مرت الايام وعلي جزء من حياتي ويمكن اكبر جزء واني جزء من حياته
بس طبيعه علاقتنه ما چنه محدديها و هذا الشي كلش مريح نتعامل كالاصدقاء شقه وضحك وفضفضه بس نغار على بعض
ما نحكي رومانسيات
و ما بنسب بعض
دائماً سوا صح ضمن مجموعه ودائماً يقولون حيث ما تجد ياسمين تجد علي
بس موضوع مزعجني كون علي احلى من عندي لذلك لود البنات الي عليه اكثر
دائماً يجو يسالوه ع اشياء تافهه بحجج الدراسه من دفعتنا و الدفعه الاصغر
وفي وحده كلش تقربت منه لو بيدي احطها و اكتلها بس بيا حق
لبسي دا يصير اوفر ليش ؟؟؟
مو لان اريد الشباب يلتفتون الي بس اريده يغار و من البس فاضح ميتركني لوحدي ايد انتبهت على هالشي و استغليته فتره بس رجع يبتعد لان صار عادي ومرات يكون وي بنات او وي شباب اني معندي غير فطومه
ضجت لان هو اجتماعي و اني اكتفيت بس بيه
لذلك بديت اتعرف على بنات و شباب واحاول اصير اجتماعيه حتى ما انترك وحدي
وفعلاً اكتشبت اشخاص جدد بحياتي و علاقتي بيهم صارت قويه و اقضي اكثر وقتي وياهم و انشقيت عن الشله القديمه وقلت كعداتي ولقاءاتي بعلي وحچيي وياه وعلاقتنه فترت يمكن تكولون هاي تحچي ببرود ومهامها شي انتو شفتو شلون ذليت نفسي حتى اقترب اله الفت انتباهه اخليه يكتفي بيه وحدي بس ما كدرت احبه اي احبه وكولش هواي اعشقه عندي كم تسجيل صوتي اله من چنا نسولفزمسجلتهم وهو مايدري مانام اله عليهن احجي وي صورته گمت اتخيل مالي غير الخيال والوهم
فطومه وحسين واحد منشغل بالثاني كبل يصيحوني يمهم بس اني ارفض لان مياخذون راحتهم و اني انجرح من اسمع الناس يكولون حاطه خشمها بكل شي لذلك تركتهم على راحتهم ونجحنا للمرحله الثالثه وبالعطله حتى السلام الي كنت اسمعه من الصبح بطل يكون جزء من حياتي
اتعودت على بعده لا ؟
الي يحب مايخسر الي يحبه و مايكدر يحذفه لا من باله و لا من قلبه بس سوال بقلبي يگول هل علي يحبني يشتاقلي مثل ما اني احس اله ؟؟؟
# علي
اني مو اناني
اني العكس تماماً اني ما اهملت ياسمين ولا بطلت احبها اني اهملت نفسي وبطلت اعيش
عمري صغير على كل هذه المعاناه
ابتعدت عنها لان اكتشفت انو امي مصابه بسرطان الثدي و خضعت لعمليه استئصال وجلسات كيمياوي
امي كل حياتي امي كل روحي بها الدنيا من دونها ادمر اني فقدان ابويه الله يرحمه دمرني وماقويت نفسي اله علمودها
اذا فقدتها اني شلون رح عيش اني شلون رح دبر اموري ابچي بحظن منو
غير الشغل الي هلكني والدراسه وگلبي المشتاق الها لياسمين اني تعبت من حاله اني اسئل اني اسولف اني اتغزل
حالتي و وقتي چان كلش صعب ما كان معي اله ابن خالتي و حسن
حسن يدري بكل شي بيني وبين ياسمين صار و يدري بكل شي بحياتي
من دون علم دخل گلبي و بحت اله بكل شي
بس اصريت ما يگل لاي واحد
اني وياه نتشارك بصفه وحده انه اجتماعين بس بلا اصدقاء مقربين و لگينه بعض
ليالي سهرت واسابيع و اشهر يا شغل يادراسه يا بچي
اي اعترف بچيت وهواي بچيت على نفسي و الهم الي اني بيه
على دينا الي ما شافت من الدنيا شي ولا على بنيتها
على امي المريضه الي فنت عمرها النا ولابوي و ماشافت منه شي
طول تلك الفتره جنت اني اغسل ملابسي و اكويهم و انظف بالبيت وي خاله ام سيف
اساعد دينا ببنتها و اعتني بامي واروح للشغل
حياه متعبه بس ذوله الاشخاص الي يستحقون اقضى عمري وياهم عائلتي ممحتاج غير شخص
امي كانت تلح عليه ازوج اخطب استقر يا حبيبي واني اقتنعت بس يراد وقت اضبط اموري و اشوف بنت حلال
هذا مو بارت هذا تمهيد لطريقه سير الاحداث الي جاييه وسوري ع التاخير كلش سوري
ظروف و دراسه
YOU ARE READING
مجنونة بتعقل
Fanfictionقد يحمل المرء على عاتقة اعباءاً تافهه،و يظل مُعتقداً بأهمية ما يرهقهُ لوقتٍ طويل..قد يعلق بها وتعلق به..للحد الذي تحول بينه وبين رؤية ما هو مهمٌ فعلاً.. لطالما كانت اهم الامور،واكثرها نفعاً لنا،هي الاخف على نفوسنا.. -إيمان نبيل
