺖ ﺗﺤﻜﻲ ﻓﻴﻪ ... ﺧﺎﺗﺮﻧﻲ ﺣﺒﻴﺘﻚ ﺑﻜﻠﺸﻲ ﻓﻴﻚ . ... ﻭ ﺣﺘﻰ ﺑﻌﻴﻮﺑﻚ ... ﻭ ﻣﻦ ﺍﻟﻴﻮﻡ ﻣﻮﺵ ﺑﺎﺵ ﻧﺨﻠﻴﻚ ﺗﺘﻮﺟﻊ .... ﺧﺎﺗﺮ ﺑﺎﺵ ﺗﻌﻴﺶ ﻣﻊ ﺃﻭﺱ ... ﻣﺘﺤﺘﺎﺟﺶ ﺍﻛﺎ ﺍﻟﺪﻭﺍ ... ﻭ ﻛﺎﻥ ﺗﻐﺸﺸﺖ ﺍﻳﺠﺎ ﻭ ﻓﺮﻍ ﻏﺸﻚ ﻓﻴﺎ ... ﻭﺍﺟﻬﻨﻲ ﺍﻣﺎ ﻣﺘﺸﺮﺑﺶ ﺩﻭﺍ ﺑﺎﻫﻲ
ﻫﺰﺗﻠﻲ ﺑﺮﺍﺳﻬﺎ ﺑﺎﻫﻲ ... ﻗﺪﻣﺖ ﺑﺴﺘﻬﺎ ﺑﻮﺳﺔ ﻣﺮﺻﻮﺻﺔ ﻋﻠﻰ ﺟﺒﻬﺘﻬﺎ ... ﺗﻌﺪﺍ ﺷﻮﻱ ﻭﻗﺖ ... ﻭ ﺩﺧﻠﻨﺎ .... ﻧﺸﻔﺘﻠﻬﺎ ﺷﻌﺮﻫﺎ ... ﻭ ﺩﺧﻠﺖ ﻟﻠﺒﻴﺖ ﺗﺒﺪﻝ ﺩﺑﺸﻬﺎ ﻭ ﺃﻧﺎ ﺯﺍﺩﺓ .
___________
# ﺧﻄﻮﺓ _ ﻧﺤﻮ _ ﺍﻟﺠﺤﻴﻢ
# ﻳﺴﺮﻯ _ ﺃﻣﺠﻮﺝ
ВИ ЧИТАЄТЕ
خطوة نحو الجحيم 2 (باللهجة التونسية )
Боєвикиاكـــــــــــــسترا من الجزء الثاني 🔥🔊🔉🔉 : -شنوة قطوس في بالك لي باش تنجم تطيحني كيف ما عملت معاهم -سيييييبننني -هههههه لا عاد منتفاهموش اكا ....انتي ليلة باش تكون عروستي -في أحلامك مؤيد -اممم باش نحكو في شي مهم توا توا نزار جاد وائل مراد...
