الظليمه

سابع

الظليمه.... حقيقيه... جريئه.... شكر خاص لمصممة الغلاف
طائر الغربه

الجزء السابع....... ليلان حكمت...

اعتذر عن التاخير بسبب الضغط والقلب ومشاكلهم
وضعي الصحي شويه تعبان اعتذر......

زحفت وسندت روحي بروحي ورحت للحمام اسبح
ابجي وافرفح والطم واعاتب ربي

ليش اني هيج يصير بيه... ليش من دون الناس
اتعذب ليش ياربي تقبلي هالعذاب
اني ماجنيت شي... ولا سويت شي بحياتي....

لحد ما طحت على ارضية الحمام تعبانه منهكه
موجوعه من قدري المؤلم

حاولت ارفع نفسي حتى اكوم ما گدرت....
رفعت راسي شفت ع الحايط عنكبوت

يتصارع مع حشره يريد يقتلها لكن هي
ادافع عن نفسها بقوه...

بقيت منتبهه لاحظتها تحتال عليه حتى تخلص نفسها
وبالفعل خلصت منه وحاولت تبتعد....

مسكها ورجعت تتحايل عليه وتتفارس وياه لحد ما خلصت
نفسها..... حاولت تمشي رجع مسكها...

انشد انتباهي الهم هو يلزمها وهي تخلص نفسها منه
مرتين والثالثه قاومت بشراسه لحد ما خلصت منه

وابتعدت بعيد عنه.....

ضحكت على نفسي حشره گدرت تخلص نفسها من عدو مفترس الله الهمه الشجاعه والحيله وهي ماتملك عقل

واني بكامل عقلي ما اكدر اخلص نفسي...
بقيت افكر وصافنه على وضعي...

شلون راح اتصرف بوضعي الجديد وشلون راح اگدر
اشوف سلوم يدخل البيت مره ثانيه...

لاااااا مو اني الي اسكت... لازم انتقم من سلوم وخالد
مثل ما اتغدوا بيه لازم اتعشى بيهم....

كملت سبح ورحت اطمأنيت ع الجهال ورجعت الغرفتي
نمت كعدت الصبح على صوت الباب....

اتوقعته سلوم.... بس خالد من فتح الباب طلعوا امي واختي
سلمت على خالد وبعد ما طلع امي انتبهت

على رجلي مجروحه... طمانتها ماكو شي اني بخير
اتغدت يمي وهي واختي وكلما
تسولف سالفه جاوبي هو اي اي صح..

سألتني شبيج مدولغه گوتلها ماكو شي يمكن من الجرح لان نزفت هواي.....
امي راحت واني فكري مشغول بسلوم وخالد
وشنو الطريقه الي راح انتقم بيها...

رجع خالد من الدوام سالته شو سلوم ماكو.... گلي مريض
متسمم....

هههه ضحكت سلوم مريض معقوله....

يوم يومين تلاثه اسبوع ما شفت سلوم تلث اسابيع  وسلوم
ماكو لا حس ولا خبر.....

فقط مرات اسمع بي يجي للباب ويروح ميدخل...
استغربت معقوله تأنيب الضمير.... لو ندم على تصرفه
لو خايف..... ما اعرف....