الهمجي المتخلف خرب أيامي و سببلي تعاسه لحياتي لمدة فضيعه 😴 ما عمري حقدت على شخص من أول يوم شفته بيه 😧 بس هذا غير
غير عن كل شخص سمعتوا بيه او شفتوه او جربتوه كل جزء من وجهه الابيض الجميل طولة الفارع ملابسه الماركه المكوية بكل اهتمام 😢 يصرخ اني نذل اني نذل لان اني نذل
من نرجع لأول يوم ما اكدر اقول ذلني و لا اني ذليته ما اعرف كنت معدومة الشعور كان كدام عيوني شي وحيد وهو طريقه اكتله بيها و ما ادخل السجن 😣
اجه حسن ورجعني 😧 طول الطريق ابجي 😭 و اكله اله اخذ بابا عليه اني اوريه كلب حقير حسن رفض يدخل و كذلك بابا ماما تضحك أحمد و زوجته كذلك الخطأ بيه ؟؟
كلها تكول تشيلين جنطتج و تمشين هيج مواقف عادي بالكلية هواي شوكلات مثله موجودة و أنت بنت و عيب طولتي لسانج 😧 اني حاجيته بالعيني و الاغاتي بس هم ما يقدرون
غبت يومين 😦 كل محاولاتهم بائت بالفشل
سحب اللحاف عن جسمي الصبح ما أثر حسن يشيلني يحبسني بالحمام من ابدل يلا يطلعني هم ما فاد جاموسه حشاكم جاموسه عندي عناد جاموسه اليوم قررت اروح لا تفوتني محاضرات هم ارسب بسببه تؤ عيني تؤ ماحزر 😦 رح اشوفه ايام سود
لبست 😧 بنطرون 90 اسود و شيرت مخطط ابيض و اسود طويل نسبيا و قطعه طويلة حطيتها بايدي مالبستها و حذاء اديداس اصلي ب 200 دولار مو حذائكم ابو 25 الف هذا اصلي من الي لبسه لي مين هو 😌 و جنطه ع الظهر و شال اسود
ياسمين : صباح الخير
امي : صباح النور خلصت العدة راح تطلعين من البيت بس ليش بعدج لابسة اسود
ياسمين : هيهيهيهي عود تحشش الحجية بعد لا تعيديها خوش 😧
حسن : أمي لا تحرجيها . . . زوجها الشهيد من الحشد المقدس . . . هي جهرتج مال واحد يلبس اسود
ياسمين : تسدون نفس الواحد من الصبح . . .
علي : ليش الأرملة السوداء ضايجه 😦 اخوها العود اليوم يبي يوصلها ب جارجر 😇 شتكول المليكاا
ياسمين :اغلس ع البدايه بس اروح وياك اخوي الصجي انته
سرى : مرض اغار
علي ( يبوس سرى على خدها ) : ديربالج علي
ابني
سرى : كبل جانت ديري بالج على روحج بعده ما اجه و غيركم عليه
كعد يتغزل بزوجته ساعه يلا طلعنا و بما انه سناكل هذا الغزل ينزل زقوم علينا شلنه بيه و صلت و حلت الكارثة . . . .
مسوين قرعه ع الستيجات و اني ما موجودة جنت 😦
شفت فاطمه واكفه يم الباب و كعدت اسولف وياها
ياسمين : هلاو
فاطمه : هلاو حب اراسلج ما تردين
ياسمين : ما عندي نت ( ربي سامحني كذبة بيضاء يارب لا تعكر صفو يومي اسفه صدك )
فاطمه : ياا خطيه
ياسمين : اي 😩 . . . المهم وين الستيج الي ما مأخوذ اريد اكعد
فاطمه : لا ليش مقعدج يمي 😇 سوينه قرعه رباعية كل اربعه سوه و سجلتج وياي و وي علاوي 😧
ياسمين : و منو هذا علاوي . . .
