لما وصلنة لبيت خوالي لطيف كلي نزلي دكي الباب علما اصفط السيارة.. نزلت بسرعة من شدة حماسي مشتاقة اشوف بيبي دكيت الباب
وتفاجئت طلعلي الشخص الخرب حماسي
اخر شخص اتمنة اشوفة ضليت مصدومة
طارق..... هلا ابنت عمتي عاش من شافچ مشتاقيلچ
ليان.... لا رد
طارق... شبيچ ساكتة غردي سمعينة صوتچ
ليان... لا رد
طارق ... شبيچ صافنة بوجهي لهالدرجة مشتاقتلي اهو بيت خوالچ مو بعيد تكدرين تجين تشوفيني بأي وقت
ليان.. خرجت عن صمتهة وكالت
..... الضاهر الكف (الراجدي) الكليتة مني قبل سنتين ماكفاك تحتاجلك غيرة بلكي يصحيك
طارق... ياريت تسوين فضل من ايدچ على خدي عسل ياريت كل يوم احصلي هيچ طراگ يريح مزاچ
لطيف.... طاررررررررق
ليان... فزيت على صوت لطيف كان معصب والشرار، يطاير، من عيونى كان يريد يحرك بعيونة
خفت ركضت وكفت ورى لطيف لذت بسدة وكتلة
..... لللطيف والله هوة تحرش بية ماخلاني افوت للبيت وكف بالباب ويسمعني حچي سخيف مثله ..... احججي واباوع الطارق يابس بمكانة لأن كلش، يخاف من لطيف
كان كلما يتعرضلي يكسرة من الضرب وينيمة مستشفى
لطيف ...، وخر عن الباب لا امسح بيك الكاع هسة احتراما لبيت خوالي راح اعديهة بمزاجي
بس ماراح انساها وحسابك بعدين
ليان.
وخر طارق عن الباب بدون ان ينطق بحرف كان يتراجف من الخوف دخيل الله شكد چبان بس كدامي يبيع مراجل
ودخلنة انة ولطيف لبيت خوالي
لكينة الكل گاعدين بالهول سلمنة انة رحت اركض لبيبيتي حضنتهة هواي مشتاقتلهة وهي ماحضرت حفلة خطوبتي لأن كانت مريضة حضرن بس خالاتي
عندي خالتين والثالثة متوفية
الخالة الكبيرة اسمهة لميعة ومزوجة بالعمارة وبالخوات امي هية الثانية وتجي وراها خالتي سلوى مزوجة يمنا ابغداد بس بغير، منطقة ....
وخالتي الزغيرة متوفية من كانت زغيرة كان عدهة سكر، مزمن من الولادة وتوفت بعمر ٥ سنوات واسمها هدى الله يرحمها
وعندي خوال ثنين الكبير، اسمة خالد مزوج وعندة بنات ثنين
الي هنة نرجس ومريم واولاد ثلاثة الكبير سامي يدرس بالخارج هندسة معمارية والثاني، طارق المكروه يدرس صارلة هاي ثالث سنة بالثالث والسنة امتحن لو ينجح لو يرسب دخلنة انة وياه للمدرسة المتوسطة سوة وهسة اتة رحت للسادس وهوة معلك بالثالث كله لنة كسول، ومهمل وعديم مسؤلية وانشالله بعد مااخلص من تعداد خوالي راح اسولفلكم قصتي وية طارق
والثالث اسمة احمد على اسم خالي الثاني بعدة بالسادس ابتدائي وبالنسبة البنات خالي الي سبق ذكرت اسمائهن نرجس بمثل عمري وهية توئم طارق والثانية مريم بالثالث ابتدائي وهية زغيرة العائلة واخر العنقود بالنسبة النرجس بت خالي كلش حبابة وانة وياها صديقات بس طارق جبرها تترك الدراسة يكول ماعدنة بنت تكمل بمدرسة مختلطة ورغم عنهة تركت الدراسة
YOU ARE READING
عشقني فجرحته
Romanceقصة بنت طعنت في ضهرها من اقرب الناس لها حتى وصلت الى الجنون وشاء القدر ان تلتقي بمن هوة صادق في الحب هل، يستطيع تغيرها واعادتها لمسار حياتهة الطبيعي مع هذه القصة اتمنى لكم متابعة ممتعة
