#فجرة ❤ (قصة واقعية)
كتابة : ⚘ندى أحمد ⚘#ملاحظة: تنزيل الاجزاء حيكون مع الساعة 12:00 ظهرا (واسفة على التأخير)
في الجزء السابق : -
فجرة وقفت تغمرت بنت عمها : باهي هههه فرحتيني ( ودمعت عينها ) قصدك بتمشي وبتسيبيني ؟
اسراء : حيي تبكي فجرة ؟( تاترت) حي عليا فجرة ما نبيش نتزوج امالا ..
فجرة مسحت دموعها وضحكت : دموع فرح ربي يتمملك على خير ، غر تعودت عليك ومونستيني ،
اسراء : عارفة امي وبوي دراهات ، مش حنخليهم يزعلوك لا انتي ولا خوتك .. اصلا كل ديما كان سخر ربي بنجيكمالجزء الرابع : -
فجرة : ان شاء الله ماتخمميش فينا اهم شي توا يتحقق اللي في بالك وتتزوجي اللي تبيه ،
اسراء شدت على ايد فجرة : ربي يبعتلك ولد الحلال يا بنت عمي ،
فاتت أيام وداروا فضانية وحددوا بيان إسراءإسراء : نبي فجرة تمشي معاي ،
ميادة : العفو انا امك بتاخدي قفطان البيان !! كيف ما نطلعش معاك ؟
اسراء : ماما بالله عليك ضحي بالمشي نبي نطلع فجرة معاي مسكينة ديما مكبوتة وحاصلة في المسؤوليات خلي تفرهد
سكتت ميادة وواطت عيونها : .....
اسراء : اهو شوق ما جاي من طلعات بنبتت اطلعي معاي ، حرام ماما حتى الصغار مع من بيقعدوا
ميادة : الصغااار .. أنا كان نبي الصغار راهو زدت علي راسك خوت ، ..
اسراء : باهي وراس الغالية ( وجت بوست راس امها ، ) اليوم بس !!ميادة : اليووم بس مش ديما .. لكن والله قبل نبي نطلع نوازيلك قفطان البيان ، لكن يلا ... !
اسراء : هي ماشي امالا بنمشي نكلم فجرة !
مشت اسراء تجري
ميادة تتكلم من بعيد بصوت عالي ( ما تعطلوش )
ميادة في داخلها : ريتي يا ميادة ماشية تجري ولا عدلت عليك
*****
الباب : طق طق طق !
فجرة : خشي !
اسراء خشت : فجرة وتي روحك بنطلعوا ناخدوا قفطان البيان !
فجرة : ماهو خوتي !!
اسراء : كلمت امي قلتلها خليهم معاك ، غر هيا فيسع نوضي !
فجرة : باهي ..
وبدلت فجرة واسراء ..
فجرة : كملوا واجباتكم واحفظوا ، خليكم هني في الدار كان تبوا حاجة من المطبخ كلموا مرت عمو وارجعوا ..
زهرة : ارفعيني معاكم !
فجرة : حبيبتي اكتبي واجبك بش نجيبلك شكلاته ! .. حتى انت حمودة باهي ؟ عليوة رد بالك على خوتك ( وطلعت )اسراء : هيا فجرة بوي مستعجل ،
فجرة : اهو جيت ..وركبوا السيارة
عبد الله : عااااام ، من بكري نستنى ..
اسراء : اهو ركبنا بوي.. شن صار عاد هههه بنتك فرحانة ما تنكدش عليها ..
فجرة مبتسمة : ...
نزلوا للمحلات وهما يوازوا ويساوموا ..
لقت اسراء قفطان وخداته ،
فجرة : شن مزال توا الصندلي ؟
اسراء : اي .. اسمعي خلي نخشوا للمحل هذا
فجرة : ملابس اطفال هذا ..بتاخدي لصغارك من توا ؟
اسراء : اي عندي ثلاثة صغار حاشا عيونك ..
وبدت توازي وتاخد ..
اسراء : زهرة كم مقاسها ؟
فجرة : شن اديري ؟
اسراء : اسكتي انتي ما دخلكش .. قوليلي مقاسها ..
فجرة : مقاسها حاير ، ديما
اسراء : اهيا البدلة شن رايك فيها نحس فيها بالضبط تجيها ..
*وخدت للولاد الزوز ، ... وطلعوا ،
فجرة : الله يهديك مزال ما كملتيش،
اسراء شادة النقال : غر اسكتي تو بنكلم بوي ..
الوو بابا اسمع نقصوا عليا فلوس ومزال ما كملتش ..باهي
اسراء : تعالي نمشوله مدرس قدام القهوة ..
YOU ARE READING
فجرَة
Romantikkنبذة عن بطلة الرواية #فجرة ❤ اليوم روايتنا على فتاة ليبية اسمها "فجرة" فجرة بنت من عائلة فقيرة يتيمة الام عمرها 21 وقفت دراسة من اول ثانوي من بعد وفاة امها بنت متواضعة وتحب ادير اي شي فيه خير ، ولا عمرهم الناس سمعوا منها كلام مش باهي او تسفهت علي...