Sharri's POV
"Sino ka? Hey!" sigaw ko habang pilit na tinatanggal ang mga kamay na kasalukuyang nakatakip sa mga mata ko ngayon.
Tahimik akong nakatambay dito sa park sa subdivision namin, nakaupo sa mga benches habang inaalala ang mukha ng gwapong lalakeng iyon, nang bigla na lang ay may mga kamay na tumakip sa mga mata ko.
Tawa lang ang narinig kong sagot. Tapos, mas lalo pang hinigpitan ng kung sino mang nasa likod ko ang pagkakatakip sa mga mata ko.
"Ano baaaa?" Pilit ko pa ring tinatanggal ang mga kamay sa mga mata ko.
So soft skin. My god! Sino ba 'to?
"Hindi ako nakikipagbiruan! Kapag hindi mo tinanggal itong mga kamay mo in 10 seconds, whoever you are, bubugbugin talaga kita!" hiyaw ko.
Tumawa lang ang lalakeng nasa likod ko. So, lalake.
Pagkatapos eh binitawan rin ako. Kinusot-kusot ko ang mga mata ko at nang muli kong imulat eh nakaupo na sa tabi ko ang isang..
ang isang gwapong lalakeng ang puti puti, ang kinis kinis ng balat, at ang.. ang macho macho..
"Aries?!" gulat na tanong ko.
He's Aries Fuentabella. Anak ni Tita Dolores na family friend namin na naka-base sa states. He used to be my friend when we were elementary kids. At ngayon, I can say that he's a totally grown up man.
"good thing, kilala mo pa ako." wika nito at ngiting ngiti sa akin.
Yung mga mata niya, masyadong mapupungay. Masyadong attractive.
"Malamang naman eh makikilala kita. Akala ko pa naman eh kung sino ka. May mga patakip-takip ka pa kasi sa mga mata ko na nalalaman eh. Tsk! Kung hindi mo agad tinanggal ang mga kamay mo, baka nabugbog kita ng wala sa oras."
Tumawa lang ito ng malakas. "Hindi ka pa rin nagbabago Sharri. Still one of the Boys. Nakita kasi kita na parang ang lalim ng iniisip. May problema ka ba?"
ako? Mukhang may problema?
"Wala ah." Iniisip ko lang naman ang cold-hearted na Gian na iyon! "Iniisip ko lang kung anong flavor ng ice cream ang masarap lantakan ngayon."
Ngumiti naman ito at kinurot ako sa pisngi. "Hay, naku, para kang bata. Let's go." Tapos nagulat ako nang bigla na lang hawakan ni Aries ang isa kong kamay.
