مشاعرخارج دائرة الصمت

الكاتبة#فيد عبدالله(١١)

حجية ام زهرة:صدق الله العظيم شجاج يمة منو هنا

زهرة:يمة هاية رغد بنت خالي كريم

ام زهرة:صدك تحجين يةيمة بنت الغالي وديني الهة وين هية

زهرة:اي يمة كومي،ولج سعاد سعاد

سعاد:ها شكو شبيج تصيحين خوفتيني

ام زهرة:ولج بنت خالج كريم هنا

سعاد:يااا على هاية متفطنة بينة شذكرهة

ام زهرة:خاب دولي دومج تغثين وصليني يمة ،يايابة بنية الغالي تعاي لحضني

رغد:دخلت علية الحجية وخطية جانت مكيفة بية واخذتني بالحضن بلهفة وتبوس بية

حسن:شكتلج هاج انجعصتي

رغد:🥰 ضلت تبوس بية وتسالني شلوني وماحجيت هزيت راسي بلا سالتني ابوج وين بس لا بالباب واكف ظل نزلت دموعي واشرتلهة توفة هي افتهمت علية وكامت تبجي وكالت

ام زهرة:والله كلبي حاسني صار شكم شهر ميخابر هو صح مايتصل دائما بس مااعرف هالمرة غيبتة نغزت كلبي ومن دزيت اسال كالوا البيت اتاجر وطلعوا المؤجرين منة كلت يجوز شالوا والتهة ياخورة سودة علية دومهة دنيتك عاكسة وانتي يا بنيتي شلونج وضعج شلونة

رغد:كتبت الهم انه توفة هو وامي وشرحتلهم وضعي شلون صرت وراهم وزواجي وضروفة وسلون هملني واخذني ممرضة لامة وشلون قبلت واخرهة جازاني وضربني واجيت شاردة منة ومالي غيرهم احد

حسن:كل هذا مسوي بيج واذا ضابط يستغل بنات الناس عبالة ماعندج ضهر انتي بنتنة وما عاش اليتجاوز عليج

ام زهرة:عفية بوليدي دومي اكول عنك زلمة حوك

زهرة:الله يحفظك يمة بس هو زوجهة شما يكون يجوز تندم وحس بغلطة مبين شاريج والا ما خبص الدنيا عليج من طلعتي مو تكولين ماسكت تلفوني وحتى اختة تتصل

حسن:خل يولي شاريهة لا تلكي يريد يرجعهة تداري امة

رغد:حسيت زهرة ما راضية عن موقف دفاع حسن وحتى اني مستغربتة رغم هو ميعرفني معقولة لهدرجة الشهامة عندة تخلي يدافع عني بمجرد عرفني مظلومة بهالاثناء دك موبايلي من رقم غريب مارديت كالعادة اخرهة وصلي مسج رغد ردي عندي وياج كلمتين ورجع اتصل رديت

ايسر:رغد اني ادري بروحي ضلمتج واني اسف فاذا جان برأيج الطلاق يردلج اعتبارج ويريحج فما اكدر ماانطيجياه رغم وداعت امي ما جان قصدي ااذيج او اضلمج اعذريني صدكي محد وردت اكللهة دخل وسكن كلبي غيرج متعجب حبيتج هالكد بهالفترة القصيرة العشتهة وياج بس شفت مينفع اطلع البقلبي واحنة وصلنة لنهاية الطريق فكملت وكتلهةعذريني وروحي يا بنت الحلال الله يوفقج انتي ومااحس الا صوت رجال يحاجيني اتخبلت

رغد:صح اني ردت انفصل وصح زواجنة من البداية ما مكتوبلة يستمر بس مااعرف ليش حسيت غصة بكلبي صارت ونزلت دموعي من صار يلمحلي هو راح يطلكني وحزت بنفسي ما مهتم وين اني ما خايف وين رحت مااعرف ليش يمكن حسيت للحضات وياه بامان او جنت حاسة الي مكان وملجأ زين هسة لو طلكني وين راح اصفة وهذولة العالم يتقبلوني وشكد اضل امون عليهم ويتحملوني ولو طمعت بية العالم الماتخاف الله مثل ما طمع بية مهاب وامثالة كل هالامور خلت دموعي تصب ما جنت حاسبتهة يجوز ردت بس ارد اعتباري منة بس هم لو بقيت وياه مستحيل اتحمل واكمل مااعرف شجنت اريد بس احس تايهة راد ينطق الطلاق وانسحب موبايلي

زهرة:شجاج بنتي منو اتصل ليش تبجين

حسن:شو انطيني الووو انتة ايسر مووو كلي شسويتلهة لرغد شكتلهة

ايسر:انتة منوو😡ورغد شتسويي يمك كلي هية وين شبيهةودليني مكانهة اجي ارجعهة لبيتهة

حسن:مالك علاقة برغد بعد وتطلكهة وغصبا ماعليك ولا عبالك ما عندهة اهل وتستغلهة لا عشيرة كاملة تحركك انتة ومنصبك لو نزلتوا دمعة منهة

ايسر:انتة منووو لا تخبلني شعندهة رغد يمككككككك جاوووبني رجعلي مرتي لا اذبحك قسم وطلاك مااكو تحلمون وانبشكم واطلع ظكانكم من جوة الكاع جااااوووب انتة منووو......يتبع