أنا البكماء

الحلقه40

اميره : لامقبلت تاكول طلعت بالحديقه تنظرك كالت

بهاء : انطيني من يمج هذا الصمون خلي اسويله لفه واروح انطهيااا

اميره : هاك هاي صمونه بس بهاء حبيبي خليك حذر  وياها

بهاء ومدنك على صمونه يفتح بيها : شلون يعني مفتهمت قصدج

اميره :  يعني اقصد لا تحوم على البنيه وتتعلق بيها  وتنسى ماما  لانو داشوف عيونك تلمع من اشوفها وخوفك وهتمامك بيه هذا يدل على اعجابك مو لو مو مو  فاانتبهه لاتوكع مدامك باول الطريق

بهاء كام  اخذ كوب الجاي باوعلها مبتسم  : يمعوده   وكعت ورحت  شتحجين انتي  (عافها ورح )

اميره : يااااااا عزه راحت بيه طيبه والله تنجلط اذا سمعت بيه هنوب ابنها ورجله  هله هله

لجين  كاعده بالحديقه خاله ايدي على خدي وصافنه عيني على الورد الجوري   ومن البارحه مانمت بالي مشغول بعصام  اريد انتقم منه اريد احرك كلبه مثل مادمرني

بهاء تقرب اله يغني  : شعندج صافنه يبنيه وايدج على الخد جنج عاشكه وبالج احد

لجين عدلت كعدته ابتسامه مصطنعه  : لامصافنه بس بالي يم ماما

بهاء : هاج اخذي اتريكي  واشربي الجاي  قبل لايبرد

لجين : لااا مااريد ماشهتي

بهاء : لا مو بكيفج تردين يلا هاج اكلي بسرعه حتى انروح 

لجين : بهاء والله مامشتهيه مااريد

بهاء : والله شوفي اذا متاكلين هسه اخابر خاله ليليان وكوله تعاي شوفي  بنتج كاعده ومتكأبه ومتاكل عاد هي تصرف وياج 

لجين : لالا لادكول الماما (اخذت كوب الجاي والفه ) حتريك خلاص

بهاء وخشن صوته يحاول يضحكها : نسوان اله بالتهديد  يلا تسمع الكلمه

اميره : يلا اني رايحه بهاء لاتتأخر  عدنه الجتماع اليوم

بهاء : ماشي بس اوصل لجين واجي  وخابري ماما لاتنسين ترا هي من غير شي ضايجه هنوب منسأل عنه غيره تنفجر علينه

اميره :ضحكت ماشي هسه حخابرها  يلا باي

لجين : الله معاج

دقايق وطلعنه وراها  كالعاده وصلني بهاء وراح مستعجل

ريحانه : ها لجين صباح الخير

لجين : صباح النوغ (النور) شبيج شو ضايجه

ريحانه : يعني اني جايه من الصبح مصلوبه هنا  علمود اشوف بهاء واروح احجي ويا تالي بس تنزلين يشحط السياره ويطلع كبل

لجين : ضحكت عود صدك تحجين واكفه منتظرته

ريحانه : اي والله 

دره : خرب حظنه اني وريحانه ماعدنه حظ بالحب اني احب استاذ علي الي مامعبرني ولا حتى حاس بيه  وريحانه  حبتله واحد على ريحه حيل وياج خو طلع كبل وعافج وضحكت

لجين وهي تضحك : ولج خطيه ليش تشمتين بيها 

دره : اي حقج مشفتيها اسوت بالخط جابتنه من الصبح وثبرتنه  يلا ما يلا

ريحانه : انجبي دره وسكتي عني ترا طنكرت

لجين ودره يضحكن  (بهاي الثناء اجه استاذ علي )
اتقرب صوبهن  

دره : اششش ولكم اجه الحب مالي

لجين :  باوعته ودنكت

ريحانه دره صباح الخير استاذ

علي رفع حاجبه وعينه على لجين خازرها :  ليش واكفات بشارع تضحكن وهاي السيارت بشارع ماره . ودوريه الشرطه عينه عليكم مو عيب لوووو عاادي عدكم

دره : العفو استاذ هسه وصلنه

ريحانه : ماقصدين شي والله  (جرت دره من ايدها وراحن)

لجين باوعته صارت عينه بعيونه حجت بعصبيه  : اولا انت مالك علاقه ....

علي قطع كلامه : شلوت مالي علاقه اني استاذج وهذا واجبي احرص عليكم

لجين : اسمعني ياحريص انت استاذي
بدخل القاعه بس
اما هنا انت رجل غريب مالك حق تدخل
وثانيآ بالنسبه الي اعرف العيب كولش زين موو (سكتت ثواني) انت تعلمنيا واضح

علي صل على اسنانه ويحجي من بينهن : لجين انتي شلون تجرئين تحجين وياي  احسابج وياي عسير

لجين : لا تهدد تره ماعندي شي اخسره شسوي سوي ايدك وماطول

بهاء رجع وصاح بصوت مفجوع  :-  لجيييين

لجين  اندرت عليه هذا شرجعه مو عنده اجتماع

بهاء تقربله العيون حمر  ودموعه على خده

لجين : شكو شبيك صاير شي

بهاء : ولج لجين بابا  وخاله ليليان سووو حادث وراحوو وخله ايده على وجهه ويبجي

لجين : لااااا لاااااا  اكيد تشاقه  (نزلت  ادينه ب ) شوباوعلي حاحجيني  يعني شنو  تقصد ماما ماتت

بهاء هز راسه ويبجي 

لجين كعدت بالكاع وصرخت لااااااااااا ماماااااااااااااا

يتبع

الى  هنا  اتركم  مع نهايه الجزء الاول من روايه
انا البكماء
الى القاء انتظرو عودتي مع الجزء الثاني وحداث جديده ومشوقه  قريبآ
(بعد مااسوي عمليه االبني ارجع ان شاءالله )
اشكر سعه صدوركم وتحملكم التأخيري واتمنى مااكون ازعجت احد تحياتي الكم اختكم دلال ❤❤