يوم عقد قرآن خالد ونجاة .. وتم العقد وبعد خروج المأذون يحتفلون بنجاة وخالد .. تنزل رنا على السلالم وكانت مرتدية فستان انيق لونه احمر لم يصل إلى الركبة عارى الكتفين ورفعت شعرها بتسريحة جميلة وانيقة وفى قدميها حذاء كعبه مرتفع لونه احمر يناسب مع فستانها السهرة .. شعرت بأنها مراقبة تنظر حولها فتصطدم بعين عباس الذى تتابعها وينظر لها من أعلى لأسفل .. اكملت حديثها ولم تبالى به
فرح تقف وحدها يأتى شخص ويقف جانبها ثم ينظر لها ويقول:هاى فرح .. مش فرح برده
فرح:ايوة انا فرح
الشخص:وانا طارق
فرح:اهلا وسهلا
طارق:اهلاً بيكى
صمتت .. قال طارق:انتى بقا فى سنة كام
فرح:سنة رابعة
طارق:انتى فنون جميلة صح
فرح بأقتضاب:ايوة
طارق:ربنا يوفقك
فرح:شكراً .. بعد اذن حضرتك
طارق مسرعاً:وبتعرفى ترسمى حلو
فرح:اكيد يعنى اومال دخلت فنون جميلة لية
طارق:يعنى ممكن ترسمينى
فرح:لأ طبعاً
طارق ابتلع ريقه بخجل وقال:لية كده
فرح:هو انا اعرفك اصلاً عشان ارسمك
طارق:طيب اعرفينى.. انا طارق بسنس مان عندى 38 سنة ومش مرتبط
فرح: انت جاى تهزر بقا
طارق:انتى لية بتعاملينى كده انا حابب اتعرف عليكى ونبقى اصدقاء
فرح:ماينفعش
طارق:لية ماينفعش؟
فرح:عشان انا مش بصاحب ولاد
طارق:ممممم مش بتصاحبى ولاد!!! .. امال اية حكاية جميل؟
فرح تنظر له:جميل؟
طارق:ايوة جميل اللى انت مصاحباه
فرح:انا مش مصاحبه حد .. ده مجرد زميل مش اكتر
طارق:زميل؟ .. بس انا شايف ان العلاقة بنكم تطورت بقت اكتر من اعجاب
فرح بعجب:انت عرفت منين موضوع جميل؟ .. وبعدين انت مالك اصلاً
طارق:انا بس عايز اديكى نصيحة صغيرة .. جميل مش بيحبك .. ولو كنتى فاكره انه بيحبك تبقى غلطانة ده بيحب فلوسك اول ما عرف انك ورثتى لعب عليكى عشان ينصب وياخد فلوسك .. طبعاً انتى هتقوليلى هو غنى ومعاه فلوس كتير وابوه راجل اعمال ومش محتاج اللى بياخده منك .. بس اللى انتى ما تعرفهوش ان ابوه فلس ومحبوس فى السجن .. وهو دلوقتى هيقنعك انه بيحبك وعايز يتجوزك وهيخترع لك مشروع او صفقة تحطى فيها ملايين الفلوس وفى الاخر هياخد الفلوس دى وهيطير ولا هتشوفى منه جواز ولا اى حاجة
فرح بأنفعال:انت بتقول اية انت مجنون؟؟
طارق:ولية ما تقوليش انى عايز اوعيكى منه
فرح:توعينى من اية؟ .. جميل مستحيل يضحك عليا
طارق:انا قولت لك كل اللى عندى ورسالتى وصلت .. عايزة تصدقى براحتك مش عايزة تصدقي برده براحتك .. وهتفضلى طول عمرك مخدوعة تحت اسم الحب
قال ذلك ورمقها ثم ذهب
***
رأت كريم يدلف إلى الفيلا ابتسمت بسعادة ثم ذهبت له وقالت:كريم .. ازيك
كريم:الحمدلله .. انتى اخبارك اية؟
ألين بأبتسامة:الحمدلله .. فرحت اوى انك جيت
كريم:انا ما اقدرش ما اجيش .. اتفضلى
اعطى لها بوكيه من الورد الاحمر الجميل
ألين:ميرسى
اخفضت رأسها لتستنشق عطر الورد الجذاب
ألين:اتفضل اقعد
رأت ياره صديقها كريم ذهبت لعنده وقالت:هاى كريم
كريم:هاى ياره ازيك
اقتربت منه ياره وحضنته وقبلته من وجنتيه تحت انظار ألين
ياره:انا حلوة طول عمرى انت اخبارك اية .. مابتسألش ليه ياوحش .. ومش بتيجى تسهر معانا لية الايام دى
كريم:واضح انك نسيتى انى راجل اعمال والشغل واخد كل وقتى
ياره:مممممم اوكيه .. واكيد انت جاى النهارده تبارك لخالد
كريم:اااه
ياره:اوكيه هستناك النهارده فى الكلاب مكان ما بنسهر دايماً
كريم:ان شاء الله هحـ...........