فاطمه : باعي للستيج الثاني جهة اليمين
ياسمين : اوك
( لا يا زمن 😧 آخر شخص اريد اشوفه راح يكابلني السنه كلها لا لا لا اكيد راح اخليه يشرد
و احنه نسولف كام حتى ياخذ سلفي وي صديقه هيه هاي الوجوه الجميلة و الملابس الرائعه المناسبه للصور صح اضوج منه بس ما انكر هو حلو
لابس تيشيرت ابيض و ستره رياضية بيضه و بيها خطين يم بعض واحد احمر و احد نيلي طوليا من كل جهه و جينز نيلي و حذاء أحمر و مسرفن الستره و الساعه حلوة 😦
رافع شعره و للمعلومه مو بس شعرة المرفوع هو هم رافع خشمه 😂😂
بدت المحاظرة رحت كعدت يمه و طلعت قلمي السوفت الوردي حتى اكتب الاشياء المهمه صح استنساخ بس ما اركز و افهم اله اذا اكتب حتى لو اشخبط المهم بيدي قلم
فتحته و بدون قصد ابد بدون قصده حطيته يم ملابس علي و بدون قصد تلف قميصه وهو ما مركز هلى الي يصير ابدا
قوه القلم السوفت فضيعه ياجماعه صارت بقعه ورديه تكبر و تكبر هو منتبه وي الدكتور و اني ابتسامتي تتسع على وضعه التعبان . . .
خلصت محاضرة رحت للنادي اشوف حسن دازلي رساله انو محظرلي اكل رحت وي فطوم اعرف هو شوي طاكات فيوزه ع شوفتها لان سولفت له عن جمالها
حسن : وج عوبه . . . .
ياسمين : نعم
حسن ( ماجان منتبه لفطومه فنجرج كلش ) : السلام عليكم هذه بيتزا اكلو اني رايح
ياسمين : مشكور توكل ع الله روح ( عباله اكله ضل 😂😂 )
فاطمه : العفو عيني هذه بيتزا مالتك تفضل اكل عادي مصار شي
ياسمين : هم صدك اكعد ( خربت عليه المؤدبة . . )
. ضلو اثنينهم ساكتين منحرجين و اني ساكته احجي محد يرد عليه ما مجربين شعور تحس نفسك كلب ينبح محد يرد عليه
رجعنا متأخرين نركض كعدت عزاا بارد هااي شنو 😦 جافي مي الحقير مكاني مبلل 😦 هسه شلون لابيه اكوم مبلله و كلها تشوفني و لابيه اكعد اتبلل أكثر 😦 هسه الي يشوفها يكول محاظره انحصرت و سوتها على نفسها هسه شلون يا ربي 😵
بارد كلش محب اكون مبللة 😦
ياسمين : فطوم مكاني مبلل 😦
فاطمه : صبري بعدين نشوف شنسوي اريد اركز
هذه دكت بيه الناقصه
تنوية : المحادثة التالية كلها كتابة
علي كتب ع ورقة : حيل ارد الصاع صاعين . . . مبلله نفسج . . . .
رديت عليه كتابه : و لا بقعه وردي على قميصي . . . و عندي ستره و حنشوف منو يفوز
خلص بارت اليوم
حبيتو علي ؟
رايكم ؟
ب ياسمين
حسن
احمد
القصه ككل حلوة لو بايخه ؟
تريدون كله ياسمين تسولف لو حتى علوش
YOU ARE READING
مجنونة بتعقل
Fanfictionقد يحمل المرء على عاتقة اعباءاً تافهه،و يظل مُعتقداً بأهمية ما يرهقهُ لوقتٍ طويل..قد يعلق بها وتعلق به..للحد الذي تحول بينه وبين رؤية ما هو مهمٌ فعلاً.. لطالما كانت اهم الامور،واكثرها نفعاً لنا،هي الاخف على نفوسنا.. -إيمان نبيل
