الظليمه..... ليلان حكمت...
جريئه.... حقيقيه.... شكر خاص لمصممة الغلاف طائر الغربه
الجزء التاسع.......
قابلت الرئيس وسولفتله كل سالفتي من الالف للباء وشلون
بلغت على زوجي وصاحبه سلوم....ماكنت اكدر ارفع عيني واخليها بعينه الخوف يذبح
والقلق والتوتر......بس حسيت هو تعاطف وياي خصوصا من حچيتله على
مصادرة البيت واني واطفالي ماعدنه مكان نعيش
بي...وكلهم قصر اكبر وحده بدور عمرها 12 سنه وازغرهم
حنان عمرها اشهر......فتح الفايل مالتي وكتب وهو يكتب كلي ابشري
بابا ما ارجعج والدمعه بعينج....هذا كتاب ايقاف مصادرة البيت ويتحول باسمج
وكتاب اخر للرعايه يسولج راتب تعيلين بي
نفسج واطفالج......من الفرحه ردت اروح احضنه بس خفت ابتسم وگلي
تهون لتخافين بابا.......دك الجرس اجه ولد اخذني طلعني من المكتب مالت
الرئيس...
طلعت من القصور صار الليل اخذت تكسي وبوجهي على امي
الي چانت منتظرتني ووجه ينطي الوان....من شافتني بوجهه الف سؤال وسؤال
وين رحتي ليش تاخرتي توقعنا بعد مترجعين وغيرها من الاسئله الي دوختني بيها.....گتلها انطيني مجال خلي اكعد وارتاح واسولفلج....
لعبت الحظ هالمره وياي والاهداف بمرماي يعني
لازم اصير اكثر ذكاء والعب اللعبه صح....
سولفت لامي كلشي وشلون كانت المقابلهوشصار بيها وراويتها كتاب منه لدائرة الطابو
يرجع البيت ويتحول باسمي.....اخذت جهالي ورحت على بيتي والصبح دزيت
نور وبدور وسلوان وبسمان للمدرسه...وحنان اخذتها بحضني لدائرة الطابو وبدت فرت اعفاء البيت
من المصادره وتحويله باسمي ومن اخلص من الطابو
اروح للرعايه الاجتماعيه علمود اكمل معاملة الراتباربع شهور من دائره لدائره ومن مدير لمدير
كملت المعاملات وتحول البيت باسمي وطلع الراتبذبحت ذبيحه لوجه الله ووزعتها للجوارين واخذت الجهال
ورحت لابو الجوادين لان كنت مطلوبه نذر.....وصرت افكر شلون ادور على شغل حتى استفاد لان راتب
الرعايه وحده ميكفي وخصوصا صار حصار والوضع مو هلكداخذ الجهال واروح للمدرسه ارجع افكر واني شايله
حنونه شنو الشغله الي اسويها وما اخسر واستفادانتبهت على منطقتنا مال ناس كبار ومابيها محلات
يعني اذا فتحت محل راح استفاد ومابي خسارهواني امشي دخلت بفرعنا شفت وحده ادك بالباب
استغربت منو هاي وشتريد...انتبهت هاي اخت خالد مكيه ردت اتنگ عليها بس
بعدين گلت خلي اشوفها شتريد....
أنت تقرأ
الظليمه
Short Storyقصة فتاة تغتال طفولتها وتتعرض للظلم من اهلها لتعيش حياتها في جحيم وتدفع ثمن شيئ لم تقترفه يداها...عانت وتألمت وتحملت العنف والظلم والغدر والذل... لكنها لم تستسلم لمصيرها.... ليلان حكمت...