قطعته ألين قائله لياره:لأ النهارده مش هينفع تسهرى معاه يا ياره
ألتفتت لها وقالت:لية مش هينفع؟
ألين:عشان كريم هيسهر معايا انا النهارده .. صح ياكريم
ألتفت لألين متعجباً لكنه قال:ايوة
ياره :هو انتم تعرفوا بعض اصلاً
ألين:ايوة يابنتى ده كريم بقى صحبى جداً
ياره:والله! .. اوكيه ياكريم نعوضها مرة تانيه .. باى
جلست جانبه زافره بضيق .. ألتفت لها وقال:مالك!
ألين:مافيش
قال بنبرة منخفضه:هو انتى غيرتى من ياره؟
ألين:لأ انا ما بغرش من حد
كريم: والله طب عينى فى عينك كده
رفعت نظرها ونظرة فى عينيه لكنها خجلت وابعدت بصرها .. ابتسم كريم ابتسامة بينت من وسامته واطلق ضاحكة سعيدة بأن حبيبته تغير عليه
***
محمد عباس ورنا
محمد:اية الجمال ده
رنا:اقل حاجة عندى
محمد:بس مش ملاحظة ان الفستان قصير شوبة
رنا:لأ مش قصير .. حتى لو قصيرعندك مشكلة؟
محمد:اه طبعاً ماينفعش مراتى تلبس فستان قصير وضيق كده
رنا:مراتك؟
محمد:اه طبعاً مراتى وحبيبتى
ابتسمت بخجل واخفضت بصرها فقد وجهها احمر من الخجل
***
عادت ياره لصدقائها واخذت كأس وشربته جرعة واحده ووضعت الكأس على المنضدة بغل
صديقة:مالك يابنتى؟ .. هتكسرى الكاس
ياره بصوت مرتفع:سبينى فى حالى يالارا
لارا:فيه اية مالك
نظرة لارا ورأت محمد واقف مع رنا
لارا:مين دى اللى محمد واقف معاها؟
ياره:دى الزفته
لارا:مش ممكن هى دى رنا مراته
ياره:ايوة هى الزفته
لارا:واااااو هى عملت اية فى نفسها دى بقت حلوة اوى احلى منك اصلاً
ياره:ماتقوليش احلى منى انا ما فيش حد احلى منى
لارا:طيب اهدى بس وبلاش عصبية .. انا حاسه ان محمد بيحبها
ياره:تفتكرى؟
لارا:انتى مش شايفه نظرة الحب اللى فى عينيه
ياره:انا لازم اخليه يطلقها
لارا:هتعملى اية؟
ياره:هتشوفى دلوقتى هعمل اية
صبت كأسين من الخمر وتتوعد الشر
***
جائت ياره ووقفت جانب رنا قائله:ازيك يارنا
نظرة لها رنا وقالت بضيق وابتسامة مصتنعه:اهلاً
ياره:مبروك لنجاة
رنا:الله يبارك فيكى
ياره:هو انتى لسه زعلانة منى
رنا:لأ وازعل منك ليه
ياره:على العموم انا اسفه لو عملت حاجة ضايقتك قبل كده
رنا فى نفسها:اية الادب اللى نزل عليها مرة واحده ده
اعطت ياره كأس لرنا وقالت:اشربى معايا العصير
رنا:لأ انا ماليش فى الخمرة
ياره:لأ ده مش خمرة .. ده عصير تفاح
رنا:لأ شكراً مش عايزة
ياره:اشربى بس هيعجبك اوى .. ماتكسفنيش بقا
رشفت رنا العصير ...........
