Branded Series Book 2: Melodia (COMPLETED)

CHAPTER 1

Ano naman ang pag- uusapan namin? Baka may kinalaman ‘to kay Nika at Reese kaya ayaw niyang sabihin kay Nika kung bakit.

“S-sure.”

“Panay din ang tanong n’on tungkol sa’yo. Ewan ko ba d’on bakit bigla yatang naging interesado sa’yo.”

Napangiti siya sa sinabi nito. Interesado sa kanya si Mr. De Marco? Talaga?
Agad na nawala ang ngiti sa mga labi niya. Oh shít. Nakita n’on ang dibdib ko!

Napakurap- kurap siya dahil sa iniisip niya. Babaero ‘yon, Melodia. Sobrang babaero. Gwapo at machong babaero.

OMG, What??

“Melodia,” Tawag ulit sa kanya ni Nika kaya natigil ang iniisip niya. “..bagay kayo ni Andre.” Panunudyo nito kahit walang lakas ang boses.

“Hay naku, Niks. Matulog na nga tayo. Tao kami, hindi kami bagay.” Mabilis niyang sagot at mahinang natawa ang kaibigan niya.

“Alam mo ba, siya lang ang lalaki na nakagaanan agad ng loob ni Reese. Saka, mabait naman si Andre. May pagka- chickboy lang siya pero grabe siya mag- alaga kapag ginusto niya.”

Tumaas ang kilay niya sa sinasabi nito. “Why are you telling me that, Niks?”

“Wala naman. Trip ko lang sabihin. Be nice to him, Mel. ‘Cause he’s a good man.”

Saglit siyang natahimik. “Matulog na nga tayo.”

Narinig niyang mahina itong natawa pero hindi na niya pinansin. Kailangan na niyang matulog para maaga siyang makaalis bukas at hindi sila mag- abot ni Andre na nakita na ang dibdib niya.

PAGDATING NI Andre sa bahay ni Nika, wala na doon ang kaibigan nito na napag- alaman niyang Melodia ang pangalan. At pinapakain na ng katulong si Nika.

“Hi, Niks, good morning.” Bati niya rito nang makapasok sa silid ng mag- ina.

Nginitian siya nito. “Good morning, Dre.”

Dumeretso siya sa crib kung saan naroon si Reese na nakatayo doon sa loob at nakangiti nang makita siya.

“Reese, baby!” Masiglang bati niya at binuhat agad ang bata at pinupog ng halik ang mga pisngi nitong cute na cute. “Ninong Dre missed you!”
Napabaling siya kay Nika na mahinang natawa.

“Ginawa din ‘yan ni Melodia bago umalis. You just had an indirect kiss with my best friend.” Panunudyo nito.

Nag- init agad ang mukha niya. No, ang katawan niya. Naalala niya ang nakita niya eh. Shít!

Tumikhim siya. “Whatever, Niks.” Whatever, pero natuwa talaga siya.

Lumabas na ang katulong dahil tapos ng kumain si Nika.

“Dre, okay na pala kay Melodia na ibigay ko ang number niya sa’yo.” Anito habang nakasandal sa headboard ng kama.

Nagliwanag ang mukha niya. “Talaga? Sige, akin na.” Mabilis siyang lumapit kay Nika at iniabot nito sa kanya ang cellphone.

“Hanapin mo na lang sa contacts ko. Melodia.” Nakangiting sagot nito. “Akin na si Reese.”

Kinuha niya ang cellphone at maingat na inilapag si Reese sa hita nito. Kahit nanghihina, lagi pa rin nitong kinakandong ang anak.

Naupo siya sa upuan na katabi ng kama nito at mabilis niyang nahanap sa contacts ang number ni Melodia at agad na ini- save ‘yon sa phone niya.

“Ano ba kasi ang pag- uusapan niyo, Dre?” Tanong ni Nika.