الظليمه

ثالث

الظليمه....... شكر خالص لمصممة الغلاف طائر الغربه...

الجزء الثالث....ليلان حكمت.... حقيقيه //جريئه//...

اقتربت من بيتنا مسافة خطوات بسيطه...
ماحسيت الا الدنيا صارت الدنيا ظلمه وايد لزمت ايديه
وايد ثانيه تخلت على حلگي لان بديت اصرخ....

بعدها اخذوني جر واني احاول اخلص روحي منهم
ماگدرت بقيت بس الهث وخايفه...

صعدوني بسياره وسمعت واحد يحجي يگول يلا بسرعه
قبل ميشوفنه احد

حسيت واحد گعد بصفي وخله ايده على ظهري ويلعب بشعري... ويلعب بايده على ظهري..

بقيت انتفض اريد اخلص نفسي منه جان يضحك هو
وصاح عليه اسكتي ولا نفس لا اخنكچ هسه...

شعل  جگاره ودخن والسياره تمشي بينا مسافه طويله
الخوف موتني منو ذوله شيردون مني شمسويتلهم اني
ياربي خلصني منهم...

فجأه توقفت السياره ونزل واحد ونزل الثاني وراه
وجروني نزلوني من السياره واخذوني
دخلوني لمكان مثل البيت المهجور..

لان ريحة الرطوبه كانت مسيطره ع المكان مشيت خطوات واحد دفعني وگعت ع الگاع...

على بطني اجه واحد عدل نومتي وجرني من ايديه
رفعهم ليفوگ ربطهم واني اهز بجسمي احاول اخلص نفسي
بس محاولات فاشله...

نزل ايده على رجليه وحاول يرفع صدريتي بس الثاني صاح بي عوفها بعدين مو هسه...

سمعت خطوات رجليهم وهمه طالعين وقفلوا الباب وراهم
المكان هادئ والافكار سوداويه ما اعرف بشنو افكر
طفله ما اعرف اتصرف وشلون اخلص نفسي منهم

فجأه تذكرت كلام ام جليل وتذكرت من گالت منتظرج
مصير اسود ياربي شلون ساعدني بچيت وحاولت اصرخ
ميطلع مني صوت تاهت الدنيا بيه....

بقيت ابجي لحد ما نعست وبديت اغفى واني اناجي
ربي ساعدني مروتك ساعدني سبب لي سبب
وفرج اسري وهمي..

لكن فجأه بين ما اني نايمه وبين ماصاحيه سمعت صوت
الباب انفتحت ودخل واحد للغرفه ووخر
الكيس الي مخلي على راسي فتحت عيوني حتى اشوف منو هذا...

انصدمت وانذهلت فتحت عيوني بكبرهم من شفته
معقوله وصلت بي الجرأه هيچ يخطفني...
صحت بس ميطلع الصوت....
بديت اصرخ وانتفض حتى يحس ويوخر الوصله عن حلگي

لكن ما اهتم شعل جگاره ودخن وكعد على كرسي مقابيلي
التفت بالغرفه افتش اريد اشوف اي شي يساعدني
ماكو كولشي ماكو بس الفراغ والتراب والرطوبه...

بجيت وهو يباوع عليه گلي لتبچين وتعيطين
كولشي ميفيدج هنا ماكو ناس بس الفراغ
لا احد يساعدج ولا احد يخلصچ....

احسن الج تسكتين وتهدأين وتسمعين الكلام
افتهمتي....
بقيت ابچي وادعي بگلبي بلكي اخلص منه بلكي الله
يخلصني مني...