***
وردة ممسكة طبق من الكيك اصطدمت فى شخص وقالت بنبرة مرتفعه:هو البعيد مش بيشوف ولا اية
طارق:اسف
ورده:هعمل اية بأسف دى
طارق:ماخلاص ياوردة قولت اسف .. وبعدين انتى فاكره نفسك فى الحاره هتتخانقي
ورده:كده برده توقع الشيكولاه عليا
طارق:شيـ اية ياختى شيكولاه !! .. الله يرحم اما كنتى بتقولى عليها شوكولاطة
***
امسك محمد الميك ووقف فى وسط الناس ولفت انتباهم ووقفت الموسيقى وقال :مساء الخير .. طبعاً الف مبروك لنجاة وخالد .. وانا عايز احتفل معاكم بعيد ميلاد مراتى .. النهارده هو اسعد يوم فى حياتى عشان اتولدت فيه اجمل مخلوقة فى العالم (رنا حبيبتى)
ارتفع صفق المعزومين وياره كانت تريد ان تأخذ رنا من شعرها .. ذهبت رنا عند محمد بأبتسامة خجولة وجائت (تورتة) كبيره احتفالاً بيوم مولود رنا وقطعت التورتة مع محمد
محمد:اية رأيك فى المفاجأة دى
رنا:حلوة
محمد:عجبتك
رنا:جداً
محمد:انتى مالك فيه اية
رنا:ماليش .. انا بس دوخانه شوية
محمد:دوخانة؟
رنا:يعنى دايخة وحاسة انى مبسوطة اوى
محمد:ولسه هتنبسطى اكتر لما تشوفي هديتك .. اخرج من جيبه علبة قطيفة لونها احمر فتحها وداخلها يوجد خاتم رقيق ماس .. نظرة للخاتم واخذته ولبسته دون ان تشكر محمد
اشتعلت اغنية لعمرو دياب هادئة ورومانسية .. قالت رنا:الله انا بحب الاغنية دى اوى .. تعالى نرقص سلو
دون ان تسمع رده امسكت يديه ووذهبت فى وسط الجميع ورقصت معه لم تعرف ترقص وكانت تحرك نفسها دون وعي .. كانت رنا غير طبيعية تعجب محمد من افعالها هذه .. قال محمد:ارقصى براحه
رنا بأبتسامة :مانا برقص اهو
محمد:رنا مالك انتى شاربه حاجة؟
رنا:شاربه عصير تفاح
محمد:عصير تفاح يعمل فيكى كده؟ .. انتى مش طبيعية النهارده
تبادلت الاغنية بأغنية اخرى شعبية تركت محمد وابتعدت ثم رقصت شرقى .. الجميع ظل ينظر لها ويتابع حركاتها المثيرة
ألين تنظر لرنا مصدومة على ما تفعله وكريم قال بعجب:مين دى!
