عشقني فجرحته

الجزء الأول

مرحبا حبايبي....اسمي ليان عمري 18 سنة شابة يافعة طولي متوسط وجسمي رشيق ومعتدل، شعري اسود طويل عيوني وساع عسليات  على بابا الله يرحمه توفة والدي لما كان عمري عشر، سنوات تتكون عائلتي من امي واخواني فؤاد  وودود   ولطيف  واختي الزغيرة حنين اعمارهم
فؤاد  25
ودود  23
لطيف 20
وآجي وراهم انة عمري 18
واخيرا اختي حنين عمرها عشر سنوات....لما توفة والدي كان عمرها سنتين

طبعا اخواني فؤاد وودود متزوجن وعازلين عنة كاعدين ابيت سوة لأن نسوانهم خوات واسمائهن  ديانة و وديان
راح احجيلكم من كان عمري 17 كنت بالخامس اعدادي كنت مثل اي بنت عادية امارس حياتي بشكل طبيعي كنت احب دراستي واحب اكون متفوقة ومجتهدة بكل شي
وطبعا بدعم من امي واخواني كنت متميزة بالدراسة كانو موفريلي، كل وسائل الراحة علمود دراستي
في، يوم من الايام تعرفت على اخو صديقتي كان كثير يلاطفني وانة مثل اي بنت مراهقة تتأثر بالكلام الحلو واللطيف شوي اشوي اطورت العلاقة واخذ رقمي من اختة الي هية صديقتي رواء
كان اسمة،،، علي،،  بدة يراسلني ويلاطفني وشغلني عن دراستي كنت دائما لازمة المبايل وسولف وياه وتحول هذا الاعجاب الى حب
مو اي حب بل حب كبير وبدة ينمو ويكبر وقررنة نزوج من اكمل الخامس طبعاً نسيت اكلكم هوة كان بالسادس بس كان عايد سنة دراسية لهذا السبب هوة اكبر، مني بسنتين وفي يوم من الايام كان يصادف عيد الطالب وسوو احتفال بالمدرسة قبل يوم من عيد الطالب طلبت من امي نروح للسوك اشتري هداية لصديقاتي المقربات ووافقت كانت ماما ماتردلي طلب ورحنة للسوك كنت ادور بعيووني بالمحلات على شي يناسبة
شنو اجيبلة هدية محتارة لهناك خطر ابالي، اشتريلة خاتم فضة علمود يضل دائما لابسة ويذكرني بي
ورحنة لمحل الاكسسوارات وشتريتلة خاتم كلش حلو وبشذرة عسلية علمود تشبه عيوني ههههه
واخذت هداية لصديقاتي واشتريتلي ملابس اكشخ بيهن ورجعنة للبيت واجة الليل وكوة نمت من كثر التفكير كيف راح يكون باجر ياترى علاوي جابلي هدية لو نساني ياترى شنو جابلي وانة بين هاي الافكار تعبت ونمت وكعدت الصبح كشخت لبست قاط لون جوزي بنطرون وسترة وبدي لونة بيجي وشال وحذاء وجنطة بلون بيجي ورحت سلمت على ماما بوستهة وعايدتني وتريكت  يمهة ورحت للمدرسة كنت منتضرة اوصل بفارغ الصبر علمود اشوف علاوي كنت مشتاقتلة موووت تكول صار سنة ماشايفتة طبعاً صادف عيد الطالب يوم الاحد وكنت ماشايفة علاوي من يوم الخميس يعني صار يومين واليوم ثالث ودخلت للمدرسة وضليت ادور، علية بعيوني وينة ادور بكل مكان ماهو وين راح معقولة لسة مااجة للمدرسة هوة متعود يجي على وكت بس مايكون صار، وياه شي، عالطريق اتصلت بي، الجهاز مغلق ياربي شسوي،احسن شيء خل اشوف رواء، واسألهة عليه دورت ولكيت رواء كاعدة وي، زميلاتهة يجهزن ويزيينن بالشعبة مالتنة صحتلهة وسألته
ليان....ريري حبيبتي وين علاوي ماني شايفتة بالمدرسة دورت كل مكان مالكيتة

رواء... ماشفت علاوي كعدت قبلة واجيت للمدرسة على وكت  بابا وصلني علمود التزين وعلاوي ضل يجي وي الخط بعد ماادري اجة لو بعدة اتصلي علية