လူငယ္သည္ မာကို ေျပာေနသည့္ စကားမ်ားကို ၾကားသည့္ဟန္မရွိ။ အလင္းေရာင္ ေဖ်ာ့ေတာ့လာေသာ ေကာင္းကင္ကို ေမာ့ၾကည့္ကာ တိတ္ဆိတ္ေနေသာ ပတ္၀န္းက်င္ကို တစ္ခ်က္ေ၀့ၾကည့္သည္။ မွုန္မွိဳင္းေနေသာ မ်က္လံုးမ်ားသည္ ေတာက္ပမွုမရွိ။ ဂ်ာကင္အိတ္ထဲ ထိုးထည့္ထားေသာ လက္ဖ၀ါးႏွစ္ဖက္ကို ထုတ္ယူကာ ႏွုတ္ခမ္းနားတြင္ စုေတ့ကာ အာေငြ႔ျဖင့္ ေႏြးေထြးေအာင္ ၾကိဳးစားေနသည္။
"မင္းသိလား။ ဒီျမိဳ႕မွာ ေသဆံုးသြားသူတိုင္းကို ရုပ္သြင္းလို႔ ရခဲ့တာေတာ့မဟုတ္ဘူး။ ေခါင္မိုးေတြ၊ အိမ္ေတြ ျပိဳက်လို႔ ေသခဲ့သူေတြကိုေတာ့ အရိုးပဲ ျပန္ရတယ္။ ရုပ္သြင္းလို႔ မရဘူး။ မီးေတာင္ကေန တစ္ဟုန္ထိုး ဆင္းလာတဲ့ ျပာပူမွုန္လိွုင္းေတြအုပ္ျပီး ေသတဲ့လူေတြကိုေတာ့ ရုပ္ျပန္သြင္းလို႔ရတယ္။"
လူငယ္သည္ မာကိုရွိရာသို႔ လွည့္ၾကည့္သည္။ မသိမသာျပံဳးလိုက္ေပမယ့္ လြမ္းသလို မ်က္လံုးေတြက နားလည္ရခက္ေစသည္။
"မင္းက ဘာျပံဳးတာလဲ။"
"ေၾသာ္.. ကၽြန္ေတာ္ မနက္က ဖတ္ခဲ့ရတဲ့ စာတမ္းေလးကို သတိရလို႔ပါဗ်ာ။ ပံုေပျမိဳ႕ထဲက နံရံစာတမ္းေတြထဲမွာ ပါတယ္တဲ့။ ဘယ္အရာမွ မတည္ျမဲႏိုင္ပါဘူးဆိုတာ။ Nihil durare potest.. tempore perpetuo.. cum bene sol nituit redditur ocrano.. decrescit phoebe quae modo plena fuit.. ven(to) rum feditas saepe fit aura l(e)vis.."
လူငယ္သည္ ကဗ်ာကို ခပ္တိုးတိုးေရရြတ္ရင္း မွန္ေဘာင္ေဘးရွိ သစ္ငုတ္တိုေပၚတြင္ ထိုင္လိုက္သည္။ အခ်ိန္ေနာက္က်သည္ထက္ ေနာက္က်ေနျပီ ျဖစ္ေပမယ့္ ဘာမွအေလာၾကီးသည့္ဟန္ မရွိ။ ျမိဳ႕ေဟာင္းအတြင္း လည္ပတ္ခြင့္ ကုန္ဆံုးေတာ့မည္ျဖစ္ေၾကာင္း ေၾကျငာသံ ထြက္ေပၚလာခဲ့သည္မွာ ၾကာခဲ့ျပီ။ မၾကာခင္ ျမိဳ႕ေဟာင္းအ၀င္အထြက္ တံခါးမ်ား ပိတ္ေတာ့မည္ျဖစ္သည္။ ဒါေပမဲ့ လူငယ္သည္ ဒီေနရာမွာ ထြက္သြားဖို႔ စဥ္းစားေသးဟန္မတူ။
"မင္းက ဒီကဗ်ာကိုလည္း သိတာပဲလား။ ပံုေပျမိဳ႕က နံရံစာတမ္းေတြထဲက တစ္ခုပဲကြ။"
"ဒီကဗ်ာ မွန္ပါဦးမလား အဘရာ။ ကၽြန္ေတာ့္အတြက္ေတာ့ ဒီျမိဳ႕ၾကီးကို ထာ၀ရပံုေပ လို႔ေတာင္ ေခၚႏိုင္မယ္ထင္တာပဲ။"
YOU ARE READING
ထာ၀ရ ပုံပေ
Historical Fictionအေဒီ ၇၉ ခုနှစ် .. ပုံပေမြို့.. ရောမအင်ပါယာ ဒဏ္ဏာရီမဟုတ်တဲ့ ရာဇဝင်ထဲက အဖြစ်အပျက်လေးတစ်ခုလား ဒါမှမဟုတ်.. ရာဇဝင်တွင်မကျန်ခဲ့တဲ့ ဒဏ္ဏာရီဇာတ်လမ်းလေးပဲလား... ........ ေအဒီ ၇၉ ခုႏွစ္ .. ပံုေပျမိဳ႕.. ေရာမအင္ပါယာ ဒဏၰာရီမဟုတ္တဲ့ ရာဇ၀င္ထဲက အျဖစ္အပ်က္ေလးတစ္...
ဇာတ္သိမ္းပိုင္း
Start from the beginning