نظرة له ولم ترد واتجهت لمحمد قائله:محمد .. اية اللى رنا بتعمله ده ؟
محمد مصدوماً:مش عارف .. اكيد مش فى وعيها
اتجهة محمد ناحية رنا وامسك يديها يوقفها على ما تفعله وقال من بين اسنانه:اطلعى معايا
رنا:استنى يامحمد انا بحب الحتة اللى جاية دى اوى
محمد:اوقفى عن اللى انتى بتعمليه ده
امسكت يديه ورقصت معه لكنه ابعد يديه عنها .. رجعت رنا للخلف ولم تأخذ بالها ووقعت على كيك الميلاد
ارتفع صوت ضحكات الجميع عليها .. منهم من ينظر لها بشفقة ومنهم من ينظر لها شامتاً ومنهم ارتفع ضحكاته عليها وكأنه رأى منظر كوميديا .. وقفت رنا وكان وجهها ممتلئ بالكيك ظهر على وجهه محمد الغضب وامسك يديها اجبرها على الصعود خلفه
عندما صعد محمد كانت رنا لم تستطيع المشى على قدميها وسقطت مغمى عليها بين يدى محمد الذى حملها بين ذراعيه واتجهة إلى غرفتها ووضعها على السرير برفق .. امسك منشفة وظل يمسح وجهها وملابسها من الكيك الذى لطخها
***
بعد انتهاء الحفل .. رحل الجميع ولم يتبفى سوى خالد وطارق وكريم
كريم:ألف مبروك ياباشمهندس خالد
خالد بأبتسامة:الله يبارك فيك ياكريم
طارق :نورتنا ياكريم .. يلا شد حيلك عقبال كتب كتابك
كريم نظر لألين وقال:بنورك ياطارق .. ان شاء الله
ينظر كريم حوله ويقول:امال فين الباشمهندس محمد عايز اسلم عليه قبل ما امشى
ألين:محمد مع مراته فوق .. ثوانى هطلع انده
كريم:لأ ماتتعبيش نفسك .. انا كده كده بشوفه فى الشركة .. يلا بعد اذنكم
ذهب كريم واوصلته ألين حتى بوابة الفيلا
طارق بأبتسامة:ذوق اوى كريم .. امال فين مراتك
خالد:مراتى فى اوضتها فوق
طارق:مش هتخرجوا
خالد:لأ
طارق:لية يابنى .. مش كنا متفقين اننا هنخرج
خالد بحجة:لأ هى عايزة تقعد مع اختها اصلها قلقت عليها اوى
طارق:خلاص اخرجوا مرة تانية
خالد:انت مالك نخرج مرة تانية .. افرض احنا مش عايزين نخرج
طارق:اصل انا واخد الخروجه دى حجة عشان اقابل فرح
خالد:مممممم فـــــرح! .. انا كنت حاسس والله ان الموضوع ده فيه ان
طارق:مافيش حاجة بينى وبينها انا بس حابب اتعرف عليها اكتر
خالد:مممممم اوك
طارق:انت مالك شكلك مش طبيعي النهارده .. وكمان نجاة حسيت انها مضايقه
خالد:لأ مش مضايقه ولا حاجة .. عادى يابنى
طارق:وبعدين انت مستعجل اوى كده لية .. لية خليت كتب الكتاب بسرعة كده
خالد:كدة افضل .. انا حابب اتعامل معاها فى فترة دى براحتى
طارق:ممم والفرح امتى
خالد:الفرح لسة بدرى بعد سنة كدة ولا حاجة
طارق:خلاص براحتكم وكده احسن فعلاً
***
فى غرفة رنا
محمد كفكف الكيك من عليها ظل يتأملها قليلاً وهى نائماً كانت مثل الملاك .. دلفت فرح قائله:رنا عاملة اية دلوقتى
محمد:لسه نايمة زى مانتى شايفة
فرح:ياحبيبتى يارنا .. اموت واعرف مين عمل فيها كده
محمد:قالتلى انها شربت عصير تفاح اكيد ده كان خمرة وبتحسبه تفاح
فرح:لأ رنا مش هبلة عشان تشرب خمرة .. اكيد حد هو اللى خلاها تشرب
محمد:مين؟
فرح: الله اعلم .. المهم احنا هنسيب رنا تنام متبهدله بهدومها كده
محمد:انا هغير لها دلوقتى
فرح:ماشى انا هخرج
