#ياسمين
خلصو جمعه و سبت بسرعه 😦 الأوقات الجميلة لا تدوم بس تف تف يمكن اتعس جمعه و خميس مرت طول حياتي الدراسية 12 سنه هاي
ما اعرف بالي مشوش . . . بدون سبب الكه نفسي اغوص بتفاصيلة . . . اصغر شي بيه حفظته ما اعرف ليش اسويله سكان بدون وعي . . . تعجبني ايماءاته وكونه حازم
ماعرفت منه شي بس احسة متزن عقلياً
ليش مرد على حسن ؟
يمكن لان رقم غريب
بس بعد كولشي هوه ولد
يمكن يخاف او ميحب واحد يتدخل بيه
ليش لابس اسود ؟ ليش شعره مكفش ؟ ممكن احد عزيز عليه توفى . . . ليش هو قليل كلام زين ليش ما حجه او حتى كل لصديقه . . .
هاي الاسئلة كان تفكيري محصور بيها طول هذني اليومين و نص و احوس حتى اعرف الإجابه رح احاول بطرقي و اذا مكدرت اسئل مباشرة لان محب اضل متحيرة 😴
لبست تنوره سوده بينص جوه الركبة بشوي وجواريب بيج شفافات و حذاء كعب بيج و قميص بيج و شال اسود و جنطة بيج . . .
ياسمين : صباح الخير . . .
سرى : منورتنا ع السفرة الاسبوع الي فات نشوفج بس عشا
حسن : شوفتها تسد النفس لذلك رحمتنا كم يوم رادتنا نتهنا و ناكل
أحمد : جب ولك هاي شمعه فكرنا اقصد بيتنا ياسه الحلوة 😢
امي : يلا عاد اكلو و فضوها ضوجتوها البنيه خوطية 😦 و تكولون ليش متاكل ويانه 😦 توكفون بالحلك عظمة
ابي : اعصابج أم حمودي . . . . القرده بهاي الطريقه تعبر عن حبها لبعض
أحمد : دمت لنا قاصفا ابي 😧
الواحد ما يتهنا ع السفرة لو عرك لو يحجون حالات طبيه غريبة تقرف . . . .
لو يحجون ماما وبابا عن اقارب ما نعرفهم احنه و جنه اطرش بالزفه
وصلنا للكلية . . . امشي مثل السلحفاة لا اوكع بالكعب اصير فلم . . . على ما وصلت للقاعه حسيتني متت الف مره 😦
وصلت للستيج علي موجود و مرتب اليوم خفف لحيته حدد حواجبه (راح للحافوفه 😂😂😂 ) و مشط شعرة لابس شيرت سبورت زيتوني و بنطرون اسود جينز و حذاء اسود ساعه فضي تجنن . . .
من شفت جمالة بالزيتوني قررت بعد ما البسه ليش احرج نفسي الي يوشف هاذ الحسن يباوعلي بعد 😦
ياسمين : السلام عليكم
علي : و عليكم السلام . . .
عشت 18 سنه بس محبيت سلام مثل هاذ احسه مؤثر اكثر من كلمه احبك 😢 و صادم أكثر من كلمة انت طالك 😴 ضلينا ساكتين لحد ما هو حجه
علي : شلونج ذاك اليوم جنتي تعبانة
اروح فدوة للقلقان . . . بيه كميه لطلطة مموجوده عد اكبر ملطلط شنو هاذ الزحف ياخي قرفت من نفسي بس عسل على قلبي عسل
YOU ARE READING
مجنونة بتعقل
Fanfictionقد يحمل المرء على عاتقة اعباءاً تافهه،و يظل مُعتقداً بأهمية ما يرهقهُ لوقتٍ طويل..قد يعلق بها وتعلق به..للحد الذي تحول بينه وبين رؤية ما هو مهمٌ فعلاً.. لطالما كانت اهم الامور،واكثرها نفعاً لنا،هي الاخف على نفوسنا.. -إيمان نبيل
