صوت وتعليق بين الفقرات
مر اسبوع والوضع كولش مو طبيعي احس الكل متوتر ومحد يتجاوب وياي ولا اله خلگي يعني اني اريد اخطط لحفله العرس واحس محد اله واهس او فرحان ويايه حتى علي نفسه دا اشك انو فد شي دا يصير واني ما ادري بيه ومن اسالهم يكولون ماكو شي
ابدا ما مطمئنه للوضع واكثر من مره يودوني ببيت علي اضل يمهم يوم كامل اني وآدم اصلا مجانو يقبلون اروح لبيتهم بحجه تزوجين وتشبعين منهم. بس شنو الي تغير واشوف خاله ام علي كول شوي تروح وتتصل وتجي احسه فيلم اكشن واني مخطوفه لو شنو السالفه محد يدري او بالاحرى اني ما ادري
لحد ما بعد اسبوعين چنه كاعدين بالصاله وفجأءه بابا تخربط ووكع مشهد مرح انساه طول حياتي انو الكل عرفو يتصرفون بسرعه واني مصدومه وبس ابچي عرفت انو اكو شي وبابا مريض وهذه مو بس وكعه عاديه وشكد اني تافهه اهلي ديتعذبون واني كل همي العرس ضجت من نفسي وكرهتها وكرهتهم اكثر خلوني خارج الاطار حاني طفله صح اني الاصغر بينهم بس كبرت افهم صرت
وفعلاً جان يوم اسود يوم اكتشفت انو ابي عنده سرطان بالاثني عشر ومستحيل يشفى منه لان اكتشفوه كلش متاخر وانو الايام الي عنده معدوده
بعد وكعته ضل نايم 3 ايام غيبوبه واني يمه حال الضيم ياحالتي بتراكسود وشال شلون مچان ذابته لا ارضى اروح للبيت ولا آكل ولا اشرب هذا ابوي كل حياتي اني اميرته وبنته الصغيره المُدَلَلله ( زودت لام لان بدونها الايفون يحولها لفظ الجلاله )
حيل اتاثرت بهذا الموقف وجنت مثل المستنفره من الكل ويحجون ما ارد عليهم ولا خليت اي واحد يتقرب مني او يلمسني حتى علي حاول بجي يحضني يخفف عني دفعت ايده وخنزرت بيه بلا ما احجي اي شي هو معجبه الموقف كلب وجهه بس محجه الكل موجود ميريد يشوفوهم وجهه الثاني مدري عرف خطئه هسه كلهم اخر همي وشمرت كلشي الي ابعد نقطه بدماغي وفرغت نفسي لابي اقرا وادعي وابچي اهلي اشوفهم مركزين بيه اكثر ويراقبون حركاتي احسهم خايفين من العاصفه ما الومهم بس يعدء الموقف اني اعرف اتصرف
عاش ابي بعدها شهرين ع الاجهزه وسلم امانته لربه ....
الصدمه الي عشتها يومين العزا
مثل الشخص الضايع ميعرف شيسوي ما اعرف الطم ما اعرف اسوي اي شي حتى مكعدت يم النسوان كاعده ع الدرج بالصاله وصافنه وبس دموعي تنزل حنجرتي تاذيني وصوت اختفى لان صيحت اول يوم من حاولو يبعدوني عن الجنازة 💔
فطومه وسرى قاموا بالواجب اخواني مشفتهم ملتهين وامي هم تقهر واتفادى اتواجد يمها گلبي يوجعني عليها
خاله ام علي ودينا كعدو يمي حاولو يخلوني اكل بس بعدين ايسو وراحو خلصت الفاتحه والناس طشت الناس ضلت تجي بس العصر شوي ويرحون
واخيراً اجتمعنا وكعدنا بالليل من رجعو اخواني يم امي نذكر سوالف ابوي وطفولتنا طلعنا الالبومات شي نضحك ع جمال الذكريات الي انطاها النا والحياه الروعه والتعب الي خلص عمره عمود يخلينا الاشخاص الي احنا هسه وشوي نبجي نشتاق اله و شلون نكمل من دونه عمود بيتنا ... اني جان موقفي الصمت يا ابتسم با ارجع انحب حاولو يحجوني اني حاولت احجي بس صوت ميطلع مني صارلي ايام منايمه واشهر حتى لو نمت مو براحه تعبت وضعفت خدودي راحن
YOU ARE READING
مجنونة بتعقل
Fanfictionقد يحمل المرء على عاتقة اعباءاً تافهه،و يظل مُعتقداً بأهمية ما يرهقهُ لوقتٍ طويل..قد يعلق بها وتعلق به..للحد الذي تحول بينه وبين رؤية ما هو مهمٌ فعلاً.. لطالما كانت اهم الامور،واكثرها نفعاً لنا،هي الاخف على نفوسنا.. -إيمان نبيل
