# ياسمين
وصلنا للبيت بعد ما اخذنه العشا
اكلت شوي بس حتى ما احسس البقيه بس حست اني عايشه وي اشخاص حافظين كل تصرفاتي صح اني نفسيه بس ولا مره كنت واصله لها الدرجه من الكآبه گلت نعسانه رحت غسلت اديه و نمت ع سرير ماما و بابا الي يسع خمس اشخاص بحجه اني تعبانه ومبيه حيل اصعد اجوي كلهم كعدو يمي و ضلو يسولفور ما انكر انهم شغلو بالي و ونسوني حيل بس خطيه وراهم دوام اني قررت اضرب الدوام عرض الحايط
ياسمين : سروش يلا انت حامل مو زين عليج تضلين گاعده هواي و حَمودي هم عدك خفر باجر لازم تنام و حسن دوام يلا كلمن لغرفته اريد انام
سرى : ماكو اني انام يمج 😭 ما اعيفج وحدج
احمد : اني ما افارك مرتي هم انام يمكم
حسن : اخاف انام وحدي بالطابق الثاني هم انام يمكم
هيح نمنه اربعتنه بسرير واحد حسن اني سرى احمد جانت نومه جميله 😂😂😂 محد نام شغلنه افلام كوميديه للصبح تونست و نسيت علتي يمكن ست افلام شفنه واحد وره اللخ بطني صدگ ضلت تاذيني بس من الضحك مو مرض
صارت سته الصبح كولها طشرت سرى صعدت نامت فوك بعد ماحضرتالهم ريوك و ودعت زوجها و حسن راح للدوام اثنينهم راحو تكسي لان ميتين نعاس و صيتهم على حلويات اكمل بيها السهره اليوم و هسه انام
#علي
فرحت من رجعت للبيت لان شكلها اذا ضلت رح تنخطب اليوم و تتزوج و تترقم مليون اذا مو مليار مره كياته كتله كياته ع جمال تجنن اي شكلها بديع مو احلى وحده بس حلوه و مرتبه و شخصيه مجتمعات سوه
حسيت اذيتها و من طلعت جانت تعرج متمشي عدل اني هم طلعت وره سيارتهم و نزلت يم نفس المطعم مريت يم السياره شفتها تبجي و صوتها جان طالع نكسر گلبي و كلش ضجت
دزيتلها رساله
" آسف ، الج شرف اني تره ما اعتذر "
مردت ساعه ساعتين لا نشرت ستوري وهيه تنشر هواي و لا حجت بالگروب ضل بالي نمت متأخر باجر وجهي حيكون ملعوب بيه لعب
كعدت كالعاده بالخمسه و نفس الروتين و كتبت الها
من تجين تلكيني انتظرج يم المسطبه الي اوگف يمها سيارتي رايدج بحجايتين
من كملت فتحت التلفون شفتها ما ردت رحت وتانيتها بنفس المكان الي اتفقت بيه وياها تاخرت كل يوم تجي هيج وقت تقريب ب 8 وخمسه
شفت حسن من بعيد و محاي بسيارته وهيه مو وياه
عصبت يعني شنو قصدها تعند وياي بسيطه
صعدت للمختبر گعدت وي فطوم
علي : ولج ام عيون متدرين ليش ست الحسن صاحبتج ممداومه
فاطمه : حبيبي عدل اسلوبك 🤨 مادري مترد عليه من امس و خابرت فونها مغلق و مسجله خروج من كلشي لان اخر ظهور بعيد حسن گال مريضه تعبانه لذلك ضلت بالبيت
YOU ARE READING
مجنونة بتعقل
Fanfictionقد يحمل المرء على عاتقة اعباءاً تافهه،و يظل مُعتقداً بأهمية ما يرهقهُ لوقتٍ طويل..قد يعلق بها وتعلق به..للحد الذي تحول بينه وبين رؤية ما هو مهمٌ فعلاً.. لطالما كانت اهم الامور،واكثرها نفعاً لنا،هي الاخف على نفوسنا.. -إيمان نبيل