نزل على السلالم ليرى ألين قاعدة على الاريكة وتهز ساقيها بتعصب
محمد:مالك يا ألين .. وبعدين انتى كنتى فين
ألين: كنت مع كريم اصلنا سهرنا شوية برا .. المهم عجبك كده يامحمد اللى عملته مراتك .. انا اكسفت مابقتش عارفه اقول لصحابى اية .. اتكسفت اقول لهم ان دى اختى
نفخ بضيق ولم يرد
ألين:مادام هى مش قد الشرب بتشرب ليه .. مش بترد عليا لية
محمد:ارد عليكى اقول لك اية .. انا رايح اوضتى سلام
******************
اليوم التالى ،،،
استيقظت رنا شعرت بألم فى رأسها رأت نفسها بثياب النوم وفى اصباعها خاتم ماس تذكرت ما حدث الامس
نزلت إلى الطابق الاسفل رأت محمد يتجة من غرفته ويدخل من باب الحديقة
محمد:صباح الخير! .. كل ده نوم
رنا:هو .. هو اية اللى حصل امبارح؟
محمد:اسألى نفسك .. ده انتى كنتى ضاربه دماغ مالهاش حل
رنا:انا غصب عنى شربت وماكنتش اعرف انها خمرة .. هو انا خرفت كتير امبارح
محمد:اه خرفتى كتير اوى .. انتى اعترفتى لى انك بتحبيبنى
رنا بعدم تصديق:نعم؟
محمد:انا لاقيتك بتحضنينى كده وبتقولى لي انا بحبك وانت واحشتنى اوى
رنا متسعة الاعين وبصدمة:انا قولت كدة؟
محمد:ايوة قولتى كده
رنا:مستحيل اكون قولت كده انت بتكدب
محمد:مش بكدب ولا حاجة .. ده انا حتى لما وصلتك اوضتك ماكنتيش عايزانى امشى وانام جانبك كمان
رنا:انا لو سكرانة او مش في وعيى مستحيل اقول كده .. طب مين اللى غير لي هدومى
محمد:انا
رنا بصريخ :لاااااااااااااااااااااااااااا
محمد:وطى صوتك
رنا:انت ازاى تغير لي هدومى
محمد:انا اى نعم شوفت كل حاجة بس هقولك للمرة المليون انا جوزك .. واحمدى ربنا اصلاً انى صابر عليكى لحد دلوقتى
جزت على اسنانها بغل ولم تعلق وبعد قليل قالت:انا اسفة
محمد:على اية
رنا:مش عايزاك تضايق منى على الكلام اللى قولته امبارح .. انا كنت بخرف ومش فى وعيى
محمد:ومين قال لك انى مضايق .. انا كان نفسى اسمع الكلام ده منك من زمان وللأسف انتى ما قولتهوش غير وانتى سكرانة
رنا:قولت انا ماكنتش فايقه ومش واعيه للكلام اللى قولته
محمد:انكرى يارنا انك مش بتحبينى
رنا:ايوة
محمد:ايوة بتحبينى ولا ايوة مش بتحبينى
رنا:ايوة انا بحبك ارتاحت
محمد:واخيراً كلمة الحق اتقالت .. ماتتصوريش فرحتى دلوقتى .. اول مرة اسمعها منك
رنا رفعت حاجبها وقالت:اول مرة تسمعها منى؟ .. يعنى انت ضحكت عليا
محمد:لأ انا قصدى .....
رنا:بتكدب صح
محمد:بصراحه اه
اقتربت منه وضربته على صدره بقبضة يديها الصغيرة وقالت بغل وتعصب:كداب .. مخادع .. لية ضحكت عليا .. لية بتكدب .. انا بكرهك مش بحبك
ضحك محمد من منظرها الطفولى .. كان سعيد جداً بأن اخيــــــــــراً حبيبته وزوجته اعترفت له بأنها تحبه
.
أنت تقرأ
بنات حواء
Randomثلاثى السعادة [ وردة، نجاة، فرح ] فرح ونجاة اخوات تكبرها فى العمر نجاة .. ورنا ابنة خالتهم منذ نعومة اظافرهم وهما دائما مع بعض وكانت تعيش معهم خالتهم الذى رحمها الله منذ عدة اعوام والان المسئولة عنهم رنا رنا تبلغ فى اواخر العقد الثانى ويمكن ان نقول...
